سالفة:الطقاقات والعماره..قوافي

[قوافي ( أم نهار )]

http://t1.gstatic.com/images?q=tbn:ANd9GcSIPuvczq9gDkY-Kh-L4BX3Yn_F5m985J3TZc4Mj4waXo2Ld5AD
مشرفينا ، اخواني، اخواتي ،زوارنا
السلام عليكم ورحمة الله وبركاته
صبحكم / مساكم الله بكل خير
من الاشياء الجميله قديماً:
(الطقاقات)
الطقاقه هي من يقوم بالضرب على الدف بالزواجات لأحياء الزواج بالرقص وأدخال البهجه على اهل العروسين والمعاريس وايضاً أعلان الزواج، وتقوم بشيئ يسمى (العماره)
العماره بعد دخول العريس لغرفة العروس وزمان مافيه زفه مثل الان،، فكانت الطقاقات تروح عند باب الغرفه وتطق عشان يجدع لهم ما كتب الله من المقسوم،، والمقسوم حسب أمكانية العريس الماديه ليست مشروطه،، فمنهم من يجدع اوراق ماليه، ومنهم من يضع ريالات فضه،، وتسمع لها رنين بداخل الدف، والراهي عاد يجدع جنيهات ذهب،، كل هذه الاموال بالنسبه للأن لا تحسب شيئ فالعشره ريال بذاك الوقت لها حنه ورنه ..
الطقاقات تطق وتغني ويسمى شوط وصاحبة الشوط تكون أحد الحاضرات وعليها ان تجدع مبلغ مالي لايتعدى الـ5 ريال بدف كبيرة الطقاقات وهي المسئوله عن جمع الجدعات لين ينتهي العرس ثم يقعدون على جنب ويتقاسمون ربحهم ..
بواحد من العروس اللي حضرتها زمان ..
كان الاتفاق مع الطقاقات انهم ما يطقون للعماره إلابعد ما يطقون سامريه ويختمون فيها العرس بعد نص الليل اللي هو ما يتعدى الله العالم:s الساعه 11مساءً وكل ما طقو واستانسو جت كبيرتهم وقالت خلاص خلاص السامريه يابنات همن تبدا:


جزا البارحه جفنى عن النوم
جزا من غرابيل الزمان
همن تجي تركض ام العروس اصبري اصبري تونا وتهاوش هي وطقاقتها شوي ويرجعون يكملون الطق ..
الطقاقه عارفه ان المعرس راعي حلال ومال وبيته قصر،،ومن عادة المعاريس المراح ببيت العرس لكن تخاف يسري لبيته هو والعروس قبل تاخذ العماره،، لأن وش بيخليه يمرح ببيت طين وقديم ومهجور ويمكن مسكون من كثر الطق ..
طقت شوي همن رجعت على سامريتها يوم حمقت ام المعرس :mad:
والحريم منول يلبسون غدفه يلفون به روسهم او شيله اللي هي تسمى الحين طرحه،،وكل ما كان لون الغدفه اسود غامق دل على سعرها الغالي وقيمة من يلبسها ..
حمق ام المعرس ما انتهى عند كلمه من ذي وكلمه من ذي لا:eek:
ماعاد شفنا إلا عيون ناقزات القويه من الحريم زنطت اللي اضعف والطقاقات عشان عيون العماره اشتغلو بالبقوس وشد الشعور وترفيس لين رقو الدرجه وطلعو لغرفة المعرس وهن شايشات ومشوشات وطنقق طنقق
عطنا العمااااره لايجيك ماجا ذوليييك
عطنا العماااااااره ترى الشر من غيرها يجيك
يوم فتح المعرس الباب:eek: :f
هذولا أوادم ولا جند المغول والتتار وجدع لهم العماره وكلن راح لحاله ولو هن بهالوقت كان زرعو لهن شعر عقب اللي تطاير..
تحياتي
اختكم
..قوافي..

[النبهاني]

وعليكم السلام ورحمة الله وبركاته
مبدعه ياقوافي
موضوع واسلوب
الله يوسع صدرك بالعوافي
الا يعطي ولا يجيه ما جا ذوليك عقب اللي شاف
سلمتي يا أخيه

[ابو صفوق]

عليكم السلام ورحمة الله وبركاته
سلمتي ياقوافي الابداع
السماوه.البشاره.العماره وغيره وغيره ماشاء الله لا قوة إلا بالله الله يزيدك من فضله يالغاليه
وهالطقاقات قويات باس عطنا ولااااااا هههههههههه كني فيه يلزخونه لين يقول امين ياوالله الشريات
اشكرك على السالفه الجميله ولا عجب فهي من ابنتي قوافي
قريتها لأم صفوق ومبسوطه تقول العماره نسيناها وزمان يا عماره
بارك الله بك وبأبداعك المحلق دائماً بسماء السوالف
والدك
ثنيان بن صفوق الثنيان

