افيدوني عن هالشوزن

[وليد اللميع]

السلام عليكم ورحمة الله وبركاته

صباحكم ومسائكم خير..

عندي استفسار عن شوزن اللي هي بنيلي رافيلو كومفورت فيبر

ليست فل تشك ابي وش هي من شوزن من ناحيت الاستخدام
وهل تتحمل ضغوط عاليه واعلى ضغط كم واذا احد يعرف عنها لايبخل علينا
وكم سعرها عندنا بالسعوديه
وهل يترهم لها مخزن بالقصيم

وشاكر لكم :f

[وليد اللميع]

يا جماعه 47 مشاهد ولت واحد رد ؟
دافيدونا جزاكم الله خير

[بيكال الوشم]

والله اللي اعرفه عنها مخزنها مقفل و ترهيمه اتوقع غالي
و الشي الثاني لو تفتك من الماصورة اللي بتشوكات و تتجه للفول تشوك احسن لك و ابرك
و الشي الثالث صبورة و تكد و ما تخالف على شي لأنها مع واحد من الشباب عمره الحين يقارب ٤٣ سنة و كانت معه من فترة طويلة و كادها كد
هذا اللي اعرفه عنها

[الشمروخي]

ترهيمه سهل للمحزن وترمي لضغط ٥٦ وطيبه جدا واذا ٣٠ تشكات فهي طيبه واذا فل فرميه شين

[وليد اللميع]

بيكال الوشم شاكر مرورك

من ناحيت الماصوره يمدحون التشكات يقولون ازين
والله يعطيك العافيه ماقصرت

[وليد اللميع]

هلا الشمروخي

لابله تشكات واذا تعرف محل بالقصيم يرهم مخزن دلني به
والله يعطيك العافيه

[بيكال الوشم]

ملاحظة بسيطة بس للي يقول ان اللي بتشوكات احسن من الفول تشوك
اساساً ماصورة الرفايلو حلوة جداً و حارة سواء بتشوكات او فول تشوك
و اللي يقول ان الفول تشوك مهب زينه ومايمدحونها لأنها تضم ضم ما تتصورة و يبيلها مسافة بعيدة علشان تفرش
و الناس تاخذ الماصورة اللي بتشوكات لأنها يستخدمون التشوكات علشان تفرش لمسافة قريبة بعكس الفول تشوك
و اللي يعارضني بكلامي مع احترامي له و لأراء الآخرين اقول له و لهم ما عليش انت و ماعليش انتم ماجربتو الرفايلو فول تشوك و ما استخدمتوها بالمسافات الصحيحة
و الختام سلام

[الشمروخي]

اخوي بيكال كانت عندي ٣٠ فل تشك رميه شين يالغالي والحلبي ملخبط مره من ضوقه ترمي القميري قريب يتقطع بعيد مره يصيد ٣ لا من تجربه الظاهر مخصصه للطيور الكبار وديك الحبش لان الحلبي متلخبط ومشوه جدا والملخبط يصلح للطير الكبير لان الحلبي نايشه نايشه لاكن الصغار مره دمار

تشكات ازين وتعدد خيارات رمي ارنب بليل جرجس قميري طيور كبار اهون من الفل ونا خوك ولا كلهن رميهن جيد جداً

[الشمروخي]

ومجرب ريفاليو ٣٠ تشكات نفس اللي معك اطيب من الكمفورت والريفاليو الفل بواجد من تجربه كلهن رميهن مايقارن بيريتا وونشستر بالرمي

[وليد اللميع]

بيكال الوشم
انا بالنسبه لي للحين ماجربت الرفيلو شريتها وللحين ماوصلت

وهي ماهي فل تشك اجربها ان شاء الله واعطيك العلم

[وليد اللميع]

مشكلة الفل تشك ان رميها دقيق مره ومايفرش الا بعد مسافه
لكن التشكات تتحكم بالرمي هذا اللي اعرفه وياليت يفيدونا البقيه

