المساعد الشخصي الرقمي

مشاهدة النسخة كاملة : فلان بن فلان غادي ............................. حله ( عابر الموج ) .. الحل ( الوسم )


ذيب الفقارة
31/01/2013, 02:14 PM
هذا لغز قديم وعسى ما يكون مكرر هنا


أنشدك عن راعي رعية=دايم في مثانيها ينادي
وان جا ديرة خلية=قال فلان بن فلان غادي
برج الابراج
31/01/2013, 03:23 PM
صح السانك القيسيه ولا البومه

البارحه ياكحيل ياحييل اباالحيل=ابلاش ماليبه بلامي بشره
غديت مثل مدوه الرجم بااليل=ذلول ضيف اوضيعتهاالمغره

برج الابراج
ذيب الفقارة
01/02/2013, 02:39 PM
هلا بالغالي برج الابراج

للأسف الرمعة ما صادت

ننتظر مرماعك القادم

تحياتي وتقديري
رحال و مسافر
01/02/2013, 03:51 PM
صح لسانك يابو عدنان
يكون ( حارس المدرسه )
كل الوددد والتقديررر
في أمان الله
راعي العجراء
01/02/2013, 04:52 PM
صح السانك ياذيب القفاره
ويالله حيوه
ماهو الامام والعد بالمساجد
دمت بخير
ذيب الفقارة
01/02/2013, 11:19 PM
حياك الله أخوي رحال ومسافر

الرمعة كفكرة جيدة

لكنها بعيدة نوعاما

تحياتي وتقديري
ذيب الفقارة
01/02/2013, 11:23 PM
هلا والله براعي العجراء

يعني إنت مانسيت العد في المساجد ( التحضير )

على كل حال الشياب لهم فيه دراية

ننتظر الرمعة القادمة

تحياتي وتقديري
عطري
02/02/2013, 10:41 AM
صبحك الله بالخير أبا عدنان
صح لسانك
مرور سلام و تقدير ، لا عدمناك.
ناصر العلي
02/02/2013, 12:28 PM
سلمت ياأبوعدنان
وصح لسانك
ويش قولك بـ
كابتن الطائرة
ذيب الفقارة
02/02/2013, 01:10 PM
الله يصبحك أخوي عطري بكل خير

مرورك أسعدني

لا تخصص ولا شيء

كل ما في الأمر هو توفيق من الله سبحانه وتعالى

تحياتي وتقديري
ذيب الفقارة
02/02/2013, 01:39 PM
الله يسلمك دكتورنا الغالي

رمعة طيبة من طيب لكن لغزنا بعيد شوي وموغل في القدم

تحياتي وتقديري
ابوماريا
02/02/2013, 02:26 PM
صح السانك ياذيب الفقارة
وبيض الله وجهك يالغالي

مرور تقدير وجاري التفكير
ذيب الفقارة
02/02/2013, 03:03 PM
الله يسلمك أخوي أبو فايز

مرورك أسعدني

تحياتي وتقديري أخي الغالي
عطري
03/02/2013, 10:13 AM
صبحك و مساك الله بالخير أبا عدنان


طرا لي الذي يُسمَّى (فرقنا) بائع متجول ،ما أدري إن كان له أسماء أخرى؟
ال-رايق
03/02/2013, 10:13 PM
صح لسانك عدد من قال صح
يابو عدنان
والله يسلمك على القديم الحلو
وعز الله انك بهالتخصص توسع الصدر على الاقل انت تعترف بانك تعرف القديم لكن غيرك وهو يعرف نفسه صاير يتمسمس ويتشبب ويعني اني شباب.
على العموم اللغز ابرمعه/
الجمّال مثل/العقيلات
المندوب/المرسول يوصل البريد اول
الشاوي للجواله اول
واسمح لي ضغطت الزناد وصار على التماتيك:D
ابوماريا
03/02/2013, 10:24 PM
وظيفة قديمة يقالها

منادي القرية
ذيب الفقارة
03/02/2013, 11:22 PM
حياك الله أخوي عطري

للأسف الرمعة ما صادت

ننتظر مرماعك القادم

تحياتي وتقديري
ذيب الفقارة
03/02/2013, 11:28 PM
هلا باخوي الرايق

أقول الله يرضى عليك لا يسمعونك الجماعة وتسير الهوشة عندنا

والله يمزعونا ما نقدر نفكك بينهم

الرمعة في الاتجاه القريب من الصحيح

لكن ما بعد صدته

ننتظر القاتلة

تحياتي وتقديري
ذيب الفقارة
03/02/2013, 11:33 PM
هلا بالغالي أبو فايز

الرمعة للأسف ما صادت

ننتظر القادمة

تحياتي وتقديري
ال-رايق
04/02/2013, 01:39 AM
هلا ببوعدنان
من جديد
-----------
ههههههههه
حلوه يمزعونا/لكن ماعلينا منهم ,,ابشرك فينا رشاقه ونقدرك نطوف عليهم :burnout2:..اهم شي لايمسكون الواحد ثم تصير مسكة الاعمى لمدري وش اسمها :D
=========
وش رايك بالـــ/
الدليله او عقيد القوم
وقصاص الثر
-----------------
تحياتي
رحال و مسافر
05/02/2013, 12:47 AM
يصبحك بالخير يابوعدنان
رمتين ونأسف للإطالة

"المسحراتي أو المسحر"
هي مهنة يطلقها المسلمون على الشخص الذي يوقظ المسلمين في ليل شهر رمضان لتناول وجبة السحور.


