للفائده والاستخاره ونصب الورش

[المحلسي]

مرحبا بجميع الاعضاء منتدانا اذكر لكم سالفتي ويعلم الله انها للفائده لكم
كان فيه صوت تحت ماادري وش هالصوت المهم
وقفة عند ورشه كبير ومكتوب عليها متخصصين بالقير والدبل والكرونات المهم
قلت ياولد فيه صوت تحت المهم اخذ السيارة واخذ لفه ورجع وعالطول هذي الكرونه كم يكلف قال عندنا مع القطعه من التشليح بتكلف 1400 ريال ياولد كيف المهم وتركه واروح للورشه الي جنبة ونفس الحكايه وكلها ورش كبيره مالكم بالطويله ومير استخير بعد صلاة المغرب
وامر ورشه ثالثه وقال لي هذي الصليبات في عمود الدبل كم يكلف 350ريال واكيد منها قال ابد منها وبعد المكاسر 300 ريال المهم قال شف القطع عند المحل الفلاني وامر المحل كم القطع 150 ريال ومير تطري على بالي ليه مافك عمود الدبل واشوف يروح الصوت ومريت على ورشه كم تفكه قال 20 ريال وفكيته وتاكدت ان الصوت منه واشتري القطع ورحت للمخرطة ب70 ريال ورجعت ركبته 20ريال والامور طيبه والله الحمد ومجموع التكلفه 150+70+40=260ريال والله الحمد ابيكم تقارن بين القيمة الاولي والقيمة الثانيه وهذ توفيق من رب العباد والا كان انواع الخساير

[patrol vtc]

الحمدلله ..

ولافيه احد احرص من حلالكــ ..

:)

[آآآبو سعود]

المحلسى لاهنت اوصف لي الصوت هو قره ولا رجه ولا حنه لان عندي بالجيب مثل القره تجي وتروح لا وصلت السلاعه 70 تقريبا

[ابوراكان تبوك]

عموماً عمود الدبل ماله اي فائدة الا في حالة تعشيق الدبل ويلف ع الفاضي ركب فرارات ريح العكوس وتريح السيارة وتقل الصرفية
والله يا اخوي بعد ماجربتها لو انها ب 2000ريال ماهي خسارة فيها مع ان قيمتها 700 للجهتين

[محمد النيساني]

الله يجزاك خير وهذا حال الصناعيه سرق بسرق

بالنسبه للفرارات ما انصح احد يركبها الا الي عنده مشكله بعمود الدبل
لان الفرارات تفصل دوران الدفرنس الامامي وهذا يؤثر على رساوة السياره بالخط و اثناء نزول المطر لانه يصير يعتمد بشكل كامل على الدفع الخلفي

[ابوراكان تبوك]

هههههههههههههه اخي محمد السنياني نفس الشيء صبها واحقنها اذا فصلت الدبل ترجع السيارة دفع خلفي وين الجديد ابي اقتنع من كلامك ولاني قادر لأني أول مره بحياتي اسمع كذا اشرح لي الموضوع بالصور لاهنت كيف الفرارات تؤثر على توازن السيارة
والسيارات اللي مافيها دبل وش وضعها

[صديق وفي]

هههههههههههههه اخي محمد السنياني نفس الشيء صبها واحقنها اذا فصلت الدبل ترجع السيارة دفع خلفي وين الجديد ابي اقتنع من كلامك ولاني قادر لأني أول مره بحياتي اسمع كذا اشرح لي الموضوع بالصور لاهنت كيف الفرارات تؤثر على توازن السيارة
والسيارات اللي مافيها دبل وش وضعها

اخي الفاضل اولا السيارات دفع رباعي مستمر تفصل عند سرعه معينه يعني عمود الدبل شغال سواء شبكت الدبل ام لا بعدين السيارات الحديثة السيدان مالا يقل عن 90 % دفع امامي من اجل الثبات على الطرقات والرساوه اثناء المنعطفات

[ابوراكان تبوك]

