اهمية الاتصال اللاسلكي وجهاز القيرمن والمحافضه على قوة الاشاره

[(هزاع)]

بسم الله الرحمن الرحيم
السلام عليكم ورحمة الله وبركاته
لست عالم في مجال اللاسلكي ولاكني مستخدم له ومهتم به منذ عام 1397 هجري حيث كان من ضمن عملي
كثيره القصص عن من نجو في مجاهل الصحراء بفضل الله اولا ثم بما امتلكو من وسائل اتصال لاسلكي اوملاحي
وايضا ممن فقدو ولم يعثر عليهم الا بعد فوات الاوان
ومن هذا المنطلق: يتوجب على كل شخص ان يتعض بالاخذ بالاسباب والاتكال على الله عز وجل
((تجهيز سيارة الصقار)) بعد المشرب والمئكل والعده وتفقد السبير وجودة الكفرات ومايلزم الطير
الاجهزه اللاسلكيه وجوال الثريه ممن كان بمقدوره واجهزة الملاحه واهميتها في تحديد موقعك
ايضن تفقد الايكم ووضع سبير للاريل وسبير للريشه وابعاد جسم الجهاز عن حرارة السياره بوضع عازل ومروحة تبريد
وان تكون ملم بتصفية الجهاز (الفرمته)
ومن تجربتي كلما كنت في موقع مرتفع ورفعت على التشويش كلما زادة اشارتك سوى الارسال او الاستقبال
وان تتعلم كيف تدخل الاحداثيه وكيف تتعامل مع ((هذا القيرمن اللي خلى حامله دليله))
وهل من الظروري ان تكون عبره لغيرك اعوذ بالله ان اكون من الجاهلين
ويمكن ان يسمع اشارتك من يملك اجهزه وتجهيزات متطوره فيفزع لك او ان تكون انت من يكسب اجر انقاذ الارواح
واترك المناقشه للاخوه الاعضاء ممن هم اكثر مني خبره ومن مرو بتجارب والحاجه للاتصال وتحديد احداثية من هم بحاجه للفزعه
اللهم احفض المسلمين

[أبو أمين]

وعليكم السلام

كفيت ووفيت ونعم الكنوود والقارمن اشياء مهمه حتى في اختصار الطريق واقرب المستشفيات والمحطات والخ

من الاشياء اللي تخليك على اهبت الاستعداد ان حصل شي لا سمح الله وتقنص على راحتك.

عاد محاكيك اكبر مهمل في الكنوود مره السلك مقطوع مره الريشه خربانه ويوم شريت موتر جديد الا يومك ما

سلكته تسليك مقبول ما غير مطلع السلك من البطاريه على الكبوت على الباب على الطبلون هههههه ومش حالك

وفالاخير يوم قنصت طلع الكنووود يبيله برمجه واخوك غشيم في هالامور الزبده اني دبلت كبد ربعي هههه.

تحياتي

[THE SNIPER H]

جزاك الله خير علي التنبيه والتذكير
وادعو الله ان لا يري احد مكروها بمسلم

[(هزاع)]

تفاعل الاخوه الاعضاء واهمية المداخله وابداء الرائي تدل على التفاعل البناء
واوجه الشكر للاخ ابو ايمن لمداخلته المبهجه حول جهازه
مشكور يابوايمن

[سارق الكحل]

فعلا الأجهزة اللاسلكية مهمة

وأيضا أحب أن أوجه أخواني الصقارين ومحبي الرحلات البراية بأستخراج ترخيص أستخدام أجهزة لاسلكية

وللمعلومية الاختبار ليس بذلك الصعوبة والحمد لله أخذت الرخصة من أول أختبار رغم أني غشيم بالاجهزة
والرخصة بالدرج وترتاح من نقاط التفتيش

كذلك وجود جوال آخر أحتياط بشريحة ثانية (( لان قد صار لي موقف فصولي جوالي وانا ما أدري ومضيع محل الربع وهاتك اتصالات على 902 لين رجعوه لي كم يوم ))

