أحتاج رايكم عاجل ،، لعبوا بسيارتي أهل الورشة !!

[مخاوي النت]

السلام عليكم

سيارتي بيوك 92 ، قبل كم يوم لاحظت تسرب ماء من فوق المكينة جنب دينمو الكهرب وكان خفيف وانا حريص أتابع الماء وأزيده لا ينقص
مريت على ورشة وقال هذا وجه الثلاجة يهرب ويحتاج تغيير
قلت أنتظر لنهاية الأسبوع علشان أتفرغ لأني أحتاجها للدوام ولا عندي غيرها
وفجأة ارتفعت الحرارة لين وصلت H :f
وقفت السيارة وخليتها تبرد وترتاح وغلقتها ماء ثم توجهت للورشة ولكن رجعت الحرارة ترتفع بسرعة
وصلت الورشة وكانت السيارة صافية ولا فيها شيء الا الحرارة فوق النصف بشوي
خليتها عندهم وجيت من بكرة لقيته يقول السيارة خالطة الماء بالزيت ، وشغلها لي ولقيتها تقطع بقوة !!
سالته إذا المشكلة فقط بوجه الثلاجة ؟
قال أظن كذا بس نشوف بعد مافكها

جيته من بكرة لقيته كاسر غطاء الديلكو ويقول مارضى ينفك الا بكسر الغطاء والشاكوش وبسيطة سعرها 110 ريال !
ثم قال الثلاجة تعبانة ومتآكله أطرافها ولازم تتغير هاتها من التشليح
بعدين جلس يناظر بالمكينة وقال احتمال السلندر مشروخ أو وجيه الراس ولا ينفع نغير وجه الثلاجه فقط
لازم فك المكينة للتشييك والا ماتحمل مسؤولية خرابها لو ركبنا وجه ثلاجة وغيرنا زيت فقط !

هالحين وهقني وحطني بالأمر الواقع ونثر المكينة
وشريت قطع غيار قيمته 500 ريال وابتلشت فيه
زود على شغل يده 300 ريال باتفاقنا الاول وأكيد يبي زود لو زاد الشغل

هل فعلاً لابد من تنزيل الروس والتشييك على السلندر ؟
مايكفي تركيب وجه الثلاجة وغسل المكينة بالزيت الخاص ثم صب زيت جديد وتغيير السيفون وخلاص ؟

شوركم ياهل المعرفة والتجارب قبل لا أخسر وبالأخير اروح اشتري مكينة من التشليح وتروح فلوس قطع الغيار وشغل يد الفني التعبان !

بكرة مضطر اروح الورشة لأنه ابلشني يقول شف حل سيارتك مضايقتني أما تقرر والا اطلعها برى علشان استقبل زباين جدد !!

[SGL]

أعطيك حل تراه بيان من كلامه أنه شغال في بوفيه قبل ومانجح في البوفيه ويبي يجرب حظه فاالسيارات ﻷن أصحابه قايلين له ترا شغل السيارات تمشي فيه حتى لو حظك رايح فيها جيبله الثلاجة مع وجه جديد وباقي القطع الي هي غطى ديلكو وخله يركبهن ودق سلف ومشي وشوف الحرارة والزيت خالط بعدها ولا مظبوط وذا ماتغير الوضع روح لغيره

[بن الزايد]

انصحك رح تشليح وركب مكينه باقل الاسعار ومش حالك خل عنك الفك وربط منها توفر عليك اجر مكانيكي وسعر قطع مظروبه غاليه

[صريح المقال]

السلام عليكم ورحمة الله وبركاته ..

الله يعينك ويسهل أمورك والله يا كثر ما عانينا من المتعلمين على مواترنا ولكن ما أقدر أحط بذمتي وأقول انه فاهم أو لا هذا يرجع لفراستك وارتياحك له ومقدار معرفتك أنت بالوضع وحالة سيارتك ..

لكن الي أقدر أقوله إذا أنت ما ارتحت له لأي سبب .. ابحث عن ورشه متخصصه وابتعد عن جنسيات معينه دخيله على مهنة الميكانيكا ولا عندهم شهادة فيها ..
ودور لك فنيين متخصيين غالباُ يكونون فلبينيين ولو قدرت تلقى ورشة لفني سعودي يشتغل فيها بيده فهذا عز الطلب والحمد لله سمعتهم حسنة والله يزيدهم ويكثر من أمثالهم .
واشرح لهم المشكلة إذا تقدر بشكل مبسط ولا تبين جهلك لكن حاول تكون لطيف معهم وان شاء الله تطيح بناس فاهمين ومتفانين بعملهم .
واتفق معهم تجيب السيارة مهوب تنطلها عن باب ورشتهم وتحطهم أمام الأمر الواقع هههههه
ثم سلمك الله شلها بسطحة لهم بعد ما تكاسر راعي السطحة لين تخليه يشيلها بأقل من الخمسين ريال :D

وصدقني أدفع ضعف وضعفين لشخص متخصص أضمن بإذن الله ان شغله مضبوط ولا أبخل على نفسي وموتري وأوديها عند واحد يتعلم عليها يصلح لي حاجه بسيطه اليوم وبكرة تخبط سيارتي بسبة شغله التعبان !

