محتاج مكيف للبر وين احصله

[مؤشرات]

السلام عليكم اخواني المكشاتيين
محتاج مكيف (فريون) للبر يكون يعمل على البطاريه او المحول
وين احصله وايش نصايحكم في هذا الموضوع

تحياتي للجميع

[العطاوي a511]

فريون صعب لان استهلاكه للكهرب كبير فيه فريون بس لازم محول اكثر من الف واط بس الله يعينك كل ساعه تشغل الموتر ماينفع ابد يتعبك الا اذا اخذت ماطور هو اللي يصلح يبيلك كل اربع ساعات تعبي الماطور بنزين وفي حركه تحط خزان اضافي فوق خزان الماطور وتوصلهم مع بعض المكيف تحصله بالسنيدي بالرياض صغير

اما مكيف الماء يمشي معك زي الحلاوه وحليو ماهو البروده اللي تبيها لاكن يمشي الحال وكثيره بكل محلات المكيفات تلقى مكيف ماء صغير وكبير خذ اللي تبي وفيه موضوع بمكشات لواحد يسويلك مكيف دور الموضوع تلقاه

[web]

السلام عليكم

مايجي وانا خوك فريون وعلي محول صعبه جداً حتى لو لقيت محول كهرب يشغله ماراح تستفيد شي بتلقى المحول سعره اغلى من الماطور وبنفس لازم السياره شغاله
كان عندي صحراوي اشبكه على محول وبطارية السياره ٨٠ امبير لو اخلها ١٠ دقايق بدون تشغيل تفضى البطاريه
اتوقع ماطور ويالله بعد

[بدوي502]

انصحك تاخذ ماطور كاتم للصوت لايزعجك ولا شي وعبه كل 4 ساعات

[GMC79]

ترا المروحة زينه وتقوم بالواجب

[راعي الخريب]

الفريون في بعضهمم خفيف
انا عندي مكيفين فريون +11 لمبة +تلفزيون+رسيفر= ماطور هوندا 5500
والمكيف يشتغل على البلك العادي حتى لو محول الكهرب وانا ماخذ المكيفات من ويست بوينت

[مؤشرات]

فريون صعب لان استهلاكه للكهرب كبير فيه فريون بس لازم محول اكثر من الف واط بس الله يعينك كل ساعه تشغل الموتر ماينفع ابد يتعبك الا اذا اخذت ماطور هو اللي يصلح يبيلك كل اربع ساعات تعبي الماطور بنزين وفي حركه تحط خزان اضافي فوق خزان الماطور وتوصلهم مع بعض المكيف تحصله بالسنيدي بالرياض صغير

اما مكيف الماء يمشي معك زي الحلاوه وحليو ماهو البروده اللي تبيها لاكن يمشي الحال وكثيره بكل محلات المكيفات تلقى مكيف ماء صغير وكبير خذ اللي تبي وفيه موضوع بمكشات لواحد يسويلك مكيف دور الموضوع تلقاه

كثر الله خيرك كفيت ووفيت يبدو اني ساستبعد فكرة الفريون سأفكر بمكيف الماء


السلام عليكم

مايجي وانا خوك فريون وعلي محول صعبه جداً حتى لو لقيت محول كهرب يشغله ماراح تستفيد شي بتلقى المحول سعره اغلى من الماطور وبنفس لازم السياره شغاله
كان عندي صحراوي اشبكه على محول وبطارية السياره 80 امبير لو اخلها 10 دقايق بدون تشغيل تفضى البطاريه
اتوقع ماطور ويالله بعد

عليكم السلام
اشكرك اخي صحيح كلامك يبدو ان المحول لايفي بالغرض


انصحك تاخذ ماطور كاتم للصوت لايزعجك ولا شي وعبه كل 4 ساعات

شكرا اخي صحيح الماطور اريح


ترا المروحة زينه وتقوم بالواجب

شكرا لك
لكن وانا اخوك المروح وش يسون اذا صرت بتطلع للبر بالصيف

[مؤشرات]

الفريون في بعضهمم خفيف
انا عندي مكيفين فريون +11 لمبة +تلفزيون+رسيفر= ماطور هوندا 5500
والمكيف يشتغل على البلك العادي حتى لو محول الكهرب وانا ماخذ المكيفات من ويست بوينت


