استفسارات مهمه ارحو الاجابه عنها بالنسبه للدبل؟؟؟

[xp77]

السلام عليكم جميعا
اخوانى اعضاء مكشات بارك الله فيكم لدي بعض الاستفسارات حول الدبل فى التاهو وهو
؟هل الانسب والافضل تعشيق الدبل والسياره تمشي على سرعه او لا بد من الوقوف؟؟
بالنسبه لصيانه السياره هل صحيح كل عشره الاف يتم تغير الزيت؟ وهل الزيت الموجود فى الوكاله هو نفس المعروض فى الاسواق ؟؟؟ 30/10 كاسترول او الزيت الذي لدي الوكاله مختلف عن السوق
شكرا لتفضلكم بالاجابه
ولكم تحياتي

[مسير عليهم]

الدبل لازم توقف وتحط القير على n وتشبك الدبل

الزيت انا استخدم كاسترول وامشي عليه 10,000 كلم

[xp77]

مسير عليهم
انار الله طريقك ووفقك فى دنياك واخرتك شكرا لك

[MaghrabiSM]

بالنسبه للدبل لا تنساه شغال بعد ما تخلص صارت معي مرتين و الله يستر من الثالثه )النسيان رحمه)

[gr73mri]

بالنسبه للدبل زي ماتفضلوا الاخوان لاتشغله الا والقير على N
ثاني شي ابدا حبه حبه حطه على الاوتو ، يومض معك شوي ثم حطه على الخفيف ، او الثقيل حسب رغبتك
ثالث شي اذا غرزت وانت مشغل الدبل ، لاتدوس بنزين اذا السياره مهيب طالعه ، عشق ديب ثقيل وعلى مهلك
بعض الناس يدوس على الموتر وهو مغرز ومعشق دبل خفيف ، وهذا احد اسباب اعطال القير
بالنسبه للزيت انا حاليا استخدم زيت ACDELCO 10W30
سعره في الوكاله تقريبا 14 الى 15
امشي عليه حوالي 7000
وعندي سياره ثانيه اشتريت لها زيت كاسترول ماجنتيك 5W30 ، اشتريت كرتونين
كل كرتون فيه 12 حبه ، الكرتون الواحد بـ 280 ريال ، تطلع علي العلبه بـ 24 ريال تقريبا
سعرها في البناشر 45 ريال
وبأذن الله ابدا اتسخدم هالزيت ذا على اليوكن وبمشي عليه من 12000 الى 14000
بالتوفيق

[هادي الثوابي]

لا تعشق الدبل الان وانت واقف وحاط القير في N وبعد ان تضغط على زر الدبل رايح اللنبة تومض قليل ثم تولع على طول وهذا معناه الدبل اشتغل ويجب ملاحظة انه عندما تريد ان تشغل الدبل او تفصله ان تكون الكفرات والدريكسون سيده يعني مانت لا الدركسون يمين او يسار حتى لا تسمع طقة صوت قوي اذا فصلته وكذلك اذا اشتغل معاك لن تلف معك السيارة الى الاخير بسلاسه بسبب الدبل بينما بدون دبل تلف بالسيارة الى اقصى اليمين او اليسار عادياذا غرزت شغل الدبل كامل وعلى مهلك حتى لا تسخن معك السيارة والقير اما اذا كنت ماشي في طعوس وتخاف تغرز شغل الخفيف يعني الثقيل بعد التغريرة وليس قبلها
اتمنى ان اكون افدك

[مارتن]

طيب ياجماعة يوجد في القير m 1.2.3 هذا متى يستخدم ؟؟ وفي أي ظروف مثلا ؟؟ وهل هو مثالي أو مناسب للنزول أو الطلوع من العقبات ؟؟ أم يستخدم الـ D بشكل عادي في الطلوع والنزول ؟؟ على فكره السيارة يوكون

تحياتي لكم ....

[هادي الثوابي]

انا عندي الجمس اطلع فيه وانزل عقبة الصماء برجال المع وهي معروفة بخطورتها طبعاً النزول في الواحد والطلوع في الثالث واكرر في الثالث لان الدي يكون سريع التغيير في النمر والثاني تراه ما يغير مع الواحد يعني تحطه في الثاني يبقى في الثاني مايبدل بين الواحد والثاني ولكن الثالث يبدل مع الثلاث نمر طبعاً كلامي الان عن الطلوع والنزول في العقيب ودمتم سالمين

[مارتن]

أفهم من ذلك بأن وظيفة الـm ونمرها الثلاث فقط في الطلوع والنزول من المرتفعات ؟؟
واحد من الأخوان معه يوكون ونازل مع عقبة ضلع يقول عادي أنزل واطلع بـالـ D

فماهو الإجراء الصحيح يا إخوان ( من أصحاب الخبره والفنيين ) في مثل هذه الحالات ؟؟

[3zyiz]

طرق التعامل مع الدبل :

1- 2H ===> الوضع العادي ( اغلاق الدبل ) . السرعة مفتوحة
2- AUTO => وضع الأوتوماتيك : يكون مفصول حتى تنشب احد الكفرات برمل فيشتغل اوتوماتيك . السرعة قد تتعدى 80 كيلو .( ما جربت ولا حبيت هالوضع )
3- 4H ===> وضع الدبل الثقيل وهو الي تقدر تتمشى فيه وسط الرمال سواء بهدوء او بشدة . وهنا يستخدم تغييرتين الأول والثاني فقط . والسرعة فيه لا تتعدى 80 كيلو فقط
4- 4L ===> وضع الدبل الخفيف ويستخدم في الرمال الصعبة .. مثل طعوس التحدي حيث الطلوع الصعب فالافضل استخدام هذا الوضع لأنه يعتمد على تغييره واحدة فقط . والسرعة لا تتعدى 30 كيلو فقط


بالنسبة لـ ( 4H ) تقدر تعشقه قبل ما تنزل البر بسرعة 10 الى 15 كيلو فقط ( يعني مدحدر )

بالنسبة للـ ( 4L ) لا تفكر تعشقة الا وانت واقف تماما .. ويكون وضع القير في الـ N
يعني تفضي القير وتعشق .. اذا سمعت الدبل شبك تقدر تعشق الـ D وتمشي


اتمنى اني قدرت افيدكم

[مارتن]

يعني ماحد جاوب على استفساري :mad: