ملك الفكتوريا
08/02/2013, 12:06 AM
السلام عليكم ورحمة الله وبركاته
كنوع من التغيير والتنشيط للمنتدى حبيت أنزل موضوع فضفضة مر علي ولعل به فائدة تثبت المثل ( ما ضاع حق وراه مطالب )
سنة 2011 سنة كئيبة من جميع النواحي النفسية بسبب البطالة
ما تدري وش تسوي بمصيبتك ولا نظرات الوالدين اللي مثل السيوف تقطع بالجسد
قضيت هاك السنة بالنوم والتمشيات والتي لا يراها غيري سوى فله دون أن يعلم ما بداخلي من نيران البطالة تحرق روح التفاؤل للمستقبل
بداية القصة في يوم الجمعه عندما كان معي أحد الأصدقاء بعد فراق سنتين وجلس يمدح بالسيارة لا هربده ولا اصوات والعزل ممتاز رغم أن لها 12 سنة
لم يذكر الله
وبعدها بيومين حصل ما لم يخطر بالحسبان
حااااااااااادث شنيع
يوم الأحد 20/4/1432
وهذا رابط الموضوع
http://www.mekshat.com/vb/showthread.php?t=402817
طلعت اصلي العشاء وقلت ازرق لمشوار قريب قبل المباراة وبالخدمة وبدون اي تحذير لرد من التراب والحصى في الخط صدمتها وأنا ماشي تقريبا 100
طارت السيارة وطلع الايرباق وفقع وجهي :p ونزلت من السيارة شوفت حالتها
ما قصروا الناس بيض الله وجيههم فصلوا البطارية وجلست على الرصيف ارتاح مع النزف من الانف والفم
رجعت للسيارة أدور الجوال ما لقيته
أخذت جوال أحد الاخوان واتصلت على جوال الوالد ولم يرد واتصلت على البيت وردت الوالده وقلت عطيني ابوي وقلب الام ما يحتاج اكمل عرفت ان فيه سر
كلمت الوالد والذي كان لتوه خالع العصب وتعبان وجيت أنا كملت الناقص <<<<كم انا حقير:(
قلت له حادث بسيط قال مع من على اساس دبر عمرك
قلت مو مع احد
في وقت انتظار الوالد طلبت من الاخ عبدالرحمن العتيبي الذي لم انسى اسمه التصوير وارساله على الايميل وما قصر رجعت للبيت ولقيت الصور
ويوم جيت ابعطيه الايميل وبكتبه بورقه طلعت الملف الاخضر حق التقديم وكتبت له
الحادث يقهر والاهمال والتسيب يقهر اكثر ما دريت الا بشخص يقول انه محامي واعطاني كرته
وجاء بعده دكتور واعطاني رقمه
واعطاني شخص رقمه وهو بالزي العسكري
وشخص اخير ما قصر واعطاني رقمه
وكلهم بصووووت واحد لا تتنازل واذا وصلت للمحكمة دق علينا واحنا شهووووود :good:
والنعم فيهم واحد واحد
في هذه الاثناء وصل الوالد
وخاف كثير يوم شاف الدم على الثوب
وصل الاسعاف سريعا بكل امانه وتم الكشف
اللي كشف علي ما قصر ومتعاون وطلبته ورقة بالحالة من كدمات بالوجه والالام باليدين والركبتين وجروح
المشكلة في سواق الاسعاف كان مستعجل يبي شوف المباراة وما فكر بالانسان اللي جاي على شانه
انتظرنا نجم وجاء وكتب التقرير وبنفس الوقت واحد بغى يرقى الرد الترابي رغم وضعنا لكفر كتحذير لكن من يتوقع التسيب لهذه الدرجه
ربي سلمه وخلصنا التقرير والتأمين كان ( ضد الغير )
وفي الوقت اللي ننتظر المرور نزلت دموعي من منظر السيارة بعد الهيبة والوقفه صارت منتهيه
قد يلموني البعض او ينقد علي لكن من حب سيارة وتعلم عليها وساقها بكل الظروف وما خانته او طيحت وجه بعطل او غيره لا تلمونه اذا بكى على سيارته وخاصه اذا كانت فورد
جاء المرور وخلصنا امورنا وجت السطحه وكان الوقت الساعه 11 ونص والحادث على الساعه 8
اخذنا السيارة للبيت
واخذني الوالد للمستشفى للكشف الشامل والحمد لله سليمه
