المساعد الشخصي الرقمي

مشاهدة النسخة كاملة : توضيب فتك 2002 صناعية الخليج استشاره


ياسر الحباج
07/02/2013, 10:23 PM
السلام عليكم ورحمه الله وبركاته اعضاء احلا مكشات


الحقيقه ياخوان انا موتري جيب باترول فتك 2002

مشيت بالسياره اكثر من 200 كيلوا ولمبه الزيت والعه مانتبهت

الوكاد عضت المكينه وديتها لواحد يمني بصناعيه الخليج بالخبر

وقالي شغل يد 3000 ثلاثة الاف ريال

المهم رحت للحمراني ومعي ورقة طالب اليمني قطع الغيار فيها وانصعقت

التسعيره كامله 17700 ريال مع الخصم + شغل اليد بيكلف 21000

الآن ياخوان مشورتكم

هل فعلا هذا سعر توضيب الفتك ؟؟

هل اوضب قطع اصلي والا اشتري تشليح ؟

هل اوضب قطع اصلي وقطع تجاري لاني بستخدم والمبلغ هذا ماقدر عليه

واليوم اتصل فيني اليمني يقولي ادفع 16 الف ريال واطلع من الموضوع

قلت كيف؟ قال بطريقتي الخاصه وحلف وحطها بذمته ان جميع القطع اصليه ماعدا عمود الكرنك والاذرعه تشليح؟

وانا مسعر القطع كامله بدون العمود + كلتش بـ 14000 صافي + عمود الكرنك 17700

اتمنى توجهوني باحسن طريقه وهل الرجال غشني والا هذي تكاليف توضيب الفتك

والله يجزاكم خير جميعا وتراي محتار وانتظر ارائكم لاتبخلون علي
أبوأسامه...
07/02/2013, 10:41 PM
العامود اخرطه
خذه انت بنفسك مع السلندر والبساتم للمخرطه

وهو يعلمك ان كان يصلح ولا لا اما الوكاله

غاليه جدا جدا رح وخذه من الموزعين حقين نيسان ارخص بكثير _ وخذ الاغراض ياباني تراها تمشي

إلا الشمبر وطقم الوجيه خذه اصلي



_اما لشغل يده 3000 غالي بالنسبه لي
وطن العزة
07/02/2013, 10:54 PM
رح يم محل الحميدان قطع غيار نسيان معرووووووف وثقة وارخص من الوكاله

اغلب مواترنا نيسان ومتعاملين معه لنا سنيييييين وما شفنا منه الا القطع الأصلية وبأسعار ارخص من الوكاله

شف له فرعين بالدمام واحد داخل الصناعية والثاني على طريق سيهات من عند اشارة طريق الملك سعود

والورشة أنصحك بورشة صبيا بالدمام مشرفها سوداني ابوخالد ذمه بالشغل وحسن معامله


و ورش صناعية الخبر (الثقبة) أسعار غالية على غير سنع
mifleh
07/02/2013, 11:21 PM
اهم شئ وانا اخوك لاتاخذ كلام ورشه وحده لف على اكثر من ورشه

ودامك وصلت مكشات ماراح تندم وستجد ضالتك بأذن الله

اسأل الله ان يسهل امرك
ls1.5700
08/02/2013, 02:29 AM
والله ياخوي السعر مبالغ ليه حيل
انا من رايي تكلم يوسف الخضير بالقصيم وان شاءالله مايقصر معك
مايكلفك اكثر من 7000 ريال
فيه واحد من الربع معه فتك 2005 طاح مسمار الثلاجه على البستم وخبط الموتر
خذه بسطحه للقصيم ويقول ماكلفني 7000 ريال مع شغل اليد
والله يعوضك خير ان شاءالله
yaso
08/02/2013, 02:46 AM
اخوي ياسر فيه مكاين بالسوق شد اليابان ما يتعدى سعرها 5000ويمكن تركيب ب500 وعليها ضمان وياخذون مكينتك اسال عنها بالسوق ولو ما لقيت بلغني اسأللك بالرياض
ذهب صافي
08/02/2013, 02:51 AM
افدوك الاخوان

وانا من رايي رح لاكثر من ورشه مجربه ... واحرص علي مجربه
ياسر الحباج
08/02/2013, 07:40 PM
جزاكم الله خير على تعاونكم وتوضيحكم الله يوفقكم جميعا


بس يااخوان انا بنفسي اخذت تسعيرة قطع الغيار المطلوبه وسعرتها عند الحمراني بـ ( 100 ريال ) التسعيره

والفاتوره معاي


المبلغ الإجمالي 17700 مع الخصم !!

