يا ناس من ينصفني [الأرشيف]

المساعد الشخصي الرقمي

مشاهدة النسخة كاملة : يا ناس من ينصفني

fahadna

11/02/2013, 03:02 PM

weliam

11/02/2013, 07:11 PM

تشتكيهم على التجاره الضمان يشمل القير والمكينه
محامي مايكلفك كثير وانشب للهمج ذولا ياكلون اموال الناس بالباطل

gr73mri

13/02/2013, 12:49 PM

وزارة التجاره واذا ماحلو مشكلتك ،،، ارسل لفرع مكتب الشركه الام في دبي
وبيدقون عليك الجميح مدرعمين

أبو ربى نجد

13/02/2013, 07:05 PM

كلم الشركة في دبي وعطهم السالفة

ويجونك الجميح يطلبون رضاك

.M.

13/02/2013, 07:55 PM

حبيب قلبي تسمع صوت طقطقه اذا شغت المكينه بالصباح .. وبعدين تروح ابيك تشوفلي امبير ظغط الزيت عندك منخفض او لا .. لان اغلب مشاكل المكينه جديده ولا قديمه ربل الطرمبه .. يخلي الزيت صعب صعوده لفوق .. وعلمني شو يصير ويااك وان شاء الله الشغله تصكون بسسيطه لانها صارت الى اخوي وانا صلحت سيارته وراح الصوت .. بالتوفيق

بريق الماس

19/02/2013, 06:44 AM

اخوي اذا رحت للوكالة لا تقول غيروا المكينة قل ما ابي سيارتكم خذوها وردوا لي قيمتها
70% بيطلبون منك توافق على تغيير المكينة
ولو ما صار ارسل فاكس للشركة بدبي واطلب استرجاع مبلغ السيارة لأن الشركة تعطي الوكيل عدد من السيارات وواحدة مجانية لمثل هذي المواقف
(من واقع تجربة لأحد الزملاء مع عبداللطيف ) تم استبدال جيب gxr 1999 بموديل السته الحالي وقتها 2001 على أن يدفع فرق الموديل 15000 .

bo naser

22/02/2013, 01:52 PM

سجل شكوى بوزارة التجارة ووضح لهم ان السيارة تحت الضمان

من بعدها سيتم تحويلك الى خبير فني للنظر في الخلل

القوانين ليست صارمة ولا تحمي المواطنين

tevo

26/02/2013, 08:50 AM

السلام عليكم
عندك في الكتلوج ايميل لمركزهم بالشرق الأوسط وعندك رقم تلفون ارسل ايميل وبيتصلون عليك وعقبها الوكاله بتطير طيران بيك

خالد الحفر

04/03/2013, 02:08 AM

السلام عليكم ورحمة الله وبركاته

اخوي عندك شركة الام بدبي اتصل فيهم ولا تتهاون حاول تشد عليهم باللي يطلع معاك

اول شغله ارسل لهم ايميل بهالنموذج مع رقم هيكل سيارتك
http://www.globalbuypower.com/action/csContactSectorAction?action=GM&NampltCd=999GMAR&cntryCd=ME

ثاني شي اتصل على هالرقم وحاول ماتسكت على طول تكلم
هذا رقم الشكاوي 0097144290350

اليوم تجاوبو معاي خلال دقايق اتصلو فيني الوكاله يقولون تعال

وليف الجرح

05/03/2013, 10:39 AM

حق المواطن مسلوب حتى بحلالة
حسبي الله ونعم الوكيل
الله ينصرك عليهم اشتك لا تسكت ومثل ما قالو الاخوان طالب بتغيير السيارة كلها

binmegin

09/03/2013, 11:12 AM

ياناس اناتهولت يوم سمعت سالفة واحد يقول مطلع سياره جديده وبعد سنتين وداها لورشه مدري وش يبي يصلح المهم قاله راعي الورشه اللي عدل لك الشاسيه فنان بالمره وقاله صاحب السياره وش تعديل انت موتري معي مطلعه جديد ولا قد جاه ولا مشخ ..... انت صاحي قال صاحب الورشه الشاسيه معدل واذا كلامي غلط اطلع لك زيه جديد
حسبنا الله عليهم وحسب كلام راعي السياره والله شي يروع
يعني ماباقي الا تودي موتر للفحص عشان تتأكد ماجاه شي حتى لو جديد

ALWAHAM

11/03/2013, 12:14 PM

السلام عليكم ورحمة الله وبركاته ,,,
انا لدي تاهو 2012 LTZ ماشي فيه 41000 وانا مداوم على الصيانة الدورية عند الوكيل في السعودية (شركة الجميح للسيارات) سمعت فيه صوت في المكينة ذهبت للصيانة في الوكيل وقال لي انها تحتاج توضيب للمكينة وانا اطالب الشركة بتغيير المكينة ارجوكم اريد حلا, لمن اشتكيهم عليه ماذا افعل السيارة اشتريتها جديدة .