شكرا لك اخوي راعي الخريب
اريد منك تفاصيل اكثر اذا امكن
ماهو نوع المكيف واين عنوان ويست بوينت

[tabtab055]

حياك الله يااخي الكريم ...فيه عندي مكيف فريون 12000 وحده نقال شريته قبل سنه ونصف تقريبا من المتبولي للاجهزه المنزليه يسمى (شيجو) ممتاز جدا بس يبغالك ماطور بقوه 4000 واط ليتم تشغيله ويمكنك ايضا تشغيل اشياء اضافيه مثل لمبات وتلفزيون ورسيفر اثناء تشغيل المكيف........... بالتوفيق للجميع

[بين الغضا]

خذ حقات الرذاذ وشغل مروحه ويصير الجو فله

[ثلج ساكن]

طيب يعزيزي في مكيف فريون مقاسه صغير نوعا ما وسعره 550ريال يشتغل على البطارية ولاقيه عند السنيدي اللي بالرياض بس لازم تحطه جوه الخيمة الصغيرة ولا يهونو جميع الخوان

[العطاوي a511]

اخوي زي ماقلتلك فيه مكيف يشتغل بالمحول بس لازم اكثر من الف واط وهاذي صوره المكيف موجود بالسنيدي وهو فريون وحجمه صغير كبر مركى البيت الصغير

وهاذي صورته بس دفعه للهواء ضعيف درجه وحده بس ولا تقدر تحكم بالبروده بس زر واحد شغل طف فقط ويصلح لخيمه صغيره

http://www.mekshat.com/pix/upload06/images/2013/02/mk243118_123456.jpg

بس راح يفضي عليك بطاريه السياره خلال ساعه
واذا كان تقصد مكيف البيت مستحيل تشغله بمحول ولا حتى اي ماطور يشغله لازم ماطور من 3000 وفوق

[نجم قبه]

فيه عندك ببريده واحد يف صل مكيفات على بطارية السياره حلو مره اسال عنه او فيه حل ثاني شف المكيفات الصحروايه المتنقله فيه مكيفات استهلاكه للطاقه قليل رح لا اقرب محل مكيفات صحراويه مثل اللي بالمحلات اللي تقدر تشيله بيديك خفيفه مره تراها مره حلوه شف خلف كل مكيف مقدار استهلاك المكيف من الطاقه وعليه اشر محول كهرب وصل الله وبارك شف اقل استهلاك واشره وعلمني عن النتيجه

[صالح ابو لمار]

خذلك مروه الي تجي معه رذاذ ماء وريح راسك ..

ولا مكيف صحراوي صغير المتنقل ..

[المتلولس]

المروحة حقت الرذاذ ممتازة وسهله

[محب الرسل]

يوجد لدي مكيف بر مرهم خفيف الوزن يشتغل على 12 فولت استخدمته مرة اذا لك رغبة بشراءه ضع جوالك وارسل لك صوره

[bedwizar]

موضوع شيق
متابع,,,,,,,,,,,

[ابو شكاع]

ماعندي خبرة كافية ... لكن ممكن يشغل لك المكيف مولد كهرباء مشبوك على هوب سيارة "بسير" مرفوعة وتشتغل

[العطاوي a511]

يوجد لدي مكيف بر مرهم خفيف الوزن يشتغل على 12 فولت استخدمته مرة اذا لك رغبة بشراءه ضع جوالك وارسل لك صوره
ضع صورته يمكن اشتريه

[ابو وليد999]

اقول وانااخوك تعوذ من الشيطان ووقف لك تحت طلحه كبيره اصرفلك من البطاريات والخساير لانه اذا جت اللواهيب لامكيف ولامكيفين يغطون الااذا كان تقصد بشكل دائم مخيم فلا بد من ماطور طيب يشغل مكيف او اثنين من الي يطلع في الصيف نهارا بالتوفيق لك والسلام عليكم ورحمه الله وبركاته وجهة نظر

[برزان1]

اخوي خذ العلم اذا تبي عليك بالطاقه الشمسيه وبطاريه وشاحن وشغل مكيفك