المساعد الشخصي الرقمي

مشاهدة النسخة كاملة : مشكلة في قير الجمس ؟


ذيب العيص
16/02/2013, 06:59 PM
السلام عليكم .....
اخواني
عندي مشكله في قير جمس حوض (نوعه mt1)
تماتيك دبل....
المشكله هي اني ليا رحت عليه مشوار اگثر من ...
30 او اربعين كيلو...يفضي القير وهو بالدي ويوم اقف وامشي مايبدل يمشي بنمره وحده
واطفي الموتر واشغله ..يرجع طبيعي....!!!
مادري وش المشكله...سألت مهندسين
اللي قال مبرد القير
واللي قال كهرب او حساس
واللي قال توظيب
وقلت استفزع باخواني بالمنتدي واخذ رايهم
وفق الله الجميع
تنومه1
16/02/2013, 09:34 PM
نفس المشكله عندي باليوكن دبل 2006
طلع حساس القيير كلفني مع القطعه اصلي وكاله وشغل يد حدود 430 ريال وعند مهندسين خبره على راسهم عمهم القصيمي ابو عادل بالصناعيه القديمه خلف بنك الراجحي واذا تبغى الوصف هذا جوالي 0558550589
ذيب العيص
17/02/2013, 08:06 AM
تسلم الله يعطيك العافيه رحم الله والديك .....
ذيب العيص
17/02/2013, 10:41 AM
سالت مهندس تركي ....قال موديل سيارتك قديم (92) القير مافيه حساسات؟
SHUGE
17/02/2013, 04:44 PM
السلام عليكم ورحمة الله وبركاتة

صارت معي تقريباً نفس المشكلة بس تختلف شوي ان لم امشي 50 كيول يعلق على نمرة الرابعة ي حال تزود السرعة تبغى تطوف سيارة ما يرجع نمرة حتى لو تدعس الدعسة كلها
الحل اوقف السيارة واطفي واشغل بعد دقيقة ويرجع القير كما كان وترجع نفس المشكلة بعد 50 كيلو تقريباً

تم التخلص من هذه المشكلة بتغيير طنجرة القير مستعملة وحاولت ابحث في السوق الرياض جديد لم اجد الا عند الجميح وطلبية بعد شهر تقريباً وسعرها تقريباً اكثر من الفين ريال على ما اعتقد

الله يعينك وابحث اكثر واستشر اكثر لعلك تلقى المشكلة .
tevo
18/02/2013, 11:42 AM
اخوي لا صارت معاك المشكله هذي جرب شغل الدبل وشف تمشي السياره او لا.
ان مشت فهو من حساس القير صارت معاي وكان يفضي القير خاصه لا شلت رجلع من دعسة البنزين .
ذيب العيص
19/02/2013, 08:22 AM
وشهي الطنجره هل هي البطيخه ؟؟
ودي اجرب اليوم واشبك الدبل
يعطيكم العافيه
عادل المحمد
19/02/2013, 10:07 AM
السلام عليكم ورحمة الله وبركاته

صارت معي اكون ماشي بالسيارة وفجأة تدعس بانزين السيارة ماتمشي " تحن "

واذا بترجع القير إلى P يعلق كأنك بتعشق ددسن على الريوس :D

واذا شغلت الدبل على الاوتو يطلع صوت قوي من تحت كأنه شي مسك بشي وتمشي السيارة او ارجع الدبل للعادي رقم اثنين تمشي السيارة على طول
سيارتي انفوي 2009

غيروا لي كمبيوتر يجي مكانه تحت الدركسون وضبطت جلست اكثر من 4 او 5 شهور السيارة تمام والان رجعت المشكلة نفس اول الصباح وانا رايح للعمل تبداء تستهبل لازم اهدي او اوقف واشغل الدبل على الاوتو وارجعه مره ثانية على شان امشي !!!!!
ذيب العيص
04/03/2013, 10:13 AM
بارك الله فيك اخ عادل عسي الله يعينا واياك
ذيب العيص
04/03/2013, 10:18 AM
وديت الموتر وكشفت عليه كمبيوتر...
طلع فيه فيش مفصول عند السلف ويقول هذا حق طقطقة المكينه
ويقول احتمال بسيط ان له علاقه بالمشكله...وشبكنا الفيش وطفت لمبة التشيك الصفراء
ذيب العيص
05/03/2013, 10:50 AM
هذا ماقرأه الكمبيوتر
Knock sensor

هل له علاقه بالقير؟؟