خيمة سريعة وخفيفة وأمينة بعد

[أبو فراس]

السلام عليكم ورحمة الله وبركاته

هي خيمة هي ناموسية سموه اللي تبون هي جازت لي لانه خفيفة وسريعة نصب وامينة عن المطر والحشرات ودافية بعد

http://www.mekshat.com/pix/upload/images19/mk8534_tent.jpg



1-

http://www.mekshat.com/pix/upload/images19/mk8534_tent-(1).jpg

2-
http://www.mekshat.com/pix/upload/images19/mk8534_tent-(2).jpg

http://www.mekshat.com/pix/upload/images19/mk8534_tent-(3).jpg


http://www.mekshat.com/pix/upload/images19/mk8534_tent-(4).jpg








http://www.mekshat.com/pix/upload/images19/mk8534_tent-(5).jpg

[أبو فراس]

وباقي الصور

6-


http://www.mekshat.com/pix/upload/images19/mk8534_tent-(6).jpg



7-

http://www.mekshat.com/pix/upload/images19/mk8534_tent-(7).jpg




8-

http://www.mekshat.com/pix/upload/images19/mk8534_tent-(8).jpg


http://www.mekshat.com/pix/upload/images19/mk8534_tent-(9).jpg



http://www.mekshat.com/pix/upload/images19/mk8534_tent-(10).jpg


ويشيله شخص واحد مثلي

وسلامتكم

[خيال نجد]

مشكووووووووووووووووووووووور
بس وين القاه بالرياض

[الوهلان]

مشكووووووووووووووور حيل أخي أبو فراس

لكن إيش إسم الشعيب اللي تم تجريبها فيه !!!!!!!!!!!!!!

[aziz2727]

الله يعطيك الصحه والعافية
صور زينه
وخيمة طيبه
عزالله انها خفيفه
بس وين تباع وكم السعر الله يبارك فيك ؟

[BASSAM]

ياهلا بالغالي ابوفراس

خيمةطيبةوتنفع لرحلات ابو ذيب :d

السعر ياابوفراس؟

[الجارمن]

السلام عليكم
اخونا ابو فراس خيمة او ناموسية ممتازة جداً جداً
واعتقد انها تبي تجوزلي اذا جربناها في اول طلعة برية إن شأ الله

وتسمح لي اتلقف شوي واقول ان الخيمة أو الناموسية موجودة في محل المرباع بعنيزة واعتقد ان سعرها في حدود ال 350 ريال

[الانيق]

خيمة رائعة يابو فراس

هذي الخيمة عندي من سنتين اخذتها من الرياض ونسيت اسم المحل ولكن راح اتذكر واشغل مخي

هي فعلا عملية وسريعة ولكن سعرها يالجارمن اعتقد ارخص من كذا بكثير

سعرها تقريبا بين المية وخمسين وميتين ريال لا اكثر

[مسماري]

السلام عليكم ورحمة الله وبركاته

بارك الله فيك يا عم ابو فراس ... وعلى ها المشاركه الحلوه

لكن ياعم اذا كان سعرها مثل ما يقول اخونا الجارمن فهيه غاليه ... احسن اخذ خيمه تتسع لاربع اشخاص مثل خيمة البرميل من السنيدي

وسعرها يفرق شي بسيط عن ها الناموسيه .

ابنك .. مسماري .. ننتظر منك المزيد

ابو فيصل

[المربد]

ما شاء الله تبارك الله
هذي دار معاريس
شلونها مع الهواء
هل لها اوتاد بالاركان
هل تنصب مثل الشمسية ؟ او لها عصي تدخل ثم ترفعها.
ابو فراس
مقاس العرض والطول الله لايهينك.

