ابغا الشور منكم ياخواني [الأرشيف]

مشاهدة النسخة كاملة : ابغا الشور منكم ياخواني

ابوعبدالله 93

08/02/2013, 11:37 PM

الكشات وافى

09/02/2013, 01:10 AM

انا ابسقط شمبر عند واحد يقول 600 ريال شغل يد والقطع عليك وش الافضل يااخوان اغير المكينه ولا اسقط شمبر مع ان المكينه كل شي به سليم مابه الاها شمبر مابه عيب عطونا رايكم يااخوان الموتر باترول 94

السلام عليكمــــــــ ....

الأخ ابو عبدالله ... تقول مكينتك ممتازه وكل شى فيها سليم ...

بس عيبها تحتاج شمبر ... ياخوى مكينتك وعارفها سقط فيها شمبر وأنتهى ...!!

لاتروح تخسر نفسك وتشترى لك عله من التشليح ماتدرى شنو بلاويها ...!!

مجرد رأى شخصى ويبقى الخيار لك ...

ميكا مكشات

09/02/2013, 08:34 AM

أضم صوتي لصوت الأخ الكشات وافي عين العقل

راداار سدير

09/02/2013, 09:52 AM

والله يابوعبدالله اكيد الشنبر افضل لكن حط في بالك شغله

ممكن لافكو المكينه يلقون بلاوي ثانيه وهاذي دايم تصير

فتحتاج خساير لوك موضبها افضل

لكن يجي من هو اخبر مني ويفدك

حتى انا برضو عندي شنبر ومحتار ’

ls1.5700

09/02/2013, 10:36 AM

يااخوان مستحيل الشنبر يضبط بدون توضيب كامل اسمع كلامي تراني مجرب
الشنبر ماينفع ابد ماتكمل شهر الا السبيكه طاقه
وظب موترك اضمن لك ويعيش مده طويله بدون مشاكل
ولا تقرب التشاليح انتبه
مكينة موترك وتعرفها وضبها احسن لك من مية مكينه من التشليح

ابوعبدالله 93

09/02/2013, 02:36 PM

حصلت مكينه باتر ول 97 بخاخ مع الرجيع مع التركيب ب 5000 وش الاحسن يااخون ااخ\ بخاخ ولاكبليتر

بن الزايد

09/02/2013, 08:52 PM

حصلت مكينه باتر ول 97 بخاخ مع الرجيع مع التركيب ب 5000 وش الاحسن يااخون ااخ\ بخاخ ولاكبليتر

بخاخ الله يباركلك فيها

sgl2002

09/02/2013, 08:58 PM

اذا موترك كلبريتر وتبي تركب مكينة بخاخ يبيلك كتاوت وطرمبة كهرب ويمكن تغير الثلاجة وحساس هواء من غير يمكن تغير في الطفيره و و و

بعدين وش تشتري مكينة من التشليح ماتدري عنها يمكن موظبه قبل او على وشك تخبط خصوصا مديلها قديم

ابوعبدالله 93

09/02/2013, 09:56 PM

طيب يااخوان مكينة موتري السلندر كويس بس يبي له شمبر المكينه نظيفه بس عيبها الشمبر ولا تقطر مويه بعض الايام الصبح

الوقيدي

09/02/2013, 10:19 PM

السلام عليكم : اذا كان ممشى السياره كثير جدا فتحتاج مع تركيب الشنبر تغيير سبائك ثابت مع متحرك وطرمبه زيت وجنزير مع شداده . وجلب أذرعه . مع تغير جلد البلوف بعد صنفره البلوف وتغيير وجهه الراس بأخر اصلي . كل هذا الشيء يقرره المهندس الفاهم من خلال معاينه المحرك بعد الفك . اذاكان ممشى السياره قليل جدا تحت 100000 الف كلم . فقط شنبر مع السبائك المتحرك وجلد البلوف . اعانك الله

ابوعبدالله 93

09/02/2013, 10:56 PM

السياره موضبه قبل ست شهور واخوي مشاء عليه بدون مويه وسوا حراره والشمبر صغر من الحراره الي جته الله يهديه

بن عريفج

10/02/2013, 03:43 PM

ياخوي وجه تعرفه ولاوجه ماتعرفه فك مكينتك اذا هي 4200 واخرطها اخر خرطه وركب بساتم فتك استاندر
وشوف عزم ومكده وريح راسك