اخي الفاضل اولا السيارات دفع رباعي مستمر تفصل عند سرعه معينه يعني عمود الدبل شغال سواء شبكت الدبل ام لا بعدين السيارات الحديثة السيدان مالا يقل عن 90 % دفع امامي من اجل الثبات على الطرقات والرساوه اثناء المنعطفات

مو كلها يا اخوي
الجيوب الجي اكس والجي اكس آر كلها دفع خلفي وليس رباعي مستمر من موديل 2003 وتحت
من 2004 وفوق جت دفع رباعي مستمر يفصل الحاله على سرعة 80 ونسبة تشغيل الدبل فيه 30% في حال الدفع الرباعي المستمر و 50% اذا عشقت الدبل

الجيوب اللكزس والفكس آر كلها دفع رباعي مستمر

[sgl2002]

الله يجزاك خير وهذا حال الصناعيه سرق بسرق

بالنسبه للفرارات ما انصح احد يركبها الا الي عنده مشكله بعمود الدبل
لان الفرارات تفصل دوران الدفرنس الامامي وهذا يؤثر على رساوة السياره بالخط و اثناء نزول المطر لانه يصير يعتمد بشكل كامل على الدفع الخلفي



بالنسبة لكلامك بخصوص الفرارات فاشكرك

لكن الجيوب القديمة اللي تجي دفرنسين قدام وورا هذي ماتجي دفع رباعي مستمر
وكذلك بعض انواع الجيوب الجديدة

واذا تلاحظ ان بعض الجيوب يجي معها فرارات من شد البلد

وفوق كذا ايضا لو تلاحظ بالتعليمات الخاصه باستخدام الدبل ، تجد انه كثيرا مايذكر كلمة ( تاكد ان تضع free running hubs يعني الفرارات على اللوك lock )

[محب الهيف]

جزاك الله خير اخي الكريم

[al3teeq]

جزاك الله خير على النصيحة ،والافضل ان الواحد يشتغل سيارته بنفسه اذا توفرت لديه العده والخبرة

[المحلسي]

بالنسبة للي سال عن الصوت انا اقترح عليه بان يشيل الدبل ويتاكد بنفسة وتكلفه بسيطة قدام الي شفته وجرب اذا راح الصوت فهو من العمود اما بالنسبة لي يطلع اذا مشيت بسرعه خفيفه ويروح واحيانا تسمع الصوت لكن مهب دايم ارجو اني انك افتكم بما حصل لي

[محمد النيساني]

هههههههههههههه اخي محمد السنياني نفس الشيء صبها واحقنها اذا فصلت الدبل ترجع السيارة دفع خلفي وين الجديد ابي اقتنع من كلامك ولاني قادر لأني أول مره بحياتي اسمع كذا اشرح لي الموضوع بالصور لاهنت كيف الفرارات تؤثر على توازن السيارة
والسيارات اللي مافيها دبل وش وضعها

انا اكلمك عن واقع تجربه فكيت العمود وخفت السياره واسئل اي شخص فك عمود الدبل وماخفت السياره هذا يدل ان عمود الدبل ينقل نسبه من الدوران للدفرنس الامامي طبعن بدون تشغيل الدبل ..
وفك العمود او تركيب الفرار ياثر على السياره في المنعطفات وفي الخطوط السريعه يلعب فيك الهوا على خفيف طبعن كلامنا كله عن الدفرنس وليس الفليور مع العلم اني مركب فرارات..

[محمد النيساني]

بالنسبة لكلامك بخصوص الفرارات فاشكرك

لكن الجيوب القديمة اللي تجي دفرنسين قدام وورا هذي ماتجي دفع رباعي مستمر
وكذلك بعض انواع الجيوب الجديدة

واذا تلاحظ ان بعض الجيوب يجي معها فرارات من شد البلد

وفوق كذا ايضا لو تلاحظ بالتعليمات الخاصه باستخدام الدبل ، تجد انه كثيرا مايذكر كلمة ( تاكد ان تضع free running hubs يعني الفرارات على اللوك lock )

كلام سليم...