[الاحداثي]

دائما رائع ومتميز أبا فراس ..
وفقك الله ورعاك أخي الكريم ,,,,

[غالي]

كثر الله خيرك على هالمعلومات اخوي ابوفراس
لكن ياحبئذ تجيب على اسئلة الاخوان الكرام
السعر +مكان البيع
ولك مني جزيل الشكر والتقدير

[نقا هشال]

وعليكم السلام ورحمة الله وبركاته

الغالي ابو فارس

مرحبا ومسهلا

خيمة جداً رائعه

يعطيك الف عافيه

تقبل فائق تحيتي

[أبو فراس]

السلام عليكم ورحمة الله وبركاته

اسفي الشديد على تأخري بالرد على استفساراتكم الغالية بإنتظار ماتسفر عنه المناقشات

هي كما قال اخونا الجارمن ( ابو نواف ) بخصوص مكان بيعها وسعرها كما قال صاحب المحل

ولكن اخونا الانيق يقول كلاما غير

فنحن بإنتظار الانيق من اجل ان يخبرنا عن مكان بيعها في الرياض ادعو الله ان يعينه على التذكر لفائدة الجميع

اخي الانيق نوع القماش تنزاني رقم اثنين واطوالها 240*130وهي اصلا ناموسية لبسها المحل القماش التنزاني والبلاستيك من اسفل للحماية من الرطوبة فهل هي كما قلت ارجو افادتنا

اخي المربد ابو يوسف

الخيمة كما شرحت هي عبارة عن ناموسية بدون عمود في الوسط من اجل النوم

[أم عبدالرحمن]

تسلم على هالصور عساي الاقيها اول الامطار ان شاء الله


بصراحة رائعة الله يعطيك العافية

[ريع الدياب]

بسم الله الرحمن الرحيم

الغالى أبوفراس

الخيمة السريعة الخفيفة الأمينة الدافية اللى جازت لأبوفراس والجارمن
هى اللى يطلبها ريع الدياب ..... فقط ننتظر ما تسفر
عنه معركة الأسعار بين عنيزة والرياض
أيضا استفسار أبويوسف المربد عن تثبيتها بأوتاد فى الأركان؟
ياسلام عليك يابوفراس تفوقت على خيام الهنود الحمر حقتنا!!!!!
تحية من بلاد العم سام

[الجرنـاس]

ازين من الخيمه راعيها

اسئل الله العلي القدير له الصحه والعافيه
أخي ابوفراس لو ما اجبت قبلي كان شكيت في مشرفنا الجارمن انه يبي يتربح من ورانا ههههههههههه

[شايب الصمان]

هلا وغلا باالعمده
الخيمه ممتازه باالصور ولكن التجربه أكبر برهان والبيت وقضى ومالك عذر :d .
دائما تأتي باالمفيد السهل ياعمدتنا العزيز

[الرهدن]

جزيت خير أبو فراس00

لكن نبي السعر ومكان البيع والخصم لأننا ربع لك في مكشات;) 00



.

[ماجلان]

مشكور أخي أبو فراس على هذه المشاركه وعلى التوضيح المهم جدا في اخر رد لك بخصوص أصل هذه ال"خيمة "
أتذكر أنني رأيت في أحد محلات الرحلات ناموسيه بهذا الحجم وكان سعرها حوالي المئة ريال ( تزيد قليلا أو تنقص قليلا )
إذا كانت هذه الناموسيه هي ما تم تلبيسه فأعتقد أن التنزاني ثقيل عليها بعض الشيئ حيث أن الأوتار الداعمه لها خفيفه جدا أنظر شكلها تحت الشد هنا في منتصف أسفل الصوره
http://www.mekshat.com/pix/upload/images19/mk8534_tent-(2).jpg

أحد محلات الرحلات بالقصيم يبيع خياما مماثله للنوم ولكنني وجدت سعرها مبالغا فيه جدا

عموما بالامكان تلبيس الناموسيه بالقماش المناسب حسب الطلب وهذا ما ساتبعه شخصيا
شكرا جزيلا لك أبا فراس

[HAS123]

