ددسن 2005 مشكلة إن شاء الله بسيطة

[arar city]

السلام عليكم ورحمة الله وبركاته

أسعد الله صباحكم ومسائكم بكل خير


يا اعضاء مكشات عندي مشكلة ولاني عارف هي طبيعية او لا

المهم معي ددسن 2005 حرارة السيارة طبعا عند الخط الثاني

مثل مو موضح بالصورة اللي عليه الدائره


http://store2.up-00.com/Nov12/1TL98696.jpg


واتوقع كذا طبيعية ولكن المشكلة اني اذا مشيت عالسياره و وقفت بأي مكان وطفيتها مدة دقيقه او دقيقتين ارجع اشغلها القى الامبير يرتفع تقريبا تحت النص بشوي

ومن امشي ينزل شوي شوي ولا كأنه صار شي

وهاذي المشكلة جزاكم الله خير

اللي عنده علم يفدنا

:good2:

[الحيسوني-]

طبيعي ميه بالميه معي ددسن 2008 كذا
لا كن ما عندي تفسير لها

[arar city]

المشكلة اخاف انها تضر بالماكينة ولا المشكلة من شريت السياره وهي معي صار لها فوق 6 شهور والحمد لله ما اشتكي من شي بس قلت يمكن لها حل

[الحيسوني-]

لا ماعليك واذا ماتبغها ترتفع لا تطفي السيارة على طول اذا جيت من مشوار بعيد او كنت شاد على السيارة خلها كم دقيقه ٣ او ٥ دقايق وان شاء الله ماترتفع


الرديتر عندك حق الوكالة ألمنيوم او نحاس ؟؟؟

[بخيت الدوسري]

كانت بموتر عندي قبل فترة وعادية جدا وبعد ماغيرت تماتيك المروحه وعبيت ماء تويوتا اصلي ماشاء الله تبارك الرحمن خفت شوي عن اول

[arar city]

لا ماعليك واذا ماتبغها ترتفع لا تطفي السيارة على طول اذا جيت من مشوار بعيد او كنت شاد على السيارة خلها كم دقيقه ٣ او ٥ دقايق وان شاء الله ماترتفع


الرديتر عندك حق الوكالة ألمنيوم او نحاس ؟؟؟


والله اني مدري ولكن بشوفه ان شاء الله

[arar city]

كانت بموتر عندي قبل فترة وعادية جدا وبعد ماغيرت تماتيك المروحه وعبيت ماء تويوتا اصلي ماشاء الله تبارك الرحمن خفت شوي عن اول


عندي صوت المروحة اذا ماسك خط كانك حاشر السياره والي الان ماغيرت التماتيك واكثر من واحد قال لي غير التماتيك ويروح الصوت ويمكن مشكلة الحراره من نفس السالفة كل شي جايز

[sgl2002]

لاتلعب بموترك

هذي بجميع المواتر

لانك اذا طفيت يروح الماء الحار للحساس ولاعاد فيه شي يبرده

لكن اول ماتشغل يبدا التبريد فتشوف الحرارة تكون مرتفعه ثم تنزل بسرعه

[السامي2011]

طبيعي جدا جدا لا تتعبث بالموتر

[وطن العزة]

لاتلعب بموترك

هذي بجميع المواتر

لانك اذا طفيت يروح الماء الحار للحساس ولاعاد فيه شي يبرده

لكن اول ماتشغل يبدا التبريد فتشوف الحرارة تكون مرتفعه ثم تنزل بسرعه

كلام سلييييييم 100%


و كلتش المروحه(التماتيك) بالنسبة للددسن من واقع تجربة وعيش وملح بيننا :D

اذا كان سليم والموتر ما يشكي من حراره أبدا :

1- يفصل مع المشي العادي يعني بدون ماتحشرها بالنمر من 80-120 .
2- بالشتاء يفصل اذا دفا الموتر وانت تسخنه .
3- اذا حشرته بنمره إلى الأخير يفصل .

اما اذا ما فصلت المروحه وبقت شابكه طووووول الوقت حتى مع السرعات العالية والموتر ما فيه

حراره أبدا فالخلل عندك من الكلتش (تماتيك المروحه) مجيم



أخيرا اذا نويت تغيره لا تركب إلا الأصلي سعره يتراوح من 240-350

من الوكاله او موزع معتمد شرط ما يكون مخزن قديم وناشف زيته وقد صارت معي

[ls1.5700]

طيب غير غطاء الاديتر قد تكون المشكله منه
جرب مايكلفك كثير او شوف واحد من ربعك وخذ غطاء موتره وجرب
ان نفع ماضر

[arar city]

لا بالله خلاص اقنعوني الربع ومثل ماقالو اذا طفت يرتفع الامبير ومايمديك تشغل وتمشي 15 ثانية يرجع ينزل طبيعي

بس ابسوي تماتيك المروحة لآنها ماتفصل نهائي مع الخط كأنك حاشر السياره ...