والله ان ودي أخدمك بأكثر بس هذا الي عندي وأعرفة أخي الكريم وحاس بمعاناتك عسى الله يسهل أمورك ويرزقك من واسع فضله ويغنيك عن جميع خلقه .

والثلاجة لو ما صلحتها بشكل سليم ما راح تمشي معك بالصيف الجاي وإذا الموتر مخبط فالله يخلف عليك ويعوضك خير منه ، ذيك الساعة فكر بمكينة مضمونة أفضل من انك تصلحها بس ما يقل ضمانها عن ست شهور وإذا مره مالقيت ثلاث شهور كحد أدنى ولا تدفع ريال إلا بورقة تثبت وختم رسمي (طابقة مع اسم المحل ولوحته) ولا تشتري إلا من المحل نفسه لا تخلي بينكم وسيط واعرف مكان المحل عشان لو صار شي تتأكد من موقعه وتقدر تطالب بحقك أو تشتكي في حال المماطلة .
وان قدرت تجيب شهود أزين ترا الدنيا ما عاد فيها من الأمانة شي كثير والله المستعان .
والغش وصل مرحلة خطيرة عسى الله يحفظنا منهم ويسدد خطانا وخطاكم .

الله يعينك والله يوفقك بالأمين الي ما يغشك .

هذا ما لدي فإن أصبت فمن الله وحده، وإن أخطأت فمن نفسي والشيطان .

والسلام عليكم ورحمة الله .

[أصيل حجآ زي]

السلام عليكم ورحمة الله وبركاته ..

الله يعينك ويسهل أمورك والله يا كثر ما عانينا من المتعلمين على مواترنا ولكن ما أقدر أحط بذمتي وأقول انه فاهم أو لا هذا يرجع لفراستك وارتياحك له ومقدار معرفتك أنت بالوضع وحالة سيارتك ..

لكن الي أقدر أقوله إذا أنت ما ارتحت له لأي سبب .. ابحث عن ورشه متخصصه وابتعد عن جنسيات معينه دخيله على مهنة الميكانيكا ولا عندهم شهادة فيها ..
ودور لك فنيين متخصيين غالباُ يكونون فلبينيين ولو قدرت تلقى ورشة لفني سعودي يشتغل فيها بيده فهذا عز الطلب والحمد لله سمعتهم حسنة والله يزيدهم ويكثر من أمثالهم .
واشرح لهم المشكلة إذا تقدر بشكل مبسط ولا تبين جهلك لكن حاول تكون لطيف معهم وان شاء الله تطيح بناس فاهمين ومتفانين بعملهم .
واتفق معهم تجيب السيارة مهوب تنطلها عن باب ورشتهم وتحطهم أمام الأمر الواقع هههههه
ثم سلمك الله شلها بسطحة لهم بعد ما تكاسر راعي السطحة لين تخليه يشيلها بأقل من الخمسين ريال :D

وصدقني أدفع ضعف وضعفين لشخص متخصص أضمن بإذن الله ان شغله مضبوط ولا أبخل على نفسي وموتري وأوديها عند واحد يتعلم عليها يصلح لي حاجه بسيطه اليوم وبكرة تخبط سيارتي بسبة شغله التعبان !

والله ان ودي أخدمك بأكثر بس هذا الي عندي وأعرفة أخي الكريم وحاس بمعاناتك عسى الله يسهل أمورك ويرزقك من واسع فضله ويغنيك عن جميع خلقه .

