+++++((مايحتاجه الصقار في موتره (مناقشه وتناصح)++++

[(هزاع)]

السلام عليكم ورحمة الله وبركاته
مناقشه وتناصح
بعض مايحتاجه الصقار في موتره اثناء المقناص او الدعو
1:جهاز تتبع مع الريشه 2:جهاز لاسلكي 3:دربيل 4:برقع احتياط 5:جهاز قيرمن
يغفل او يتجاهل البعض عن ان هذه الحاجات مهمه جدا للصقار ولايعرف قيمتها الا من احتاج لها وقت حاجتها
جهاز التتبع والريشه: قد يحول بين نضرك وبين الطير حايل او تتعطل السياره ويغدي الطير ويعرف كل صقار معنى غديت الطير ولاهي بالقيمه الماديه بقدر مالطير من غلا عند راعيه معنوي
2: الجهاز اللاسلكي (ابو الفزعات)لاشك في اهميته في كثير من المجالات منها طلب المساعده والاستفسارات ومتابعة الطير مع الاخويا وله فوائد كثيره يعرفها ويتعرف عليها كل من كان بحاجته
3: الدربيل:(ممسح الريضان) يعطيك مسح كامل باقل مجهود منك للمنطقه ولايحتاج الدربيل للتعريف عن خدماته
4: البرقع الاحتياط, مهم جدا لان وقت ان تشاهد طريدتك تفرع لطيرك وتهده وهمك الوحيد هو الطير والطريده ويسج عنك اين وضعت برقع طيرك ولايعرف قدر البرقع الاحتياط الا اللي ضاع برقع طيره بالمقناص وما للبرقع من راحه للطير ولراعيه وتاثيره النفسي على الطير وراحته
5:القيرمن (جهاز الاحداثيات) مما لاشك به انه من اهم الاحتياجات للصقار في تحديد وجهة السير وتوفيره (الجهد والوقت والوقود) وهذه مهمه كلها للصقار وخصوصا بالحملات البعيده
يمكن غفل عني اشياء ايضن مهمه يذكرها الاخوه ويضيفوها والكمال لله سبحانه
ارجو من الله سبحانه العفو والعافيه ودعو لي ولوالدي

[راشد الهاجري999]

عن تجربه لازم اترس الموتر دسوس وملاويح ويالله السلامه

[صقار سطام]

يشرفني أني أكون 2واحد ارد عليك
جزاك الله الف خير

[عابر الموج]

الله يعطيك العافية ياهزاع ماخليت شي لكن في نظري خوي نشمي على جنبك ولاعليكم زود والاهم سيارة اخرى من خوياك لان السيارة الواحدة ربما تعطلت لاي سبب كان تقبل تحياتي

[راعي الونه]

عز الله ما قصرت وجزاك الله خير

موضوع مهم جدا

واغلبنا ينسون

هذي الاشياء المهمة وخاصة في المقانيص القريبة


ومثل ماقال اخونا عابر الموج خوي ينومس على يمينك مثل ماينومس اللي على يسارك

[(هزاع)]

الخوي الطيب هو لذة المقناص كله لاشك
الله عوضني عن خويي حمد العريني الله يرحمه ويسكنه فسيح جناته خاويته 34 عام من يوم اعمارنا بالسبعطعش
وتوفاه الله قبل اربع سنين
يالله ياقادر على كل شيء
ان ترحم حمد وتسكنه الفردوس الاعلى
اللهم امين
وعوضني الله بابوظافر الله يمد بعمره على الطاعات رجال صدوق حليم موفق بالراي ومن حموله وجودي
ونعم بكل اجودي

[قلب ذيب]

شكرا لك .
الو سائل والمعدات اللوجستيه هي عمود الامداد للصقار وللقانص بشكل عام , وقد طرحت ذلك من قبل في مواضيع عديده واكدت ان المخلاه هي عامل هام للصقار وان الصقار بدون مخلاه بما تحويه من احتياجات امر مهم لراعي الطير واكدت ان الصقار بدون مخلاه مثل الرجال القانص ولا على راسه شماغ !
مايحتاجه الصقار في سيارة المقناص كثير ومتعدد ولو ملينا السياره من مانحتاجه وقت المقناص لظلينا بحاجه الى المزيد .
في اعتقادي ان الخوي طلق الحجاج هو اول مانحتاجه في المقناص وفي الدعو وحتى في حياتنا العامه , كذلك الطير الصايد السبوق الطلع هو مانحتاجه ثانيا , اما ثالثا فنحتاج الى القاع الخليه المحريه للصيد الباين في اطرافها نزح السيل وباذر النبت.......... والباقي مقدووووووور عليه , تقبل تقديري الدائم .