يوم رجعت البيت قال ابوي ادخل بسرعه لا تشوف امك الدم على الثوب
دخلت البيت والقلب متعلق بالمباراة دخلت الغرفه ولقيت اخوي يقول طف اللمبة وسألته عن النتيجه قال انقلع انت وفريقك الفاشل:D
سألتني الوالده وقلت لها انه حادث بسيط وسألتني ليه وجهك أحمر قلت حر والوقت الجو زين
نمت وجاء الاثنين الصبح
حاولت اقوم ما قدرت ظهري يألمني كلمت الوالد رحت المرور عشان ورقة التصليح قال لا
على اساس ان الحادث بسيط خارجيا لكن تفتح الكبوت تشوف بلاوي الدنيا متكسره
طلعت للسيارة وحاولت افتح البابين الاماميه بصعوبه تفته لان الرفارف رجعت عليها
القزاز الامامي متكسر ومتشطب
التنطه انعفطت فوق السسواق
الكبوت متعفط شوي
الصدام متغيره هيئته والفير مكسر والشبك ضايع والرديتر طلعت مواصير والمروحه متكسره
والرفارف متعفطه وخاصه اليسار
الاسطب اليسار مدري وينه:D
دينمو المكيف متكسر وصندوق الهواء متكسر
اقفل الكبوت اششوف السيارة تقل بسيطه:(
مر الاثنين بخيره وشره
مر الثلاثاء والعصر الا ابوي جايب سمكري
كشف على السيارة وقال الشاص من اليسار طالع لفوق والسيارة يبيلها سمكره ورفرف يسار جديد وبويه مع باقي الشغل كله
ويقول تكلف 6000 ريال
شوي الا ابوي يعطيني النظرة اللي غيرت مجرى القصة تماما:D
قال ابوي جيب راعي سطحه والحقني الصناعيه
وبعدين دقيت عليه وقلت له بروح للشركة وبنشوف وش يقولون
اذا عونا حقنا كان بها ما عطونا الشكوى لله عشان ما نقول ليت وليت
قال خلاص
جاء الاربعاء ورحت للشركة الساعه 8 وطبعا كنت بروح بتاكسي لأن النفسية صارت خوف من السواقه ولازمتني كثير
قال ابوي لا رح بالجمس :eek: لكن الله يسر
رحت لهم قالوا المدير يجي الساعه 11
رجعت للبيت وطلعت الساعه 11 لهم
وصلت وقلت ابي المدير قلت شكوى ضدكم ونشبت لهم
بالاخير جلسوني عند اجانب بمكتب وبعد نص ساعه دخلوني يبون يطفشوني طفشتهم:good2:
دخلت عنده وطلع ولد المدير الشايب مسافر
وقلت له السالفه ووريتح تقارير التأمين والمرور والتقارير الطبيه
قال ما في شئ يثبت
رديت عليه وبلهجه حاده كيف ما فيه هذي تقارير وعندي اربع شهور
قال التقارير هذي ما تستلمها انت وما تثبت
رديت عليه بصوت حاد ترى اذا ما عطيتوني حقي اعرف وين اروح واظن تعرف الديوان الملكي:l
ناظر فيني بنص عين وقال انزل لمدير الموارد البشرية
رحت لمدير الموارد البشرية وقال خلص امورك عن طريق المرور وتعال
قلت ما يمدي الحين ربوع والساعه 1 يمدي الموظفين طلعوا
طبعا يوم دروا الاقارب اني بشتكي انواع التحطيم لكن اصريت
جاء يوم السبت ورحت للمرور عطوني ورقه لتقدير الحوادث
طلعت وغلبني النوم لأني مواصل ما نمت
كلمت راعي السطحه يكون الساعه 7ونص الصبح عندي
أخذنا السيارة وقلت له على صناعية العروبة قال خلنا نروح لصناعية النسيم عشان لو كانت تبي شيخ معارض يكون قريب واوديك شيخ المعارض بنفس السعر ما ازيد وكان السعر 150 ريال
رحنا لمكتب تقديرات المرور واول ما شافها قال ( مكلفه ) على شيخ المعارض
ويوم طلعنا من المكتب خانني راعي السطحه وقال تزيد 100 ومدري ايش
قلت والاتفاق بيننا قال شيخ المعارض ما بنخلص الا بعد الظهر
واذا خلصنا قبل الظهر لا تعطيني ريال
قال يالله الشكوى لله
وصلنا لشيخ المعارض وخلصت اموري قبل الظهر