في عام 2001 صارت لي نفس المشكله مع التوكيلات

بعد استلام السياره من الوكاله بـ 4 ايام لاحظت وجود زيت اسفل المكينه ورجعت للوكالة وتعرف الوكاله انواع المماطله وانا بالي طويل واتضح ان التهريب من المكينه والمكينه فيها شعر ( كسر ) خفيف وتحتاج تغيير.

اول شي سويته قلت لهم مابي السياره عطوني فلوسي او اشتكيكم لوزاره التجارة ( طبعآ كلامي مع مدير الفرع ) لأن الموضوع طلع من يد الصيانة وهم كل شي الا الفلوس تطلع من عندهم

بعدين يبدا شغل النصب ويبدأون هم يساومونك , وخيروني بين 3 خيارات
وطبعآ هم يبحثون عن الانسب لهم ويحاولون مايعطونك الفلوس بأي طريقه

المهم قالو لي :

1- نغير لك المكينه < وهذا هم الي يبونه ويرضيهم بعض الشيء

2- نغير لك السيارة بعد ان تدفع فرق الموديل 15 الف ريال , وحسب كلامهم ان موديل 2001 خلص من المستودعات ولازم تنتظر 2002 يطلع من المينا ويبي لك شهرين على الاقل وهذا اسلوب تعجيزي أخر عشان ترضى بالخيار الاول

3- انك تسمتر بمطالبتك بفلوسك وهذا الموضوع بيطول ويحاولون يتعبونك ويخلونك تشكتي بوزاره التجارة وتعرف ذاك الوقت كانت الانظمة الحكومية سيئه وخاصه وزارة التجارة ولو ان المشكله صارت لي الوقت الحالي لأخترت ارجاع الفلوس خاصه بوجود مع الانظمه الجديدة والوزير القدير ( توفيق الربيعة )

مالكم بالطويلة رضيت بالخيار الأول لأني مستعجل < والعجلة شينه وتذلك احيانآ

تغيير المكينه بشرط ان صار فيها مشكله ثانية ترجع السياره واخذ دراهمي وطبعآ انا شرطت عليهم بعض الشروط منها تعويضي بسيارة خلال فترة تغيير المكينه وهذا ماصار

والثاني السماح بدخولي لقسم الصيانه بشكل يومي واشرافي على تغيير المكينه بشكل رسمي مني شخصيآ وهذا ماتم ايضا .

وأنا الي اداوم عندهم كل يوم..

طبعآ جابو المكينه مغلفه بكرتون واكياس جديدة وفكوها قدامي

المشرف على تغيير المكينه مهندس عراقي من شركه جي إم الأم

وهو الي قال لي بالحرف الواحد :

الشركه الأم تعطي كل وكيل بالسعوديه 5 نقاط سنويآ بالنسبه للصيانه

قصتها ان الوكيل يحاول قد مايقدر انه مايكمل الـ 5 نقاط بالسنه
يعني ماترجع له 5 سيارات بالسنه
وسيارتي انحسبت نقطه على شركه التوكيلات وهذا يضر الوكيل ( تغيير المكينه يحسب نقطة )

يعني بالعربي يماطلون بالواحد قد مايقدرون بس اهم شي ماترجع سياره من مشاكل كبيره وكل هذا عشان مايخسرون النقاط الـ 5 من الشركه الأم

انحسبت المكينه على الشركه الأم من الوكيل بقيمه 24 الف ريال وهذا الشي شفته بشاشه كمبيوتر المهندس العراقي بعد مراسلته للشركة الأم

اسف على الاطالة ودمتم

بدوي جنوبي

18/03/2013, 10:22 PM

مع احترامى لملاك اليوكن والتاهو
سبق وحذرت منها بسبب مشاكل المكينه والقير والكهرب
لكن محد يسمعنى

بصراحه انا احب التاهو واغلب سيارتى القديمة شفر وجمس
لكن بعد المشاكل اللى ظهرت في الجديد حولت لشركة ثانيه .

تخيل مكينه سياره جديدة مثل سياره اخونا فهد تخبط المكينه بدون سابق انذار