[سلطان 1]

لاهنت يابو مشعل
ولا قصرت

لكن انا عندي شي اهم من كل اللي ذكرته

اللي هو. / الخوي المشبب بالصيد /
اللي الصيد بوجه بأمر الله سبحانه /
بعضهم يقطع الرزق حتي لو ان الصيد مذكور لك شرط
ما تعينها وهو معك هههههههههههههههه
ومن يفارقك والصيد بوجهك :D:D

[ذراع الذيب]

السلام عليكم ورحمة الله وبركاته


هلا والله وغلا


بأخوي ابومشعل


مشكور على هالموضوع الطيب وانت تعمدت انك ماتذكر كل الاشياء المهمه لتعطي الفرصه لجميع الاعضاء بالمشاركه


والله يرحم خويك رحمه واسعه ويسكنه فسيح جناته ومثل ماجمعكم الله في هالدنيا الفانيه ان يجمعكم في جنةً قطوفها دانيه اللهم امين والمسلمين اجمعين


وماقصروا الاخوان بالمشاركه وعندي اشياء مهمه بأذكرها لاكن بعد مشاركة الاعضاء والله يوفقكم جميع


ويجمعك انت وخويك على الطيب والطاعه ونعم فيك وفي من ذكرت

[النااااااادر]

مشكور وجزاك الله الخير



فالك الجنه

[كلي فخامه]

بصراحه كل شي ذكرته مهم والله يعطيك العافيه
بس في شي واحد هو الاهم
هو الحمام بعض الناس يقنص ومامعه ولا حمامه
الطييور اغلبيتها تنكر واذا تنكر الطير مايجي الا على حمامه حيه ...
الواحد حتى لو راح المدعى لابد ان يكون معه حمام شي مهم

[خالد العطااوي]

الحمام اهم شيء ,.,, <<~
حصل معه < التنكر ههههههه ثم ابتلشت بس اهم شيء الحمام
ثم بعده الباقي ,, ومشكور يـ هزاع ,,

[خبايا انسان]

اشهد انك وافي , معلومات طيبه ,, الحمد الله العده موجوده لاكن ماناقصني الا الطير ,, يالله من فضلك

[لبيه يمنادي]

مرحبا ومسهلا بالجميع كلن باسمه ....

مشا الله عليكم ماخليتم شي بس عندي شي من وجهت نظري بعد مهم في سيارت المقناص :

- بعض الادويه المهمه التي يحتاجها راعي الطير في رحلة المقناص مثل الشناذره .. حبوب للديدان .. دواء للككسيديا .. سكرة نبات ..

- بعض الادويه البشرية للجروح .. للصداع .. للدق العقارب

- مكينة هواء ( مطور هواء ) وعدة للبنشر .

- جهاز هاتف ثريا .


وأكتفي بهذي الاشياء لاترك المجال لبقية الاخوان للمشاركه وأضافت مالديهم من معلومات ومستلزمات ..

[توكار]

اهم جهاز الكينوود سبير لو تعطل أو أحترق وش تبي تسوي


وجه أبو النكبات اهررررررررررررررب لا يخاويك

الرفيق اللى يضيق بيوم واحد وبكرة يقول أرووح للبيت

[جنوبي 505]

ماشاء الله

[(هزاع)]

اهم جهاز الكينوود سبير لو تعطل أو أحترق وش تبي تسوي


وجه أبو النكبات اهررررررررررررررب لا يخاويك

الرفيق اللى يضيق بيوم واحد وبكرة يقول أرووح للبيت

توكار
ايبالله قليل العقل وقليل الحض لايخاويك:D
اما قليل العقل يمكن يورطك عن غير قصد وينكب الرحله
والمشبب مشبب داعيينله شيبانه بالتوفيق

[ابو وافي00]

وعليكم السلام ورحمة الله وبركاته
ماقصرت يبو مشعل بيض الله وجهك
والأخوان بعد ماقصرو
الله يعطيك العافيه

تحياتي

[ابوسلمان2014]

كلامك صحيح الله يعطيك العافيه

[سعران2009]

