لو سمحتم نامل الافادة [الأرشيف]

ابوسلطان222

13/02/2013, 10:51 PM

السلام عليكم ورحمة الله وبركاته
اخواني عندي مشكلة في سيارتي (فورد مديل 2002)وهي حدوث صوت غرغرة وما تظهر الافي الصيف او في السفر بعد قطع مسافة ما يقارب 100كيلو متر وتختفي في الجو البارد وذلك عند الظغط على دعاسة البنزين وتختفي عن رفع الرجل عن الدعاسة علماً بان حرارة السيارة لا ترتفع ولفيت على الورش احدهم يقول المشكلة في راس المكينة والاخر يقول المشكلة تتعلق بالكرباء واحترت معهم .
نامل افادتنا والله لايهينكم وتقبلوا تحياتي .

ابوسلطان222

14/02/2013, 12:43 AM

السلام عليكم ورحمة الله وبركاته
اخواني عندي مشكلة في سيارتي (فورد مديل 2002)وهي حدوث صوت غرغرة وما تظهر الافي الصيف او في السفر بعد قطع مسافة ما يقارب 100كيلو متر وتختفي في الجو البارد وذلك عند الظغط على دعاسة البنزين وتختفي عن رفع الرجل عن الدعاسة علماً بان حرارة السيارة لا ترتفع ولفيت على الورش احدهم يقول المشكلة في راس المكينة والاخر يقول المشكلة تتعلق بالكرباء واحترت معهم .
نامل افادتنا والله لايهينكم وتقبلوا تحياتي .
اخوي (sgl) السلام عليكم
الصوت كانه من الماكينه ويطلع الصوت والسيارة ماشية في الخط . والله لايهينك.

بن الزايد

14/02/2013, 01:38 AM

تقصد سيلان ماء

SGL

14/02/2013, 02:38 AM

شيك على شدادة السير خلي واحد يدعس ونت ترقب الصوت وطالع في السير والشدادة وحولها

ابوسلطان222

14/02/2013, 06:46 AM

شيك على شدادة السير خلي واحد يدعس ونت ترقب الصوت وطالع في السير والشدادة وحولها
السلام عليكم اخوي (sgl) الله يحفظك من ناحية شداد السير فتم تغيره ولم يختفي الصوت علماً زي ماقلت لكم الصوت مايطلع الا اذا كانت السيارة ماشية في الطريق وبعد قطع مسافة طويله ويختفي الصوت تماماً عند التوقف والله اني خايف ان يكون راس المكينة ولكن احد الاخوان يقول اذا كان الراس لابد ترتفع درجة الحرارة وحيث ان حرارة السيارة لاترتفع ابداً الله يجزاك خير ويحفظك .

mekshaat

14/02/2013, 09:27 AM

الصوت اللي تقصد يسمونه المهندسين لقلقه وبعض
اللي يستخدمون الفورد يشتكون منه وانا واحد منهم
والصوت يزيد اذا صار الجو حار أو مع تشغيل المكيف
ويضعف العزم معه ومالقيت له حل لفتره طويله وكانو
الورش ينصحون بالبرمجه لكن أحد المهندسين أهل
الخبره علمني بسر المشكله ونصحني أستخدم منظف
بخاخات علبتين والأفضل مع نصف التانكي مثل STP
او أي نوع جيد بالسوق لأن ترسبات الاوساخ بالبخاخات
هي سبب المشكله المهم خلال يومين تروح اللقلقه وصارت
البرمجه حقة الورش لعب واستغلال الدعوى كلها تنظيف
بخاخات وبالتوفيق.

mifleh

14/02/2013, 11:48 AM

اخوي تأكد لايكون كلتش الكمبروسر بما انك تقول مع البرد يختفي

لأنه اتوقع والله اعلم لو كان المشكله ميكانيكيه لزادة مع البرد

ابوسلطان222

14/02/2013, 01:33 PM

الصوت اللي تقصد يسمونه المهندسين لقلقه وبعض
اللي يستخدمون الفورد يشتكون منه وانا واحد منهم
والصوت يزيد اذا صار الجو حار أو مع تشغيل المكيف
ويضعف العزم معه ومالقيت له حل لفتره طويله وكانو
الورش ينصحون بالبرمجه لكن أحد المهندسين أهل
الخبره علمني بسر المشكله ونصحني أستخدم منظف
بخاخات علبتين والأفضل مع نصف التانكي مثل STP
او أي نوع جيد بالسوق لأن ترسبات الاوساخ بالبخاخات
هي سبب المشكله المهم خلال يومين تروح اللقلقه وصارت
البرمجه حقة الورش لعب واستغلال الدعوى كلها تنظيف
بخاخات وبالتوفيق.
والله يااخي زي ماقلت يضعف العزم ربما ان تكون اوساخ بالبخاخات ابنظف البخاخات وابشوف انشاالله بتروح المشكله وشاكر لك ياخوي الله لايهينك.

