المساعد الشخصي الرقمي

مشاهدة النسخة كاملة : والحل مع صدام الجموس


Sultan24
05/02/2013, 09:20 PM
سلام عليكم

يا جماعه الصدام حق اليوكن تشوفونه لو علبه بيبسي حك فيه

مالكم بالطويله دايم بعد طلعات البر البكسلات حقت واقي الكفر الي تمسك مع الصدام تطلع
وتشوف الصدام طالع عرض مع الجوانب وكل مره اربط الصدام ولما اطلع البر تطلع مره ثانيه

اخر مره من اللقافه حطيت مسامير بدال البكسلات والصدام مسيكين عجز يطلع فصار له شطب كسر من الجوانب تعرفون فيبر بلاستيك المهم ضبطناه ويوم نزلت تحت لقيت بلاوي اثر فيه عظمه طايحه
وذاك الواقي اللحيه الاسود طااير المهم زبطنا كلش لكن بقت ذا المشكله

ان حطينا مسامير انكسر ومرتين ينكسر من الجوانب وان حطينا بكسلات نفس الوضع

والحل مع ذا البلاسيتكه ؟!!
وجعين
05/02/2013, 11:32 PM
والله انك صادق الجمس نفس الشي المهم انا ما معي يوكن ولا جمس بس حاسن بمشكلتكم يامساكين مهب معقوله على كبر حجمه وكبر كفارته صدامه يحك فيه قوطي الصلصه (مبالغه)المهم حسب نضرتي لو معي جمس او يوكن خاصه الموديل الجديد اروح لمحل المنيوم وخليه يقصه قصه احترافيه اللين يرتفع عن الارض ارتفاع معقول وثبت له قواعد ترهيم ونتهى الموضوع ملاحضه لا تسأل عن الشكل الجمالي بعد القص
Sultan24
05/02/2013, 11:39 PM
ياخوك ما نبي نقصقص

الموتر وكاله ما مشى شي والصدام وكاله حرام اقصقصه

افكر بالبيع
وجعين
05/02/2013, 11:44 PM
شف ونا خوك الموتر تراه رفيع بس عيبه الصدام انا سافرت على جمس من الموديلات الجديده مادري 10 او 11 رحت لمكه والله ان جميع السيارت طاحت من عيني لاباترول ولافكسار مريح بلحيل ولا وشة هوا وراسي ويشل اهل بيتك ومعهم الجيران وصرفيت البنزين شرط ان الهلي تاكل اكثر منه وهو 8 سلندر فنصيحه دورلك قرشعة باترول ب20 الف للبر ونتهى الموضوع
سيف وقلم
06/02/2013, 11:56 AM
اشتر صدام تجاري ورشه وقصقص على كيفك ...
Sultan24
06/02/2013, 02:59 PM
اخوي سيف فكرت بكذا بس يوم جيت فك صدام الوكاله طلع مشبوك مع الوجهيه ولازم يكسرون البكسلات كسر عشان يفكونها

يعني تخيل بكسر الموتر بيدي وفوق كذا الكشافات بتطير معها وفوق كذا حساسات الايرباق كلها مربوطه بالصدام يبيله شغل دقيق

وصدقتو الموتر رفيع بس عيبه صدامه

لا هو الي صدام رفيع ولا هو الي قاسي

بلاستيكه
فرفور بريده
06/02/2013, 05:19 PM
اذا فيه لحيه يكون ارتفاعه مثل ارتفاع الرصيف

لكن انت فكها وش تبي فيها

ويزبط
برادو 99
11/02/2013, 05:54 PM
أرفعه بكعكات من قدام وورى ولا دخلت البر بشويش لاتسرع وروق وانت تمشي

تم الإرسال من جهازي GT-I9100 بواسطة تاباتوك 2
4x4ofroad
12/02/2013, 09:28 AM
كان معي 2007 تاهو
بهذلني وقصيت صدامه واطربت نفسي طول الشتويه بدون ما ادور اللحيه نهايه كل كشته
Sultan24
12/02/2013, 09:59 PM
كان معي 2007 تاهو
بهذلني وقصيت صدامه واطربت نفسي طول الشتويه بدون ما ادور اللحيه نهايه كل كشته

خخخخخخخخخخخخخخخ الله يقلع شيطانك ضحكتني تدور اللحيه

يخوك ودي اقصه بس كل ما اتذكر انه صدام الوكاله اتعوذ من ابليس :D
Sultan24
12/02/2013, 10:01 PM
أرفعه بكعكات من قدام وورى ولا دخلت البر بشويش لاتسرع وروق وانت تمشي

