المساعد الشخصي الرقمي

مشاهدة النسخة كاملة : الفزعة يا اخوان مكينة الباثفندر خبطت


Abu muhnnad
02/02/2013, 09:57 PM
السلام عليكم ورحمة الله وبركاته


يالربع شريت باثفندر 2003 وفحصت محركاته وبوديه كلها تمام ونسبة المكينة طلعت 87 ٪ الوكاد طلعت الموتر ومسكت خط وبعد ما مشيت تقريباً 400 كيلو ولعت لمبة الزيت وقفت على طول وعايرت الزيت عقب برد الموتر الا عياره تمام توكلت على الله ودقيت سلف لكن ما اسرعت صرت امشي 120 بالكثير ولمبة الزيت مرة تولع ومرة تطفي قلت هذي شغلة كهرباء ، يوم وصلت للديرة والا اسمع صوت مع دعستي على البنزين مثل صوت شكمان الجموس القديمة لكنه ماهو بقوي بالحيل ولا يبان صوته الا مع المشي ، وديته لمكانيكي اليوم وطلع معي وسمع الصوت وعلى طول قالي هذا صوت بالمكينة واحتمال ذراع البستم رجعنا للورشة وفك الكبوت ودعست بنزين وقال هذا صوت ذراع البستم مية بالمية ويبي لها توضيب والافضل تشتري مكينة لان التوضيب ما اضمنه لك

يالربع افيدونا الله يرحم والديكم والله انها قفلت معي وشلون افحص على الموتر وعلى مكينته والفحص يقول انها نظيفة ويطلع ذراع البستم رايحن فيها؟

واذا فعلاً ذراع البستم هو اللي خربان ماينفع اغير الذراع بدون توضيب كامل.

تكفون يالربع اللي عنده خبرة يفيدنا.
رادار الشمال
02/02/2013, 10:05 PM
صارت معي سالفه تشابه لسالفتك

صار معي صوت قروشه داخل الكبوت ورحت لعدة ورش وكل واحد يقول المشكلة بمكان ماهم متفقين ع شئ

المهم في واحد خبير ومشهور بالعويقيلة قال الصوت عندك بالجنزير والسبب طرمبة الزيت خربانه

والحمد لله ضبطها لي


ومره صارت مشكلة وعدة ورش اختلفو وين السبب ورحت لكهربائي نادر وجود شخص كخبرته في العالم

وقال الصوت بمكرات المكينه وضبطها لي

لذلك انا ابي افيدك انك تروح لورش ثانيه والافضل فحص كمبيوتر ولاتعتمد على اي كلمة من اي ورشه لانهم يبون يدوخون راسك ويخسرونك


تحياتي
Abu muhnnad
02/02/2013, 10:17 PM
طول الله عمرك يابرق وبيض الله وجهك على ردك السريع.

لكن انا اللي مخوفني وانا اخوك لمبة الزيت يوم ولعت؟

خوفي ان الطرمبة ماترفع زيت وانعدم ذراع البستم.
sgl2002
02/02/2013, 11:01 PM
لمبة الزيت تولع يا من الطرمبة حقت الزيت او السيفون اذا ماكان اصلي

وانت غلطت يوم مشيت وانت تشوف لمبة الزيت تولع
Abu muhnnad
02/02/2013, 11:25 PM
يعطيك العافية يا غالي والسيفون اصلي تراه والعالم الله انها من طرمبة الزيت

السؤال الحين ماينفع اغير ذراع البستم وتنتهي المشكلة؟
Abu muhnnad
03/02/2013, 05:24 PM
يا غوالي استفسار طرمبة الزيت في الباثفندر تتغير؟

وهل خراباته واجد؟

واذا فيه احد غيرها يعلمنا كم كلفته؟


والله يرحم والديكم جميع.
المرتهي
03/02/2013, 10:54 PM
ماتشوف شر اخوي ابو مهند

بالنسبة لطرمبة تتغير وسعرها اتوقع مايتعداء 350

انا قبل فترة خربت عندي وطلع صوت سبايك ووديتهاء للورشة وغيرت كل شي داخل الماكينة

كل الورش بتقول لك لازم توظيب كامل

ولاكن اذا حاس ان الماكينة مافيهاء الا خراب بسيط والله انصحك

تقول للميكانيكي يفك الماكينة وينثرها قدامك وتشوف الي متضرر وتغيره بقطع اصلية

وينظف الماكينة من داخل ويركب القطع ويركب الماكينة

انا طقت براسي قلت باغير كل شي كلفتني تقريبا 7000

اذا انت من الرياض ارسلي على الخاص قبل تدخل السيارة للورشة

اتمنى لك التوفيق
Abu muhnnad
04/02/2013, 01:58 AM
الشر ما يجيك والله لا يهينك يالمرتهي وبالنسبة للخاص ما اقدر ارسلك مشاركاتي اقل من ٥٠ واذا بتفيدني بخبرتك بخصوص التوضيب ياليت ترسل رقمك والا ايميلك على الخاص وانا بتواصل معك.

