المساعد الشخصي الرقمي

مشاهدة النسخة كاملة : غنم العرب سلمت من الذيب وناشه ذيب الاوادم ( النبهاني )


النبهاني
11/02/2013, 09:44 PM
بسم الله الرحمن الرحيم
السلام عليكم ورحمة الله وبركاته
اخواني واخواتي المكشاتيه مشرفين واعضاء وزوار
الله يسعد اوقاتكم بالخيرات والمسرات



هذي سالفه قبل ثمانين سنه او حوله ايام الجوع والقل صارت لرجال الله يرحمه
وبليله من الليالي ضاقت به الوسيعه ثلاث ايام بلياليهن ما شب الضو بالبيت وبزرانه
طاويهم الجوع ولا فيه شي بالبيت يعشيهم ولهم ثلاث ايام ما ذاقوا الا الماء
المهم فكر انه يغير على غنم عرب نازلين على جال الوادي ( وادي الرمه ) خابرهم
ويبعدون حول اربعة عشر كيلو تقريبا
فعلا عزم الرجال ويوم اقبل على غنم العرب اللي امرّحه حول بيوتهم والا الذيب سابقه على الغنم
والعرب فازعين يطردون الذيب وكأنه فرصه سنحت له
وهو يستدني هكالطرف وينبزه على كتوفه ويجيك مروح
ولا ياقف الا بوسط بيته ويذكي الطرف ما ادري عاد هو نعجه او طلي او تيس المهم انه جاب العشاء
ويقوم يصوت لاهل بيته على شان يشبون الضو وينصبون القدر ويقوم يصلخ ويقطع بوسط القدر
ويتعشى هو وعياله وراحت سلامات
وهالحين اللهم لك الحمد تبلش بالطعمه ما تلقى من ياخذه
انتهت السالفه واطلب من الله العفو والمغفره


محبكم
النبهاني
قوافي ( أم نهار )
11/02/2013, 09:55 PM
عليكم السلام ورحمة الله وبركاته
حياك الله اخوي ابو سالم
أحيانن لين سمعت أو قرئت سالفه أهلها من الجوع تعدو حدود الله ما أدري الومهم ولا أقول أكيد لو كنت بمكانهم بسوي نفس الشي ..
الحمد لله حنا الحين بألف خير ونعمه ويارب لك الحمد والشكر
مأسي كثير عانو منها والجوع كان واحد من مليون
اشكرك اخوي ابو سالم
تحياتي وتقديري واحترامي لشخصك الكريم
دمت بحفظ الله
اختك
..قوافي..
ابو صفوق
11/02/2013, 10:29 PM
عليكم السلام والرحمه
يالله ان تحيي ابو سالم
بشرنا عنك وش هالغيبات يالطيب وشلون من يعز عليك
الحمد لله انها ايام وراحت
سلمت يالغالي ولا تبطي
اشكرك
اخوك
ثنيان بن صفوق الثنيان
النبهاني
12/02/2013, 01:48 PM
عليكم السلام ورحمة الله وبركاته

حياك الله اخوي ابو سالم
أحيانن لين سمعت أو قرئت سالفه أهلها من الجوع تعدو حدود الله ما أدري الومهم ولا أقول أكيد لو كنت بمكانهم بسوي نفس الشي ..
الحمد لله حنا الحين بألف خير ونعمه ويارب لك الحمد والشكر
مأسي كثير عانو منها والجوع كان واحد من مليون
اشكرك اخوي ابو سالم
تحياتي وتقديري واحترامي لشخصك الكريم
دمت بحفظ الله
اختك

..قوافي..




هلا بقوافي العطا والابداع
لا والله ما ينلامون
وفي عام الرماده بعهد عمر بن الخطاب رضي الله عنه لم يقيم حد السرقه
والحمد لله الان بخيرات وانعام لم ينقصها الا الشكر
بالعكس انا اللي اشكرك لتشريفك لموضوعي
وتقبلي ازكى نحيه
النبهاني
12/02/2013, 01:51 PM
اي والله نعمه تبي حمد
قصة جميله شاكره لك حكايتها



نعم الحمد لله على نعمائه التي لا تعد ولا تحصى
الشكر لحضورك وتشريفك لموضوعي
ولجميل تواجدك
النبهاني
12/02/2013, 01:54 PM
عليكم السلام والرحمه
يالله ان تحيي ابو سالم
بشرنا عنك وش هالغيبات يالطيب وشلون من يعز عليك
الحمد لله انها ايام وراحت
سلمت يالغالي ولا تبطي
اشكرك
اخوك
ثنيان بن صفوق الثنيان


ياهلا بخوي ابو صفوق
ويالله تحييه وتبقيه
ابشرك بخير عساك بخير ومن تود
وانا موجود ياخوي بس ماهنا سوالف
سلمت ولا هنت يابو صفوق
والف شكر على حضورك
خوي مخباته
12/02/2013, 03:53 PM
عزالله انه ذيب وانت ذيب .... يابوسالم " النبهـــــــــاني " مشكووووووووووووووووورر وماقصرت يابعد حي
راعي العجراء
12/02/2013, 07:29 PM
الله يعطيك العافيه يابو سالم
على السالفه الزينه والواقعيه
جوع وفقر وعيال يصيحون
ومادون الحلق الا اليدين تويس صغير يسد الجوع اسبوع
الحمدلله على نعمه ا
ليوم الهمبرقع والفلافل تبع بالبران تحت الطلاح
ومطابخ المثلوثه كثر الصيدليات
من اول يموتن العالم من الجوع والحين يموتون العالم من الشبعه
سمنه+ سكر+ ضغط = كسترول ثقيل الدسم
لاشفت فخذ الواحد من العيال الصغار
تقول مفطح ثني من السمنه
اسف على الاطاله وبيض الله وجهك على هالسالفه
ولاتبخل علينا في مثلها من سوالف الذيابه لو مايجينا النوم من الوحشه
مع السلامه
النبهاني
12/02/2013, 08:30 PM
عزالله انه ذيب وانت ذيب .... يابوسالم " النبهـــــــــاني " مشكووووووووووووووووورر وماقصرت يابعد حي




ياهلاااااااااااااااا ويامرحباااااااااااااااا
خوي مخباته الحمد لله على السلامه ياخيي
والله مشتاقين لك ولسواليفك
يابعد حيي والله
انا اللي اشكرك اخوي على هالحضور اللي يسعد ويسر
وحيد قلاسكو
13/02/2013, 11:05 AM
الجوع مشكلة حداه الجوع على المسراء ونشالله ماعليه شي .....الله يعينه 15 كم
ياسر الشريف
16/02/2013, 02:49 AM
بارك الله فيك سالفه رائعه وسرد رائع
ذيب الفقارة
16/02/2013, 03:51 PM
عليكم السلام ورحمة الله وبركاته

أخوي النبهاني

سالفة ذات مغزى

ليتنا نتعظ منها ونستفيد

الآن إسراف وتبذير لا يصدق

تحياتي وتقديري