شغل اليد مريت اكثر من ورشه ( خمس ورشات ) الكل يطلبون شغل يد 3000 ريال

وانا بستخدم السياره والمكاين بالتشليح مابيها لاني ماعرف وش في بطنها يمكن ست شهور وتهربد

الخضير في بريده ماسالته ولااعرف عنه شي لكن انه يصلح السياره بـ 7000 ريال هذا يمكن نص توضيبه

المكينه توضيب كامل يااخوان

على العموم انا اتفقت مع اليمني وعطيته مبلغ 16000 ألف ريال شامله شغل اليد وكل شئ

وقالياها بالحرف الواحد جميع القطع بشتريها اصلي ماعدا الاعمود والاذرعه بجيبهم تشليح

والله يكتب اللي فيه الخير لي ولكم

ماقصرتوا وجمل الله حالكم

ومااخفيكم اني مستغرب كيف بـ 16000 الف ريال اذا نقصنا شغل يد بتصير 13000 ؟؟

بعيده جدا عن القيمه الاصليه لقطع الغيار المطلوبه من دون عمود واللي هي بالحمراني بـ 14000 ؟

عوافي وهذي تجربه ودرس والحياه دروس واتمنى ان موضوعي يفيد غيري

أطيب التحايــا
ابوسند9
08/02/2013, 09:57 PM
الله يعوضك ان شاءالله
لكن تبقى المشكله
هل بعد التوضيب راح تسلك المكينه ؟
يعني بمعنى اخر اليماني صاحب الورشه هل سبق ان وظب فتك
يعني بعض اخونا اليمانيين لو تجيب له ما يباخ موديل 2012 مخبطه قال المكينه لعبتي
وبعدين اخوي ياسر معليش بالله شلون يعطيك ورقه فيها طلبات لقطع غيار وهو ما فك المكينه ولا يدري ايش تحتاج المكينه من قطع؟؟؟؟
وبالنسبه للعمود والاذرعه الله يعينك بيجيك ويقول ما حصلت لا عمود ولا اذرعه بالتشليح لان مكائن الفتك بالتشليح قليه جدا لذا راح يخرطه لك
وبالنسبه لسعر التوضيب نعم تكلف من 5 الاف ريال الى 7 الاف والعمود ينخرط وورشة متخصصه بالفتك
اخير الله ييسر امرك
abo naser 1
09/02/2013, 12:35 AM
السلام عليكم

أخوي بغض النظر عن 16 الف ها اليماني تعرفه تعرف شغلة هل هو متخصص في الفتك حرام تدفع ها المبلغ ويجيك واحد يتعلم شد المكاين وتروح خسارتك وهمك على الفاضي وغير ان اصاحب الورش والتشاليح اذا بغي يوضب مكينة ماياخذ جديد يلقط من التشليح هذا بستم وهذي ذرعان وانت ماشي حقت الضمان فقط لو تجور عليها شوي طقت

انا ما أعرف كم قيمة توضيب الفتك ولا استخدمته بس قريت مواضيع توضيب كامل مع الرأس ماوصلة 14 الف ريال وعند متخصصين نياسن
محمد النيساني
09/02/2013, 02:58 AM
اخوي العزيز القطع ما يطلبها منك لين يفك المكينه في اشياء كثيره ماتتغير الا للضروره مثل البساتم وعمود الكرنك على العموم اطلبه فاتوره للقطع والله ييسر امرك...
ياسر الحباج
09/02/2013, 05:24 AM
اليمني بيعطيني السياره ومعها ضمان ثلاثة أشهر واعطاني الورقة بعد مافك المكينه

