المساعد الشخصي الرقمي

مشاهدة النسخة كاملة : بــــــــــلـــدن آر جي أيت لاتفويت ولا راجع مائه بالمائه راسل لو تبي امريكا


راعي الهـــدد
08/09/2006, 07:43 AM
ياخوان وش الحل انا مسلك للكنود بالجيب اسلاك بلدن آر جي ايت طبعا السلك عريض مره

وكل ماغيرت مكان القاعده او حركت السلك من عند القاعده حقت الأريل انفصل السلك من جوا القاعده

وش الحل هل معناه الحام ضعيف او فيه حل

ياليت يردون علي اهل الخبره

اما عن هذا السلك والله انه ابن كلب والي صنعه كلب (( طبعا صناعه امريكيه )) والله لاتفويت ولاراجع ارساله خطير جدا تصدقون يوم ركبته راسلت الحسا والخرج صافي واستقبلهم دبل اوفر وتسعه ابراج زكذلك هم يستقبلوني صافي مره وانا طبعا متحرك بالسياره

ربما البعض لايصدق لكن والله انها حقيقه

وقبل اسبوع شغلته وراسلت خريص وطريق الدمام صافي مره

ولكم الشكر والتقدير
الكونترولCONTROL
11/09/2006, 07:13 AM
لكن كلما زاد قوة الارسال يؤثر على الجهاز .... الوضع الطبيعي للجهاز العادي انه ما يراسل بعيد
الحاضر الغائب
12/09/2006, 01:41 PM
الجهاز مركب بالسياره ولا فى البيت
كاتم2
12/09/2006, 02:18 PM
أخوي راعي الهدد

وين ألاقي سلك بلدن هاللي تقول عنه
وبكم سعر المتر
وشكـررررررررررا،
راعي الهـــدد
07/10/2006, 12:50 AM
الحاضر الغايب الجهاز مركب في السيارة


السلك تحصله بشارع الشياطين في الرياض


عند محل سترا


سعر المتر على ما اعتقد 10 ريال نسيت بس تبي عطيتك تلفوناتهم


وآسف على التاخير عن الرد
نجد 1
07/10/2006, 12:56 AM
اخوى راعى الهدد
اذا بالامكان الرقم لوسمحت
راعي الهـــدد
07/10/2006, 02:25 AM
بحث عن الأرقام كانت معي في البوك وضاعت


على العموم دق على 905 واطلب محل سترا


قل بنهاية شارع الأمير سلطان بالعليا


واذا مانفع لو تبي آصلهم لك واخذ الرقم ودمت طيب ومعافى
كشتة عزاب
07/10/2006, 06:15 PM
طيب اخوي انت وش تقصد اي سلك

هل هو السلك اللي يوصل من القاعدة للجهاز ؟؟

اذا كان الجواب نعم .. فهل صحيح يقوي الارسال
راعي الهـــدد
07/10/2006, 10:21 PM
نعم هو السلك الي من الأريال للجهاز


نعم يقوي الأرسال ويكون الراجع فيه قليل فلا يكون فيه تفويت واطات


يعني يختلف السلك المتعارف عليه بالمحلات التجاري طبعا وبين واحد امريكي لو تشوفه ارتعت منه شغل مضبوط


ودمت طيبا معافى
نجد 1
07/10/2006, 10:33 PM
اخوى راعى الهدد
تم الاتصال على 905 ويوجد لديهم رقم باسم سترا للنقليات وهذاالرقم 14736292
وش رايك وانت تتمشى تجيب الرقم فى طريقك:D
راعي الهـــدد
07/10/2006, 10:38 PM
ابشر بسعدك ياخوي


ماطلبت شي ابد


ان شاء الله يجيك قريبا


ودمت طيبا وبخيرات
الرهدن
08/10/2006, 12:16 AM
لاتخلينا ياراعي الهدد00
وجزاك الله خير00
أو قم بوصف المحل بدقة00


.
كشتة عزاب
08/10/2006, 09:22 PM
اخي الكريم ..راعي الهدد

هل السلك اللي تقصده

اسمه بالانجليزي

Rg8

؟؟؟؟؟؟؟؟
بريد5
09/10/2006, 01:55 AM
طبعا افضلها

اللي هو ماذكر اخونا كشته عزاب

Rg8
راعي الهـــدد
09/10/2006, 04:10 AM
اضنه هذا هو السلك

الي تقول عليه
عرق جهام1
09/10/2006, 04:30 AM
يا راعي الهدد معي باث ودي توصيلة للجهاز صح جهازي ايكوم 8000شاكرين حسن تعاونكم ,,,,,,,,,,,,,,,,,,
راعي الهـــدد
09/10/2006, 04:51 AM
وصف محل سترا


