المساعد الشخصي الرقمي

مشاهدة النسخة كاملة : مشكله بسيطه في جير الجيب شيروكي


محمد العبري57
20/02/2013, 07:03 PM
السلام عليكم ..
انا من سلطنة عمان واعجبت بهذا المنتدى كثير واشكر كل العاملين عليه

عندي جيب شيروكي خليجي 1998
طبعا جير اتوماتك
الجير عندي تبديلاته عاديه وطبيعيه الا التبديله الاخيره من بعد الغيار الرابع
يعني من 1 الى 4 اوكيه بس فيه تبديله بسيطه من بعد الغيار4 نسميها معنا
في عمان (ترييحة) الجير
وعند سرعة 120 يكون الريس فوق 2ونص
وغيرت زيت الجير ونفس المشكله
وبعد شهر غيرت زيت وفلتر جير وبعد نفس المشكله
ونصحني احد اصحابي ابطل عامود الدبل واجرب
ونفس مشكله بعد !!!
وكل جراج اروح عنده يقولي بدل الجير
كيف ابدل الجير وتغيراته طبيعيه؟
ولا يوجد عندي صوت ابد فالجير وتبديلاته سلسه

في رايكم شو الحل؟
ولكم مني جزيل الشكر والتقدير
كهرووب
20/02/2013, 10:25 PM
ممكن المشكلة عندك من القفرنر Governr لان نفس مشكلتك سارت معي في سيارة بي ام
manaf
20/02/2013, 10:50 PM
اخي الفاضل انصحك بتركيب مبرد قير
محمد العبري57
20/02/2013, 10:50 PM
مشكور اخي كهرووب على مشاركتك
بس ما فهت شو يعني القفرنر
ووين مكانه باظبط
محمد العبري57
20/02/2013, 10:51 PM
هذه صورة العداد

http://www.imgur.com/6w4wk8J.png
محمد العبري57
20/02/2013, 10:53 PM
مبرد الجير سليم عندي
ولو كان فيه مشكله او مسدود
كان زيت الجير بيطلع خارج
0راعي الجبيل0
21/02/2013, 08:00 AM
هذا من الاوفر درايف وهي الترييحة بعد النمرة الرابعة
غالبا تجي كهربائية مشاكلها مادام القير سليم
وبعض السيارات اذا فيه خلل في عداد السرعة مايريح بالاوفر درايف
فشيك على كهرباء القير وعلى الافياش واسلاكها


تحياتي
ابوحمدان
مواطن مدني
21/02/2013, 08:34 AM
وعليكم السلام ..
كان عندنا شيروكي 2002 ثمانية سلندر صار له مشكلة في القير تقريباً نفس مشكلتك
وديتها للوكالة عند هندي مضبوط وعرف المشكلة بعد الفحص طلعت سلمك الله من دبات التلوث !
الحقيقة انا استغربت لأن مافهمت شنو علاقتها بتبديلات القير لكن اللي يعرف الشيروكي مايستغرب شي
موتر معقد وكل شي له علاقة بالكمبيوتر .. المراد قلت له مايخالف اجيب لكم قزوز بدباته من السكراب ؟
وافق يقول مو مشكلة جيبه وحنا بنقصه ونضبطه عشانك لأني صرد عميل دائم بسبب خرابات الشيروكي
اغلبها برمجه وتبديل كمبيوتر .. المهم جبت لهم القزوز كامل وركبوه وبرمجوا الموتر وماشاء الله صار تمام
الواضح ان كان هناك مشكلة بدبات التلوث تأثر على القير وتبديلاته نفس اعطاء اوامر بالغلط عن طريق الكمبيوتر والله اعلم .. افحص عند الوكيل حتى لو ماتشتغل عندهم مع ان شغلهم كان مناسب واسعارهم معقوله
اقصد شغل يدهم .. موفق خير إن شاء الله
محمد العبري57
21/02/2013, 09:58 AM
اشكركم يا اخواني
وبتواصلكم الملموس
وانشاءالله بحاول اعمل الي قلتولي عليه وانشاءالله اتواصل معكم

اذا نجحت او لا

ودمتم سالمين يارب
محمد العبري57
01/03/2013, 10:06 PM
مرحبا اخواني
شيكت على مبرد الجير ولا فيه اي مشكله

وبدلت دبات التلوث .. ولا زالت عندي نفس المشكله؟

ياليت احد يفيدني يااخواني...
محمد العبري57
28/03/2013, 11:17 PM
سبحان الله والحمدالله والله أكبر
مواطن مدني
29/03/2013, 03:03 AM
مرحبا اخواني
شيكت على مبرد الجير ولا فيه اي مشكله

وبدلت دبات التلوث .. ولا زالت عندي نفس المشكله؟

ياليت احد يفيدني يااخواني...


مرحبا بك يامحمد .. حسستني بالذنب ياخوك .. ليش تبدل دبات التلوث على طول !
يالغالي القصد من ردي ان المشكلة ممكن تكون منها او من غيرها وحرصت على انك تفحص عند الوكالة وتاخذ التقرير عن المشكلة وتعرفها زين وممكن تكون مجرد برمجة فقط
حسب تجربتي هذي اقل تكلفة ونتائجها دقيقة بدل ماتبدل شي وهو مافيه شي ..
الوكالة عندها اجهزة فحص مو موجودة عند احد غيرهم وخاصة للقير ..