انا ماادري عن نيته وماني حوله اجيه من الجبيل ومشغول ماني فاضي اتابع شغله والخط رايح جاي ذبحني

استغرب من اللي يقول توضيب الفتك يكلف سبعة الاف دورولي واحد يوضبه بهالقيمه وله خمسة الاف

اتمنى اللي يعرف تكلفة مكينه الفتك ( توضيب كامل ) وركزوا على كامل يخبرني هل انغشيت والا لا

واليمني مااعطيته معلومات عن السياره توي مشتريها وماشاء الله عليه خبرني عن امور اكتشفها بنفسه واللي هي ان المكينه سبق وانفكت وسبق وان العمود انخرط مرتين ورحت معاه للمخرطه وقالي اقدر اخرطه لك بس مابي احطها بذمتي هذا مايمشيك اسبوع

الرجال من كلامه ماهو مستعجل ومتفاهم وسبق ان وضب فتك وقالي ثلاثة اشهر ان صار به شي اصلحه مجاني لو كلفني مكينه جديده

انا توكلت على الله ولاني مو فاضي ومشغول جدا وتفعيل عضويتي جلس اسبوع يالله تفعلت اعطيته المبلغ والله يكتب اللي فيه الخير

انتم ماقصرتم كان ودي ان العضويه ماتاخر تفعيلها حتى نكسب خبراتكم ونتريث اكثر والله الواحد لما يشوف هالتفاعل ينشرح صدره الله يشرح صدوركم

وطبعا هو بيسلمني السياره ومعها فواتير قطع الغيار اللي بيشتريها سواء اصلي او تشليح

وراح ابلغكم اول ماتطلع السياره + ضيفوا على قطع الغيار ياخوان ( دزك وكلتش + وكالــه )

وان شاء الله انه اجودي وطيب شروى من يقرأ

الله لايهينكم
MSAN
09/02/2013, 09:06 AM
مكينة الفتك غااااليه.. تاخذها من التشاليح بحول ال20000 ريال

مبلغ 20000 ريال بيجلّس لك LS1 أفضل من الفتك



قيمة سبايك الفتك أغلا من قيمة مكينة LS1
تيرنيدو
01/07/2013, 01:32 PM
يا طيب اللي قالك رح لورشه صبيا هذا هو اللي دلك صح

