الله لا يهينكم افيدوني بسرعه

[رآعي جملآ]

اخواني انا هديت طيري اليوم على حمامه وكانت قوية ..
ولحقها لين صد عنها وتركها تروح ثم نزل لين عطيته الملواح

للمعلوميه ان كان الجو هوى شبه قوي ..

ما ادري اذا طلع ملع ولا لا وكيف اعرف ؟؟

والطير بعد الهدد صاير يكافخ ولاهو راكد ويصد عن البرقع مايبيني ابرقعه


وانا ناوي اني اهد بكرا لان الشباب بيهدون وخاطري ااتحداهم هل اهد او لا ؟

افيدوني يا من لكم خبره تكون

[Copy]

اذا الطير طرد طرْد قوي ولاحظت هالشي مقارنة بالأيام الفائتة أنصحك بالملواح بكره بشرط انك ما تلاعبه وجد ( طقتين والا ثلاث وعشه ) ومن مسافة ٣٠٠ الى ٤٠٠ متر.



،،

[رآعي جملآ]

لا اخوي هذي اول هدد له بالعاده اعطيح على الملواح ١٠ او ١٥ مسحه

بس انا ارغب الهدد اشوف انه امتع من الملواح وودي اهد لاكن ابي اعرف هل الطير مملوع ولا لا ؟

[Copy]

ع حسب المده اللي طرد فيه والمسافة
وانت تدعيه لما تركها هل تركها بعد جهد او عدم شهوة في الطرد
وهل الحمامة سلم والا ناتف منها؟

[رآعي جملآ]

لا طال عمرك ناتف منها مخليها 5*5 ..
والذنبة مالمست منها شي ..

لاكن كان الجو هوى والحمامه انطحت الهوى لين ارتفعت والطير ورها يرتفع معها ..
ثم جت بأتجاه الهوا وانطلقت سيده وهو وراها ثم نزل الطير وهي كملت

ما ادري هل هو تعب من طردها او ملع الطير او او ..

للمعلومية انا مبتدئ .. وهذي اول هده للطير معي .. ماعمري هديته من قنيته .. دايم على التلواح

[Copy]

قلة لياقة اجل طال عمرك
وحاول انك ما تفشل الطير في هداده،
شف اللي اقل من جناحه بحيث انه يطمع فيها وتدريجيا شوي شوي
والأفضل ثلاث او اربع ايام ملواح والخامس تهد له حمامه


،،