كذلك اخذ

شاحن جوال للسيارة - وطفاية حريق - وحقيبة أسعافات أولية - وعدة سحب وأشتراك - أدوات رقع الكفر ومنفاخ هواء - سير أحتياط - عدة مفكات

[(هزاع)]

فعلا الأجهزة اللاسلكية مهمة

وأيضا أحب أن أوجه أخواني الصقارين ومحبي الرحلات البراية بأستخراج ترخيص أستخدام أجهزة لاسلكية

وللمعلومية الاختبار ليس بذلك الصعوبة والحمد لله أخذت الرخصة من أول أختبار رغم أني غشيم بالاجهزة
والرخصة بالدرج وترتاح من نقاط التفتيش

كذلك وجود جوال آخر أحتياط بشريحة ثانية (( لان قد صار لي موقف فصولي جوالي وانا ما أدري ومضيع محل الربع وهاتك اتصالات على 902 لين رجعوه لي كم يوم ))

كذلك اخذ

شاحن جوال للسيارة - وطفاية حريق - وحقيبة أسعافات أولية - وعدة سحب وأشتراك - أدوات رقع الكفر ومنفاخ هواء - سير أحتياط - عدة مفكات


مشكور على المداخله يالنشمي
موضوع الترخيص
النضام زين وحمل التصاريح طيب من اي موقع اداري استحصلت على التصريح

[BO-SARA]

السلام عليكم

موضوع مهم

بيض الله وجهك ورحم الله والديك يا بو مشعل

لاكن المشكله في الدوريات ونقاط التفتيش

اخوي سارق الكحل ليتك تعطينا تفاصيل عن كيفية التقديم على التصريح للجهاز

[نجم404]

جزاك الله خير على حرصك واهتمامك الله لايحرمك الجنة ومن يقرأ

[ذراع الذيب]

السلام عليكم ورحمة الله وبركاته



هلا والله وغلا



بأخوي هزاع



موضوع اكثر من مهم وهالموسم صار علي موقف وهو درس لي ولغيري كنا قانصين شمال المملكه بالنفود الكبير معنا موترين


وخويي معه قارمن وانا مامعي الاجهاز ونتقصص جراير الحباري


ومانبعد عن بعض وراد الله ان افرق عن خويي واختفينا عن بعضنا


وحصل مني استهتار بهذيك الساعه


وراسلت خوي قلت له بباريك وبخلي بيني وبينك النفود ونتواجه شمال عنها ورحت اتقصص


ويوم راسلته ولا هو بديره وانا بديره


والمصيبه اللي صارت في ذاك اليوم ان سماعة الجهاز عندي خربت


والحمدلله اني حاط معي سماعه احتياطيه


ولا كان صار علم ثاني والشمس مرتفعه ولاعاد ادري وين هي الاتجاهات صابتني ربشه


وانقطع الارسال وارتفاعات النفود اللي بيني وبين خويي تقطع الارسال اكثر من مره


ينقطع الارسال والمسافه اللي بينا حول خمسه كيلوا فقط


وصار لي ساعه والبنزين تحت النص وقلت في بالي عزالله اني رحت في عداد ضحايا هالخبوت



واقرب مسافه اصلها حول المية كيلوا


ولاعاد ادري وين اتجاهها ومع تحديد الاتجاهات حددنا اتجاهات بعضنا وطلعت كلها خطا


والله ياجماعة الخير اني ماتوقعت ان يحصل معي هالشي


لاكن بعض الامور الواحد يشوفها تافهه ومايدري انها مقبلتبه على مصيبه كبيره توديه لتهلكه


خويي قال انت عني جنوب وانا متجه لك من الشمال


وحتى السماعه ياجماعة الخير ماهي تمام اللي معي كم مره طفت معي الماخوذه


وعزالله ضاقتبي الوسيعه ذاك اليوم وانا اتذكر مقطع للشيخ المغامسي يومه يذكر مقوله


حسبنا الله سيؤتينا الله من فضله انا اليه راغبون


ويذكر المغامسي الله يحفظه


ان لها فضايل ومن قالها وقت الضيق او في امر عسير سهل الله له



http://www.youtube.com/watch?v=vn-3OCYPBLk (http://www.youtube.com/watch?v=vn-3OCYPBLk)


