تدهور ربيع الفياض

[ساري 111]

السلام عليكم ,,,

من الملاحظ بالسنوات الأخيره (ربيع الفياض) من سيئ إلى أسواء ولاحول ولاقوة إلابالله رغم الأمطار والخير اللي جنا بالوقت المناسب والدفاء ..

والسبب والله اعلم كثرة الحلال بالسنوات الأخيره والرعي الجائر ..

فالرعي الجائر لا يسمح بأكتمال دورة حياة النبته حسب مااعرف ..

فالدورة حياة النبته تبداء من البذرة ثم الاغصان والاوراق ثم الزهرة وبعد الزهرة تطرح البذور بالارض للسنه القادمه ..

لكن الحاصل الان ان الحلال ياكل الربيع قبل يزهر وحتى لو زهر اكله هو وزهره ولا يتبقى إلا الشي القليل ..

والدليل ع صحه ماأقول الأرضي والفياض المحميه من الرعي لازال الربيع فيه قوي ..


طبعاً من غير المعقول منع الرعي ..

لكن اعتقد الحل عند وزارة الزراعه بتوفير البذور المناسبه لكل فيضه وماتشتهر فيه من بابونج وغيره فربيع ونبات الفياض يختلف من فيضه لأخرى , ويكون مجاناً ..
واعتقد الكشاته بيكفونها توزيعه على الفياض بس تكلف مندوبين من موظفينها على مخارج المدينه وقت الكشتات يوزعونه على الكشاته ويطلب منهم نشره بالفياض اللي يمرون فيها ..


هي مجرد فكره خطرت ببالي قد يكون فيها الخطاء اكثر من الصواب .. والله أعلم

[نجم الجاة]

بيض الله وجهك على الفكرة يكفي انك بذلت جهد في الوصول الى حل

[أبوهيف]

الله المستعان