السلام عليكم ورحمة الله وبركاته

اخواني الاعزاء انا اشتريت هذه الخيمة قبل سنه من عنيزة من محل المرباع في عنيزة وقيمتها 350 ريال

[المتوكل]

خيمه جميله وخفيفه وهى موجوده فعلا عند المرباع ولكن السعر غالى0000 لكن ياابا فراس الله يحفضك من كل شر امتلينا من الخيام00000كل يوم نشرى ونخزن لكن الخيمه جميله ونبى نشريه00

[nda21]

السلام عليكم ورحمة الله الخميه هذه رايتها فى حج العام مع الحجاج فى منى وعرفات وسالت احد الحجاج عن سعرها لايتجواز 50 ريال وتاخذ شخصين فقط وتحمى من المطر ولها فتحة فى الجانب للتهوبه وعمليه

[الجارمن]

اخونا القرناس
اولا انا ماني براعي محل رحالات عشان اتربح منكم
وثانيا عشان اثبت لك ذلك
حدد السعر اللي يجوز لك (إذا كنت تبيها) وهي توصلك لحد بيتك

[الجرنـاس]

اخونا القرناس

اولا انا ماني براعي محل رحالات عشان اتربح منكم

وثانيا عشان اثبت لك ذلك

حدد السعر اللي يجوز لك (إذا كنت تبيها) وهي توصلك لحد بيتك



كفو كفو قول وفعل

عزيز وغالي يالجارمن

تراي امزح

الي ابيه زيارتك لي وتشريفك مكاني

[ابو درع]

والله انك شقردي يابو فراس تصلح للموالف هلخيمه شرط ساعتين وكلش تمام

[ابو راجي]

الله يمسيكم بالخير

والله انا رايي الخاص انها صغيرة وضيقة وتفشل في البر وما تستاهل من يشلها على قول بعض الناس - نقص لاتسمن ولا تغني من جوع - ارجو المعذرة هذا راي شخصي خاص

[كشات]

بسم الله



السلام عليكم

اشكرك اخوي ابو فارس ;) على هالخيمه الجميله



وعلى قولة ابو عبدالله شايب الصمان يبيله تجربه



ولازم نجربه مع ابو ذيب ان كانه مثل خيمته اللي توطته السياره بام رقيبه والا لا



تسلم يابو فراس:good: على هالخيمه والتوضيح الجميل

بارك الله بك

[nahham]

هلا بالعم ابو فراس
ياعسانا ما نفقد هالوجه
ما يجي من الطيب الا طيب

[أبو فراس]

السلام عليكم ورحمة الله وبركاته

ياحيا الله راعي امريكا ياحيا الله دكتورنا ريع الدياب

ابو اسماعيل كيف اسماعيل والاحفاد

يقولون الطنزة تلحق وتطنزنا بكم وصرنا مثلكم ولله الحمد

نعم تثبت بثباتات من الاركان او من الوسط كما تريد

يالله لك الحمد قبست بين الجارمن والقرناس وحنا الربحانيين يبي يحصلنا جمعة ان شاء الله في هالشتاء

شايبنا الشاب ابو عبدالله شايب الصمان

ما شاء الله نزلت الدار الجديدة ولا حطيت النزالة... ترانا والمين قل تم وحط النزالة بالصمان او الدهنا

الغالي الرهدن وراي وراي وين ما اروح يبي يحتك بهالشيبان ترا ما يجيك من هالشيبان الا كل خير ان شاء الله

والاسعار كله اسبوع ونبي انتبين كود اخونا الانيق بفيدنا ولا ينسانا ان شاء الله

مشرفنا ماجلان

الخيمة نصبناها على عجل انا والجارمن من اجل الصور فقط ولم نحرص على توازنها ولذلك اتت تلك الصورة الي زعلتكم

الخيمة ولو تلاحظ بانها تأتي ومن اسفلها يوجد بلاستيك من اجل الحماية من الرطوبة والحشرات وهذا اللي رفع سعرها وكذلك سعر القماش التنزاني غالي ويبي قيمته بعد