بالنسبة للمكينة نظيفة وانا ماخذت الموتر الا عقب ما فحصت وجربت الموتر وطلع معي مختص ولا ذكر لي فيها شي وقبل تولع علي لمبة الزيت حس المكينة والا اروع وعزمها ممتاز وحتى بعد ما صار اللي صار صوت المكينة والسيارة واقفة ناعم وهادي.

اليوم رحت لورشة ثانية ومن حين سمعوا الصوت قالوا هذا صوت عمود الكرنك ويا توضب والا تغير مكينة! والتوضيب بيكلفك مابين ١٠ إلى ١١ ألف. !!

معقولة توصل ل هالمبلغ؟

الحمد لله على كل حال.
المرتهي
04/02/2013, 02:26 AM
لك رسالة على الخاص
كديان
04/02/2013, 03:35 AM
ببريدة بالتشاليح ع حسب نظافته و موديل تقريبا راكبه ب7500
توضيب ورش ع الشرط تقص 7000
مع احد الربع م2003 له حول السنة المكينة له صوت مثل الخرفشه و تاركه
ابوسليمان12
04/02/2013, 06:45 AM
فر من الباثفندر فرارك من الاسد اسوأ موتر مر علي الله لا يعيده
Abu muhnnad
04/02/2013, 07:37 AM
الله يعطيكم العافية جميع

والله لا يخسركم في حلالكم.
هملول السحاب
06/02/2013, 01:15 PM
اخوي ابو مهند الله يعوض عليك ويريك مكروه ولاحول ولا قوة الا بالله

بالنسبة للمكينة اذا متأكد انها مخبطة انصحك تركب مكينة ثانية وتكون استعمال اليابان او امريكا لان التوظيب صعب يضبط والخليجي يجي موضب جاهز وماتضمنه يمكن 6 شهور وتبدأ مشاكله.

الاخ ابو سليمان بارك الله فيك على نصيحتك واخونا ابو مهند يبي نصيحه للمكينة ماهو عن السيارة كامله والسيارات وانا اخوك حظوظ يمكن ماضبط معاك الباث فندر بس مع غيرك شغال كويس وممتاز وانا احترم رأيك لكن الباث فندر موتر خدوم ولايطلب قطع واجد ويكفيك انه نيسان ياباني اصلي ماهو انتاج نيوزلندا ولا استراليا.
على رمشي تمشي
06/02/2013, 01:21 PM
ابدأ بالسهل قبل لا توضب - غير الطرمبة وجرب وشف ومافيه شي مايتغير تتغير - احتمال منها لانها ماتدفع الزيت وعشان كذا تطلع صوت لان البساتم مايوصلها الزيت - والله يسهل آمرك
إبو محمد
12/02/2013, 07:36 PM
الله يعوض عليك اخوي
انصحك اذا عامود الكرنك متاثر فافضلك تغير المكينه بمكينه يابانيه اوفر لك

واذا كان سليم وضب احسن لك
mekshaat
16/02/2013, 05:00 PM
فيه ورشه بالرياض فيها سوداني جيد
تخصصه توضيب مكاين وبالصدفه
وأنا عندهم بالورشه لقيت عنده باثفندر
مخليه شغال يقول توي موضبه مكينته
وصوت المكينه طبيعي وهادئ على كلامه
يقول متعود على توضيب الباثفندر
وانها نفس مكينة الماكسيما ويشتغل
باشراف راعي الورشه سعودي اذا تبي
رقمه أرسلته لك.
روح المكشات
16/02/2013, 05:06 PM
امل التوجه الى عدد من الورش المعروفة وخذ منه واتجه الى الاخر حتى تري من هم من الورش الذين متفقين على امر واحد وتوكل على الله اهم شيئ لا تستعجل.

والله يعوضك خير
ls1.5700
16/02/2013, 09:51 PM
طرنبة الزيت اذا توقفت عن العمل ومشيت على الموتر مسافه طويله تخرب كل اجزاء المحرك بالكامل
المفروض من يوم شفت لمبة الزيت تأشر كان واقف على طول
الله يعينك
الذيب ناصر
12/11/2013, 08:01 AM
الله يعينك وانا اخوك انا اوفر لك مكينه للباثفند لانقص زيت ولاحراره
وضمان ع المكينه شهر كامل
0554800507وبعد اذن الاداره هذا رقمي