ايهم احسن2100 او 8000 icom [الأرشيف]

صديقهم

06/09/2006, 09:40 PM

السلام عليكم يالربع...

بكره انشاء الله ابشري ايكوم....

:D :D :D

بس ماني عارف وش احسن ...

2100او8000

:( :(

من ناحية استعمالكم...

وشكرااااا........

مارشال

07/09/2006, 05:01 AM

انا جربت 8000 وماعجبني ورجعت لل 2100

بـــراق

07/09/2006, 07:53 AM

مايبي لها كلام يالغالي ..

خذ لك ايكوم 2100 وانت مغمض ..

واكرفه مايقول لا .. اسئل مجرب ..

اتمنى اني افدتك ..

اخوك
براق

ولـد الدوادمي

07/09/2006, 08:14 AM

أخي الكريم / صديقهم ..حفظك الله

من ناحيه ايكم 8000 هو اقوا إرسال لاكن حساس

من ناحيه ايكم2100 يتحمل ويصبر ولك ولزمن واسهل إستعمال وانا انصحك به بس انتبه لايغشونك وخذ اصلي وعلمني بكم خذته؟

الكونترولCONTROL

11/09/2006, 09:41 AM

8000 افضل بكثير بشرط تثبته تثبيت و لا تكثر تنقيله هنا و هناك ....
2100 طيب لكن مشكلته مكان سماعته و مروحته ......

سيد النشاما..

12/09/2006, 07:30 AM

8000 ..قوي إرساله.. وديكوره جيد ..بس لاتنسون ترى 8000 يحتمي (تقب حرارته بسرعة)ألا إذا كان له مروحه ثانيه تركبها فوق الجهاز(إضافيه) بعدين حساس شوي..... بعكس 2100 لو تمزعبه (تحذفه) الجدار ماجاه شي

2100 ..ارساله حلو ..الديكور مقبول..بس مو مثل 8000 يعني ..مروحه واحده تكفي.. ولا سمعت أحد يشتكي منه إطلاقا ً ......هذا من وجهة نظري أنا كمجرب وننتظر الردود من أهل الخبرة

ملاحظة :: يقصد بالديكور..........(((وجه وشكل الجهاز))) يعني منظره وأنت مثبته في السياره

الكونترولCONTROL

12/09/2006, 11:29 AM

اخوي سيد النشاما تقول (( تقب حرارته بسرعة ))
--------------------------------------------------------------
انا اعتقد كلامك صحيح للذين يستعملون الجهاز لغير ما صنع له !!!
---------------------------------
يعني يصير محطة ارسال اذاعية !!!!
----
و الله يحفظكم

جفيل

25/09/2006, 04:14 PM

الحمدلله انا مجرب الـ8000 ومرتااح منه

والله اني كارفه كرف الحمير,,ولاجاه شي ماشاء الله.

وفيه ميزه ممتازه هي تقفيل وفتح الهوا بالريشه دون ضغط الجهاز مثل مايحصل في الـ2100

بو خليفه

27/09/2006, 12:34 PM

8000 أفضل لأنه 75 وا ط و يوجد به مروحة تبريد

عاشق البر2

27/09/2006, 12:42 PM

الا العزيز اسءل مجرب ولا تسءل طبيب 2100 خذ ه لك ولا زما ن وشكرا

Abu-Nawaf

28/09/2006, 06:18 AM

2100 يتحمل ويصبر ولك ولزمن واسهل إستعمال

ميدوو

03/10/2006, 08:07 PM

أظن الشباب أفادوك لكن ال2100عز الله تراه جهاز مكده ........لكن لو بغيت في البيت خذ ال8000 وأنت مغمض

فـــــواز

16/11/2006, 05:23 PM

أعتقد بأن الشركة اللي صنعت هذا هي اللي صنعت هذاك

وماهيب معقولة بتصنعلك شي ردي بعد ما صنعت شي ممتاز وتحمله عالي

لذلك أنصحك بأن تاخذ الـ 8000 وانت مغمض

ويكفيك بأنه آخر ما نزل بالآيكوم

وفوق هذا وهذا أنا مجربه وكارفه ولا عانيت منه بأي مشكلة

كذاب اللي يقولك حساس ( طبعاً ولا يهونون الرجاجيل) أنا ما أكذبكم أنتو

لكني أعتقد بأن المسألة كلها ( قالولنا وعلمونا ..إلخ ) أنا مجربه وماعندي به أي مشكلة

وأقولك خذه وتوكل على الله وان جاه شي بحق..