اخوي راعي حايل ( has123 )

نفس كلام اخونا الجارمن وماذا عن تجربتها في ايام الشتاء والامطار والبر خبرنا وافدنا عنها وطمن اخوانك المكشاتيين

اخونا المتوكل يؤيد كلام الاخوان بأنها موجودة لدى المرباع وعساه تكون متوفرة عند الطلب

حيا الله الحاج ( nda22)

يبدو انك ما تمعنت بالخيمة جيدا

الخيمة التي ذكرتها انت وسعرها خمسين ريال تأتي من البلاستيك لها عيوب كثيرة منها تكثف الرطوبة من الانفاس على سقف الخيمة من الداخل يعني الرطوبة تأتيك من الداخل

اخونا الجارمن قده وقدود تقول وتفعل والقرناس يستاهل اكثر

المكشاتي النشيط ابو درع

الحمد لله ان الخيمة اعجبتكم ونحن ان شاء الله ننتظر ايام الامطار والبرد والكشتات من اجل التجربة

اخوي ابو راجي

يبدو انك لم تقرا الموضوع بتمعن من المعلوم ان الخيام الصغيرة فقط للنوم وليس للجلوس ولكن عند الضرورة يمكن الجلوس لنفرين بالراحة

الغالي راعي العوايل كشات ابو علي

ترا ابزعل عليك واوريك العين الحمرا

من اول يوم اسمة ابو فراس بالانجليزي وانا اعذر الناس اذا سمون ابو فارس ولكن هالحين أبوفراس الله يخلي لنا كبير المراقبين الدوليين محب البر ابو مروان من اجل تغيير الاسم المحبوب لدى جنابنا

انا اعلم يبو على انك تمزح ولذلك وضعت سطر تحت اسمي من اجل التذكير فقط

ابو على الى الان انا بإنتظار وعدكم لنا بتشريفنا بزيارتكم لمحلنا والجميع بالانتظار من صغيرهم الى كبيرهم شايب الصمان

الحمد لله طلع نجم سهيل ( nahham)

الحمد لله يابو هشام

الله يبارك بهالخيمة وهذه من اول بركاته ان طلعتك من البيات الصيفي

ابوة هشام مازلن بأنتظار موضيعك الثقافية الرائعة لاثراء مكشات

والى لقاء رمضاني قدام ان شاء الله ولكن لايدري احد كالعادة

تحياتي للجميع واسفي الشديد وعذري ان لم ارد على احد ولم يأتي ذكره بهذا الرد الطويل الممل

[تايوتا]

مشكور وماقصرت

[أبو فراس]

السلام عليكم ورحمة الله وبركاته

تستاهلون هالدلة والفنجال


http://clusterman.ifrance.com/10.gif

وما زلنا بانتظار اخونا الانيق من اجل ان يعطينا العلم الاكيد


.

[رسلان]

عافاكم الله عمدتنا الفاضل : أبا فراس ..
على الموضوع المفيد والصور التوضيحية ...
وأحلى مافي الموضوع صور اللي يجرب الخيمة :j :D ...
جزيتم خيراً ...

[الانيق]

والله ياشباب ماقدرت اتذكر اسم اللي شريت منه الخيمة بس سمعت انه في محل يقال له بيت الرحلات بعنيزة انه يبيع نوعين من هذه الخيام والاسعار بين 200-250 بس ماقدرت اصل لهم اذا كان احد يروح لهم ويسألهم ويعطينا التفاصيل

[راعي ساموده]

السلام عليكم ورحمة الله ..
عمنا الأنيق أبا فراس :
متى يجينا خبر السعر النهائي ومحل بيعه بالرياض وهل تصلح للطبخ اذا دعت الحاجه ؟؟

[ابو شوق11]

يعطيك العافية ومشكور على الخيمة من جد ممتازه

[أبو فراس]

السلام عليكم ورحمة الله وبركاته

فعلا كما قال اخونا الانيق هي موجودة لدى ........... في عنيزة وارخص بكثير من محل ....

