المساعد الشخصي الرقمي

مشاهدة النسخة كاملة : بدون سابق إنذار .. صوت طقطقه في مكينة الباترول 95


hail_ksa
07/02/2013, 01:52 AM
السلام عليكم ورحمة الله وبركاته ..

وبدون مقدمات طلع في المكينه صوت يشبه صوت مكائن الديزل :D
صوت الطقطقه يظهر عند التشغيل وحتى عند احتماء الموتر وأنا واقف الصوت موجود ومايروح ولما أدعس والموتر واقف يزود الصوت وإذا خليت الدعسه يخف الصوت لكن مايروح يبقى خفيف
عند الممشي يكون الصوت موجود ومايختفي ومع زيادة الدعس يزيد الصوت
وأنا داخل الموتر موقع الصوت في الجهة اليسرى من المكينه
طبعاً موتري باترول 95 سفاري


المكينه ولله الحمد ما تدخن ولا تصرف ومحافظ على تغيير الزيت دورياً ومحافظ على تسخين الموتر قبل الممشى
الزيت اللي استخدمه دائماً الترا 7 عيار 20 - 50W

- وزنت البلوف قبل كم يوم ومازال الصوت موجود ونصحني الفني بتغيير الزيت وكان الزيت مستهلك بنسبة 70 % ومع هذا غيرناه .
- غيرت الزيت قبل يومين مع فلتر الزيت وفلتر الهواء ومازال الصوت موجود .
- الموتر ما أروح عليه فقط مشاوير بسيطه لأجل ماتزيد المشكله سوء .
- كنت معطي الموتر لشخص قريب وجلس معه الموتر شهر ونصف (وكان يشغل الموتر ويمشي بدون تسخين) .. يوم خذيت الموتر ماكان فيه صوت ولكن فجأه بعد أسابيع طلع الصوت .


الفزعه في تشخيص علة الموتر قبل الذهاب لعليمية الورش
:( يوم نوينا الشمال طلعت المشاكل :(
ولكم كل الشكر والتقدير :good2:
خط الجبيل
07/02/2013, 03:53 AM
إذا الصوت مثل صوت الديزل ويروح ويجي هذا الجنزير صارت في موتر الوالد ددسن 2009 قبل مده

فك صدر المكينه وغير 2 جنزير وشدادات واحد طويل وواحد قصير

المهندس طلب 2 جنز مع الشداد وزيت ومويه رديتر وغراء أصلي
GMC 111
07/02/2013, 05:07 AM
الله يستر لايجيك ماجا موتري نفس الصوت بس انا مع الدعسه يروح والحين جاوبت المكينه ويبيله 6000 الاف ريال :(
حاول ماتمشي على الموتر الين تصلحه وتلقى العله نصيحة اخو خراب ب 1000 ولا مكينه تخبط


وتلقا من يفيدك ان شاء الله
sgl2002
07/02/2013, 08:09 AM
هذا جنزير لمكينه
hail_ksa
07/02/2013, 12:45 PM
إذا الصوت مثل صوت الديزل ويروح ويجي هذا الجنزير صارت في موتر الوالد ددسن 2009 قبل مده

فك صدر المكينه وغير 2 جنزير وشدادات واحد طويل وواحد قصير

المهندس طلب 2 جنز مع الشداد وزيت ومويه رديتر وغراء أصلي


جزاك الله خير أخي خط الجبيل على المشاركه
فعلاً أنا معك شاك في الجنزير لكن ورش العليميه كلامهم غير





الله يستر لايجيك ماجا موتري نفس الصوت بس انا مع الدعسه يروح والحين جاوبت المكينه ويبيله 6000 الاف ريال :(
حاول ماتمشي على الموتر الين تصلحه وتلقى العله نصيحة اخو خراب ب 1000 ولا مكينه تخبط


وتلقا من يفيدك ان شاء الله


الله يجزاك خير أخي GMC 111 وربنا يستر علينا من العماله السايبه وألا بلى الموتر محد اكتشفه إلى الآن في الورش .. ماعندهم ألا (فكو مكينه شوف) :mad:




هذا جنزير لمكينه

كلامك في محله أخي العزيز sgl2002 ولايهون الأخوان

وبقولك وش صار معي اليوم
رحت لأول ورشه (هندي) ويقرب رآسه للمكينه ويبعد وأنا أشد على البنزين من عند الكبليتر قلت بس هذا اللي بيجيب الخبر :D أتلاها قال لازم فكو مكينه عندك جلد البستن تعبانه (أنا محاكيكم مالي خبره بقطع المكينه) يقول يمكن تنكسر الجلد والبساتن تعدم عليك المكينه ولازم توضيب ومخرطه وشغل يد بـ 2000 والقطع بتكلف من 3000 إلى 4000 .. قلت الشكوى لله وطلعت من عنده
مريت الثاني (هندي) قلت عندي صوت بالمكينه قال (توضيب) قلت تعال اسمع الصوت بالأول قال معلوم قلت الموتر مابه دخان ولاصرفيه ولاشيء .. المهم الموتر قريب منه ولارضى يفحصه لأن سعادته الخبير يعطي قرار لمجرد سماع المشكله وبدون فحص :mad: أخس يالخبره والله مادروا عنه جنرال موترز :D
مريت الثالث (تركي) هو أشواهم بالكلام وألا الفعل مايختلف لكن نصوح الله حق
في البدايه يقول الصوت داخل المكينه وأدعس له البنزين وأخفف والصوت موجود
سحب أسلاك البواجي :good: سلك سلك :good2: قال لو المشكله في أحد البساتن في حال شلت أحد الأسلاك راح يآقف البستن وينقطع الصوت .. المهم يقول البساتن مافيها شيء .
في النهايه قال أمش على الموتر وإذا زاد الصوت أكثر نفك لك المكينه ونشوف العله


حيرونا الورش .. مافيهم المفتح اللي يقول هذي المشكله وهذي تكلفة تصليحه وهذا شغل يدي وعلى الضمان لو ماراح الصوت .. كلن يبي يفتح هالمكينه ويبدأ بعدها شغل النصب

نصائح يا أخوان جزاكم الله خير
ara888
07/02/2013, 03:27 PM
كيفك اخوي صار معي نفس حالك ورحت لورشة كان صوت الطقطقة خفيف اذا زدت البنزين زادت طلع العلم سبابك طبعا السيارة كانت مرسيدس ٥٦٠ وطلب مني الميكانيكي امشي شووي شووي ونتظم عالزيت ومادعس عالسيارة وبعد ٦ شهور غيرت الماكينة كاملة وان شالله ماتصير سبايك تصير جنزير
القنص عشقي
07/02/2013, 04:07 PM
الله يستر علينا وعليك
وعساه يكون موضوعه بسيط
أبوأسامه...
07/02/2013, 08:33 PM
رح لي كهربائي خله يفك السيور وتأكد منالبكرات كلها ان راح الصوت فالمشكله بالبكرات وان ماراح ترى المشكله بالجنزير او السبايك والضاهر انها السبايك ان كان مايسخن السياره والله يعينك على الورش فك المكينه لاتجاوب (لو انقطع الجنزير تراك تبي تخرط الراس وبلووف وجلد بلووف وشغل مخرطه وشغل ميكانيكي وبلاوي زرقا انت ابغنا عنها