النبهاني
16/02/2013, 09:35 PM
بسم الله الرحمن الرحيم
السلام عليكم ورحمة الله وبركاته
اخواني واخواتي المكشاتيه مشرفين واعضاء وزوار
الله يسعد اوقاتكم بالخيرات والمسرات
هذي سالفه قبل سبعين سنه او حوله وهي صوره من الماضي اكثر من هي سالفه
كانت ديرتنا اغلب اهلها فلاليح وبهكالسنه جتهم اعانه من الملك عبدالعزيز رحمه الله.. عباره عن قروض للمزارعين وكان القرض ان الحكومه تعطي كل فلاح بعير عن طريق الاماره بالديره والامير هو الكفيل و يسني الفلاح على البعير ( يستخرج الماء من البير ) وهذا الكلام قبل المكاين – المضخات - ( الرستم واللستر والبلاكستون ) وهاللحين غطاسات ولله الحمد .. ويسقي الزرع اللي هو العيش القمح وعقب اربعة اشهر يسدد الحكومه القرض قيمة البعير من بيعه لمحصول العيش او يكيلون كم صاع عيش يعادل قيمة البعير واذا سدد القيمه صار البعير ملك للفلاح واللي ما يسدد تاخذ الحكومه البعير وتستافي من الفلاح اجرة البعير لمدة اربعة اشهر عن طريق امير الديره اللي هو الكفيل وهذا هو الاتفاق
وهكالسنه وزعوا بالديره حول اثنين وثلاثين بعير على الفلاليح يعني كلهم اخذوا بعارين الا واحد بالديره ما اخذ وكانت حالته ما عليه قاصر لكن السبب انه خاف يصير شي بالزرع مثل البرديات او الآفات اللي تصيب الزروع وهمن مايقدر يسدد قيمة البعير ويجون رجال ابن سعود وياخذون فلاحته حسب تفكيره
المهم الفلاليح كلن اخذله بعير وقام يزرع وعقب ما استوى الزرع وحصدوا الناس وطيبوا العيش وجو يبون يكيلون قيمة البعير جاهم خبر من امير الديره يبشرهم بان الملك عبدالعزيز قد امر بإعفاء كل المقترضين من السداد وبالتالي يصير القرض اللي هو البعير منحه واعانه من الملك
وقامو الفلاليح يحمدون ربهم ويدعون للملك عبدالعزيز واستانسوا وفرحوا بهالانعام
والرجل الذي رفض القرض اقتع بان هذا هو القدر وهذه هي الارزاق
رحم الله الملك عبد العزيز رحمة واسعه
انتهت السالفه واطلب من الله العفو والمغفره
محبكم
النبهاني
السلام عليكم ورحمة الله وبركاته
اخواني واخواتي المكشاتيه مشرفين واعضاء وزوار
الله يسعد اوقاتكم بالخيرات والمسرات
هذي سالفه قبل سبعين سنه او حوله وهي صوره من الماضي اكثر من هي سالفه
كانت ديرتنا اغلب اهلها فلاليح وبهكالسنه جتهم اعانه من الملك عبدالعزيز رحمه الله.. عباره عن قروض للمزارعين وكان القرض ان الحكومه تعطي كل فلاح بعير عن طريق الاماره بالديره والامير هو الكفيل و يسني الفلاح على البعير ( يستخرج الماء من البير ) وهذا الكلام قبل المكاين – المضخات - ( الرستم واللستر والبلاكستون ) وهاللحين غطاسات ولله الحمد .. ويسقي الزرع اللي هو العيش القمح وعقب اربعة اشهر يسدد الحكومه القرض قيمة البعير من بيعه لمحصول العيش او يكيلون كم صاع عيش يعادل قيمة البعير واذا سدد القيمه صار البعير ملك للفلاح واللي ما يسدد تاخذ الحكومه البعير وتستافي من الفلاح اجرة البعير لمدة اربعة اشهر عن طريق امير الديره اللي هو الكفيل وهذا هو الاتفاق
وهكالسنه وزعوا بالديره حول اثنين وثلاثين بعير على الفلاليح يعني كلهم اخذوا بعارين الا واحد بالديره ما اخذ وكانت حالته ما عليه قاصر لكن السبب انه خاف يصير شي بالزرع مثل البرديات او الآفات اللي تصيب الزروع وهمن مايقدر يسدد قيمة البعير ويجون رجال ابن سعود وياخذون فلاحته حسب تفكيره
المهم الفلاليح كلن اخذله بعير وقام يزرع وعقب ما استوى الزرع وحصدوا الناس وطيبوا العيش وجو يبون يكيلون قيمة البعير جاهم خبر من امير الديره يبشرهم بان الملك عبدالعزيز قد امر بإعفاء كل المقترضين من السداد وبالتالي يصير القرض اللي هو البعير منحه واعانه من الملك
وقامو الفلاليح يحمدون ربهم ويدعون للملك عبدالعزيز واستانسوا وفرحوا بهالانعام
والرجل الذي رفض القرض اقتع بان هذا هو القدر وهذه هي الارزاق
رحم الله الملك عبد العزيز رحمة واسعه
انتهت السالفه واطلب من الله العفو والمغفره
محبكم
النبهاني