غدر الزمن

14/02/2013, 04:41 PM

لا تلعب بسيارتك ابد مشكلتك عندك سخان المكيف مصدي وهذا موجود يسار المكينه

وتدخل له اهواز ماء اثنين اذا بغيت تغيره سعره اذكره 1600 ريال اما اذا انت لا تحتاجه اعزله

تماما وطريقه عزله هي فصل اهواز الماء الصغريره نهائيا واغلاقها باحكام اومثل مايسوون

فنيينا (الكرام )احشر فيهم بواجي مستعمله .....بعد هذا يوجد مسمار فوق طرمبه الماء

فكه وعب الرديتر ماء الييييييييين تشوف يطلع الماء مع المسمار بدون هواء قفل المسمار

واوزن ماء الرديتر .............................وبالتوفيق

ابوسلطان222

14/02/2013, 07:21 PM

والله ياخوي (غدر الزمن) مااظن المشكلة لها علاقة بالمكيف لان الصوت يطلع حتى لوكان المكيف طافي .عسى الله ان يحفظك ولايهينك

كاشت وحداني

14/02/2013, 10:02 PM

عزيزي
الصوت غالبا اما بعض الكسر متكسره داخل دبات التلوث
وغالبا مع الدعسه تبين والافضل تتناساها
والاحتمال الثاني
بلف القير اللي يسمونه فالف بودي
طلع لنا في فورد 93 وطنشناه
له 7 سنوات وعادي
يطلع مع التبديل من نمره لنمره

Sent from my iPhone using Tapatalk

SGL

14/02/2013, 10:02 PM

أنت تقول الصوت مايطلع ألا والسيارة ماشيه يعني لو واقفه مايطلع حتى لو تدعس بنزين أنا أستبعدها من المكينة أحتمال تكون طنجرة الجربكس رغم التوماتيك ماأطيقها بسباب بلويها ومحد يعرفلها شيك على الطنجرة روح لمتخصص قير أتوماتيك وخله يكشف ونشاء الله تطلع مشكلتك بسيطة

ابوسلطان222

14/02/2013, 10:57 PM

أنت تقول الصوت مايطلع ألا والسيارة ماشيه يعني لو واقفه مايطلع حتى لو تدعس بنزين أنا أستبعدها من المكينة أحتمال تكون طنجرة الجربكس رغم التوماتيك ماأطيقها بسباب بلويها ومحد يعرفلها شيك على الطنجرة روح لمتخصص قير أتوماتيك وخله يكشف ونشاء الله تطلع مشكلتك بسيطة
الله يعطيك العافية ياخوي ماقصرت بكشف على الجربكس وهو الي مافكرت به من قبل ولاكشفت عليه واحتمال الصوت يكون منه وشكراً لك وان شاالله تطلع المشكلة بسيطة زي ماقلت .

SGL

14/02/2013, 11:05 PM

والله أنا أخبر واحد من صاحبي زمان معه كابرس87وكان يطلع صوت وهو ماشي ويوم يوقف يروح وطلعت الطنجره وناس تقولها البطيخة بس مدري أنا أقولك أحتمال وليس أكيد أنت أكشف وشوف والله أكره السيارات القير توماتيك ياخي تمشي فيها ونت خايف أي وقت يطلعلك في عله لاكن الله يسهل أمورك وراح نتواصل معك وشوف نهيتها باالغرغه بعدين أذا تبغى منظف خذ منظف مستوبيشي من شركة مستوبيشي علبتين حطها بتانكي وبنزين نص ومسكه خط غيره لاتحط

حسن القبيسي

15/10/2013, 12:59 PM

يا اخواني سيارتي فورد اكسبدشن 2009جنني صوت قرقعه مدري هي بالمكينه ولا بالقير وهي اذا مشيت اسمع صوت قرقعه واذا وقفت وفضيت القير ودعست بنزين مافيه صوت ابدا واذا شغلت المكيف ودهست بنزين خفيف والسياره واقفه في الان اسمع نفس الصوت او اذا حطيت السياره بالدي وحطيت رجلي علي الفرامل ودعست بنزين اسمع الصوت او الف الطاره وادعس بنزين برضه اسمع الصوت اما اذا كانت السياره واقفه والقير بالان مافيه اي صوت لوادعس الين بكره تكفون دلوني ماخليت ورشه الي يقول جنزير والي يقول تكايات والي يقول طنجرة القير مالقيت حل مع ان الصوت له سنه تقريبا وماله تاثير علي السياره الا الصوت