اما ابو يمن نصيحه لا تجيه

ورشه صبيا شغلهم تويوتا ونيسان فقط ومتخصصين فيه منذ مبطي

رح للسوداني فـــــــــــتــحي ابو خالد

هو اللي يعلمك العلة

انت تستخدم فلا تصلحه الا عند خبره

نصييييييحه لله والرجل يخدمك وانت مكانك بكل القطع

وانت حر
sgl2002
01/07/2013, 01:51 PM
وين توظيب الفتك ب٧٠٠٠


ياناس التوظيب ماله تكلفه محددة

ممكن يكلف ٣ او ٤ او ١٠ او ٢٠ حسب الاضرار

ومشكلة خوينا كبيره انه مشى بدون زيت يعني راحت المكينه في خرايطها

سعر توظيبك مناسب اذا كانت المكينة تضررت بالكامل لكن اهم شي الشغل

واما توظيب ب٧٠٠٠ انسا ، هذا توظيب ال٤٥٠٠ يكلف ٥٠٠٠ الى ٧٠٠٠
ابوسليمان7969
01/07/2013, 02:15 PM
اما توضيب الفتك 7000 هذي كثرلي منها انا موضيب 4200 مثل خوينا ولعة لمبة الزيت اسباب خراب طرمبة الزيت وانا ماسك خط وما انتبهة للمبه مولعه وخبط الموتر تكلف قطع غيار كامل اصلي من دون شفل الليد 4500 ريال وشغل يد 900 مع والواسطات والمعارف
4x4ofroad
22/01/2014, 01:56 PM
صحيح ان الموضوع قديم بس من واقع توضيب 4 فتكات باشرافي اقول ان التوضيب يكلف حسب الحاله واكثر شي مكلف 11 الف ريال مع العلم ان فيها كرنك جديد ب3000 و3 اذرعه
واقل شي كلف 6500 تقريبا او اقل شوي وفيها بساتم جدد
وشغل اليد 1800 ريال بورشه بصناعيه الثقبه وشغله ممتاز
وبالنسبه للقطع كلها اصليه من موزعين
التمسساح
23/01/2014, 12:13 AM
اخبر واحد وضب مكينة فتك في تبوك كلفته حوالي ١٨
4x4ofroad
23/01/2014, 02:35 PM
اذا المشكله تجديد سبيكه وشنبر وطرمبه زيت مابيكلف حتى 4500 واذا فيها خرط وبساتم بيوصل حول 6000 واذا السالفه عوجه وفيها اذرعه وكرنك احسب حسابك على الذراع الواحد ب300 والكرنك ب3000 واما لو سلندر مكسور ولا راس منشعر هذي بتطلع بقيمه مكينه ثانيه
وعلى فكره مافي فرق كبير بين سعر قطع ال4500 والفتك وشغل اليد حول بعض الفرق لو احتجت قطع من التشليح مثل ذراع او كرنك ممكن تحصل لل4500 او 4200 وبتوفر بالتكلفه اما الجديد مافي فرق كبير الا بطقم الوجيه بس
ياسر الحباج
04/10/2014, 01:14 PM
السلام عليكم ورحمة الله وبركاته

يعطيهم العافيه الاخوان والموضوع قديم حبيت اسوي رد حتى يستفيد القاري

الحمدلله من قبل ومن بعد

الموتر ماشاء الله تبارك الله اول ماطلعته سيدا لمكه من الجبيل ( رايح جاي ) وفي شهر ثمانيه عز الحر

ثم من الجبيل الى منطقة القصيم ( بعد اسبوع ) وكذلك عوده من القصيم للشرقيه

وحتى الان معي ماشاء الله مايشتكي من شئ وكنسلت فكرة بيعته

صوت المكينه كان مزعج وبعد التوضيب صارت راكده واقول الله يجزى اليماني الف خير

وطالما انا بنفسي شيكت على قطع الغيار وشفت تسعيرتها فوق 17 ألف

دفعتها بعد ماستخرت ربي وانا مرتاح ولاني بستخدم اخذت ضمانه عليه مختومه من الورشه وتوقيعه ثلاث اشهر على المكينه كامله

الرجال اول مره اتعامل معه لحيتن غانمه ومن يبغى جواله تراه موجود معي ومحفوظ

لاهنتم وكل عام وانت بخير

تحياتي
سارق الكحل
05/10/2014, 01:07 AM
الله يبارك لك في موترك والحمد لله
فعلا توظيب الفتك مكلف

بس دام انك بالجبيل عندك الهندي سليم بورشة الخالدي بالعريفي
خيرة توظيب مكاين نيسان
وفيه كومار في الثقبة بصناعية الخليج
البدر 707
05/10/2014, 01:28 PM
ماشاء الله تبارك الله الله يبارك لك في حلالك
ولاتهون ارسل رقمه خاص
سموو الروح
07/10/2014, 03:25 PM
توضيب فتك ب 7 هاذي من سابع المستحيلات
ولو ان القطع صناعه سيرلنكيه
المكينه بالتشليح بالقصيم العجلان ب 12 الف موظبه
و 16 غير مفكوكه ولو بتلف ع اكثر من واحد
بتحصل التوضيب مانصحك فيه
ركب وارد يباني وتاكد انها غير مفكوكه
Rapture
07/10/2014, 04:17 PM
ياليت لو تعطينا رقمه واسمه ووصف الورشة بالضبط من الشارع العام ( شارع الجزاءر)
smoker12324
07/10/2014, 10:21 PM
هذا سعر سيارة مو توظيب اشتر مكينة افضل