"رجل العسة"
ذلك الرجل المهيب بهيئته ورخامة صوته، يصحو عندما ينام الحي ويظل مستيقظاً طوال الليل يحرس المنازل والأسواق والممتلكات الأخرى، يجوب الشوارع، ويحمل في يده اليمنى عصاً غليظة، وفي الأُخرى كشّافاً ليلياً يحاول أن يقتصر ما أمكن في استخدامه لتوفير طاقة "الأحجار" أو البطاريات الجافة، ويعلق في رقبته "صفارة" ينفخ فيها ملء رئتيه عند رؤية أي حركة، وتظل طوال الليل لا ينقطع صفيرها هنا وهناك معلنةً عن وجوده المستمر واستيقاظه الدائم، ولتمنح سكان الحي الذين ألفوا صوتها مزيداً من الطمأنينة والسكينة.
كل الوددد و التقديررر
ذيب الفقارة
06/02/2013, 10:28 AM
هلا بحبيبنا الغالي الرايق

للأسف الرمعة ما صابت

وأعتذر على تأخري في الرد بسبب بعض المشاغل ( الربيعية )

تحياتي وتقديري
ذيب الفقارة
06/02/2013, 10:31 AM
يا صباح النور والسرور أخوي الغالي رحال ومسافر

للأسف الرمعتين ما صابن الهدف

لكن حصلت الفائدة من المعلومات التي أوردتها

تحياتي وتقديري
النبهاني
06/02/2013, 11:06 AM
صح لسانك يابو عدنان
يمكن
الشيء الضايع اذا لقيته تنوه عنه حول وان مالقيت راعيه يصير ملكك
ذيب الفقارة
06/02/2013, 11:09 AM
هلا باخوي النبهاني

شايفك صرت تحوم بالقرب من ها المسيكين

لو تعمقت شوي كان ذبحته

تحياتي وتقديري
ذيب الفقارة
09/02/2013, 12:29 PM
هذا اللغز سبق وأن طرح ولكن بأساليب أخرى وتم حله


وهو سهل جدا جدا والجميع يعرفه
ناصر العلي
09/02/2013, 04:39 PM
نعاود المحاولة يالغالي
ونرمع على رمعة الغالي أبوسالم
مايصير
اللغز وراعيه
ذيب الفقارة
09/02/2013, 10:18 PM
عميدنا الغالي

رمعة جميلة جدا

لكن لغزنا يبان فالخلاء أكثر

عندنا في السعودية معروف وموجود بكثرة

الجميع في خيمة الألغاز يعرفة

في الجنوب الإفريقي يستعمل بشكل أوسع ( يعني يشمل أشياء أخرى زيادة على مايشمله عندنا )

تحياتي وتقديري
عابر الموج
10/02/2013, 12:28 AM
شكرا لك على اللغز مايكون الوبر اوالمخيول على صفة رجال يضعونه عند الغنم على انه انسان لطرد الحيوانات المفترسه عن القطيع تقبل تحياتي
عامر الروقي
10/02/2013, 01:12 AM
ابوعدنان
صح لسانك على نظم اللغز وبيض الله وجهك
وش رايك
الجرس في المرياع
ذيب الفقارة
10/02/2013, 07:37 AM
هلا بالغالي عابر الموج

إتجاه سليم لكن بعيد شوي

تحياتي
ذيب الفقارة
10/02/2013, 07:41 AM
حياك الله أخوي عامر الروقي

حتى الآن رمعة أبو سالم هي الأقرب تليها رمعة أخونا عابر الموج

طبعا بحكم الاتجاه لكن بعيد شوي

تحياتي وتقديري
عابر الموج
10/02/2013, 09:59 AM
طيب الوسم الذي يوضع على الابل او الغنم
ذيب الفقارة
10/02/2013, 02:49 PM
كفوووووووووو كفوووووووووووووووو كفووووووووووووو

عابر الموج

نعم الحل الوسم

فمن يشاهد جملا ضائعا في الخلاء ويعرف الوسم يتعرف على صاحبه بسهولة

فمثلا في الصورة التلية :

الثلاث المطارق علامة القبيلة ..... والوحدة على العضد شاهد ويدل أيضا على الفخذ
أما النجمة ( الردعة ) فتدل على الشخص صاحب الجمل وذلك حسب موقعها

ولاحظ تغيرها في الصورة الثانية لأن الجمل الأول للأب والثاني لابنه

http://www14.0zz0.com/2013/02/10/11/427459704.jpg

http://www14.0zz0.com/2013/02/10/11/980431179.jpg