[أبوفيصل 2007]

وعليكم السلام ورحمه الله وبركاته

"قصيد من الزمن الجميل "

جزى البارحة جفني عن النوم
جزى من غرابيل الزماني
صبرت أمس مع قبل أمس واليوم
وأشوف العشر تصفي ثماني
عذابٍ على العشاق مقسوم
تولعت يوم الله بلاني
و لزّم علىّ الشوق ملزوم
وأنا يوم لزمته عصاني
سقيم الهوى ما يسمع اللوم
حنين الجفى سدّد أذاني
حبيبي على السكات مخدوم
ولا هو من الطرز الجباني
طريح على اللذات محروم
صوابه خطر بين المحاني...
للشاعر / فهد بورسلي

على طاري الطقاقات كان زواج اختي الكبيرة قبل عشرين سنة وزود وكان الزواج عائلي هههههههههههههههه
رحت معي اختي للبيت اول ما دخلنا حصلت حرمتين عن باب الشقة تقول لـــ ابو نسب الله يبارك لكم ويوفقك وهاتك طق طق على خفيف ههههههههههههههه
ما رحن الا لما عطهن المقسوم ههههههههههههه
بارك الله فيك اختي قوافي ووالله كل سوالف تذكرنا بسوالف لنا من الزمن الاول الجميل
كوني بخير وعافية

[قوافي ( أم نهار )]

وعليكم السلام ورحمة الله وبركاته

مبدعه ياقوافي
موضوع واسلوب
الله يوسع صدرك بالعوافي
الا يعطي ولا يجيه ما جا ذوليك عقب اللي شاف

سلمتي يا أخيه


حياك ربي اخوي ابو سالم
الابداع بحضورك الكريم وردك الجميل
عافاك ربي من الشر وأسعدك بالدارين
اكيد بيعطي من شاف هالشوش وسمع عن اللي بيجيه يصير السلامه منهم احسن
تسلم والله يحييك
تحياتي وتقديري واحترامي
اختك
..قوافي..

[راعي العجراء]

الله يعطيك العافيه قوافي ......... مبدعه حتى بالقديم
وين رجعتينا 3 سنين للوراء .......حسيت ان عمري 24 سنه الله المستعان
ياهي ذكريات قديمه طابعه بجدران الدميجه في غراء بتكس ماتفك من الدميحه لوتنقع ثلاثة ايام في ماء حار مبغوث بديزل
وين العماره والتعميره ورقص الحريم من اول الحرمه ماعير تردح ببيت الطين وتقول هذا الرقص والسقف يهلهل تراب بوجه العدوا من الردح والمناقز
بعض الحريم يادافع البلا تقول نصف مجنزه مابها دركسون
الله يعطيك العافيه اشكرك على سعة صدرك من كثر همقي اللي على غير سنع

[قوافي ( أم نهار )]

عليكم السلام ورحمة الله وبركاته
سلمتي ياقوافي الابداع
السماوه.البشاره.العماره وغيره وغيره ماشاء الله لا قوة إلا بالله الله يزيدك من فضله يالغاليه
وهالطقاقات قويات باس عطنا ولااااااا هههههههههه كني فيه يلزخونه لين يقول امين ياوالله الشريات
اشكرك على السالفه الجميله ولا عجب فهي من ابنتي قوافي
قريتها لأم صفوق ومبسوطه تقول العماره نسيناها وزمان يا عماره
بارك الله بك وبأبداعك المحلق دائماً بسماء السوالف
والدك
ثنيان بن صفوق الثنيان

حياك الله وابقاك عم ابو صفوق
اشكرك على جميل ثنائك وجمال حرفك وردك الكريم وحضورك بالسالفه تشريف لها ..
سلامي لأم صفوق ولثنيان الصغير ..
دمتم جميعاً بحفظ الله
تحياتي وتقديري واحترامي
..قوافي..

[قوافي ( أم نهار )]

وعليكم السلام ورحمه الله وبركاته

"قصيد من الزمن الجميل "

جزى البارحة جفني عن النوم
جزى من غرابيل الزماني
صبرت أمس مع قبل أمس واليوم
وأشوف العشر تصفي ثماني
عذابٍ على العشاق مقسوم
تولعت يوم الله بلاني
و لزّم علىّ الشوق ملزوم
وأنا يوم لزمته عصاني
سقيم الهوى ما يسمع اللوم
حنين الجفى سدّد أذاني
حبيبي على السكات مخدوم
ولا هو من الطرز الجباني
طريح على اللذات محروم
صوابه خطر بين المحاني...
للشاعر / فهد بورسلي