والثلاجة لو ما صلحتها بشكل سليم ما راح تمشي معك بالصيف الجاي وإذا الموتر مخبط فالله يخلف عليك ويعوضك خير منه ، ذيك الساعة فكر بمكينة مضمونة أفضل من انك تصلحها بس ما يقل ضمانها عن ست شهور وإذا مره مالقيت ثلاث شهور كحد أدنى ولا تدفع ريال إلا بورقة تثبت وختم رسمي (طابقة مع اسم المحل ولوحته) ولا تشتري إلا من المحل نفسه لا تخلي بينكم وسيط واعرف مكان المحل عشان لو صار شي تتأكد من موقعه وتقدر تطالب بحقك أو تشتكي في حال المماطلة .
وان قدرت تجيب شهود أزين ترا الدنيا ما عاد فيها من الأمانة شي كثير والله المستعان .
والغش وصل مرحلة خطيرة عسى الله يحفظنا منهم ويسدد خطانا وخطاكم .

الله يعينك والله يوفقك بالأمين الي ما يغشك .

هذا ما لدي فإن أصبت فمن الله وحده، وإن أخطأت فمن نفسي والشيطان .

والسلام عليكم ورحمة الله .



الله يجزآك خير
على هذا الكلام الطيب النصوح
ما يقول هذا الكلام الزين الا رجُل مُجرّب وعآقل ونصوح .


وفقك الله .


أخي / مخآوي اللي
صدقني ولاكن ما أبغى أن أظلم الرجُل
لاكن عندي حس كبير بما قُلت أنت
ووصفت تصرُفآتهُ بأنهُ نصآب كبير .


طآلبهُ يصلح لك اللي خرّب من الديلكو وغيرُه .


أسلوبهُ أسلوب نصب وأحتيآل بشكل غريب .


والله أنك طيب كثير وصبور .
والله لو أنا لأدوس رآسُه /// هذا حقير ونصآب لا شك في ذلك.


تسلسل في أسلوبهُ رويدآ رويدآ
لما شآفك طيب وحس أنك بتستجيب لكل طلبآتُه .


المُهم :
ما أبي لا أطول ولا أقصُرها .


حدد موقعك لعل الشبآب الطيبين
يرشدوك لورشة ومهندس / فني شآطر وأمين .

وزي ما قآل أخينا الكريم :
قليل الأمينين والثقآت والشآطرين .

وقآلها المكآوية :
""" ذهب اللي يقروء وبقي اللي يخرو """
كرمكُم الله


كُل من هب وكُل من دب يتعلم بسيآرآت الخلق .
ويرجع السبب للسيآرة نفسها /// يقول حصلت كذا وكذا .
ما يعترف ويقول أنا كسرتها أو خرّبت علي .
أبدآ .


الله يعوضك خير .
وأحذر من التشآليح أغلبهُم أكثر نصب من الورش .
الله يعينك .


والله قهر بس وش يسوي الوآحد .
لذلك أنا أقول وأُصر على الشبآب
بأن يتعلمو حتى لو فقط يعرف أش هي مشآكل السيآرة
وأش هي طُرق الأصلاح .


حتى لو رآح ورشة
يبغي يصلح ما يقدرون ينصبون عليه .
الشيء الأخر :
لازم وضروري الشخص يمُر على عدة ورش
على الأقل خمس 5 ورش قبل أن يتفق مع أيآ منهُم .


:good2:

[مخاوي النت]

السلام عليكم

الأخ sgl
ياجعلك بالجنة أنت ناسي إن القطع سعرها غالي ولو سويت بشورك احتمال احط الف ريال واخسرها بعد ماتشتغل السيارة بلحظة


الأخ بن الزايد
مريت التشليح اليوم ولقيت مكينة بـ 2500 ريال بالرجيع لكن المشكلة مكينة سيارتي مفككة ومنثورة وناقصها قطع مثل غطاء الديلكو المكسور
ابصبر لي كم يوم عسى ربي يجيب لي طريقة تنفعني


الأخ X-MEN
المشكلة كلٍ يعطيني من رايه ولا لقيت فني يطق صدره ويقول سوي كذا وانا اتحمل لو طلع كلامي غلط
هالحين عندي شك إن الخلل بوجيه الرأس لأن الثلاجة ماتسبب خلط الزيت
ويمكن الراس مشعور أو مقوس ويبي له خرط أو تغيير
وتكبر المشكلة إذا السلندر مشعور هنا خلاص المكينة راحت اما توضيب كامل أو غيرها
الحيرة ياخوي هل اكمل او اوقف الشغل واروح اجيب مكينة من التشليح



الأخ أصيل حجآ زي
تصدق الفني اللي رحت له مشهور في ديرتي وله 25 سنة مكيانيكي في نفس الورشة !!
لكن وش السواة فيهم هالاجانب مايهنالهم ولا يرتاحون الا لو شفطوا جيبك تقل بينكم وبينهم ثار !
ياخوي فيهم حقد عجيب على كل سعودي ويستميتون بمضرته بدون مايتركون فرصة له يشتيكهم