الله يعطيك العافيه يابومشعل على هالموضوع الطيب .....
تكفون يالربع لا أحد يقنص او يطلع للبر إلا وجهاز (الثريا )معه تكفون تكفون تكفون !!!!!
يشهد الله ان ماله خوي بعد الله .
(((راحوا ناس بسبة عدم القدرة على الإتصال ولارجعوا)))
اوصيكم يالربع واكرر لاأحد يقنص من دون جوال (الثريا)وحتى لو كان سعره غالي والله ان يجي يوم وتعرفون قيمته عسى الله لايوريكم مكروه.
وخلوها قاعده مستديمه يالربع جوال الثريا لاينزل من السيارة لاصيف ولا شتاء . خله بشنطه صغيره ومعاه شاحن سياره وبطاقة شحن للإحتياط واتركه بدرج السياره ولاتنزله من السياره ابد. ماراح ياكل ولايشرب معك وأمان بإذن الله.
وافضل جهاز ثريا أستخدمته هو جهاز (XT) أو (XT DUAL) الجديد لعدة أسباب .
1/ سريع الإلتقاط للشبكه حتى لو كنت بإقصى الأرض .
2/ أنه ضد الماء وضد الكسر وضد الأتربه .
3 / بطاريه تدوم إلى ثلاث أيام او أكثر.
4/ فيه قارمن ويعطي إحداثية عن أخر مو قع إتصلت منه .

هذا وأسأل الله لي ولكم الصحه والعافيه والسلامه بجميع رحلاتنا للمقناص والسفر ولجميع المسلمين.

[أبومحمد عنيزة]

بورك فيكم جميعاً

[SULTAN MUTIRI]

اهم شئ الزريق حمام او قماري او سمان ومن بعده الباقي
الله يوفق الجميع

[المطيري99]

السلام عليكم ورحمة الله وبركاته/اشكر الجميع على ارائهم النيره وكلا مكملا للآخر والخوي بالدرجة الاولى حتى لو تنقص اغراض المقناص راح يكملها بوجوده والذي لن تنساه ابد الدهر. وبالنسبة للصيد فالاعتماد على الله والتوكل عليه قلبا وليس لسانا. وسوف ترى اثره على مقناصك اليومي والله يرزق الجميع من واسع فضله واهدي لكم هذه الابيات ولااعلم من قائلها والا ذكرت اسمه /الله يجيبه تالي عصير نازل--من حومة اتعب هواها متونه--صافي ظهر قرناس والراس عازل--يفرح به الي مبتلش في ديونه...والي مايكتب عسير.....

[راعي جلمود]

الشبكه لو تنكر الطير والا لقيت لك طير
والمهاد
والبراقع الااحتياطيه
السبب لربط الحمام
الملواح لوخلص الحمام والا انفك الشبك وانت مضحي
الدربيل
سمان في الثلاجه للطوارئ
عدة توسير
وصفره احتياطيه مع الزراديه
مرش ماء
مزغله
عيش للحمام
بطاريات للريشه
بطاريات لجهاز الطيور احتياط
الادويه الضروريه للطير خصوصآ للي بيقنص ايام طويله
( الشناذره ,ابر الدود او حبوب,حبوب قلاع,امبسلين مضاد حيوي,سكر نبات,شناي لألتهابات العين)
المهم ان الصقار اغراضه واجد ماتقضى

[صايد ومعيد]

موضوع وش يحتاج الصقار
اقول بعد ذكر الله يحتاج الصقار من كل شي شوي
هو ماذبحه الجوع هو وعياله لجل يجيب قوته هو طالع هوايه:l ان حصل شي يصيده :)ولا المحاط واجد ولافيه محطه الا وبه بقاله بعشره ريال تسد جوعك :D
لاتأذي الناس :(بصوي جهاز الطيور او ترهب العماميل بشوزنك او ترمي بخرازتك بين حلال الناس
يحتاج الصقار عقله اللي يهديه ويبعد ويخزي شيطانه ولاجهلو ربعه يذكرهم من الكتاب والسنه بايه او حديث:good2:
اهم شي الوناسه والبعد عن صخب المدينه:D لاترتسب معك شيطان :mad:يغويك عن دروب المراجل وصد عن الشينه وتعوذ من ابليس اللعين حتى لو تخسر من مالك وتروح لعيالك سالم
ماهوب لايطلق الا بعد انتهاء محكوميته وسداد الحقوق الخاصه :(
نسئل المولى السلامه