تم الإرسال من جهازي GT-I9100 بواسطة تاباتوك 2

صدقت والله اني مطفوق نوع ما

لكن الحمدلله اخر مره عدت ع خير

مدري وشلون الشركة ما فكرت حتى تحط مساكات لمسامير الواقي حقت الكفر شفتها من جوا الصدام

طالعه كذا ما في شي ماسكها

والسموحه على جهلي لكن الكعكات ذي شي اضافي ولا هي موجوده بالسياره اصلا بس تتغير؟
مخ سعودي
13/02/2013, 09:24 AM
اخوي سيف فكرت بكذا بس يوم جيت فك صدام الوكاله طلع مشبوك مع الوجهيه ولازم يكسرون البكسلات كسر عشان يفكونها

يعني تخيل بكسر الموتر بيدي وفوق كذا الكشافات بتطير معها وفوق كذا حساسات الايرباق كلها مربوطه بالصدام يبيله شغل دقيق

وصدقتو الموتر رفيع بس عيبه صدامه

لا هو الي صدام رفيع ولا هو الي قاسي

بلاستيكه

السلام عليكم للتوضيح وانا اخوك بالنسبة لحساسات الايرباق فهي غير مرتبطه بالصدام الامامي هي موجوده فوق صاجه الحماية مباشره في الجهة اليمنى واليسرى للمسمار وتستطيع فصله مباشره اما الصدام بامكانك شراء صدام تجاري وتقصه وتركب صاجه حماية حديد او المنيوم بدل البلاستيك
mifleh
14/02/2013, 12:18 PM
اخوي سلطان فيه شئ اسمه ترفيع

في سلمك الله عمودين مثبته من عند كراسي القير وتدخل في المقصات لغرض التحكم في رفع السياره

ولكل منهما مسمار توازن مستقل وسنه طويله جدا تقدر ترفع على الوزن اللي يعجبك

تروح عند ميزان جيد وتقوله ارفع لي السياره

وش الطريقه اللي هو يسويها يثبت العفريته على راس المسمار ويقوم برفعه حتى تطلع السنه ومن ثم يشد الصاموله

ثم يقيس بالمتر المسافه بين الرفرف والكفر وينتقل للجهه الاخرى وبنفس الطريقه يوزنها واهم شئ تأكد انه يأخذ المقاس

بالسنتي متر للجهتين .. لاكعكات ولاشئ السياره مجهزه بحيث انك تتحكم بالارتفاع الي تبي
Sultan24
15/02/2013, 02:53 AM
يعطيك العافيه اخوي وان شاء الله بجربها

واذا بغيت ارجع زي اول عادي جدا ولا لازم مقاس معين

او القصد هل السياره بالاساس هي ع اقل درجة ترفيع ولا كيف؟
أبـو زهـرهـ
15/02/2013, 03:11 PM
بسيطه ياشيخ شل اللحية اللي تحت إذا بغيت تنزل البر وإذا خلصت رجعها كلها مسمارين أو أربع فقط
أنا عندي شايلها سلفرادو أو إذا تبي تشيلها للأبد روح محلات الفيبر عشان يقصون اللي تحت لان شكلها من دون لحية مايصلح بسبب الكلبسات اللي تمسك فيها تروحعندهم قلهم يقصونها وبالتوفيق
Sultan24
18/02/2013, 09:27 PM
بسيطه ياشيخ شل اللحية اللي تحت إذا بغيت تنزل البر وإذا خلصت رجعها كلها مسمارين أو أربع فقط
أنا عندي شايلها سلفرادو أو إذا تبي تشيلها للأبد روح محلات الفيبر عشان يقصون اللي تحت لان شكلها من دون لحية مايصلح بسبب الكلبسات اللي تمسك فيها تروحعندهم قلهم يقصونها وبالتوفيق

اللحيه ما عاد نقدر نفكها نص القاعده منكسره يعني نص اللحيه ماسكتها القاعده والنص الثاني ممسوك بمسامير

ما فيه الا قشعها كلها والظاهر اني بسوي كذا
Eagle Eye
24/02/2013, 10:41 PM
شيل اللحيه اللي في اسفل الصدام وبس
وليف الجرح
05/03/2013, 10:43 AM
نصيحتي لكل ملاك اليوكن والسييرا
يشيلون الحية الي قدام ما منهها فايدة وتسبب خطر انكسار للصدام الامامي

ومن نظرة خاصة اشوف السيارة اجمل من دونها