ابوعبدالله 93

10/02/2013, 09:31 PM

انا قررت اوضب المكينه

ابوعبدالله 93

10/02/2013, 09:32 PM

يااخوان ابي الموضوع الي به تغير البساتم وخرط المكينه قد نزله عضو

ls1.5700

11/02/2013, 04:40 AM

ابو عبدالله وضب مكينتك وترك عنك المواضيع
قطع الغيار تبين بعد فك المكينه والميكانيكي هو اللي يقرر وش تحتاج

ابوعبدالله 93

11/02/2013, 01:51 PM

يخوك ابركب بستم فتك صفر وشمبر فتك مقاس صفر

ابوعبدالله 93

11/02/2013, 02:03 PM

السلام عليكم ورحمة الله وبركاتة

كثير من الشباب اصحاب الباترولات من موديل 88 الى 97 وبعض الفئات من 98 الى 2002 تكون مكينتها حجم 4200 سي سي

طبعا لايخفانا جميع قوة الباترول في دبلاته وقيرة ولاكن مكينتة لاسف لك عليها

فحبيت انزل لكم خلطة لتحويل سعت المكينة الى 4500 << ويصير عزمها اقوى من 4500 البخاخ وذالك بسبب الفوارق في راس المحرك

نبداء باسم الله

ملاحظة :افضل شي واقل تكلفة عندما يكون الواحد يوضب المكينة ويعملها (( الطريقة توضيب بمقاسات معينة ))

طبعا اول شي تركب بستم مقاس صفر لموديل 2002 فتك (( 4800)) وافضل الاصلي بقيمت 800 ريال تقريبا

طقم شنابر نفس موديل البساتم ونفس المقاس << اهم شي تكون كلاه صفر مقاس 20 مايركب 350 ريال

افضل انك تغير البلوف من باب السلامة فقط 550 ريال

طقم وجية كامل للمكينة لموديل 97 واقل (( مكينة 4200 )) 520 ريال

كلتش جديد موديل 98 مكينة 4500 ب 700 ريال

واهم شي تمسح راس المحرك نصف ملي فقط << وتركب وجه واحد فقط واذا الموتر للتطعيس ومشاوير قريبة امسح واحد ملي الا ربع تكلفت المخرطة 120 ريال (( اهم شي وجه للراس واحد فقط بيقلون 2 ركب واحد انت ))

طبعا في طريقة يسمونها البوردنق للثلاجة والراس وتكلف 500 ريال << تسويها عند محلات التعديل الفائدة تنزل الحرارة نسبيا + زيادة بالعزم شي بسيط

توزن الديلكو على رقم 8-10 بالمبة

النتيجة ياشباب مرضية مرة وراح يكون عزم الموتر مرضي جدا

طبعا تنوية بسيطة مافية شي يفيد الا وله ضرر مقابل بسيط << طبعا الاضرار حاجتين فقط وماتعتبر اضرار

1- البنزين راح يكون استعمالك احمر << لابد منه

2- الحرارة بترتفع شي بسيط يعني تاصل الربع بالظبط << الحل رديتر المونيوم وراح تكون الحرارة اوكي طبعا في عز الصيف بالظهر

واذا عندك امكانية ركب كربريتر رياضي مقاس 550 سعره قرابت 1200 ريال جديد

ملاحظة :- مكينة 4200 اذا حولت 4500 راح تكون اقوى من 4500 بشي واضح جدا وفرق ملحوظ بقوة وذالك بسبب اخلاتفات براس المكينة 4200 و 4500 والفرق لصالح 4200

بالتوفيق ياشباب والمعذرة على العشوائية وعدم الترتيب ولاكن الموضوع باذن الله متكامل من والى والتكلفة مثل ماذكرت ممتازة نسبيا

ولاكن ركزو على المقاسات اهم شي لان المقاسات تفرق كثير جدا وافضل المقاسات كتبتها لكم وبالتوفيق

(( الكلام هذا من واقع تجربة وتعديل على كذا مكينة 4200 ))

ابوعبدالله 93

11/02/2013, 02:04 PM

الموضوع حصلته شفه اعلى الصفحه