القناصون وسمعتهم

[المعدي]

بسم الله الرحمن الرحيم
والصلاة والسلام علي اشرف الانبياء والمرسلين
اما بعد يسعدني ان اطرح لكم اول موضوع لي واتمني منكم التعليق علية سواء معي او ضدي بالنقد الهادف
لماذا اغلب سمعة الصيادين سية عند سكان القري والهجر؟ هل لانهم يصطادون قريب من التجمعات السكانية او قريب من ماشيتهم.وما نسمع من بعض القناصين تعرض اهلها للقناصين من رمي وغيرة . وشكر الله لكم

[الوافي عزام]

وعليكم السلام ورحمة الله وبركاته

مشكور على الموضوع الهادف

اما بالنسبه لسمعة المذكورون اعلاه سيئه لدى اهل الحلال والقرى والمزارع ليييييييييييييييييش

بقولك ليش

بعض اهل الصيد :

يرمون بالقرب من القرى ولا عليهم من احد واذا احد قاله شي قال وش تبي جاك شي من الرمي انا حاط الطلقه فوق والا يمينكم ....والخ

يرمون حول مرحان الغنم والغنم تصعد اي يطيح ولدها

يجون للغنم وهي مفليه ( ترعى ) ولا يخلون بينهم وبينها مسافه فالغنم تخاف وتتفرق وتبلش الرعيان واهل الغنم بتجميعها

يجيك واحد يدور النزل ومن يوم يلقى مزرعه بالبر كنها مزرعتهم راح لها بكل وثوق يصيد بها

يكفيك الراعي اللي بالصمان لقوه ايام صيد الضبان متوفي بطلقة خرازه ولم يتم التعرف عليهم وبالتأكيد انهم مادروا رموا الضب وراحوا

بعض اهل البر يرمي وهو في ارتفاع ولا يحسب حساب للأماكن اللي تحته او تجيه صيده وهو عجل وما وده يفوتها ويرمي على طول ....والخ

اذكر قبل ثلاث سنوات يعلمني واحد من الربع كان بينبع ايام القميري ويوم راح للديره يبي له غرض والى ذاك الجيب اللي مطلع له شوزن ورمى قميريه على دينمو مويه ويييييييييييييييييييين الظاهر ان مخه مآخذ اجازه ذاك اليوم

فلازم الواحد يصير عاقل ويعرف متى يرمي ومتى مايرمي
ويحسب قبل مايضغط زناده حساب الطلقه اذا ماراحت للصيده وين بتروح
وأسأل الله السلامه لي ولأخواني المسلمين

وآسف على الأطاله والخروج قليلا عن لب الموضوع

والسلام عليكم ورحمة الله وبركاته

[المعدي]

ابو محمد شكرا علي مرورك وكلامك كلة في محلة

[ملاعب الريح]

أخوي الوافي عزام ما خلا شي ما شاء الله أجاد وأفاد
مشكورعلى الموضوع
تحياتي ملاعب الريح

[راعي ساموده]

السلام عليكم ورحمة الله ...
أخوي المعدي شكرا على طرح الموضوع

أخوي الوافي عزام ؟؟؟؟؟؟؟؟؟؟؟؟؟؟؟؟؟؟؟؟؟؟
الرجال رمى القميريه بوصط الديره ؟؟؟؟؟؟؟؟؟؟؟ فوق دينمو ؟؟؟؟؟؟؟؟ والله اللي بايعها ذا
ياخوي ماتدري تضحك ولاتبكي على هالعقول يالله لك الحمد

[الحربي حاتم]

هذي حقيقه وترى علمني بها احد الخويا في امارة الرايس يقول مره وقت القمري سمعنا رمية شوزن جنب جدار الاماره ويوم طلعنا ولا واحد راميله قمري تحت جدار الاماره والمشكله الاكبر ان الاماره وسط البلده والبيوت ومنطقة السكن

[معدي المرقاب]

ياخواني اجل هذي السالفه مره في قيال موسم القميري وكان ذاك اليوم كاب القميري ولا فيه واحد من الصيادين داخل الديره يبي ياخذ اغراض من البقاله على الطاير يوم مر مع شارع وذا فيه ثلاث قميري على سور سطح احد المنازل والله وبو الشباب ياقف ويرميهن وطاحن بالحوش حق البيت ومن البجاحه وقله الادب بذالك الشخص يطق على اهل البيت ويقول عطوني القميري طاحن عندكم بالحوش. بلاه وش رايكم وش تبغا الناس تقول

مع تحيات معدي المرقاب

[المعدي]

ملاعب الريح
سامودة
الحربي حاتم
معدي المرقاب
شكرا علي المرور والمشاركة
وبنسبة لراعي الثلاث قميريات ينطبق علية المثل العربي حشفا وسوء كيل