الرحال2009

19/11/2006, 03:20 PM

يا شباب ايت احسن اناتل وارخاص

للسياره
وشكرا

النداوي HZ2AF

19/11/2006, 04:09 PM

ايكوم ثمانية آلآف وما جاك عندي
من واقع تجربة ولايوجد مقارنة
ومن يقول انه حساس او كثير الخراب ما عنده سالفة
و اتحدى ان كان يقول هذا الكلام من تجربة او سابق خبرة
لكن على ذمة يقولون يعني اشاعات ما لها اي اساس من الصحة
بل الثمانية الاف يتحمل ويصبر اكثر من 2100
وانا مجرب الاثنين وكارفهم كرف ويومياً تقريباً

اخوك ابو عبدالله

لهيب الشوق

23/11/2006, 10:25 AM

2100 هـــو الأفضل حيث يتميز بــ :

ــ قدرة تحمله .

ــ سهولة صيانته.

ــ توّفر قطع الغيار ورخص أسعارها.

ــ وجود الآي سي في 2100 { بينما في 8000 ترانزستور، غير عملي}.

ــ 2100 تستطيع تشبك أمبفير معه حيث الواط الداخل في الإمبيفير 50 واط.

{بينما في800 يكون الواط 75ويجب عليك تقصير الواط وإذا لم تفعل ذلك فيتعطل الإمبيفير عليك بسسب الواط الزائد}

ودمتم بود

GL2006

23/11/2006, 10:05 PM

8000 احسن بكثييييييييير

تــــوني

25/11/2006, 03:49 AM

زي ما يقولون يا عم 2100 زي الونيت تكده كد وما يهد...

والجديد 8000 فيه مميزات كثيرة كنه Bmw

وانت وهواك تبي ونيت والا بي ام ...؟

كوكوالشبكة

02/09/2007, 03:18 AM

سلام يا ربع
احسن جهاز 2100

شبح الصحراء

02/09/2007, 12:55 PM

مع ان الموضوع قديم بس راح ادلي بدلوي ، انا اخالف من قال ان الأيكوم 8000 حساس وما يتحمل لأني جربته شخصياً لمدة سنتين مثبته في طبلون جمس وانيت وأنواع المطناج والمطامر بالصحراي والجبال وأنواع الغبار والحرارة لأن الجمس اغلب وقته كان المكيف خربان ومع ذلك الأيكوم 8000 ممتاز وما قد اشتكيت منه إلا مرة خربت الريشة بسبب انها طارت في المطناج وصبخت بالقاع وصلحتها بـ 30 ريال بس وبعد كل هالكرف أهديته لصديق لي وكرفه لسنة أو اكثر زي الحلاوة ولكن للمعلومية اللي كان معاي صناعته يابانية أصلية .

ا لمحتار

06/09/2007, 03:50 PM

ايكوم 8000 نزل بعد ايكم7000 و2100 صار قديم ومافيه مميزات زي السبعه والثمانيه اذا كنت تبيه للبيت انصحك بايكوم 7000 اما للسيارة فخذ 8000 بشرط تثبته زين في مكان تهويته جيده وبعيد عن الشمس.
الرحال انصحك بالدايمنت وصله واحده اذا كنت تبية للسيارة وسعره من 200 إلى 250

سفااري

25/10/2011, 01:38 PM

اخونا الغالي

انا مجرب الاثنين ولاكن 8000افضل بكثير
انا وواحد من الشباب معه 2100نراسل كل ليل سوا واللي بعيد يسمعني واضح وهويشوش جهازه حسب كلامهم
وسعر 8000 اصلي1300 والصيني تقليد 800
وسعر2100 اصلي بـ1150
وانت على كيفك اخذ الفايدة حتى لا تتحسف على مشتراه

LX 5555

27/10/2011, 12:05 AM

علم162

27/10/2011, 01:14 PM

سبحان الله الموضوع تاريخه مره قديم والناس يردون كنه عندهم اللي كاتبه

رٍسِـــلآنٍ ٱلدُفُــٱع

27/10/2011, 01:59 PM

صدقني اترك عنك كلام الكرف والكرف والي يقول ال2100 يتحمل اكثر ماعليك منه

الجهازيين يتحملون الكرف والاقوى والافضل بدون منازع 8000

الاراء الشعبيه الي تتشبث بالقديم لنه قديم ماتعجبني ... مع احترامي الشديد لهم

طبعا خذ الاصلي فقط والي له تجارب سيئه مع 8000 صدقني اخذ له مغشوش ولا عرف حلاوة المراسله به

رٍسِـــلآنٍ ٱلدُفُــٱع

27/10/2011, 02:01 PM

سبحان الله الموضوع تاريخه مره قديم والناس يردون كنه عندهم اللي كاتبه

<<< ههههههههههههه

الوضوع يستفيد منه الزوار والكاتب

اذا كان الكاتب مو موجود فا الزوار هم من سيستفيد منه