تسجيل الدخول

مشاهدة النسخة كاملة : التحذير من العضو (ابو لورانس)


وجدي محمد
02/02/2013, 10:14 PM
يا اخوان احذركم من هالعضو(ابو لورانس).. تمم معي بيعة وخلاني اشحنله العدسة.. وبعدها يتحجج كل شوي بحجة
مرة عمه توفى ومرة نسي واخرها سوالي حضر على الواتس.. وبعد هذا كله اشوفه هنا وبكل قوة وجه يعرض ويسوووم..
يعني عطلتني واشغلتني من مكان لمكان بالنسبة للشحن ، وفوت علي ان ابيعها لغيرك...ويش مصلحتك في كذا ؟؟
يعني الحمدلله ان الشحن صار في الاخير على زاجل.. عشان اقدر اكلمهم يسوون استرجاع ، وطبعا انا بتحمل قيمة الشحن مرتين...
لكن ما اقول غير حسبي الله
سحابة كسير
02/02/2013, 10:46 PM
انت شاحن له سلعه ولا حول لك ؟؟


المفروض العكس الله يهديك
وجدي محمد
02/02/2013, 11:16 PM
ياخوي.. ماعليك وحوووول.. بس الحق لا تتاخر.. ومن هالكلام
والله انا لان اشتريت وبعت كثير في هالمنتدى.. وماشاء الله الكل كان ثقة..
على العموم انا لحقت على الشركة وكلمتهم يسترجعو الشحنة... لكن عطلني واشغلني بشكل مايعلم فيه الا الله..
وغير كذا ضيع علي بيعة لاني كنت ارتبطت معااااه
مالك الشهباز
02/02/2013, 11:30 PM
يالغالي...الله يبارك فيك ويجزاك خير...بعض الشباب متردد،يخرب البيعة ويضرب السوق...الله يهديه...
وجدي محمد
02/02/2013, 11:43 PM
للاسف... مافي مصداقية في التعامل
كرداش
03/02/2013, 12:03 AM
مثل هالعينات تزيد الشخص تخوف من التعامل الالكتروني
م.سعيد
03/02/2013, 12:30 AM
اخوي قبل تبيع او تشتري من اي عضو..شوف مشاركاته السابقة
محمدالكندي
03/02/2013, 01:02 AM
اخي الكريم، ان كان هالرجال ماعنده ظرف قاهر مثل وفاة قريب او خلافه فالله يعوظك خير وحسبي الله عليه،، البيع امانة والشراء قد يحدث فيه ظرف قبل اتمام الاتفاق او بعده،، واقل المطلوب التواصل مع الطرف الاخر بشكل واضح وشرح اي مشكلة او حتى الاعتذار على اقل تقدير
نواف24
03/02/2013, 01:38 AM
الله يعين والحمدلله قدرت تسترجع الشحنه
البعض الله يهديهم ماعندهم لا امانة ولا خوف من الله

انصحك ماتبيع وتشتري الا من اشخاص ثقة او يحولك المبلغ اول
انت طيب وولد حلال بس ماهو كل البشر كذا انتبه وانا اخوك

فالك التوفيق يارب
الوايلي2012
03/02/2013, 01:40 AM
حسبى الله ونعم الوكيل
حبل الوريد
03/02/2013, 04:01 AM
الافضل اتبع نصيحة مشرفنا ,, فلوبي


"" رفع للتشهير ""
Eng.Humoud
03/02/2013, 06:31 AM
الخطأ منك يالغالي

في بيعتك لا تشحن العدّه الآ بعد التحويل
حتى لو صار فيها مشكله و طوّل ما حول لك ترجع لموضوعك و تعطي الاعضاء خبر انها انلغت البيعه و العرض ساري
و لا تتعرض لمثل هالمواقف