كلمت اللي يقدر قلت السيارة تجيب 28 الف قال سعرها 21 بنعطيك مقدر ازيد لكن ابشر
صار سعرها قبل الحادث 21الف وبعد الحادث 6500 ريال
صار الفرق 14500 ريال وهو التعويض
طلعنا للبيت ويوم وصلنا ونزلت السيارة قبل الظهر
قلت لراعي السطحه الله يستر عليه
قال حسابي
قلت على اتفاقنا قبل الظهر ما تأخذ ولا ريال
جلس يبربر
بالاخير قلت له حقك 150 ريال على اتفاقنا ولو ابي اسوي مثلك ما تشوفها
لكن توكل على الله
رحت اليوم الثاني للمرور واعطوني الاوراق والبلاوي والروتين الممل
وسألتهم اقدر ادخل السيارة الورشه والا مثل نظام التأمين
قال العسكري لا اصلا فلوس التعويض من حقك تبي تبيع السيارة تقدر تبيعها واذا تبي تصلحها صلحها
واذا ترميها عادي حقك بتاخذه
وقالوا خلاص بنرسلها لمرور الناصريه مع المندوب
قلت انا بوديها
قالوا تعال وهات اثباتك ولا تفتحها اوراق رسميه
قلت خلاص
رحت للناصريه وخلصت الامور ورجعت لمرور الشمال ورجعه للناصريه
وبعدين حولوني على مكتب الامانه بشرق الرياض وجلست الاوراق عندهم 3 ايام تأخير وكل المسألة تصوير للموقع ومخطط لها واسم الشركه وعنوانيها بس
ولا عطوني الا بعد مضاربه وصياح
رجعت لمرور الناصريه وتحويل لمرور الشمال وباالاخير وقفت عند مرور الناصريه عند عقيد يطلع بالتلفزيون:D وقال رئيس الرقباء خلاص احنا نتواصل مع الشركة وبعدين بندق عليك
جاء بعد يومين رحت لهم قالوا اوراقك بمرور الشمال رح لهم
رحت لهم ورحت عن شخص ما قصر ساعدني وانا ما ارعفه ولا يعرفني تعرفون استقعاد بعض العسكر بس هو يمشيها
قال والله ما اقدر اسوي شئ احنا راسلنا الشركة وننتظرهم ومالك الا تروح لهم
صرت اروح للشركه وانشب لهم وصياح وهواش
حتى أتى يوم الاثنين رحت لهم قالوا لي اسبق المندوب على المرور
رحت وما جاء ورجعت لهم وهزأتهم
جاء الثلاثاء يوم 20/5/1432 اي بعد شهر بالضبط ورحت للشركة وقلت المندوب رجلي على رجله
قال الموظف بيجيك بس اسبقه
واخذت رقم المندوب وقال وين انت قلت بالمرور قال انا جاي
اتصل على المندوب وقال انا بالمرور وقلت انتظر جاي وامشي على اقل من مهلي
وصلت ورحنا للموظف اللي ما قصر وقال وقع انك استلمت الشيك وتنازل
قلت يعطيني الشيك قبل اوقع
وقال حظت زين غيرك ما يأخذ التعويض الا من ثلاث شهور وورى
قلت غصب عنكم مو كرم منكم:D
كان تفكيري اخذ الشيك واسحب على الشركة لان وزارة الماليه او الغرفه التجاريه توقف اشغالها حتى تصرف الشيك واوقع بالتنازل
واخليهم يدوروني لكن بسبب قبولي بوظيفه بالشرقيه وقعت
ويوم طلعنا والشيك التعويض طلع عند بوابة مبنى المرور لقيت مندوب الشركة يقول وصلني لسيارتي قلت امش على رجليك وافحط بوجهه
وأعطيت الوالد التعويض وصلحنا السيارة وكلفت حول 20 الف ريال مع العلم بأن كل القطع الكهربائية والميكانيكة اصلي
وبعض القطع تشليح لرخصها او عدم بيعها مجزأة
والحمد لله تم تصليح السيارة وارسالها لي بالشرقية واكمال التصليح للاشياء اللي ما تطلع الا بعد المشي بالسيارة
وأخيرا وليس أخرا من لا يطالب بحقه لا يزعل اذا اكلوه الرجال
ونصيحه خلك قوي معهم والا بيروح حقك
انشب لهم قد ما تقدر وشخص ما يحترمك لا تحترمه
طبعا الشركة اخواني هي نفس الشركة المنفذه لكوبري الباحه واللي راحت ضحيته رب عائلة في قصة مطاردة الهيئة الشهيرة