الذي يوجد عنده سلك بلدن آر جي ايت امريكي


وانت على شارع العليا العام باتجاه شمال امش الين يجيك تقاطع شارع الأمير سلطان مع العليا العام والعقاريه في وجهك لف يمين مع شارع الأمير سلطان

طبعا الآن العقاريه على يسارك ووجهك شرق

امش سيده الين ينتهي شارع الأمير سلطان يصير يعني تي

عاين في وجهك وعد من عند المحل الي في وجهك على اليمين ثلاث محلات او اربع محلات تحصل محل سترا

واضح جدا اضن


اخوي غرق جهام لم افهم ماذا تريد بالضبط
الماجدي
09/10/2006, 05:26 AM
راعي الهدد لاهنت يا استاذ
الأريل اللي راسلتبه الحسا وخريص وش اسمه؟؟ وجهازك وشو ايكوم او غيره ؟؟ معقوله يصير قوة الأرسال من السلك الأمريكي ::
راعي الهـــدد
09/10/2006, 05:31 AM
الأريل كمت الأسود

جهازي ايكوم 2100


نعم معقوله


الرياض الغالب يستقبلني دبل اوفر

او تسعه

وانا بالسياره

قل ماشاء الله


بس شف اخوي الغالي


ترى تعبت الين ضبط معي


يعني الوصلات او الكونكترات فضه


ومركب توصيله اريلين تساعد بعض بالعكس للموجات


وموزع بين الأريلين اصلي دايموند


وهكذا اخوي الغالي


دمت بخير
راعي الهـــدد
10/10/2006, 06:25 PM
اخوي الرهدن اخوي نجد 1


تراكم غالين على قلبي وغلاكم من غلا مكشات


كنت اسعسع شمال الرياض ودزيت يم المحل الي تبون (( سترا ))


وخذت الرقم منهم ولكن حطيته بموظوع مستقل لتعم الفائده ارجو الدخول على هذا الرابط


تجد الرقم ومعه غيره من العلوم الزينه الي يحبونها الرجال


دمتم بخير


تفضل هنيا

http://www.mekshat.com/vb/showthread.php?t=59201
متعة الترحال
10/10/2006, 07:08 PM
أخوي راعي الهــدد
كم في إعتقادك نسبة تقوية الإرسال بعد وضع السلك هل هو 20% أو 50% أو 70%
أقصد انت مصلح أمور لها دور كبير في تقوية الإرسال ...
إقتباس " ترى تعبت الين ضبط معي


يعني الوصلات او الكونكترات فضه


ومركب توصيله اريلين تساعد بعض بالعكس للموجات


وموزع بين الأريلين اصلي دايموند "
راعي الهـــدد
11/10/2006, 08:15 PM
اخوي كاشت





عذراً على التأخر في الرد





ونخوك انا كلفني الجهاز وتجهيزه كثير حتى ضبط معي وصار روعه





اول شي / مسوي التركيب عند واحد مهندس فيها مضبوط عنده اجهزت قياس وشغل محترف



ثاني شي / الوصلات الكونكترات الي توصل في اطراف الأسلاك لعشان التركيب مطليه بفضه وهذا يساعد على قوة الأرسال



ثالث شي / حطيت قسام دايمون اصلي غالي الثمن شوي يعطيك الحريه في استخدام اي الأريلين الي انت مركب بالسياره



لأني مركب اريلين



وضيفتها ونخوك



انك مثلا تراسل واحد يبعد عنك 60 كيلو مثلا وتراسل على الأريل يمين وتستقبله 5 ابراج مثلاً فحول بالقسام الي عندك جنب المرتبه على الأريل الثاني يسار وشف ممكن تكون تستقبله اكثر وهاذي شغلت اتصالات معقده لا افهمها كثيراً



وممكن يكون في شي يصد الأرسال يمين جرب على اليسار ممكن ينفع ويرسل لك اقوى وكذلك وانت مشغل الأريل اليمين تستفيد من الأريل اليسار وهو لا يعمل حيث نفس الأريل يرد ذبذبات الأرسال الي جايه لك على الأريل الثاني الي شغال



على العموم انا جلست فتره وعجزت افهم شغلتها المعقده



هذا بختصار الي سويته



وحطيت ونخوك امبي فير مقوي ارسال 200 واط ومفصل له مخبى قماش تنزاني على المرتبه حقت الراكب تكون معلقه فيها من فوق متدليه من ورى المرتبه لاصقه فيها



