تسجيل الدخول

مشاهدة النسخة كاملة : الكفر اللي قدام راجع وراء


الحيسوني-
07/02/2013, 01:13 PM
السلام عليكم كيف حالكم ان شاء الله طيبين


انا عندي بسيارتي الكفر اللي قدام يمين راجع وراء بتجاه الكفر الخلفي 2 سم
ولا ادري وش المشكلة مريت ميزنين واحد يقول عادي شي بسيط وهذا من عمود السحب
والثاني يقول ما فيه شي والكفر مو راجع


والحين مادري وش المشكلة ولا ودي اغير شي ويطلع مو منه


ملاحظات:
السيارة ددسن غمارة 2008
قبل سنه تعرضت السيارة لحادث بسيط على اسفل الصدام الـ فيبر الاسود
والكفر اليمين ولاكن كان الحادث بسيط والكفر والجنط اللي صار بهم الحادث الى الان على اسيارة
السيارة مافيها اي رجه
بس فيها حذفية بسيطة اذا مسكت فرامل فقط فقط




هل فيه ميزان إلكتروني يعني على شأن يكون ادق ويحدد وشو اللي فيه الميلان بضبط ???


هل عمود السحب حق الـ غمارتين يركب على الغمارة ؟؟؟
دحيم الفزعة
07/02/2013, 01:28 PM
السلام عليكم

جرب اول شي شد على ربلات عمود السحب ان كانهن منضغطات وفيه فضاوه


أو غيرهن اذا تالفات


وعلى كلام راعي الميزان احتمال انه عمود السحب منعوج


و عمود الغمارتين يركب على الغماره


سؤال شاطح /
لك رغبه في بيع السياره ؟؟


ودمت بود ===
SGL
07/02/2013, 02:56 PM
شوف أذا عمود السحب تمام ومافيه شي لازم تسحب الكفر عند محلات الشاص خذ العلم أنا مسويها اكثر من مرة هذا من الصدمة راجع الكفر وبعد مايسحبه خله يسوي وزن أذرعة ويظبطه
أهم شي يسحبه مثل الكفر الثاني يخليه تدخل أصابعك بين الكفر والرفرف من الخلف وشوف القياس الكفر السليم كم أصبع والكفر الراجع كم أصبع وبعد السحب كم أصبع وتحياتي لك
ara888
07/02/2013, 03:18 PM
شووووف اخوووي كان عندي نفس مشكلتك ورحت لحق شاص وسحبه وضبطه لي علمان ان السيارة جتها صدمة قوووية من واذا كان الكفر مايمسح تراها عادي
ملك الفكتوريا
07/02/2013, 03:33 PM
خذ العلم اذا الكفر ما ينمسح عااااااادي أنا مثلك ولا فكرت اسحبه وش يقولون بـ 800 ريال وما يتحملون اذا انكسر المقص تجيب مقص انت
الحيسوني-
07/02/2013, 06:04 PM
دحيم الفزعة تمون وتامر عليها
والسيارة اذا عندك هايلكس غمارة او ددسن غمارتين
كلمني على الخاص ونتفاهم


جزاكم الله خير كلكم
وانا اتوقع ان الشاصي سليم لان الصدمة خفيفة والكفر ما يمسح


بـ نتظار باقي الاخوان وان شاء الله نلقى حل غير سحب الشاصي


دمتم بود ...
الحيسوني-
08/02/2013, 12:16 PM
سبحان الله


لا تنسون سورة الكهف اليوم



دمتم بود...
ls1.5700
08/02/2013, 02:23 PM
والله ماقصرو الشباب معك اعطوك العلم الوكاد
ااالف شكر لهم جميعاَ
مشعان 2013
10/02/2013, 11:27 AM
الاخ0 الحيسوني من الحيسونية أخوك مغترب عقلةالصقور
بدوي جنوبي
10/02/2013, 12:03 PM
دام فيه حذفه جهة الكفر المضروب أعرف انه يحتاج تعديل اما بالسحب
او بتغيير القطع المتضررة