المرسيدس عطلان وشكلها طرمبة البانزين وما نستغني عن هل الخبرة ...شوركم يالربع

[سليمان الصقر]

ياجماعة الخير عندي مرسيدس موديل 99 ( يسمونها فياغرا ) شغالة زي الحلاوة بس يوم جيت الظهر أبي أشغلها قالت هذا مكاني تدق سلف بس ما تشتغل فحصت الفيوزات والكتاوتات كل شي زين وشيكت على البانزين لقيته ما يصل للمكينة أغلب الظن والله العالم انها طرمبة البنزين .
هالحين شوركم يالربع وش السواة .
وشلون أقدر أحدد المشكلة ........... وشلون أتأكد إنها الطرمبة ووين مكانها بالضبط

[بندرابومحمد]

هلابك يا خوي

هل الطرمبه لما تفك السوتش تسمع لها صوت زنه ولا بدون مثل ( ازززززززز) ههههههه
1- اذا تسمع لها زنه متواصله بدون تقطيع فهذا يدل ان الطرمبه سليمه بس شيك على الصفايه تجي فوك الطرمبه
2- اذا في تقطيع في الطرمبه هناك مشكله في احد الطرمبات لين لها طرمبتين وما تدفع بشكل المطلوب
3- اذا ما فيها صوات هذا دليل انها خربانه
هذا والله اعلم

[أصيل حجآ زي]

http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .


أخي / سُليمآن

أليك درسي هذا به أن شاء الله ما يُشفي غليلك
ويكون به دليلك تخيل فيه برآحتك به الكثير والمُفيد :

أشــرطـة مـُـفـيـدة لــتـــشـخـيـص أعطآل الـسـيـآرة وأصلآحها . مُحدّث بأستمرآر . DIY (http://www.mekshat.com/vb/showthread.php?t=233347)




تـحـيـــآتي
بــــلا حــدود .


<<< أبـو عبـد الرحمن >>>
""" الأصـيـل الـحـجـآزي """

[سليمان الصقر]

الله يعطيكم العافية........ الأخ أبو محمد ماقصرت والأخ أبو عبدالرحمن الأصيل الحجازي بيض الله وجهك والله انكم وافين

[سليمان الصقر]

اليوم فلشت المرسيدس تفليش أدور على الطرمبة وأبشركم لقيتة قدام الكفر اللي خلف السواق ،
قمت بعدها شغلت المفتاح ونزلت عند الطرمبة ولا مافيه صوت نهائي وبعدها شييكت على الكهرب
لقيته ماهو ماصل بالمررره ورجعت أفحص الفيوزات والكتاوتات من جديد ولقيت كتاوت أخضر له خمس مخارج
فحصته لقيته يشبك اذا مشا به الكهرب ويفصل اذا فصلت الكهرب والمفترض انه يشتغل اذا فصلت الكهرب ،
وخذيته معي وبكرى ابي اشتري مثله وان شاء الله تشتغل

[بندرابومحمد]

موفق يالغالي وبعدين انت غلطان ما خبرتنا انك ماتعرف موقع الطرمبه كان وصفناك هههههههههه

بس هم شيك ع الصفايه ويستحسن تغيرها ترا فكتها سهل جدا بعد ماتنزل الطرمبه تجي هي فوق الطرمبه قيمتها ما يتجاوز 100 ريال والله يطعمك خير موترك ويكفك شره

[سليمان الصقر]

والله بهذلني هالموتر جيت لقيت الكمبيوتر قافل لأن المفتاح شريحه الاكترونية واذا قفل تطفي السيارة ويقفل كل شي فيها والحين بلشت كل ماروح للصناعية يقولون نجي معك مع الفحص 300 ريال وأنا أدري بياكلون الفلوس ويقولون والله سيارتك تبيله برمجة وروح دور لك واحد يبرمجها لك ............ فلذلك حللت علي الفزعة اللي عنده علم لا يبخل علينا

[khd_1984]

مشكلتك والله اعلم سبق وحصلت لي سابقا

المكشله من حساس الكرنك ومكانه يجي بين المكينه والقير علىى الداير
وهو يمنع الكهرب
قيمته اصلي تقريبا ٢٢٠
وفكه سهل جدا
وهذا مقطع يوضح طريقه الفك والتركيب
http://m.youtube.com/watch?v=KTTM3VeJuA8

[سليمان الصقر]

آخرتها استسلمت للأمر الواقع ورحت لحرامية الصناعية وسلمتهم لحيتي وأنا رافع الراية البيضاء وطبعاً نفس السيناريو المتوقع والمتكرر حطيت السيارة عنده بالورشة الصباح وقالي تعال بعد العصر تلقاها جاهزة وجيت بعد العصر لقيت سيارتي شغالة من أبدع ما يمكن ولما سألته عن المشكلة قال هاي شريحة محروقة وبدلتها لك من عندي والتكلفة 300 ريال ، تدرون وش المؤسف في الموضوع أني قبلت واعطيته ال300 وأنا مبسوط ولو كان طلب زود كنت أعطيته لأن الحرامية اللي رحت لهم قبله كانو طالبين 300 حق الطلعة مع فحص الكمبيوتر يعني حساب شغله هذا شي ثاني وحساب القطع هذا شي ثالث ، وشر البلية ما يضحك