المساعد الشخصي الرقمي

مشاهدة النسخة كاملة : صوت في المكينه يجي ويختفي


صاروخ الغطغط
10/02/2013, 12:44 AM
السلام عليكم اخواني انا شريت دادسون م 2012 ماشي 2000كم حساب جديد بس لاشغلته مع الصبح اسمع زي صوت الجنزير 3 ثواني ويختفي الصوت وطفي السياره وشغلها مايجي الصوت يجي عند التشغيله الاولى فقط ومر اسمعه ومر يختفي هو عند اول تشغيله بس وباقي التشغيلات ما اسمعه مره اطفي وشغل وطفي وشغل يختفي وروح مشوار وشغل السياره بعد ساعه ما اسمعه اسمعه لاوقفت السياره باليل وشغلتها الصباح اسمعه من ثانيتين او ثلاث ثواتي ويختفي ولاهو مستمر اسمعه بعد يومين او اربعة ايام على الرغم ان الموتر بغبار وكالته وجربته مع الخط مسيته مشوار وجابنا العيد ساهر مسكته خط مابين شي في انتضاركم :f
الشرقيه 03
10/02/2013, 02:51 AM
عندي ددسن 2010 من يوم طلعتها وكاله ماشاء الله تبارك الله وهذا الصوت عندي
طقطقه خفيفه ولاتسمعها الا اذا ركزت انتبه تسوي شي وتتندم
ونصيحه لك لا تغير زيت ثقيل 50W20 ولاتخليها تطول في التحميه
والله يعطيك خيرها ويكفيك شرها
ميكا مكشات
10/02/2013, 09:31 AM
طبيعي بتسمع الصوت لأن الزيت نازل بالكرتيل والطرمبة ما رفعة الزيت بسرعة يعني العلة من طرمبة الزيت ولكن ترى السيارات التالية هذي وضعيتها لا تعبث بموترك وتخلي العمالة يتعلمون على مكينته
sgl2002
10/02/2013, 11:35 AM
حط زيت سوبر بترومين ١٠/٣٠ وتروح المشكلة

وتراها مشكلة بسيطه
بدوي جنوبي
10/02/2013, 11:55 AM
يا رجال ما عندك مشكله
طبيعي كل السيارات تطلع صوت بداية التشغيل
والسبب مثل ما ذكر الاخ ميكا باقي الزيت ما صعد للأعلى عشان يعبي الفراغات
لان من وظيفة الزيت تقليل الاصوات وليس كتمها

وانا مثلك سيارتى 2012 وانواع الاصوات تسمع وما ألقيت لها بال

وفقك الله
هايل العتيبي
10/02/2013, 12:12 PM
نفس الوضع
عندي ددسن 2010 اذا شغلتها اسم صوت طقطقه ثواني ويختفي الصوت
ومع المشي اسمعه خفيف
ولا ادري وشو
صاروخ الغطغط
10/02/2013, 10:21 PM
مشكورين على الردود ماقصرتو طمنتوني وهاذ اهم شي الاطمئنان انا لوماطرحت الموضوع كان وسوست بس الحمد لله صار الوضع عايدي
ls1.5700
11/02/2013, 04:31 AM
موترك مافيه الا العافيه الوضع طبيعي جداً
كل الموتر الحديثه كذا
لاتخاف ولا تقلق ولا تلقي لها بال اسرح وامرح وتمتع في موترك والله والله يعطيك خيره ويكفيك شره
وربي يحميك 000
تقبل مروري واحترامي