ولكم كامل المحبة والتقدير
ملك الفكتوريا
كنوع من التغيير والتنشيط للمنتدى حبيت أنزل موضوع فضفضة مر علي ولعل به فائدة تثبت المثل ( ما ضاع حق وراه مطالب )
سنة 2011 سنة كئيبة من جميع النواحي النفسية بسبب البطالة
ما تدري وش تسوي بمصيبتك ولا نظرات الوالدين اللي مثل السيوف تقطع بالجسد
قضيت هاك السنة بالنوم والتمشيات والتي لا يراها غيري سوى فله دون أن يعلم ما بداخلي من نيران البطالة تحرق روح التفاؤل للمستقبل
بداية القصة في يوم الجمعه عندما كان معي أحد الأصدقاء بعد فراق سنتين وجلس يمدح بالسيارة لا هربده ولا اصوات والعزل ممتاز رغم أن لها 12 سنة
لم يذكر الله
وبعدها بيومين حصل ما لم يخطر بالحسبان
حااااااااااادث شنيع
يوم الأحد 20/4/1432
وهذا رابط الموضوع
http://www.mekshat.com/vb/showthread.php?t=402817
طلعت اصلي العشاء وقلت ازرق لمشوار قريب قبل المباراة وبالخدمة وبدون اي تحذير لرد من التراب والحصى في الخط صدمتها وأنا ماشي تقريبا 100
طارت السيارة وطلع الايرباق وفقع وجهي :p ونزلت من السيارة شوفت حالتها
ما قصروا الناس بيض الله وجيههم فصلوا البطارية وجلست على الرصيف ارتاح مع النزف من الانف والفم
رجعت للسيارة أدور الجوال ما لقيته
أخذت جوال أحد الاخوان واتصلت على جوال الوالد ولم يرد واتصلت على البيت وردت الوالده وقلت عطيني ابوي وقلب الام ما يحتاج اكمل عرفت ان فيه سر
كلمت الوالد والذي كان لتوه خالع العصب وتعبان وجيت أنا كملت الناقص <<<<كم انا حقير:(
قلت له حادث بسيط قال مع من على اساس دبر عمرك
قلت مو مع احد
في وقت انتظار الوالد طلبت من الاخ عبدالرحمن العتيبي الذي لم انسى اسمه التصوير وارساله على الايميل وما قصر رجعت للبيت ولقيت الصور
ويوم جيت ابعطيه الايميل وبكتبه بورقه طلعت الملف الاخضر حق التقديم وكتبت له
الحادث يقهر والاهمال والتسيب يقهر اكثر ما دريت الا بشخص يقول انه محامي واعطاني كرته
وجاء بعده دكتور واعطاني رقمه
واعطاني شخص رقمه وهو بالزي العسكري
وشخص اخير ما قصر واعطاني رقمه
وكلهم بصووووت واحد لا تتنازل واذا وصلت للمحكمة دق علينا واحنا شهووووود :good:
والنعم فيهم واحد واحد
في هذه الاثناء وصل الوالد
وخاف كثير يوم شاف الدم على الثوب
وصل الاسعاف سريعا بكل امانه وتم الكشف
اللي كشف علي ما قصر ومتعاون وطلبته ورقة بالحالة من كدمات بالوجه والالام باليدين والركبتين وجروح
المشكلة في سواق الاسعاف كان مستعجل يبي شوف المباراة وما فكر بالانسان اللي جاي على شانه
انتظرنا نجم وجاء وكتب التقرير وبنفس الوقت واحد بغى يرقى الرد الترابي رغم وضعنا لكفر كتحذير لكن من يتوقع التسيب لهذه الدرجه
ربي سلمه وخلصنا التقرير والتأمين كان ( ضد الغير )
وفي الوقت اللي ننتظر المرور نزلت دموعي من منظر السيارة بعد الهيبة والوقفه صارت منتهيه
قد يلموني البعض او ينقد علي لكن من حب سيارة وتعلم عليها وساقها بكل الظروف وما خانته او طيحت وجه بعطل او غيره لا تلمونه اذا بكى على سيارته وخاصه اذا كانت فورد
جاء المرور وخلصنا امورنا وجت السطحه وكان الوقت الساعه 11 ونص والحادث على الساعه 8
اخذنا السيارة للبيت
واخذني الوالد للمستشفى للكشف الشامل والحمد لله سليمه
يوم رجعت البيت قال ابوي ادخل بسرعه لا تشوف امك الدم على الثوب
