انشدك عن رجال طيب ومذموم.............لم يحل

[برج الابراج]

انشدك عن رجال طيب ومذموم=لاجت فتاة ٍ شانها فوق شانه
سمعت ولا شيفت على الارض لو يوم=مع الزعيم الي تقدم اخوانه

برج الابراج

[أبو ذيب 77]

صح لسانك ملايين..

وش تقول في في مجلس الشورى والمرأة بعد مادخلت فيه

[النبهاني]

صح لسانك يابو محمد
وش قولك بـ
الحظ والقراده
الله لايقردنا واياك وكل مسلم

[برج الابراج]

جميع الرمعات مالكم لوا

[ابو ماجد 2]

صح لسانك يابو محمد
يمكن الحلم
والبنت الرؤيا
وسمعت مع يوسف عليه السلام

[برج الابراج]

مالك لوا يابو ماجد ولاني اموضح لان الغز ماهو صعب بلحيل
لاكنه محكور وكل شطر فيه حل منه ننتضر رمعات قادمه

[ناصر العلي]

سلمت ياأبومحمد
وصح لسانك
رمعة قبل النوم
ويش قولك بـ
الدين
والفتاة اللي شانها فوق شانه
الحاجة

[برج الابراج]

مالك لوا يا ناصر

[النبهاني]

طيب يابو محمد
مايكون
البصل وريحته

[ذيب الفقارة]

يازين رمعة أخونا النبهاني

نعم البصل أو الثوم

مؤيد له

[برج الابراج]

الرمعه بعيده دور غيرها

[ابو ماجد 2]

ابو محمد
صح لسانك محاوله
الرجل البيع طيب ومذموم بعد المناداة لصلاة الجمعه
قال تعالى
يَاأَيُّهَا الَّذِينَ آمَنُوا إِذَا نُودِي لِلصَّلَاةِ مِنْ يَوْمِ الْجُمُعَةِ فَاسْعَوْا إِلَى ذِكْرِ اللَّهِ وَذَرُوا الْبَيْعَ ذَلِكُمْ خَيْرٌ لَكُمْ إِنْ كُنتُمْ تَعْلَمُونَ(9)فَإِذَا قُضِيَتْ الصَّلَاةُ فَانتَشِرُوا فِي الْأَرْضِ وَابْتَغُوا مِنْ فَضْلِ اللَّهِ وَاذْكُرُوا اللَّهَ كَثِيرًا لَعَلَّكُمْ تُفْلِحُونَ
سمعت في القرآن الكريم ومتقدم اخوانه الكتب السماويه
او سمعت من الرسول صلى الله والرسول يتقدم اخوانه الانبياء
او سمعت تقصد المناداة في يوم الجمعه ويوم الجمعه متقدم باقي الايام بالفضل

[برج الابراج]

قربت جدا هاالينت لها وقت مخصوص

[عطري]

إذا حضر الطعام و قت الصلاة.

[برج الابراج]

مالك لوا ياعطري

[ناصر العلي]

نعاود المحاولة ياأبومحمد
ويش قولك بـ
النوم
والصلاة خيرٌ من النوم

[برج الابراج]

الغز مرفوع لانه توقفت الرمعات عنه نرفعه ونطرح بداله