هذا بيع و شراء ما فيه حياء فيه شروط تمشي عليها , التحويل بعدها الشحن

بالتوفيق لك و الله يهدي أبو لورانس
شقرون44
03/02/2013, 07:37 AM
تحية طيبة الله يهدي الجميع لما يحب ويرضى انا معكم انه الشحن بعد التحويل لكن لو صار اني حولت لشخص ووصلتني السلعة غير المتفق عليها من ناحية النوع او سلامة السلعة من العيوب انا حصل معي هذا دفعت مبلغ معين ثمن سلعة ولما وصلت عندي وجدت انها لا تستحق ربع الثمن المدفوع من ناحية سلامة السلعة من العيب الموضوع امانة وصدق في التعامل الموضوع ضمير حي الله يهدينا جميعا يعني ما نلوم المشتري فقظ احيانا قد يكون البائع نصاب ايضا يخفي عيوب السلعة بغرض التدليس والغش كيف استطيع ان اتأكد اذا كانت السلعة نظيفة وخالية من العيوب قبل لا ادفع سعرها كيف ادفع له ثمن سلعة كل اللي اعرف عنها صورة ومواصفات مكتوبة كيف لو وصلت غير المتفق عليه من يحميني يعني من حقي اقول للبائع اشحن لي السلعة حتى اتأكد منها وبعد ذلك ارسل لك الثمن هذا رأي شخصي ممكن يكون غلط المعذرة على الاطالة ووجع الدماغ الله يعطيكم العافية ويحمينا جميعا من النصابين
hussein harha
03/02/2013, 08:19 AM
انا من ناحيتي افضل البيع يدا بيد
لانه افضل للبايع والمشتري
والحمد لله اخوي ان العدسه رجعت لك
وربنا يعوضك بالخساره الي خسرتها
الشوق بحر
03/02/2013, 09:01 AM
انا في تعاملاتي لن يتم شحن او حجز اي سلعه حتى يتم تحويل كامل المبلغ والرزق على الله
والله يعوضك خير في مجهودك يا غالي ويرزقك بيعة اطيب
وجدي محمد
03/02/2013, 10:15 AM
اشكر للجميع مشاعرهم الطيبة
صحيح انا المخطئ... لكن الواحد يتعلم بعد كذا
وانا حبيت انشر الموضوع للتحذير منه فقط.. لانه ممكن يسجل باسم ثاني،
على العموم هو من مدينة الخرج ، واسمه عمر الخلف
hussein harha
03/02/2013, 10:22 AM
اشكر للجميع مشاعرهم الطيبة
صحيح انا المخطئ... لكن الواحد يتعلم بعد كذا
وانا حبيت انشر الموضوع للتحذير منه فقط.. لانه ممكن يسجل باسم ثاني،
على العموم هو من مدينة الخرج ، واسمه عمر الخلف
الله يعطيك العافيه اخوي وهذا ان دل على شي دل على اخلاقك النبيلة
وعلى اصلك الطيب .. تمنياتي لك بالتوفيق والنجاح .
وجدي محمد
03/02/2013, 10:54 AM
مشكور اخوي hussein harha
وربي يسعدك...موفق عزيزي
طايربلي جنااح
03/02/2013, 11:27 PM
لرفع الموضووع علشان ينتبهون بقية الاعضاء والله يعوض عليك اخوي
ابو لورانس
03/02/2013, 11:43 PM
السلام عليكم ورحمه الله وبركاته اخوي وجدي انا زميل عمر الخلف وانا اللذي معطيه رقمك ..
والرجال توفى ولد عمه وحالته النفسيه تعبانه لانه مقرب له وغير ذلك الرجال مرتبط مع عمه الوحيد اللذي لديه ولدان واحد صغيير والكبير توفى وعمه تعبان وكل ما يتذكر ولده تصيبه دوخه ويغمى عليه واخوي وجدي احسن الظن
وانا عرضت عدساته للبيع ووضعت رقمه لطلب منه وحاجته للفلوس ويعلم الله ان الرجال تعبان مره
وابشر بالعوض احول لك المبلغ حق الشحن وحق العدسه وخذ رقمي عالخاص ..
وشكرا..وارجوا حذف الموضوع لان انا مالي دخل ابد فالمشكله من صديقي عمر الخلف ..
ابوانهار
04/02/2013, 12:21 AM
السلام عليكم ورحمه الله وبركاته اخوي وجدي انا زميل عمر الخلف وانا اللذي معطيه رقمك ..
والرجال توفى ولد عمه وحالته النفسيه تعبانه لانه مقرب له وغير ذلك الرجال مرتبط مع عمه الوحيد اللذي لديه ولدان واحد صغيير والكبير توفى وعمه تعبان وكل ما يتذكر ولده تصيبه دوخه ويغمى عليه واخوي وجدي احسن الظن