ومدخل الأمبي فيها



تمنيت عندي كمره كان صورت لك وعطيتك صور بالتفصيل



على العموم انا مراسل الحسا والخرج بدون ام بي



دمت بخير



تمنيت اني خدمتك
متعة الترحال
12/10/2006, 01:12 AM
ما جاء منك قصور جزاك الله خير
فهمت أخوي انك واضع الإريل يمين ويسار
وحسب تجربتي المتواضعة إنه في الوسط أو السنتر للتنده أفضل
تؤيدني ولالا ؟ عل كل جرب وتدعيلي ،،،
راعي الهـــدد
12/10/2006, 01:32 AM
ما جاء منك قصور جزاك الله خير
فهمت أخوي انك واضع الإريل يمين ويسار
وحسب تجربتي المتواضعة إنه في الوسط أو السنتر للتنده أفضل
تؤيدني ولالا ؟ عل كل جرب وتدعيلي ،،،



الله يرحم والديك ياكاشت ويغفر لك

كيف احط اريلين في وسط التنده


ولم افهم ماذا تقصد بالسنتر خبرتي بالنجليزي حليله او اردى من احليله


ممكن توضح لو برسم يدوي

دمت بخيرات ومنك نستفيد استاذي
متعة الترحال
12/10/2006, 01:39 AM
أقصد أخوي تحط اريل واحد طبعا بالوسط وتراسل به وخل الثاني على جنب وقارن بينهن
ولك رساله على الخاص شقر عليها لاهنت
النحاسي
13/10/2006, 02:27 AM
انا باعتقادي..
ان بمجرد وجود قسام "محول بين الاريلين" هذا كافي لتخفيض الارسال....

كما ان الRG 8 الي موجود في المحلات كلها تجاري يعني سعر المتر من 3 الى 6 ريال وتلقى مكتوب عليهن USA... لكن انت ابخص...
الا اذاكان المحل الي تقول عليه يبيع الـRG 8 الاصلي الامريكي...فهذا تمام
راعي الهـــدد
13/10/2006, 05:20 AM
أخوي النحاسي

نعم المحل الي يبيع الأر جي ايت اصلي مائه بالمائه

غير الي في السوق ومضمون ونخوك

اما القسام فغير صحيح انه يضعف الأرسال

يا أخوان انا انقل لكم تجربه معي وحصلت معي الى يومنا هذا ولم ارى الا كل خير

ولست اتحدث عن واقع غيري

والسلام ختام
عاشق الطقس
14/10/2006, 03:44 PM
و نى ى كم ى
راعي الهـــدد
14/10/2006, 07:49 PM
عاشق الطقس

لم افهم ماتريد

آمل التوضيح

ودمت بخيرات
ولد الأمارات
17/10/2006, 04:16 AM
نعم اخي الكريم هذا الكيبل ممتاز اسمه Belden 9913 او في كيبل ثاني بنفس المستوى تقربا اسمه LMR-400 و كلهم RG-8 طبعا.
فتى الوادي
18/10/2006, 09:55 AM
السلام عليكم ....

كلام مفيد جداً ومعلومات قيمة ...

لكن أخوي راعي الهدد يكون الكلام أجمل وأكثر فائدة لو تصور اللي عندك بالجوال وتضعه في المنتدى ... وإذا ما عندك كاميرا جوال أقرب أستديو يصور لك ...

ونكون لك من الشاكرين .
عساف الضاري
18/10/2006, 02:45 PM
السلام عليكم ورحمه الله وبركاته
اخوي راعي الهدد اشكرك على اختيارك للموضوع المهم وحبيت اشارككم بما عندي من معلومات
قياسات الاجهزه الاسلكيه معقده شوي وهي كتالي

1- الواطات جمع واط ويقاي بها قوه الجهاز ويقاس بها اجهزه تقويه الارسال 55واط 70واط 1000واط 5000واط

2- الديبي ويقاس بها قوه الاريل 3.5 ديبي 4.1ديبي 6.5ديبي 8.5 ديبي 9.3ديبي 16ديبي 18 ديبي الدبل

3- الراجع ويقاس بها وزن الاريل على المحطات المختاره و حساسيه الاريل0.5و1.5 و5

هذه للقياسات وبنسبه للكيابل اوالاسلاك احب افيدك ان الاسلاك ليس لها علاقه بالراحع ابدا الا اذا كان فيه لوس بالكنكتر اي اذا كان السلك لم يشبك بالتوصيله مظبوط وفيه التماس وفائده Rg8هو مساعد الجهاز لاستخراج الواطات منه كامله ( تخيل بركه ماء 4×4 والماصوره بوصه واحده متى تفرغ البركه من الماء الان نفس البركه والماصوره 5بوصه وعليك الحساب وفرق القوه ) وكل ماطل الكيبل يقلل من قوه الاريل