هذا مقطع للمغامسي


وقلتها بهذيك الحزه وبهاك اللحظه غيرت وجهت الموتر ووكلتها على الله


وارقا ذاك النفد العالي واتشوف بالدربيل


واشوف بعين الدربيل شي ماهوب واضح كنه نقطه قلم في دفتر بعين الدربيل ، شبهت عليه وسط الطعوس


وانا اراسل خوي واقله لاتتحرك دقايق بس


خلك في محلك واقرب له ولاهو خوي عقلنا الله سوا وكان موجهه بعيد عني ومقفي


ويعلم الله قبل لا اغير وجهت الموتر


كنت موجهه للمجهول 600 كيلوا كلها نفود والحمدلله يوم جات العواقب سليمه


وان شالله مانقنصها الا متولمين بكل شي من اجهزة قارمن وثريا وسماعه احتياطيه والخ


ولابد الواحد ياخذ معه كل شي له احتياط


خصوصاً لابغا الواحد يقنص هالديار البعيده ، والنفس تستاهل كل الدراهم والله يجزاك خير يابومشعل على هالموضوع


والله يحفظ المسلمين اجمعين من كل مكروه

[سارق الكحل]

مشكور على المداخله يالنشمي




موضوع الترخيص


النضام زين وحمل التصاريح طيب من اي موقع اداري استحصلت على التصريح


جعلك سالم أخوي هزاع

الترخيص ياطويل العمر من هيئة الاتصالات وتقنية المعلومات

وهذا رابط الهيئة تطبع النماذج وترسل بالبريد وهم يتصلون عليك اذا تحدد موعد الاختبار وتدفع رسوم الرخصة
5 سنوات بـ 500 ريال
ومكانهم بالرياض حي المرسلات ومافيه أختبار الا بالرياض

http://www.citc.gov.sa/arabic/Services/Pages/CITCspectrumforms.aspx

ورقم التلفون : 012638004 للاستفسار منهم

وعند حصول على الرخصة بامكانك وضع محطة ثابته بالبيت أو متحركة بالسيارة أو قارب بحري
كذلك يمكنك طلب أي جهاز لاسلكي من خارج المملكة بشرط أن يكون متوافق مع شروط الهيئة القياسية
وأنا طلعت التصريح من هيئة الاتصالات بعد ماكتبت معاريض للمحافظ المدينة الي انا فيها ودخلت عليه ووضحت فيه أهمية الجهاز الاسلكي وأن سبب مهم في حالة الضياع و حدوث أمر طاري وتعهد بأني ماأستخدمه خارج المحافظة
ورد بالرفض وأنه متشددين على هالموضوع هيئة الاتصالات
والحمد لله أتعب وراء الموضوع كم شهر وترتاح سنين
حتي تجديده بس تدفع رسوم ويجدد
وهذا صورة التصريح

طبعاً فئة 2
الي هي : تحدث وأستماع داخل المملكة العربية السعودية وأستماع فقط للقنوات خارج المملكة

الفئة 1 : تحدث وأستماع داخل وخارج المملكة العربية السعودية

http://www2.0zz0.com/2013/02/24/11/876553558.jpg

[بحر الخليج]

اولا مشكور يا مشرفنا هزاع على الموضوع المهم لكل قناص وفائدة الجارمن وايضا جهاز النداء لا تقدر بثمن وهي شرط اساسي لاي قناص بيطلع للبر .
وثانيا اخوي سارق الكحل اللي بيقدم طلب للهيئه هل يتم بعد فتره استدعائه واجراء الاختبار او المسأله معقده لان ابغى اسوي رخصه للجهاز الاسلكي حق المقناص وتخبر ما هناك واسطه هل يتم الوضع بطريقه نظاميه او ما اتعب نفسي مع ملاحظه طبيعة الاختبار والاسئله هل هي تخصصيه في المجال ولا يعني مثلي نراسل ونستقبل فقط هههههه ارجو الافاده لاهنت .