وانا عرضت عدساته للبيع ووضعت رقمه لطلب منه وحاجته للفلوس ويعلم الله ان الرجال تعبان مره
وابشر بالعوض احول لك المبلغ حق الشحن وحق العدسه وخذ رقمي عالخاص ..
وشكرا..وارجوا حذف الموضوع لان انا مالي دخل ابد فالمشكله من صديقي عمر الخلف ..
ابولورنس
طيب المفروض يكلم الرجال ويعطيه خبر
لكن الرجال حظره على الوات ساب وهنا الشك
وكلمة الرجل شرف ..
ابو لورانس
04/02/2013, 02:01 PM
صدقت اخوي والرجال كلمه على الوات ساب وقال له ان ولد عمه توفى وللاسف الرجال حالته النفسيه رديئه جدا
وجدي محمد
04/02/2013, 02:51 PM
حبيبي عمر الخلف.. انت قلت كلمني عالخااااص.. ومارديت علي
واذا الاخوان حبو يشوفو محادثة الواتس اب.. انا مستعد
ابو لورانس
05/02/2013, 11:28 AM
انا مو عمر الخلف
وعلى ما اتوقع كلمك عمر وتم حل المشكله ..
وفي العجله الندامه
الشوق بحر
05/02/2013, 12:28 PM
من اللي راد علي في موضوعك يا ابو لورانس ولا انت داخل بمعرف ثاني
وجدي محمد
05/02/2013, 02:57 PM
لا يا اخي... ما اتحلت المشكلة
وجدي محمد
06/02/2013, 12:51 AM
للمعلومية... ابو لورانس هو نفسه عمر الخلف اللي انا اتعاملت معاه..
وعندي اثبات عليه... وللاسف عرفت انه ولد صغير ، فالشي اللي سواه ماهو غريب عليه..
وجدي محمد
08/02/2013, 11:19 PM
يا اخوااان.. الرجال يطالب بان الموضوع ينحذف... وحتى امس ما حل معي الموضوع
ابوسماسم
08/02/2013, 11:38 PM
طيب ايش العدسات اللي انت عرضتها للبيع يمكن انا اشتريها
وجدي محمد
09/02/2013, 11:57 AM
الحمدلله تم بيع العدسات... لكني وضعت الموضوع تحذير من الشخص فقط
ابو حلا العروي
14/01/2014, 09:13 PM
حسبنا الله ونعم الوكيل
10dgree
20/01/2014, 01:42 PM
مع الاسف اقولها وبكل صراحه هنا ناس تقول حرام ومادري كيف وكاتب الحين شي غريب وطلبت دانبو وجاب كرتون مع الاسف 200 وموجود الحين كاتب شي غريب المشكله بالشخص الي تعامل معه صديق عزيز علي بس الله فوووق الجميع وهو بيفهم بالرساله والله ثم والله الدانبو عندي كرتوووون وخربان وهو يفهم نفسه مع الاسف ناس تحكي عن الثقه وكلام مثل العسل والتعامل زفت في زفت كله عشان ياخذ فلوووس وبس ويدعي المثاليه شي غريب
صقار الوحش
25/01/2014, 06:18 PM
رفع للتشهير
فواز الزميلي
26/01/2014, 10:39 AM
انا اشوف ان المفروض يقفل الموضوع دام الرجال رد عليك هنا وقال اللي بخاطره

وبالنهايه السلعه رجعت لك ما اخذها وسحب عليك


وبشكل عام النت ماودك تاخذ منه شي الا تواجهه وجه لوجه احسن واضمن لك


فالك التوفيق أخوي
محترف تصوير
26/01/2014, 07:07 PM
الناس اصبحت معاد تخاف من شي اسمة رب العالمين
جامعي
29/01/2014, 05:12 AM
يعني الامريكان النصارى تعاملهم افضل من ( البعض مننا )!!
اشتري من الايباي ولا عمرهم غشوني

حسبي الله ونعم الوكيل في من يسوف ويعطل مصالح الناس
ابو نعمه
29/01/2014, 10:53 PM
دام الموضوع مرفوع

ما له عذر الا في حالة وفاة نفس الشخص او دخوله في غيبوبة او قبض عليه من الحكومة


الرجال ملزوم بكلمته و يقدر يوصي احد يقوم با نهاء الموضوع

و الا كيف قدر يسوي حظر للرجال عالواتس

عموما

الحمد لله ان الاخ وجدي تلاحق نفسه و استرد اغراضة قبل ما ياكلها عليه ابو لورنس و خويه الخلف