يوجد نوعين من القماش حسب الطلب

قماش تنزاني مقاسين

الاول هو المقاس الموجود في الصور

وقيمته 270ريال

ويوجد مقاس اكبر من الموجود في الصورة

وقيمته 320ريال

ويقول صاحب المحل بأنه على استعداد لتوصيلها الى المشترين

اما القماش الكوري ولا انصح به لانه يكثف الانفاس عند النوم ويحولها الى ماء مما يزعج النائم

وقيمته 230 ريال

وسلامتكم ومن اراد عنوان المحل وهاتفه فعلى الخاص الله يخليكم

[الصمان]

ما شاء الله ، تصميم حلو وجميل
مشكور ويعطيك ربي العافية

[مهراس]

السلام عليكم ورحمة الله وبركاته

تحية طيبه لأبو فراس وللجميع بدون تخصيص أولا اهنئكم بحلول شهررمضان المبارك وثانيا الحمدلله اننا شفنا أبو فراس وهو في احسن حال ان شاء الله ووالله انها صور جميله وحظ الناموسيه لها صوره معاك يابو فراس.
يوجد عند السنيدي خيمه برازيليه قريبة الشبه من اللي معاك ولكن ليست بنفس المتانه وسعرها أقل، وطبعا افضل اختبار لها تحت المطر وفي درجات الحراره المنخفضه، مبروك عليك الناموسيه واتمنى لك طلعات سعيده معاها.

أبو فهد

[سيف السيف1]

الله ايبارك بالخيمة ألي شفنا أبو فراس فيها .. أبعث تحياتي وأشواقي إليك في هذا الرد .. دمت بصحة وعافية ..

[ابو مسعود]

والله العظيم خيمه على مستوى الله يعطيك العافيه اخوي

[عاشق البران99]

جزاك الله خير أخوي أبو فراس على الموضوع الجميل ...

[أبو فراس]

السلام عليكم ورحمة الله وبركاته

اخواني الصمان / مهراس / ابوفارس / ابو مسعود / وعاشق البران

شكري الجزيل على مروركم وكلماتكم الرائعة

اخي عاشق البران

هاه بشر عساك لقيت اللي تبي

[اصغراكبرخان]

تسلم اخوي ابوفراس وفكرتها جميله
يسلمممممممممممممممممممممممممو

وننتضرمنك الجديد:good:

[almobd3]

مشكور اخوي

[فهد-بوعبدالله]

وين يمكن احصل عليها في الشرقيه

[راعي الصطحه]

يعطيك العافيه ولاعدمنااااااك
وتقبل تحياتي

[شاهين الباز]

أفضل من الخيمه هالرجال اللي بالصوره والله ان شوفته توحي بالطمأنينه




...........

[maysarh]

الله يعطيك الصحه والعافية

[الناب]

الخوان كفو ووفو في الأسأله والأستفسارات

ما بقى لاهنت يا بو فراس

[ونيس البرق]

مشكووووووووووووووور حيل أخي أبو فراس

لكن إيش إسم الشعيب اللي تم تجريبها فيه !!!!!!!!!!!!!!

[طير الحماد1]

السلام عليكم جميعا
شباب اعرف ان الموضوع قديم . ولكن سؤالي اين ممكن ان احصل هذه الخيمه الناموسيه وجزاكم الله خير

[web]

السلام عليكم جميعا
شباب اعرف ان الموضوع قديم . ولكن سؤالي اين ممكن ان احصل هذه الخيمه الناموسيه وجزاكم الله خير

موجوده هي وخيمة المبيت
انا شايفهم قبل ثلاث ايام عند برق الحيا ... بفرعهم الرياض _ شارع خالد بن الوليد