دخلت البيت والقلب متعلق بالمباراة دخلت الغرفه ولقيت اخوي يقول طف اللمبة وسألته عن النتيجه قال انقلع انت وفريقك الفاشل:D
سألتني الوالده وقلت لها انه حادث بسيط وسألتني ليه وجهك أحمر قلت حر والوقت الجو زين
نمت وجاء الاثنين الصبح
حاولت اقوم ما قدرت ظهري يألمني كلمت الوالد رحت المرور عشان ورقة التصليح قال لا
على اساس ان الحادث بسيط خارجيا لكن تفتح الكبوت تشوف بلاوي الدنيا متكسره
طلعت للسيارة وحاولت افتح البابين الاماميه بصعوبه تفته لان الرفارف رجعت عليها
القزاز الامامي متكسر ومتشطب
التنطه انعفطت فوق السسواق
الكبوت متعفط شوي
الصدام متغيره هيئته والفير مكسر والشبك ضايع والرديتر طلعت مواصير والمروحه متكسره
والرفارف متعفطه وخاصه اليسار
الاسطب اليسار مدري وينه:D
دينمو المكيف متكسر وصندوق الهواء متكسر
اقفل الكبوت اششوف السيارة تقل بسيطه:(
مر الاثنين بخيره وشره
مر الثلاثاء والعصر الا ابوي جايب سمكري
كشف على السيارة وقال الشاص من اليسار طالع لفوق والسيارة يبيلها سمكره ورفرف يسار جديد وبويه مع باقي الشغل كله
ويقول تكلف 6000 ريال
شوي الا ابوي يعطيني النظرة اللي غيرت مجرى القصة تماما:D
قال ابوي جيب راعي سطحه والحقني الصناعيه
وبعدين دقيت عليه وقلت له بروح للشركة وبنشوف وش يقولون
اذا عونا حقنا كان بها ما عطونا الشكوى لله عشان ما نقول ليت وليت
قال خلاص
جاء الاربعاء ورحت للشركة الساعه 8 وطبعا كنت بروح بتاكسي لأن النفسية صارت خوف من السواقه ولازمتني كثير
قال ابوي لا رح بالجمس :eek: لكن الله يسر
رحت لهم قالوا المدير يجي الساعه 11
رجعت للبيت وطلعت الساعه 11 لهم
وصلت وقلت ابي المدير قلت شكوى ضدكم ونشبت لهم
بالاخير جلسوني عند اجانب بمكتب وبعد نص ساعه دخلوني يبون يطفشوني طفشتهم:good2:
دخلت عنده وطلع ولد المدير الشايب مسافر
وقلت له السالفه ووريتح تقارير التأمين والمرور والتقارير الطبيه
قال ما في شئ يثبت
رديت عليه وبلهجه حاده كيف ما فيه هذي تقارير وعندي اربع شهور
قال التقارير هذي ما تستلمها انت وما تثبت
رديت عليه بصوت حاد ترى اذا ما عطيتوني حقي اعرف وين اروح واظن تعرف الديوان الملكي:l
ناظر فيني بنص عين وقال انزل لمدير الموارد البشرية
رحت لمدير الموارد البشرية وقال خلص امورك عن طريق المرور وتعال
قلت ما يمدي الحين ربوع والساعه 1 يمدي الموظفين طلعوا
طبعا يوم دروا الاقارب اني بشتكي انواع التحطيم لكن اصريت
جاء يوم السبت ورحت للمرور عطوني ورقه لتقدير الحوادث
طلعت وغلبني النوم لأني مواصل ما نمت
كلمت راعي السطحه يكون الساعه 7ونص الصبح عندي
أخذنا السيارة وقلت له على صناعية العروبة قال خلنا نروح لصناعية النسيم عشان لو كانت تبي شيخ معارض يكون قريب واوديك شيخ المعارض بنفس السعر ما ازيد وكان السعر 150 ريال
رحنا لمكتب تقديرات المرور واول ما شافها قال ( مكلفه ) على شيخ المعارض
ويوم طلعنا من المكتب خانني راعي السطحه وقال تزيد 100 ومدري ايش
قلت والاتفاق بيننا قال شيخ المعارض ما بنخلص الا بعد الظهر
واذا خلصنا قبل الظهر لا تعطيني ريال
قال يالله الشكوى لله
وصلنا لشيخ المعارض وخلصت اموري قبل الظهر
كلمت اللي يقدر قلت السيارة تجيب 28 الف قال سعرها 21 بنعطيك مقدر ازيد لكن ابشر
