تكفون تكفون تكفون فزعتكم يا النشاما ابي ميكانيكي شاطر الظاهر مكينة الكامري ولت

[التميمي محمد]

السلام عليكم ورحمة الله وبركاته


يالربع مالكم بالطويله انا معي كامري موديل 2000


4 سرندل طلع في المكينه صوت كنه صوت رمان يجرش
وولعت لمبت الزيت


ويوم عايرت الزيت لقيت فيه برادة حديد


الظاهر المكينه ولت تحتاج توضيب لانها ماشيه حول 500 الف


ابي ميكانيكي شاطر و امين يفحصها واذا تحتاج توضيب باوضب عنده



تكفون ارشدوني و افيدوني

[أصيل حجآ زي]

http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .


أخي / التميمي
بأي ديرة أنت ؟؟؟؟؟؟؟


حتى يفيدك الشبآب .


خلآص لا عد تحركها أبدآ .
يزيد الطين بلة تحريكها وأستخدآمها .
أذا عرفت ورشة زينة وموثوقة فأنقلها بسطحة .

ضروري :
تتفق معهُم على أنك أنت تجيب قطع غيآر أصلية .
أفضل من التشليح وأفضل من أن توكلهُم .
ترى يركبو لك قطع تجآرية أو تقليد .

ما كآن شرط كآن سلامة .
أتفآق بعقد وآضح المعآلم
ومختوم بختمهُم الرسمي { أزرق } .
لا تثق في أحد ولو أعطآك الشمس باليمين
والقمر باليسآر /// العقد الوآضح يحميك بأذن الله .




ما شاء الله عليك مصيت دمها ودسمها .


الكآمري روعة .


:burnout2:http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)




تـحـيـــآتي
بــلا حـــدود .



<<< أبـو عـبـد الـرحـمـن >>>
""" الأصـيـل الـحـجـآزي """

[ls1.5700]

الله يعوضك خير بالحديد ولا بالعبيد
مثل ماقال مشرفنا الغالي
حدد موقعك
وان شاءالله يفيدونك الاخوان

[التميمي محمد]

اعتذر نسيت اضع موقعي انا في الرياض



والشكر كل الشكر لمشرفنا الغالي اصيل


و اخوي الغالي is


ماينفع اركب عليها مكينه ls1


ههههههههههههههههههههههههههههههه


اخاف تطير هههههههههه

[mekshaat]

برسل لك رقم مهندس سعودي متخصص بتوضيب
المكاين وعنده مجموعة مهندسين فلبينيين شغلهم
جيد مكان الورشه بالرياض.

[check point]

حياك الله أخوي محمد هذا رقم جوالي بعد إذن الإدارة


خابر لك ورشة في الدخل المحدود


صاحب الورشة يشتغل بنفسه وهو مدير العمال وشغل ذمة لأنها هي مصدر رزقه الوحيد بس إن سعرة غالي شوي عن غيره

[التميمي محمد]

برسل لك رقم مهندس سعودي متخصص بتوضيب
المكاين وعنده مجموعة مهندسين فلبينيين شغلهم
جيد مكان الورشه بالرياض.


بيض الله وجهك ورحم الله والديك يالغالي

[التميمي محمد]

حياك الله أخوي محمد هذا رقم جوالي بعد إذن الإدارة


خابر لك ورشة في الدخل المحدود


صاحب الورشة يشتغل بنفسه وهو مدير العمال وشغل ذمة لأنها هي مصدر رزقه الوحيد بس إن سعرة غالي شوي عن غيره

لاخلا ولا عدم
وبيض الله وجهك وسوف اتصل بك

[وااضح]

ركب مكينه استخدام ياباني أحسن لك واوفر

[ls1.5700]

اعتذر نسيت اضع موقعي انا في الرياض




والشكر كل الشكر لمشرفنا الغالي اصيل


و اخوي الغالي is


ماينفع اركب عليها مكينه ls1


ههههههههههههههههههههههههههههههه



اخاف تطير هههههههههه


ههههههههههههههههههههه الله يعزك ياشيخ
مافيه شي مستحيل بعالم الترهيم كل شي يركب
-------
والله يخوي اذا كان المكينه موليه مره وتحتاج قطع كثيره وتخسرك
وبعدين المكينه ماشيه 500 ماينفع فيها التوظيب
انا من رايي تركب مكينه نظيفه ومافكت ابد
وتحصلها مو غاليه
ركبها وخذ عليها ضمان
والله يوفقك ويعينك ان شاءالله

[sgl2002]

انا وظبت كامري نفس مشكلتك بالضبط وكلفت ٥٠٠٠ ريال والحين ماشيه تمام

[التميمي محمد]

ركب مكينه استخدام ياباني أحسن لك واوفر


اضاهر هاذا الي بيصير
مافيه مثل شدة الفنس اليابان بلا توضيب بلا وجع راس

[التميمي محمد]

انا وظبت كامري نفس مشكلتك بالضبط وكلفت ٥٠٠٠ ريال والحين ماشيه تمام


صادق سعرت القطع بتكلف حول 2500

وشغل يد مع المخرطه بتكلف حول 2000

وزيت وسيفون وطقم سيور ودزق وكلتش بتكلف حول 500

المجموع 5000

اضاهر اني بركب مكينه يابانيه اوفر واضمن من التوضيب


ولاهنت لبا قلبك

[التميمي محمد]

ههههههههههههههههههههه الله يعزك ياشيخ
مافيه شي مستحيل بعالم الترهيم كل شي يركب
-------
والله يخوي اذا كان المكينه موليه مره وتحتاج قطع كثيره وتخسرك
وبعدين المكينه ماشيه 500 ماينفع فيها التوظيب
انا من رايي تركب مكينه نظيفه ومافكت ابد
وتحصلها مو غاليه
ركبها وخذ عليها ضمان
والله يوفقك ويعينك ان شاءالله




عاد تراها كامري تكسي ماله داعي بكره طاير بزباين

ههههههههههههههههههههههههههههههه