أين يقع أفضل مكان للتخييم قريب من الرياض !!!

[ابو سعــد]

السلام عليكم ورحمة الله وبركاته جميعا ،،،
انا من عشاق هذا المنتدى ومن المتابعين له من فترة طويلة ، وماشاء الله اغلب الاخوان هنا متعاونين جدا وخبراتهم ممتازه وعالية جدا .
أرغب من اخواني مساعدتي في ايجاد مكان للتخييم (مخيم ثابت ) ، الجميع يعلم ان الاماكن القريبه مثل الثمامه وطريق القصيم ممتلئة ومزدحمه ولم تعد تشعر بأنك في البر .
أرجو ان يكون الموقع تتوفر فيه بيئة رملية (طعوس أو نفد )، لانني سأضع في المخيم خيول . واتمنى ان تكون المنطقة لا تبعد عن الرياض ب 100 كيلو بحد اقصى . وبارك الله فيكم

[عبدالرحمن السالم]

شف الخرج يمكن تلقى اماكن زينه انا قبل فترة جيت للرياض لرجال شرواك وشروا الجميع
عنده مزرعه بالخرج قبل التفتيش على ما اعتقد ارض حلوه وممتازه

وياليت من اهل الرياض كان افدتك اكثر

بس الاخوان ماراح يقصرون معك

تحياتي لك ياعزوتي

[جرير]

وعليكم السلام ورحوة الله وبركاته
صدقت اخي الكريم ترانا مثلك لنا فتره بلشانين وين نروح. وجزاك الله خير فتحت الموضوع.
الثمامه ماهي الثمامه والناس ماهم الناس تغيرة الاحوال والنفوس والطبائع .
الخصوصية التي كنا نفخر بها اصبحت مكشوفه هناك من يتعمد التلصص علي خصوصيات الناس .
الاماكن تباعدت فلا تجد مكان قريب يصلح لتخييم وان ابعدت بلشت بالمسافه رايح جاي .
المهم انا اعتقد ان منطقة طريق رويغب تصلح قبل روضة نوره فيه منطقه زينه لاهي رمليه ولا حجريه وحولك شعبان زينه والحركه قليله الا وقت الربيع تكثر الناس المهم تسلم من هاللي يدورون ليل نهار .
او اتجه شرقا كل الدهنا اللي حول سعد زينه وبعيده عن الناس ويخدمك الخط السريع.
والاخوان فيهم البركه نستفيد من ارائهم.
لك تحياتي

[beddo]

الاخ ابو سعد السلام عليكم يوجد منطقة جيدة بعد ما تتعدى ضرما مسافة ميقارب ثلاثين كيلو او اقل اي بعد انقطاع قرادان تلف يسار

وتمشي عشرة كيلوات وستجد مايسرك ان شاء الله عند الشمس والشميسة

[ابو سعــد]

شف الخرج يمكن تلقى اماكن زينه انا قبل فترة جيت للرياض لرجال شرواك وشروا الجميع
عنده مزرعه بالخرج قبل التفتيش على ما اعتقد ارض حلوه وممتازه

وياليت من اهل الرياض كان افدتك اكثر

بس الاخوان ماراح يقصرون معك

تحياتي لك ياعزوتي
شرواك وباقي الاخوان بالطيب
هذه المنطقة اعرفها جيدا ، هي قريبه لكن لا يوجد بها ما اسعى اليه ،
بارك الله فيك

[ابو سعــد]

وعليكم السلام ورحوة الله وبركاته
صدقت اخي الكريم ترانا مثلك لنا فتره بلشانين وين نروح. وجزاك الله خير فتحت الموضوع.
الثمامه ماهي الثمامه والناس ماهم الناس تغيرة الاحوال والنفوس والطبائع .
الخصوصية التي كنا نفخر بها اصبحت مكشوفه هناك من يتعمد التلصص علي خصوصيات الناس .
الاماكن تباعدت فلا تجد مكان قريب يصلح لتخييم وان ابعدت بلشت بالمسافه رايح جاي .
المهم انا اعتقد ان منطقة طريق رويغب تصلح قبل روضة نوره فيه منطقه زينه لاهي رمليه ولا حجريه وحولك شعبان زينه والحركه قليله الا وقت الربيع تكثر الناس المهم تسلم من هاللي يدورون ليل نهار .
او اتجه شرقا كل الدهنا اللي حول سعد زينه وبعيده عن الناس ويخدمك الخط السريع.
والاخوان فيهم البركه نستفيد من ارائهم.
لك تحياتي
بارك الله فيك ، فعلا الثمامه تحس كأنك في الخرطوم من كثر السودانيين ، اصبحت منطقة تجاريه ،،
المناطق اللتي ذكرت تعتبر جيده وسأضعها بأذن الله في بالي ،

[ابو سعــد]

الاخ ابو سعد السلام عليكم يوجد منطقة جيدة بعد ما تتعدى ضرما مسافة ميقارب ثلاثين كيلو او اقل اي بعد انقطاع قرادان تلف يسار

وتمشي عشرة كيلوات وستجد مايسرك ان شاء الله عند الشمس والشميسة
بأذن الله سنزورها انا والشباب ، مع اني ارغب في الاتجاه شمالا . بارك الله فيك اخي الكريم
ذكر لي بعض المقربين ان منطقة الحفنة بعد ما تتعدى الثمامه منطقة جيده جدا ، هل هذا صحيح؟؟