على طاري الطقاقات كان زواج اختي الكبيرة قبل عشرين سنة وزود وكان الزواج عائلي هههههههههههههههه
رحت معي اختي للبيت اول ما دخلنا حصلت حرمتين عن باب الشقة تقول لـــ ابو نسب الله يبارك لكم ويوفقك وهاتك طق طق على خفيف ههههههههههههههه
ما رحن الا لما عطهن المقسوم ههههههههههههه
بارك الله فيك اختي قوافي ووالله كل سوالف تذكرنا بسوالف لنا من الزمن الاول الجميل
كوني بخير وعافية


حياك الله اخي الفاضل
حضورك تشريف للسالفه واشكرك كثيراً على طرح القصيده كامله..
اكيد كانو يبون العماره وبكيفهم ياخذونها بس لا يسوون مضاربات :D ماشاء الله عليهم ابد ما ينسون حقهم..
الله يبارك بك ويحفظك ربي
اسعدني ردك الكريم
تحياتي وتقديري واحترامي
اختك
..قوافي..

[وحيد قلاسكو]

ههههههههههههههه ذكرتينا العروس ايام زمان ....وناصغير ومسموح لي ادخل عند النسوان:D كان فيه وحده اسمها <صنعاء> تدف <طقاقه>الله يرحمها فيها زيران لاجو زيرانها قالت الجمييييييييع يجلس وياويل اللي مايجلس او يشبك اصابعه ...يقولون ان فيه شباب صيع جاوها تمشي وهي عجوز قالو لها نوصلك ياخاله قالت ايه وخطفوها هههههههههههههه وفي مكان مقطوع قالو لها نبي ؟؟؟؟؟؟؟؟؟؟؟ قالت لهم ابشرو بس ثواني وتشيلها سامريه <وينك وينك وينك وينك ياجاي من البحرين وتغني بها >شوي الا يوم صارت العجججيز كانها بعير وتهدر ححححححضرت ربعها :hot:الشلة هربو وتركوها .....هذي السالفة يسولف بها اهل المنطقة

[قوافي ( أم نهار )]

الله يعطيك العافيه قوافي ......... مبدعه حتى بالقديم





وين رجعتينا 3 سنين للوراء .......حسيت ان عمري 24 سنه الله المستعان

ياهي ذكريات قديمه طابعه بجدران الدميجه في غراء بتكس ماتفك من الدميحه لوتنقع ثلاثة ايام في ماء حار مبغوث بديزل
وين العماره والتعميره ورقص الحريم من اول الحرمه ماعير تردح ببيت الطين وتقول هذا الرقص والسقف يهلهل تراب بوجه العدوا من الردح والمناقز
بعض الحريم يادافع البلا تقول نصف مجنزه مابها دركسون
الله يعطيك العافيه اشكرك على سعة صدرك من كثر همقي اللي على غير سنع







الله يحييك أخوي راعي العجراء
الله يعافيك ويطول عمرك بطاعته ويحفظك ربي من الشر..
الابداع بحضورك الكريم وردك الجميل..
ياهي ذكريات قديمه طابعه بجدران الدميجه في غراء بتكس ماتفك من الدميحه لوتنقع ثلاثة ايام في ماء حار مبغوث بديزل
الله يوسع صدرك بالعافيه
والسقف يهلهل تراب
هذي لحاله بس تراهم يشاركون بالهدم باسم الرقص(لاحد يقراء ):D..
مدري ليه كان فيه ربط من اول ما بين الرقص وحمولة لوري زايده..
الله يجزاك خير ويسعدك بالدارين ويسعدنا همقك اللي زاد السالفه جمال وتشريف..
تحياتي وتقديري واحترامي لشخصك الكريم
اختك
..قوافي..

[قوافي ( أم نهار )]

ههههههههههههههه ذكرتينا العروس ايام زمان ....وناصغير ومسموح لي ادخل عند النسوان:D كان فيه وحده اسمها <صنعاء> تدف <طقاقه>الله يرحمها فيها زيران لاجو زيرانها قالت الجمييييييييع يجلس وياويل اللي مايجلس او يشبك اصابعه ...يقولون ان فيه شباب صيع جاوها تمشي وهي عجوز قالو لها نوصلك ياخاله قالت ايه وخطفوها هههههههههههههه وفي مكان مقطوع قالو لها نبي ؟؟؟؟؟؟؟؟؟؟؟ قالت لهم ابشرو بس ثواني وتشيلها سامريه <وينك وينك وينك وينك ياجاي من البحرين وتغني بها >شوي الا يوم صارت العجججيز كانها بعير وتهدر ححححححضرت ربعها :hot:الشلة هربو وتركوها .....هذي السالفة يسولف بها اهل المنطقة

حياك الله اخوي وحيد قلاسكو
الله يذكرك بالشهاده والمسلمين اجمعين
يستاهلون وليتهم خفسو بهم الارض عشان يتربون
اشكرك لمرورك وحضورك الكريم
دمت بحفظ الله
تحياتي وتقديري واحترامي
اختك
..قوافي..

[قوافي ( أم نهار )]

اشكركم على مروركم الكريم