صار سعرها قبل الحادث 21الف وبعد الحادث 6500 ريال
صار الفرق 14500 ريال وهو التعويض
طلعنا للبيت ويوم وصلنا ونزلت السيارة قبل الظهر
قلت لراعي السطحه الله يستر عليه
قال حسابي
قلت على اتفاقنا قبل الظهر ما تأخذ ولا ريال
جلس يبربر
بالاخير قلت له حقك 150 ريال على اتفاقنا ولو ابي اسوي مثلك ما تشوفها
لكن توكل على الله
رحت اليوم الثاني للمرور واعطوني الاوراق والبلاوي والروتين الممل
وسألتهم اقدر ادخل السيارة الورشه والا مثل نظام التأمين
قال العسكري لا اصلا فلوس التعويض من حقك تبي تبيع السيارة تقدر تبيعها واذا تبي تصلحها صلحها
واذا ترميها عادي حقك بتاخذه
وقالوا خلاص بنرسلها لمرور الناصريه مع المندوب
قلت انا بوديها
قالوا تعال وهات اثباتك ولا تفتحها اوراق رسميه
قلت خلاص
رحت للناصريه وخلصت الامور ورجعت لمرور الشمال ورجعه للناصريه
وبعدين حولوني على مكتب الامانه بشرق الرياض وجلست الاوراق عندهم 3 ايام تأخير وكل المسألة تصوير للموقع ومخطط لها واسم الشركه وعنوانيها بس
ولا عطوني الا بعد مضاربه وصياح
رجعت لمرور الناصريه وتحويل لمرور الشمال وباالاخير وقفت عند مرور الناصريه عند عقيد يطلع بالتلفزيون:D وقال رئيس الرقباء خلاص احنا نتواصل مع الشركة وبعدين بندق عليك
جاء بعد يومين رحت لهم قالوا اوراقك بمرور الشمال رح لهم
رحت لهم ورحت عن شخص ما قصر ساعدني وانا ما ارعفه ولا يعرفني تعرفون استقعاد بعض العسكر بس هو يمشيها
قال والله ما اقدر اسوي شئ احنا راسلنا الشركة وننتظرهم ومالك الا تروح لهم
صرت اروح للشركه وانشب لهم وصياح وهواش
حتى أتى يوم الاثنين رحت لهم قالوا لي اسبق المندوب على المرور
رحت وما جاء ورجعت لهم وهزأتهم
جاء الثلاثاء يوم 20/5/1432 اي بعد شهر بالضبط ورحت للشركة وقلت المندوب رجلي على رجله
قال الموظف بيجيك بس اسبقه
واخذت رقم المندوب وقال وين انت قلت بالمرور قال انا جاي
اتصل على المندوب وقال انا بالمرور وقلت انتظر جاي وامشي على اقل من مهلي
وصلت ورحنا للموظف اللي ما قصر وقال وقع انك استلمت الشيك وتنازل
قلت يعطيني الشيك قبل اوقع
وقال حظت زين غيرك ما يأخذ التعويض الا من ثلاث شهور وورى
قلت غصب عنكم مو كرم منكم:D
كان تفكيري اخذ الشيك واسحب على الشركة لان وزارة الماليه او الغرفه التجاريه توقف اشغالها حتى تصرف الشيك واوقع بالتنازل
واخليهم يدوروني لكن بسبب قبولي بوظيفه بالشرقيه وقعت
ويوم طلعنا والشيك التعويض طلع عند بوابة مبنى المرور لقيت مندوب الشركة يقول وصلني لسيارتي قلت امش على رجليك وافحط بوجهه
وأعطيت الوالد التعويض وصلحنا السيارة وكلفت حول 20 الف ريال مع العلم بأن كل القطع الكهربائية والميكانيكة اصلي
وبعض القطع تشليح لرخصها او عدم بيعها مجزأة
والحمد لله تم تصليح السيارة وارسالها لي بالشرقية واكمال التصليح للاشياء اللي ما تطلع الا بعد المشي بالسيارة
وأخيرا وليس أخرا من لا يطالب بحقه لا يزعل اذا اكلوه الرجال
ونصيحه خلك قوي معهم والا بيروح حقك
انشب لهم قد ما تقدر وشخص ما يحترمك لا تحترمه
طبعا الشركة اخواني هي نفس الشركة المنفذه لكوبري الباحه واللي راحت ضحيته رب عائلة في قصة مطاردة الهيئة الشهيرة
ولكم كامل المحبة والتقدير
ملك الفكتوريا