المساعد الشخصي الرقمي

مشاهدة النسخة كاملة : استفسار عن مصادرة طير


سديراووووي
11/02/2013, 02:43 AM
تصادر طيري وانا بمحمية
اللى عنده خلفية عن الموضوع يعطيني الخطوات وش اسوي
علمن بان طيري بالحجز اللى بالثمامه الو الحجر
لبيه يمنادي
11/02/2013, 06:35 AM
مرحبا واهلا ...... ياخوي وش لك بالمحمياات ....... عموما عسي ربي يعوضك خير بأذن الله وأكيد بأذن الله الاخوان مابيقصرون ...
عواد الشمري2
11/02/2013, 07:30 AM
الله يعوضك اطيب منه ماظاهر تقدر تطلعه
بواردي سلمى
11/02/2013, 07:37 AM
الله العالم انه ودّع ههههههههههههههه

ما ضنتي ياخوك انه يطلـع ، لكن عسى الله يعوضك بالي اطيب منه
برق المغيب
11/02/2013, 08:03 AM
الله يعوضك باللي اطيب منه .... ولكن ترى اهل الخير واجد والابواب مفتوحة وفقك الله
رآعي جملآ
11/02/2013, 08:12 AM
اذا اخذت اسم الي صادره منك .. احتمال تقدر .. بحيث انه مايقدر يتصرف فيه بحقه الخاص
ابوعزوز3
11/02/2013, 08:53 PM
يعطيك العافيه اخوي سدير والله يردلك طيرك
فيه واحد من اخويانا انمسك بالمحميه قبل 3 سنوات اخر المقناص واخذو الطير لــــ الرياض وبعد المقيض استلم طيره وفيه شريحه واخذو عليه تعهد ان المره الثانيه راح يصادرونه ودفع حق القرنسه
سديراووووي
12/02/2013, 02:02 AM
يعطيكم العافية
قدمت معروض للامير وكل موضفينه يقولون
ماراح يوافق وطيرك راح عليك
الله كريم
قلب ذيب
12/02/2013, 12:51 PM
من الافضل التواصل مع الجهه التي صادرت الطير , ولابد ان يكون راعي الطير ليس له سوابق في دخول المحميات وانت ان شاء الله رجل ملتزم .
تقول انك قدمت رساله للامير , اذا كان الامير له علاقه بالموضوع فبأذن الله يساعدك .
الله يوفقك في استرداد طيرك .
ابن قرمله
12/02/2013, 10:18 PM
ليش تسلمهم طيرك هذا اول شي ثاني شي ليش تدخل محميه
ثالث شي محد بينفعك تقدم ولا ما تقدم كان فكيت سبقه وزقفته في السما
ودي انه يموت الطير ولا يصادرونه
والله يعينك ويعوضك يا رب
جلاد الحباري
12/02/2013, 10:36 PM
ياخوك واسطه ورى واسطه ومعرفه ورى معرفه يرجع لك انت اجتهد ودور لك ناس واصله وبأذن الله يرجع لك اهم حاجه لا تأيس وبالنسبه لدخولك المحميه انا ما الومك ما عاد فيه شي يتحمل انك تشيل طير وتعزب في الخلى وتترك عيالك وأشغالك المحميه انت ماتبي الا تهد طيرك ولو صدت وحده اكيد انك قنوع والوضع كل ماله وأردى راعي الطير ماهو على كل حال يقدر يقنص برى السعوديه الامكانيات محدوده واكثر الدول الخارجيه ما فيها امان وان قعدت في ديرتك بيصير الوضع اللي قاعد تعايشه الان مالك غير المحميات والمغامره في دخولها انا اقول الله يكون في عون راعي الطير وفي وقتنا الحاضر ماعاد فيه شي يحمس مثل قبل الحباري قليله وصارت نادره نوعا ما واللي يبي يصيد وحده يطرش بعيد ومخاسير وعزبه ونومه قشره ومهلك روحه ومكسر موتره ويمكن يرجع بدون صيد
راكااااان
12/03/2013, 05:45 AM
سلام عليكم اخوي سديراوي ارجو الأتصال 0502010509