ع الرويثي
16/02/2013, 02:46 PM
السلام عليكم .,..
قصيده عباره عن استغاثه لشقيقي الشاعر ناصر بن راشد الرويثي
,,,اتمنى ان يستجيب الله دعاء المستغيثين من عباده واتمنى ان تنال
اعجابكم ,,,
قل المطر والاراضي حالها مالي = والناس من دهرها ماعاد تمشيها
مع الدهر زاد فيها حرها الصالي = واهل المواشي تخلت عن مواشيها
ديار ماتت وامسى عودها بالي = واشجارها يابسه والدهر كاسيها
وديانها والشغايا صارت سهالي = و شعبانها ممحله مايمشّي فيها
يالله يالي عليم بكل الاحوالي = ياخالق الخلق محصيها ومفنيها
انت الرحيم الكريم الواحد الوالي= رحمتك يارب نطلبها و نرجيها
يالله عليها تسوق المزن همالي = والارض بالسيل والامطار تحييها
تسوق مزن الوسم يالله بالحالي = وديارنا من حقوق الوسم تسقيها
ويطلع ربيعٍ يسر و يشرح البالي= وتخضّر الارض و تربع مفاليها
اعشاب تنبت بكل الوان واشكالي = والفقع تلقاه نابت في مراعيها
فيه ام سالم تغطرف بالخلاء الخالي= وراع الاباعرعلى جيبه يباريها
والبدو كلٍ يهيف له على جالي = وراع الونس يركز الخيمه ويبنيها
طاب التمشي بدون شماغ وعقالي = واحلى القصايد ملحنها يغنيها
يالله ياواحد ٍ نشكي لك الحالي = دعـواتنا يا الـكريم انـك تلبيها
وسلااااامتكم ,,,
قصيده عباره عن استغاثه لشقيقي الشاعر ناصر بن راشد الرويثي
,,,اتمنى ان يستجيب الله دعاء المستغيثين من عباده واتمنى ان تنال
اعجابكم ,,,
قل المطر والاراضي حالها مالي = والناس من دهرها ماعاد تمشيها
مع الدهر زاد فيها حرها الصالي = واهل المواشي تخلت عن مواشيها
ديار ماتت وامسى عودها بالي = واشجارها يابسه والدهر كاسيها
وديانها والشغايا صارت سهالي = و شعبانها ممحله مايمشّي فيها
يالله يالي عليم بكل الاحوالي = ياخالق الخلق محصيها ومفنيها
انت الرحيم الكريم الواحد الوالي= رحمتك يارب نطلبها و نرجيها
يالله عليها تسوق المزن همالي = والارض بالسيل والامطار تحييها
تسوق مزن الوسم يالله بالحالي = وديارنا من حقوق الوسم تسقيها
ويطلع ربيعٍ يسر و يشرح البالي= وتخضّر الارض و تربع مفاليها
اعشاب تنبت بكل الوان واشكالي = والفقع تلقاه نابت في مراعيها
فيه ام سالم تغطرف بالخلاء الخالي= وراع الاباعرعلى جيبه يباريها
والبدو كلٍ يهيف له على جالي = وراع الونس يركز الخيمه ويبنيها
طاب التمشي بدون شماغ وعقالي = واحلى القصايد ملحنها يغنيها
يالله ياواحد ٍ نشكي لك الحالي = دعـواتنا يا الـكريم انـك تلبيها
وسلااااامتكم ,,,