بيكال الوشم الشمروخ ماقصرتو والله لايهينكم

[الشمروخي]

هن واحد لو حطيت تشك رقم واحد كانك رامي بالفل نفس الضوق مواصيرهن ١٨.٣. والفل مقاس فوهت الماصوره ٦٨٠ وتشك رقم ١ ٦٨٠
ميزت التشكات زي ماقلت

[الشمروخي]

لا والتشكات تقدر تشتري تشك ٦٧٠ ترولك او ٦٦٥ وتبي تصير احسن من الفل وفيه المحلات الصيانه بالجرده يرهمون مخزن

[بيكال الوشم]

الشمروخي الله يجزاك بالخير و ماقصرت يا بعدي
لكن احب انبه لنقطة بسيطة و ٩٠٪ من اللي يرمون طيار يجهلونها وماهوب نقص فيهم لكن العلم للحين ماوصلهم
لو لاحظت و طبعاً كلامي هذا من واقع تجربه و انا بنفسي رميت ليييين طاح كتفي و عافت نفسي الرمي
لو لاحظت ٩٠٪ من مواصير البلاجيك اللي ماجاها رمي و سبطانتها في حاله ممتازه لو لاحظت و رميت بفشق رقم ٣٢ اين كان سواء ٦ و لا ٧.٥ ولا ٨ و لا ٩.٥ ... رميها بفشق ٣٢ قرام افضل من رميها بـ ٣٦ قرام
و السؤال اللي يطرح نفسه ، ليه البلجيك فشق ٣٢ قرام يناسب لها اكثر من ٣٦ قرام ؟
لأن ماصورة البلجيك ضيقه مع نص السبطانة و فوهت السبطانه فلذالك لو رميت بـ ٣٦ ٧.٥ الحلبي فيه يكون كثير و يطلع منها منحاس معفوس منتشر انتشار غير منظم
لكن لو رميت بـ ٣٢ ٧.٥ بتلاحظ فرق كبير في توزيع الحلبي و الفن في انتشاره
و اكثر الصيادين الله يهديهم يتوقعون الماصورة حارة خلاص ارم بأي فشق يقابلك ترا الفعل بيكون طيب و هذا خطأ فادح لازم تسوي عملية نسبة و تناسب بين ضوق السبطانه و فوهتها و رصاصك اللي ترمي فيه
و كذلك سبطانة الـ $ رفايلو $ فول تشوك ينطبق عليها مثل ما ينطبق على البجليك
( واحد من الشباب معه رفايلو فول تشوك يرمي بـ ٢٨ قرام و يتحدانا و يظحك علينا )
و السلام عليكم

[الشمروخي]

كلامك صحيح ١٠٠ بالميه
بال٢٨ ممتاز من تحربه عز الله جبته يالغالي
بس ليتك تجرب ٢٨ على اليوركا بريتا او اكستريما وماصورته ١٨.٦ من تجربه ممتاز جدا وليس ممتاز زياده في التنظيم وسرعت الحلبي بالمواصير الوسيعه بالكمفورت كنت اسبق واجد بالبرتا احطه بالطير وله شخيف يحبه قلبك مع الهوى رغم اني من اول من عشاق البنلي والا الان بس اعشقه بس التجربه غيرت رايي

من تجربه الماصوره الوسيعه بالوسط افضل واجد واكثر الضغوط عندنا ٣٦ وحلبيه واجد مقارنه بال٢٨ فافضل للاجوال والطيار

[الشمروخي]

١٨.٦ هي الوسط وخير الامور الوسط لا١٨.٨ زود ولا ١٨.٣ نقص
١٨.٦ من اضعف لاعلى ضغط بتطربك وقارنته بالمرهم بتشك مخرق ٦٧٠ تفوقت ولا الفرق والان معي فرانشي بنلي ١٨.٤ مع الاكستريما فيه فرق وبضغط ٣٢ بالرمي لصالح البرتا والصور حاضره لو تبي

[وليد اللميع]

كفيتو ووفيتو والله يعطيكم العافيه