اللي محيرني سيارتي كانت صافية يوم اوقفها عنده ومستحيل تكون خالطة الزيت او دخل الماء السلندر ( يعني ماتغيرت علي الا بالتهريب والحرارة اللي ماطولت )
لكن يوم جيت من بكرة وشغلها لي صارت تتفتف وتقطع بقوة وكأن البواجي غرقانة بالماء !!
ولقيت عيار الزيت يصب كابتشينو !!
فهل معقول إنه شغلها بعد مارحت وطق فيها مشاوير او داس لها وهي وافقة عنده لين خلطت الزيت ؟

وغطاء الديلكو بسيط عند خسارتي فيها كلها
قبل 3 ايام من التهريب كنت مغير طرمبة الماء والليات والكوع فوق مع البلف وتصفية المكينة من بواجي وتنظيف حلابات
وكل هذا طار مع المكينة لاني مضطر اغيرها من التشليح وهالقطع بتروح مع القديمة

والحمد لله على كل حال .. قدر الله وما شاء فعل

أشكر الجميع على اهتمامهم وأراءهم

[SGL]

شوف أكيد أخذ السيارة وفجرها مثل ماسوها فيني قبل 16سنة كانت معي جراندي كريسيدا أستخدام وكنت فرحان فيها هذيك الأيام اللي معه جراندي ماأحد قده هههههه المهم أنشق الرديتر ووديتها ورشة باالليل قبل لاتقفل يوم الخميس ورحت أنا البيت الساعة 3الفجر ألا واحد يدق باب بيتنا وفك الباب ألا صاحبي يقولي سيارتك مع باكستانية يلفلفون فيها ويتعلمون السواقة وروح معه ووداني لهم وطبق الباكستاني وصفق فيه من الكفوف ألين تشهد ويوم أطالع بسيارة ألا الحرارة واصلهHوالدخان يطلع من الكبوت وطفيها وسحبها بونش وودها ورشة ثانية وطلع الراس أنشعر والمكينة طلعبها صوت وروح يم الباكستاني وجيبله تسعيرة الخربات وخليه يدفعها وسويتها على حسابه وبعتها بعد ماطلعتها من الورشة بيومين أنت لو تضمن المكينة حقت سيارتك مافيها شي جيبله الثلاجه مع الوجه وخله يركبها وبعدها دق سلف وجرب وذا مانفع الله يعينك وبخصوص القطع الجديدة الي أنت مركبها تقدر تركبها على المكينة اللي تاخذها من التشليح حرام تردها رجيع

[بن الزايد]

اسمعني رح مركز شرطة وعلمهم بكل الذي حصل لك وبتلقى خير وركز على امرين وقوف سياره ما فيه الا حراره ومافيها صوت وانه كسر عليك ديلكو وخسرك قطع غيار وانك متفق معه على وجه ثلاجه فقط واخرتها يقولي توضيب كامل هذا ضحك على دقون واصفى معه بترجيع سيارة مزي ما جبتها بدون خلط ماء مع زيت وكسر الديلكو وصوت في المحرك

[المرتهي]

اخوي بن الزايد


والله لو تروح للشرطة ماتلقاء الا الي يوقفون مع الفني


تطالب بحقك ويقول لك


يارجال العوض مافية خير !


ياخي الله يهديك وشلون مافية والله سبحانة وتعالى احلة لعبادة


والله كم مشكلة تحصل معي بالصناعية القديمة ( الرياض )


واروح للقسم واوقات من الباب يقول لك يارجال رح للعامل واتركوها بينكم ودية عشان ماتطول !


انا لو لقيت حل ماقبلت على المركز


اخوي مخاوي النت امسك غطاء الديلكو وصفقة براسة وان ماكفاك ادعس على راسة مثل ماقال ابو عبدالرحمن وقلة يرجع السيارة مثل ماكانت وخذ سيارتك لاقرب ورشة قله يفك الثلاجة وجبلة القطع انت اصلي


وتوكل على الله بإذن الله مافيهاء الا الثلاجة و الوجه



تقبل تحياتي

[بن الزايد]

اخوي بن الزايد






والله لو تروح للشرطة ماتلقاء الا الي يوقفون مع الفني


تطالب بحقك ويقول لك


يارجال العوض مافية خير !


ياخي الله يهديك وشلون مافية والله سبحانة وتعالى احلة لعبادة


والله كم مشكلة تحصل معي بالصناعية القديمة ( الرياض )


واروح للقسم واوقات من الباب يقول لك يارجال رح للعامل واتركوها بينكم ودية عشان ماتطول !


