فايز العامر
02/02/2013, 09:31 PM
بسم الله الرحمن الرحيم
سيارتي جيب لاند كروزر جي إكس 2007 GX حصل له صوت ونّة قبل حوالي شهر خصوصاً إذا تعديت الـ140 ثم زاد الصوت وصار يجي على الـ120 معه شوي رجه، ولا أدري وش السالفة.
رحت لميزان أعرفه ويشتغل بذمّة وفحص السيارة وقال رمانات الكفرات سليمة والعمود مايظهر لي شي، فيه، تركته ورحت لمركز متخصص (من جنبها) وقلت له المشكلة وقال حنا مشغولين الحين لكن رح للورشة الفلانية وعندهم واحد متخصص فيها، قلت طيب هالمشكلة وشي؟ قال هذي الكرونة وتصليحها يكلفك حوالي 5000 على الأقل طبعاً تغيير !! ضاق صدري ومشيت.
جيت الورشة اللي ذكر لي، قال نفحص السيارة بـ50 ريال وإذا طلعنا المشكلة وصلحناها لك ولاصلحت السيارة فنرجع لك فلوسك وقيمة قطع الغيار (واثق)، قلت طيب، رحنا ودعست على الجيب وسمع الصوت قال: بس بس ارجع عرفت المشكلة. وحنا راجعين قال هذا العمود يبي له تغيير، قلت والكرونة؟ قال سليمة ولا فيها مشكلة لكن العمود يكلفك حوالي 2000 ريال!! وتحتاج شغل يوم كامل!!.
المهم نزلته قبل يكمل فحص السيارة من تحت، ورحت للصناعية القديمة، وجيت ورشة متخصصين بالعمود والدبل والقير، ورشة صغيرة ماتكفي ثلاث سيارات، فحص العمود وقال يحتاج تغيير وعلى الضمان وسبب المشكلة أنك مشيت عليه وقت طويل بدون شحم!! المهم غير العمود مع الضمان بـ450 ريال فقط وخلال نصف ساعة فقط.. واختفى الصوت وراحت الرجة .. ورجعت السيارة طبيعية ولله الحمد ..
تجربة أحببت نقلها لكم لأن جميع الورشة اللي جيتهم قالوا لي أنها مشكلة مشهورة باللاندكروزر وقلت أطرح تجربتي حتى لايقع أحد بالنصب والاحتيال.
أبو يوسف
Twitter: @abuyousef9
سيارتي جيب لاند كروزر جي إكس 2007 GX حصل له صوت ونّة قبل حوالي شهر خصوصاً إذا تعديت الـ140 ثم زاد الصوت وصار يجي على الـ120 معه شوي رجه، ولا أدري وش السالفة.
رحت لميزان أعرفه ويشتغل بذمّة وفحص السيارة وقال رمانات الكفرات سليمة والعمود مايظهر لي شي، فيه، تركته ورحت لمركز متخصص (من جنبها) وقلت له المشكلة وقال حنا مشغولين الحين لكن رح للورشة الفلانية وعندهم واحد متخصص فيها، قلت طيب هالمشكلة وشي؟ قال هذي الكرونة وتصليحها يكلفك حوالي 5000 على الأقل طبعاً تغيير !! ضاق صدري ومشيت.
جيت الورشة اللي ذكر لي، قال نفحص السيارة بـ50 ريال وإذا طلعنا المشكلة وصلحناها لك ولاصلحت السيارة فنرجع لك فلوسك وقيمة قطع الغيار (واثق)، قلت طيب، رحنا ودعست على الجيب وسمع الصوت قال: بس بس ارجع عرفت المشكلة. وحنا راجعين قال هذا العمود يبي له تغيير، قلت والكرونة؟ قال سليمة ولا فيها مشكلة لكن العمود يكلفك حوالي 2000 ريال!! وتحتاج شغل يوم كامل!!.
المهم نزلته قبل يكمل فحص السيارة من تحت، ورحت للصناعية القديمة، وجيت ورشة متخصصين بالعمود والدبل والقير، ورشة صغيرة ماتكفي ثلاث سيارات، فحص العمود وقال يحتاج تغيير وعلى الضمان وسبب المشكلة أنك مشيت عليه وقت طويل بدون شحم!! المهم غير العمود مع الضمان بـ450 ريال فقط وخلال نصف ساعة فقط.. واختفى الصوت وراحت الرجة .. ورجعت السيارة طبيعية ولله الحمد ..
تجربة أحببت نقلها لكم لأن جميع الورشة اللي جيتهم قالوا لي أنها مشكلة مشهورة باللاندكروزر وقلت أطرح تجربتي حتى لايقع أحد بالنصب والاحتيال.
أبو يوسف
Twitter: @abuyousef9