المساعد الشخصي الرقمي

مشاهدة النسخة كاملة : للبيع استيشن دايموند أربع وصل معدل


LX 5555
13/02/2013, 11:03 AM
مثل ماهو واظح بالعنوان
استيشن أربع وصل X700H من دايموند من دار البوصله تعديل النخيل يتحمل بعد التعديل أكثر من 300 W ومجرب ومفحوص والراجع فيه ظعيف
ومن 142 الى 147 قرين لايت غرد واللي بيجرب حياه الموقع الرياض
موسى الطيب
14/02/2013, 01:53 PM
كيف معدل ؟؟؟

وش تعني (تعديل النخيل) ؟؟؟

وش الاجهزه التي تم بها فحص التعديل وعلى اساسه نقدر نقول انه مضمون ؟؟؟
LX 5555
17/02/2013, 01:04 PM
اصحاب الشغله فاهمين وش اللي أقصده
والتعديل هو تغيير مكثفات الارسال الى أقوى وقص بعض القطع
والفحص عن طريق جهاز فحص راجع الكهرب وتجربته قبل وبعد مع عدد من الأشخاص وكان الفرق للأفضل
ولاتشتري لين تجرب انت والا غيرك
موسى الطيب
17/02/2013, 04:19 PM
مشكله ادا طلبنا من احد يوضح شغله يقول اهل الشغله يعرفونها

وبخصوص انك تعدل الاريل وتقييس الراجع فقط فهدا مايعتبر قياس اصلا للتعديل الي تم عمله

اي تعديل على اي جهاز راديو او اي اريل لابد من قياس الطيف الترددي والبث الهامشي ومستى القدره db من خلال اجهزه خاصه وليس بجهاز الراجع

وهدي صوره توضح
http://im34.gulfup.com/k8wy6.jpg (http://www.gulfup.com/?f8Im6N)
تحميل (http://http://www.gulfup.com/) صور


وهدي صوره لجهاز مماثل

http://im33.gulfup.com/oL0JF.jpg (http://www.gulfup.com/?e7NVpB)
تحميل (http://www.gulfup.com/) صور


للتوضيح فقط

ترا الشغله مو قص مكثف 20 وحط مكثف 30 يعني صار اقوى

ترا الشغله لابد حسابات ودراسه ونسب تتوافق

الكل عنده مكينه لحام واسلاك ويقدر يشتري مكثفات بس مو الكل متخصص

بالتوفيق
الوايلي2012
17/02/2013, 05:41 PM
تمام يعطيك العافية على المعلومات يالطيب
رحال الشمال1
18/02/2013, 10:13 AM
هههههههههه
عموما موفق يا راعي الاستيشن
LX 5555
18/02/2013, 10:42 AM
شكلك تسمع عن هالأجهزه وتعب على ماحصلت صورها


القافله تسير و........................
موسى الطيب
18/02/2013, 03:12 PM
مشكور جزاك الله خير

هدا ان دل الا على اخلاقك ونيتك اتجاه اخوانك المسلمين

ولما ناقشتك ماعرفت ايش تقول

وتبي تخوبر احد بالاريل بعد ماخربته ولعبت فيه
وضايقك يوم اقول الصدق

وواضح ان انت الي اول مره تسمع فيها وتشوفها هالاجهزه

والدليل تقول فحصته بقياس الراجع ههههههه

خاف ربك

من غشنا فليس منا
ربيتر
26/02/2013, 07:56 PM
موسى الطيب (http://www.mekshat.com/vb/member.php?u=212465) كلام من ذهب
تساهيل1
26/02/2013, 08:23 PM
كلام الاخ موسى ميه ميه

ولا نقول ان احد يكذب

بس وش وضع التعديل وكيف.طريقته
وهل هي مجديه او بس قص ولحم على فراغ
العبيدي1
26/02/2013, 09:15 PM
موسى الطيب

اشكرك من كل قلبي على التوضيح

73
أبو عقيل النجدي
27/02/2013, 04:20 AM
راح به أبو ريان :)
عتووب
28/02/2013, 04:20 PM
كلامك ياموسي الطيب من ذهب


وبيض الله وحهك




واتت ياصاحب المعدل



وشهنو للي عتدتوه فيه
صدق العطا
02/03/2013, 11:08 AM
السلام عليكم ورحمة الله وبركاته،،،

يا أخوان لازم تتسع صدورنا لبعض ، كلنا أخوان ويجمعنا دين واحد يحثنا على الأخلاق في التعامل وفي البيع والشراء ، من حق اللي يشتري سلعة أنه يسأل عن أدق الأمور وهذا من مصلحة البائع حتى لا يدخل في البيوع المنهي عنها مثل بيع الغرر.