انا لو لقيت حل ماقبلت على المركز


اخوي مخاوي النت امسك غطاء الديلكو وصفقة براسة وان ماكفاك ادعس على راسة مثل ماقال ابو عبدالرحمن وقلة يرجع السيارة مثل ماكانت وخذ سيارتك لاقرب ورشة قله يفك الثلاجة وجبلة القطع انت اصلي


وتوكل على الله بإذن الله مافيهاء الا الثلاجة و الوجه




تقبل تحياتي


يا خوي قبل فلقه ولم العصابه وهي ورقه من شرطه ثم ادعس على راسه
خلك نظامي تحيرهم اسال من تلكع على يدي :D:good2:
مد يدك للعامل جريمة يعاقب عليها صاحب الحق ويسلب منه حق مثل ما صار معك وغيرك
اما بعد الشكوى مد فيه ثم عفطه
ملحظه: ولا تعلم مكنيكي انك بتروح للشرطة.اكتب شكوى بخط يدك وقلهم يستدعون مكانيكي او تطلع معك دوريه وخلك جاد فقط ورح لاكبر رتبة في الدوام رسمي وصور شكوى ولا تخلى فراغ بين سطور خلها قطعه واحده لا يتخللها حرف بين سطور "

[المرتهي]

يا خوي قبل فلقه ولم العصابه وهي ورقه من شرطه ثم ادعس على راسه
خلك نظامي تحيرهم اسال من تلكع على يدي :D:good2:
مد يدك للعامل جريمة يعاقب عليها صاحب الحق ويسلب منه حق مثل ما صار معك وغيرك
اما بعد الشكوى مد فيه ثم عفطه
ملحظه: ولا تعلم مكنيكي انك بتروح للشرطة.اكتب شكوى بخط يدك وقلهم يستدعون مكانيكي او تطلع معك دوريه وخلك جاد فقط ورح لاكبر رتبة في الدوام رسمي وصور شكوى ولا تخلى فراغ بين سطور خلها قطعه واحده لا يتخللها حرف بين سطور "


والله صدقت بهالطريقة

بس وانا اخوك والله شي يفقع القلب

يلعب بسيارتك
ويسكرها
ويكذب عليك
وتروح للقسم اذا ماقالوا لك مثل الي قلته بيقول لك قدم شكوى

وانتظر هالشكوى

يروح الفني لديرتة خروج نهائي وانت تنتظر

والا يجيك صاحب الورشة سعودية ويطلبك تتنازل

وانت بكل الاحوال خسران

لان اسم المواطن او المستهلك

في وزارة التجارة او حماية المستهلك

الغلبان

تقبل تحياتي

[بن ملان]

الله يعينك ويسهل امرك يالغالي .. والله انة شي محزن .. أذكر مرة توهقة مع مكنيكي نفس الطريقة الله لا يوفقة ولا يسامحة لا بالدنيا ولا بالاخرة كان عندي تهريب زيت على غطاء راس المكينه ولا يضرها اسافر عليها وين ما ابغى المهم الحاصل اني قلت لازم اصلحها .. رحت لمكنيكي قال جلد بلوف فقط .. والقطع المطلوبة طقم جلد البلوف والوجية حلو .. يوم فك الغطاء قال ترا البلوف لازم تصنفر وحطها براسي قلنا طيب نصنفرها بعدها قال الراس والبساتم عندك تعبانة ودام انك بتصلح صلحها افضل لك اثارية يجرني حتى وأوضب المكينة عندة بالنصب والاحتيال .. خرطنا الراس وصلحنا البساتم حلو قال لازم نخرط السلندر لأن البساتم والشنابر اللي سويناها ماتركب الا بعد الخرط قلت لة يعني هذا توضيب قال نص توضيب بكل بساطة .. طبعاً لم يعد بيدي شي استسلمت لة وليتها وقفة هنا .. بعد ماخسرني حوالي 4500 ريال والله العظيم لم تجلس السيارة الا اسبوع واحد فقط وصلب علي الماطور وانا واهلي في طريقي للعمرة .. حملت السيارة لة قال هذا بسو استخدام .. تشاكينا انا وهو وكلفونا انا نتقاسم الخسارة حقة توضيب السيارة من جديد .. الحاصل ان سيارتي لم ترجع مثل ماكانت وبعتها والله بسببة .

النصيحة لاتسمع كلامة .. والأفضل انك تقول لة رجع لي السيارة زي ما كانت دام من اولها كسر عليك الديلكو لأن الواضح ان ماعندة سالفة وسلامتك .