بالنسبه لمشكله الكيبل عندك بالسياره لك كذا حل
1- تحط قاعده ثابته ولا تستخدم الكيبل الا اذا استخدمت المقوي
2- تركب كيبل Rg7اخف من Rg8
3- تركب قاعده دايموند ماص وشفط والكبل الخاص قريب من Rg8 ويضعف عند الكنكترات اتمنى تحصلها


بالنسبه للقسام اذا كان اصلي يضيع عليك نص ديبي من قوه الاريل وكل ما كان تجاري تضاعفت نسبه الضياع


بالنسبه للراجع المسئول عنه الاريل يحتاج الاريل ان يوزن على المحطات المختاره مثال غالب مراسلاتك
بالغالب تكون من 142000الي147000 توزن الاريل على1450000بحيث تكون نسبه الراجع المفضل على الموجه المختاره هي مابين1 و1.5 لتصبح حساسيه الاريل مرتفعه ونسبه الراجع ضعيف واذا زادت نسبه الراجع تعدم عليك قطعه الارسال بالجهاز وللتوضيح مثال اخر توزن الاريل على 144000وتكون نسبه اراجع 0تغير الموجه على152000 تجد ان نسبه الراجع ارتفعت لان الاريل موزون على موجه اخرى
مثال اخر لديك مكتب على 137000 ومراسلاتك مستمره على الموجه توزن جهازك على المكتب
وارتفاع حراره الجهاز مرتبطه بالراجع والارسال

بالنسبه لبعد وقرب ارسال Vhfاو 2m له عوامل مختلفه اهمها
1-العوامل الجويه
تساعد الرطوبه العالي على بعد الرسال خاصه مع ازديادها مساءً ويضعف الارسال نهاراً خاصه اذا كان الجو مغبر
يزيد الارسال صيفا وينقص شتاء بالصيف نراسل من الشرقيه الى مسافه1000كيلو واوفرثابت مع متحرك وبالشتاء80كيلو والارسال مابين الربع ويرمش على البزي والمراسل والمستقبل كلهم لديه 18ديبي توجيهي مع المقوي
2- العوامل الجغرافيه يزداد الارسال في حاله صعود جبل اومرتفع وينخفض اذا كان الواحد بوادي او خب
3- قوه الاريل
4-قوه الواطات المرسله من الجهاز وتوضح بالهاى اواللو
اخي راعي الهدد اسمحلي على الاطاله
وتقبل تحياتي
ســـرحـــان
21/10/2006, 03:20 AM
راعي الهدد جزاك الله خير على فتح الموضوع و عساف الضاري معلومات قيمه جدا .. ولو انه واضح انك من هواه المراسلات البعيده .... بصراحه انا هاوي ولكن على قدي ... يعني متنقل بالديره على الخفيف واغلبه للبر ولكن مايمنع نتعلم ... انا عندي جهاز ايكوم 8000 ... اسالتي التالية ... مطلب كل صاحب جهاز كيف اقوي الارسال والاستقبال .. وهل تركيب الامبلي فاير يفيد بشكل كبير .. ومالمقصود بالراجع ؟ الى هذا الحد يكفي ولنا اساله ثانية كثيره بس ماودي اثقل عليكم ... وتسلمون
فرحان العراك
21/10/2006, 07:29 PM
ارجو المساعدة يااخوان ابغى السلك GR8 من يعرف اي شيء عنه الرجاءى الاتصال على 0555229998
فرحان العراك
21/10/2006, 07:36 PM
الرجاء المساعدة اريد الحصول على السلك Gr8 من اين او اي معلومة الاتصال على الرقم 0555229998 واكون من الشاكرين
فرحان العراك
21/10/2006, 07:44 PM
ارجو المعذرة عن الاخطاء الاملائية المطلوب اي معلومة عن السلك بلدن ار جي ايت الاتصال على ج 0555229998
راعي الهـــدد
23/10/2006, 01:20 AM
أخوي ولد الإمارات جزاك الله خير جبت ماشاء الله عليك رقم الموديل الي اقصده وهو Belden 9913 أحسنت اخوي وهو المقصود آر جي ايت