كلنا نتعلم في هذا الموقع ، ومن الخطأ أن نرمي أخواننا بالجهل لمجرد سؤالهم عن شيء يجهلونه ، أو ليس لديهم الخبرة الكافية فيه - حتى الناصح لا نرد عليه بسوء ونصفه بأنه (نابح) أجل الله القارىء الكريم...

يا أخوان ، ش جالسين نتكلم فيه ؟؟ في دنيا ما تسوى ونسيء لبعضنا البعض...
اسأل الله الكريم أن يغفر لنا جميعًا ، ويرحمنا برحمته ، ويتجاوز عن مسيئنا...

أتمنى أننا ندفع باللتي هي أحسن لكل مسيء.

مع خالص شكري للجميع...
روح الشمال9
02/03/2013, 06:20 PM
السلام عليكم.
يا خوان الاربع وصل شد بلد يتحمل 200واط اذا زاد عن ذلك يحترق الكابستر .
اما المعدل يتحمل الى 500واط واضح
واللي عمل التعديل من حقه. رزق من الله وشتغل تعب عليه ويترزق الله
اما انك تجي تقول وش سويت وش حطيت .
انت عليك انه لايوجد راجع وارسال قوي واذا شفت راجع او ضعيف قل له ليش انا دافع فلوس يحق تطالب لان حطيت درهمك في شي تعبان .
ياخي لما تشتري ستيشن جديد من دار البوصله اصلي اوتجاري قل لراعي المحل وش مصنوع منه وش حط المصنع عشان صار ديبي اكثر مارح يجاوبك يقول تبي تشتري او امسك الباب
ترا من حق الي سو التعديل انه مايعمك شي لانه تعب كثير.
انا شخصين معدل اربع وصل يتحمل 500واط وراجع 1.1 ستاندر مع بور 350يصير الراجع 1.3
لو تسلني تقول وش حاط بقول لك مالك دخل انشاالله احط عفريت
وبعدين الاجهزه الي حاط صورها ماتلزم بشي ...........
اهم شي تقايس عليها mfj-269
انا اعتمد عليها اما تقول وش حط وش قاص
لتوضيح
الله يعلم من قلبه نظيف
انتها.........
موسى الطيب
02/03/2013, 08:30 PM
اشكر كل الي شارك برأي ومعلومه في هدا الموضوع

وهده المشاركة الاخيره لي هنا

لاحظت ان البعض يرغب بالتعلم والبعض يتغاظى بالتعمد عن الحقيقه لاسباب لااعلمها

عموما

فيه شي اسمه تشوه اشاره الارسال وكل اريل قبل يجينا من المصنع يكون مفحوص وموزون
وبخصوص الاخ // روح الشمال

نعم قبل اشتري الاريل لابد انني انزل الكاتلوج واقرا واشوف هل يناسب استخدامي او لا

ماشتريه لانه راعيه يقول انا الله عطاني العقل علشان اقارن واشوف واقتنع

ماعلي من كلام بايع


هدي صوره الاشاره الطبيعيه لاي اريل راسي فيبر

http://www.mekshat.com/pix/upload06/images/2013/03/mk212465_polarplot.jpg

كلنا نلاحظ ان الاشاره متوزعه على جميع الاتجاهات صح وهدا مايفترض يكون عليه الاريل الرأسي

وهدي صوره اخرى لاريل تم التعديل عليه ولاكن التعديل خاطئ مما تسبب في تشوه الارسال مع ان قياس الراجع ممتاز ولاكن اتجاه الارسال خطاء

http://www.mekshat.com/pix/upload06/images/2013/03/mk212465_antennatestgraphs_jpg_w560h616.jpg


في النهايه احب اقول ان الله الله يهدي الجميع

وكل ماكان في تفكيري هو الافاده للجميع لااقل ولا اكثر

بالتوفيق لك ياصاحب الموضوع قبل الجميع