المساعد الشخصي الرقمي

مشاهدة النسخة كاملة : تحويل قير أتوماتيك ألى عادي


أبودانه لحربي
23/02/2013, 01:29 PM
السلام عليكم
أتمنى من لديهم خبره في أساسيات تحويل القير الأوتماتيك ألى قير عادي ( باترول صالون 97 )
يدلوني على أهم الاشياء الضروريه الي يتم تغييرها خوفا من استغلال بعض الورش وكذلك التكلفه اذا كانت معلومه , وأذا فيه ورش مشهوره في هالجانب اتمى ان تدلوني عليها بمدينه الرياض جعلها الله في موازين حسانتكم
الكشات وافى
23/02/2013, 02:28 PM
السلام عليكم
أتمنى من لديهم خبره في أساسيات تحويل القير الأوتماتيك ألى قير عادي ( باترول صالون 97 )
يدلوني على أهم الاشياء الضروريه الي يتم تغييرها خوفا من استغلال بعض الورش وكذلك التكلفه اذا كانت معلومه , وأذا فيه ورش مشهوره في هالجانب اتمى ان تدلوني عليها بمدينه الرياض جعلها الله في موازين حسانتكم



نصيحه لك ....

المصاريف والمتاهات الى بتدخل فيها .... راح تخليك تعااف القير العادى ...!!

الأوفر والأفضل لك اذا كنت مصمم على القير العادى أنك تبيع السياره وتشترى غيرها








قير عادى . وسلامتك يالغالى .
العطاوي a511
23/02/2013, 02:56 PM
شوف لك موتر نفس موديله بالتشليح عايدي وخذ اغراضه كلها منه طبلون ودسك وصحن وباكم وليات ورديتر اشياء كثير لازم تغير افضل طريقه مثل ماقلتلك تروح التشليح وتشلح القير واغراضه وبع اغراضك عليه وعطه الفرق وتحصل ناس يركبون لك يقول نزل الموتر عندي وتجي تلقاه جاهز بس اذا قيرك تمام تراه افضل لك من العايدي والخساره تبي تخسر واجد الا اذا موترك يستاهل وماراح تبيع توكل على الله واستخر وراح تشوف الصح
ls1.5700
23/02/2013, 05:10 PM
لاتقرب الترهيم وانا اخوك
خساير في خساير ولا رايح تضبط الشغله
ماله أمان المرهم
مامثل شد البلد
شف اللي رهمومواترهم كلهم يشتكون من ضعف بالموتر بالنفود
والسبب الكوارين تختلف عن القير العادي
ارجو انك تستخير وتترك عنك هالشغله كله وتريح راسك من كل يوم يطلع لك عطال
من ورى الترهيم
اتمنى اني افدتك واتلباقي يفيدونك فيه بقية الاعضاء
مع تحيات
ال سي وان
ابوراكان تبوك
23/02/2013, 11:41 PM
صحيح ان القير التماتيك ثقيل ومايتحمل الجور لكنه مريح جدا ع الاقل ترتاح من صوت الفحمة ومريح جداً للمكينة وفي الرمل أفضل القير التماتيك لأنه يرد نمرة بسرعة
عموماً الترهيم مو ذاك الخطرية والتعقيد وانا ما اعتبره ترهيم لأن السيارتين نفس بعض تماتيك وعايدي
كلاش2500
24/02/2013, 12:24 AM
تحتاج حذاف وعلبتين كلتش وحدة فوق وحدة تحت..وديسك وصحن..ودعسة كلتش وباكم لتليين دعسة الكلتش .....وسلامتك...........
بس لوتعلمنا وش سبب رغبتك للقير العايدى يمكن نعطيك حلول مناسبة ماتحتاج معها انك تغير القير...
أبو عبدو
24/02/2013, 01:29 AM
سبحان الله وبحمده سبحان الله العظيم
أبودانه لحربي
25/02/2013, 08:23 AM
أولا الله يجزاكم خير الجزاء على الردود الكافيه والوافيه ما قصرتوا جميعا
والسبب اني بغير القير انا اروح للرمله ولا ينفع القير الاتوماتيك والموتر حليل يستاهل هذا السبب الوحيد للتحويل
أحمد محمد1429
25/02/2013, 09:07 AM
أخوي الغالي إسمع كلام الأخوان اللي ينصحون بعدم الترهيم لاترهم ولا تقرب الترهيم إلا إذا كانت فلوسك زايده وتحب تداوم كل يوم في الورش .
بعه وأشتر واحد نظيف وريح راسك
abo naser 1
25/02/2013, 08:30 PM
السلام عليكم

كثير من الناس حولو من تماتيك لعادي وحتى الفتك وماوجهو مشاكل الفرق في ان الموتر يمد أكثر مايصير حاشر خصوصاً ب 2 لراعي الرملة وتراه ماتكلف بالموديلات القديمة لان القير العادي ما يتعدى 1300 ريال والتماتيك فوق 3000 ريال ما توقع تزود عن 3000 ريال مع الرجيع
الفتك حسب ما سمعت يقلبونه ب 5000 ريال مع الرجيع عند ابو وليد الصمعاني
االرااسي
26/02/2013, 11:25 AM
اخوي فيه ورشة في بريدة في التشليح ابوعبدلله الصمعاني اسال اي واحد عنه في التشليح يعلمك
ماجد الشايدي
27/02/2013, 09:33 PM
هذا رقم جوال ابوعبدلله الصمعاني
ls1.5700
28/02/2013, 03:48 PM
اخوي ابو دانه الحربي
انا مثلك بالضبط احب القير العايدي ومعي فتك 2006 قير تماتيك وعايدي تبترونك
بعته امس والسبب انه تماتيك مع انه نظيف جدا
وان شاءالله ابي اطلع موتر جديد من الوكاله قير عاااااااااادي
احس خيار انك تسوي مثلي ولا تقرب الترهيم وسنينه مابه الا وجع القلب
وكثرت الخساير
بعه ودور بقريشاته موتر حليل قير عادي
والله ييسر امرك
وبالتوفيق
أبودانه لحربي
02/03/2013, 04:31 PM
اللهم أجزهم خير الجزاء
والله اني محتار ولاكن الفيصل هو صلاه الاستخاره
كلكم وافين الله يرحم والديكم واسأل الله ان يكون في عونكم كما كنتم في عوني بالمشوره
كاشت بالبر
02/03/2013, 06:25 PM
بع جيبك الحالي

واشتر جيب قير عادي

الترهيم مستحيل يكون مثل شد البلد


القير الأوتوماتيك بالزحمه مريح جدا ؛ والقير العادي يتحمل الكرف

كلتشات القير الأوتوماتيك تكون داخل القير ؛ يعني اذا احترقت الكلتشات لازم توضيب القير

كلتش القير العادي ما يكون داخل القير ؛ يكون بين المكينه و القير ؛ واذا احترق الكلتش تغير ( كلتش - دسك - فحمه - يمكن تحتاج خرط او تغيير الحذاف ) وصلى الله وبارك


اللي سيارته قير أوتوماتيك ؛ ياليت يحافظ على تغيير زيت القير والفلتر كل 60 أو 40 ألف
ls1.5700
02/03/2013, 10:12 PM
اللهم أجزهم خير الجزاء
والله اني محتار ولاكن الفيصل هو صلاه الاستخاره
كلكم وافين الله يرحم والديكم واسأل الله ان يكون في عونكم كما كنتم في عوني بالمشوره

الله يكتب لك اللي فيه خير
زين ماسويت صلات الاستخاره هي الحل الافضل
والله ييسر امورك
وبالتوفيق