-----------------------------------

اخوي فتى الوادي شرفني مرورك

اما عن التصوير فانا والله ما اعرف ولو عرفت مانيب عارف انزلها بالنت

احب اقول لك عندي مواظيع كثيره متوقفه عن التنزيل بمكشات بسبب الكمره ماهي متوفره عجزت ادور الي يشور علي بالزين

ودمت بخيرات

----------------------------------------------

أخوي عساف الظاري شرفني مرورك

وأشكر لك التوضيح ولكن ربما الذي اقصده لم يصل لك كما ينبغي

دمت بخيرات ومسرات

------------------------------------------

أخوي سرحان

هلا بك

اما عن الأمبي اكيد يضاعف ارسالك بحسب قوة الأمبي الي انت حاط

أنصحك تركب امبي فير

أما عن الراجع هو على ما اعرف واطات من ارسالك ترجع على نفس الجهاز عن طريق السلك بعد ماتحاول ارسالها وتسبب مع الوقت عطل بالجهاز واضعاف ارساله هذا الي اعرفه والله اعلم


--------------------------------------------

أخوي فرحان العراك

هلا بك وشرفني مرورك

أما عن السلك فسبق ووضع موظوع مستقل بعنوان المحل الي يبيعها الي هو الوكيل وحذف الموظوع لمصلحه تراها ادارة المنتدى وفقهم الله

على العموم المحل الي يبيعها هو محل اسمه (( سترا )) هو وكيلها يجيبها من امريكا ومحلهم يقع بالعليا نهاية طريق الأمير سلطان بن عبدالعزيز بتجاه الشرق يعني تخلي العقاريه على يسارك وتتجه شرق إذا جاك تي تشوفه بوجهك او يمين شوي

تلفونهم هذا هو 014627724
وهلا بكم جميعاً
ولد الأمارات
26/10/2006, 09:55 PM
السلام عليكم

نعم اخي الكريم اسمه Belden 9913.

لاخوان الي يقولن انه نوع الكيبل ما يأثر على الارسال فهذا كلام خير صحيح. الان الكيبل يأثر تاخير كبير على الارسال و هذا من واقع تجربيتي و ايضا الكونكتر ياثر اذا كان تجاري او تقليد.

في هذي الوصلة جدل فيه بعض انواع الكيبلات و نسبت فقد القوة بالديبي على طول الكبيبل.
ستلاحظ ان افضل نسبت فقد ديبي الهذين الكيبلين:
Belden 9913
LMR-400

تقريبا 1.5 ديبي على كل100 فوت تقريبا 30 متر.

يعني اوضح اكثر كل 30 متر ينقص من الارسال 1.5 بسنبة لهذا النوع من الكييابل.

http://www.universal-radio.com/catalog/cable/coaxperf.html
راعي الهـــدد
27/10/2006, 12:20 AM
أخوي ولد الأمارات

اشكرك على التوظيح

وجزيت خيراً
ولد الأمارات
28/10/2006, 12:57 AM
لا شكر على واجب
نجد 1
29/10/2006, 02:35 AM
اخوى راعى الهدد
احاول ارسل لك على الخاص ( ويرفض يعطنى عباره ان العضو غير متواجد؟؟؟؟؟
اذا بالامكان وصف للموقع الذى عملت عنده التعديلات على الايكوم ، اذا مافيه احراج لك
وشكرا مقدما
راعي الهـــدد
29/10/2006, 02:43 AM
الخاص مفتوح كرر مره ثانيه ممكن انك كتبت الأسم غلط

خذ اكتب اسمي كذا راعي الهـــدد

وتعال بالخاص وابشر بالي يسرك
نجد 1
29/10/2006, 03:43 AM
اخوى راعي الهدد

ارسلت لك على الخاص
راعي الهـــدد
29/10/2006, 03:13 PM
ماو صلني شي اخوي الغالي نجد 1

كرر الأرسال وتأكد من صحة الأسم واذا ما وصلت الرساله

فظع رقمك هنا وانا اتصل فيك

دمت بخير
عساف الضاري
29/10/2006, 03:37 PM
اخوي راعي الهدد اختصار للشرح الطويل الكيبل ليس له علاقه بالراجع
وبالنسبه للكيابل يوجد افضل من بلدن في السعوديه وهي اندرو وهي اكثر حساسيه ولم نعلم عنه وهو عندنا الا من كبير مراسلي الامارات ابوسعيد الله يذكره بالخير ويطول عمره ويعاب علي الكيبل انعدام المرونه ولا ينفع للسياره
راعي الهـــدد
29/10/2006, 04:17 PM
أخوي عشاف الظاري

ماقصرت على طرح مالديك

شرفني مرورك

سؤال انت من الأمارات