الفزعه ابي حل بهالرجه-بالبترول

[وليد حايل]

السلام عليكم
يسعد اوقاتكم بكل خير

اخواني انا معاي بترول 97

وعندي مشكله

اذا مشيت من 100الى 120 تجيه رجه يرتج من الامام ماهي طبيعيه

فيه واحد من الاصدقاء قالي جلب عمود التوازن .؟

ابي الحل من اهل الخبره لاهنتم.؟

[ابوسند9]

وعليكم السلام
اخوي وليد الرجه لها اسباب واجد لذا افحص الاشياء التاليه حبه حبه
تاكد من الكفرات لاتكون محبله او احد الجنوط فيه طعج لذا جرب بدل كفرات خلف بالامام
تاكد من مساعد الدركسون لايكون منه طبعا اذا كان فيه تهريب زيت فهو عطلان
تاكد من الرمان الامامي لايكون مرتخي ويحتاج شد لذا ارفع الكفرات الاماميه وهز الكفر للداخل والخارج
تاكد من عمود البنهارد واللي ركب فيه مساعد الدركسون وهذا العمود فيه ربلتين لذا جرب والسياره طافيه اسمك هذا العمود مع النص بيدك وخلي واحد يحرك الدركسون يمين يسار لفه قصيره وبسرعه اذا حسيت ان العمود فيه فضاوه وتحس فيه بيدك فلازم تبدل هذه الربلات وللعلم هذي الربلات احينا من النظر تشوفها سليمه وغير متهريه لكن المشكله من داخل الربله

[ابو هشام]

مساعد الدركسون

[أبويعقوب60]

اخوي الموضوع جدا بسيط والحمدالله فيه ربل كبس بعمود التوازن الأمامي غيرهن يباعن مستقلات بالوكالة خذهن مع عامود التوازن وده للمخرطة ويطلع القديمات ويكبس الجديد وغير مساعد الدركسون كان ماغيرته ابدا , وبإذن الله راح تدعي لي بالخير. وكله على بعضه مايكلف 250 إلى 300 على حسب الورشة كان شغل أيدك ماراح يكلف إلا 210 تقريبا بالمخرطة مع مساعد الدركسون إلا أن كان الأسعار تغيرت شوي هذا علمها عند ربي .
ملاحظة : انا شفت موضوعك باليل لو كان بالنهار كان صورت لك العامود وعلمتك وين بضبط الربل لكن هو معروفات عند اغلب الورش .

[RW7..ALBDAWA]

غير مسآعد الدركسون بـ مساعد دركسون جبريآل وماجاك علي

[ابوصالح .]

شيك على الجلد اللي ذكروها الشباب وبعدها تأكد من المساعد وبعدها الجنوط وترى لها دور كبير جدا

[][ســهم][]

المشكلة عندك من ذراع الدركسون
وده لمحلات الميزان يكبسونه
واذا انت كابسه قبل كذا غير الذراع من الوكالة

[abo.suliman]

طيب ياجماعة يمكن الرجة من العامود ؟

لاني نفس مشكلته بالضبط ونفس موتره بعد .. رفعت موتري من ورا شوي وصار يرج من 100 الى 120

فكيت الكعكات .. وصار مضبوط

[قناص الدبدبة]

غير مسآعد الدركسون بـ مساعد دركسون جبريآل وماجاك علي



أأيد كلام اخوي غير مساعد الدركسون لانه سبق وجات رجه في جيبي الباترول قبل ابيعه
وكان يرج رجه غير طبيعي تقول بيتفكك الموتر من قو الرجه وابشركم غيرت مساعد الدركسون
حق الوكاله إلى مساعد جبريال لون ابيض وابشركم راحت الرجه ولاكن البالون تجي رجه فيه طبيعيه

[فهم العدواني]

ياشباب مساعد الجبريال الدركسون يجي اكبر ويسبب لك مشكله اذا جيت تلف يسار باﻻظافه

انه مايشتغل صح بسبب ضيق المكان على مساعد الجبريال يعني المساعد ﻻزم يكون في الوسط علشان يعطي امتصاص اكثر
ياشباب ابعدو عن جلب شد البلد الحين في مخارط تكبس لك بدل الربل فايبر قوي جدا اهل القانيص اكثر ناس يعرفونه واكثرهم يسوونه وتكلف حول 200 ريال عند المخرطه ولي يبغاني افيده يراسلني

[سلاطين]

أول شئ اذا موترك عليه بالون غير بكفرات عاديه وجرب حتى الجنوط اذا كانت تجاريه ترج بعدين ابداء في المساعد والجلب
بالتوفيق