المساعد الشخصي الرقمي

مشاهدة النسخة كاملة : باترول ربع 2012 !!


عمر 2011
20/02/2013, 12:12 PM
السلام عليكم ورحمة الله و بركاته ..
يا اخوان انا حصلت باترول ربع 2012 مكينة فتك جديد .. نوعه الرفارف سود و دفلك قزاز كهرب .. و من مبطي و انا ادوره .. لكن قبل ما اجزم عليه ودي اخذ رايكم بالموتر من جميع النواحي .. يعني ايهم افضل القير العادي ام التماتيك (ناوي على قير عادي) - صرفية البنزززين - و الاشياء الاخرى ....... و الله اني في حيره شديده هل اجزم عليه ولا لا ارجوا من الاخوان الي يعرفونه افادتي و افادة غير و لهم جزيل الشكر .
محامي وراط
20/02/2013, 02:01 PM
السلام عليكم

اشوف ناس تمدحه وانت لو تروح للثمامه شف كيف مرقاه بكل سهوله وبدون تفجير مثل الشاص الفتك يرقى بكل يسر وسهوله وفيه غيره يزعج الناس ويفقع بموتره ياله يرقى وياخذ عزم فوق هذا كله ...
ابوسند9
20/02/2013, 09:39 PM
وعليكم السلام
والله السياره ما عليها كلام
مريح
قوي
هادي
مريح في البر والخطوط
تبي بر يطربك تبي ضلعان يطربك
قليل الاعطال
ويكفيك انه دفلك
ولو تجرب غيره من السيارات كا البرادو والفونشر والجيب الربع تويوتا كان تعرف الفرق هنا
صرفيه البنزين على حسب قيادتك والفتك اقل صرفيه من الموديلات السابقه يعني تعبيه فل ب 40 ريال يمشيك داخل البلد من 350 الى 400 كيلو وعلى حسبك دعسك
نجي للفرق بين القير العادي والتماتيك
طبعا دفرنسات القير العادي تختلف عن القير التماتيك
يعني القير التماتيك هادي جدا والمكينه مريحه جدا عكس القير العادي
بمعنى اخر مثلا لو تمشي 140بالقير العادي الكمبرشور او ضغط المكينه تحصله على اربعه او فوق وهنا يكون مزعج
بينما التماتيك الضغط حول الثلاثه ويمكن اقل
لذا انصحك اذا انت في مدينه مزحومه ما انصحك با القير العادي لانه متعب
والتماتيك ماشاء الله نشيط ومريح وبالبر كويس وقيادته امتع من القير العادي
وانا اقولك تجربتي بالفتك منذ ظهوره وانا استخدمه وسياره كل سنه يكبر بعينك وذا استخدمته لن تستطيع قيادة غيره
والله يكتب اللي لك فيه خير واهم شي الاستخاره ولو تشوف حد معه نفس الموديل وتجرب قبل تشتري
عمر 2011
21/02/2013, 01:58 AM
الله يجزاك الف خير اخوي على المعلومات شكرا لك ..
PATHFINDER 4
21/02/2013, 11:50 PM
الله يكتب لك الخير وييسر امرك
عمر 2011
22/02/2013, 02:19 AM
الله يجزاك خير ..
abo.suliman
02/03/2013, 01:20 AM
الله يكتب لك اللي فيه الخير ..

ومثل ما قال اخونا ابوسند9 ..

القير العادي والتماتيك ينبني على حسب رغبتك واستخدامك انت .. انا اقدر اقولك عادي لان رغبتي عادي , فما ادري عن استخدامك ورغبتك .. نصيحة اجلس بينك وبين نفسك وشف وش تحتاجه انت بالضبط تماتيك ولا عادي .. وابد تساهيل ان شاء الله , ماراح تندم الموتر ماعليه كلام ابد

موفق عزيزي .
SaMi83
05/03/2013, 09:38 PM
نصيحه مني اذا كنت راعي بر وتحب البر لاتنوش الا القير العادي الاتوماتيك في البر اضعف من العادي

السبب ان الاتوماتيك كلتشات بنفس القير وحتى لو فيه نظام توبترونيك اللي هو تغير بنفسك لايعني انه مثل

القير العادي لأن القير عادي تغير الترس بنفسك الاوتوماتيك مختلف تماما عن العادي

خلاصة الكلام اذا راعي بر خذ عادي ... انا معي اتوماتيك ومجربه في البر ضعيف بالنسبه للقير العادي

وبالتوفيق