المساعد الشخصي الرقمي

مشاهدة النسخة كاملة : 2500HD من ناحية البنزين


Faisal14
15/02/2013, 11:06 PM
السلام عليكم
اخواني انا موتري 2500HD
الموتر تمام يالله لك الحمد والعزم يطرب الراس
لكن انا احط بنزين 95 ويقص الظهر قص
اقل شيء اعبي 20 ريال يوميا
اوقات اعبي 30 ريال باليوم
مادري من تفريغ الدبات ولا من وش !
حبيت اخليه مثل جمسي الثاني سوبر بان 91
واقل صرفيه وارخص
لكن هل يأثثرر على المكينه او طرمبة البنزين
علما بأني سويت هالحركه على السوبر بان وعلى التورس
لكن ودي اسويه على الغماره ومتخوف
وشكرا
SGL
15/02/2013, 11:16 PM
يعمي عبه أخضر وتوكل على الله وشوف أنت بعد ماتعبيه أخضر91فيه أختلاف بتشغيل أو صوت في المكينة أغلب السيارات من موديل2005وطالع يعبون أخضر وماشافوا أي مشاكل ويفيدونك الأخوان
راعي المكشايت
15/02/2013, 11:25 PM
عب اخضر ازين لك وارخص وما فيه فرق لا يمكن بالطعوس انا موتري ددسن 2009 اعبي اخضر بالمدينه لاكن بالطعوس اعبي احمر واشوف فرق كبير عن الاخضر

المهم الامريكي رجلك على البنص رجل شايب راح تقل الصرفيه وكذالك خل دعستك بالتدريج راح تقل الصرفيه
ms662
18/02/2013, 10:47 AM
الفرق ترى تقريبا 5 ريال
أب رحي
28/02/2013, 01:42 PM
عليكم السلام ورحمة الله وبركاته


شوف أخوي اذا تبي تغير البنزين لازم تغير طرمبة البنزين....
وأحب أقولك إن البنزين الأحمر أقوى من البنزين الأخضر
يعني إذا عبيت أحمر بتشوف السياره أنشط وأقوى....

تقبل مروري يالغالي.
شنكار
01/03/2013, 01:08 PM
ماذكرت لنا طريقتك اللي سويتها في باقي المواتر؟
فرفور بريده
01/03/2013, 08:40 PM
اللي يقولك البنزين الاحمر يفرق عن الاخضر بالجمس ماعنده سالفه

مكاين الجمس تقبل 91 و 95 .. واذا عبيت 95 فرق التبذير فقط لاغير ( وهذا كلام الشركه المصنعه )

انا موتري 2011 جمس وانيت

اعبي 91 وعزمه ماتغير ولا شي .. مع اني جلست حوالي 4 شهور اعبي 95

ويوم عرفت ان الدعوى تبذير فقط مافيه فرق

حولت 91 ومالاحظت فرق اببببببد

لا وبعد عبيت 91 والتانكي كان فيه نص التانكي 95 وخلطت البنزين

ولاصار شي

ليش ؟ لان المكينه تقبل الاثنين مافيه مشكله
AxR979
01/03/2013, 09:07 PM
يفرق شيء بسيط اذا بتبرمج

غريبه وش اللي يخليك تعبي بـ 20 ريال يوميا ؟

اذا تستخدمه مشاوير داخل الديره فانك غلطان و انت عندك موتر غيره
Faisal14
04/03/2013, 02:09 PM
ايه والله فيه سوبر بان موب لاحد
وفيه مواتر ثانيه لاخواني واقفه
لكن الجمس عشق داخل الديره برا الديره مشوار صغير مشوار طويل
رزه
ابشركم للحين ماشي على 91 ووضعي في السليم
اللهم اني خليت التانكي على اللمبه ومشيت عليه يوم حسيته بيقضى عبيته ب 30 وللحين اعبيه
وهذي سويتها بباقي مواترنا