مشكلة بالدركسون اقلقتني بـالـ( اف جي ) [الأرشيف]

مشاهدة النسخة كاملة : مشكلة بالدركسون اقلقتني بـالـ( اف جي )

صياد تبوك

27/02/2013, 01:40 PM

السلام عليكم

اخواني انا لي كم يوم اخذت لي موتر ( FJ ) موديل 2008
الحمد لله الموتر ماعليه وغيرت بعض الامور والقطع الاستهلاكية والعضلات

لكن احس فيه مشكلة ماهي مريحتني ومريت على كم ورشة ماطلعوها لي

المشكلة مدري وش اصنفها هي فضاووه بالدركسون او حذفه
خلاصة المشكلة هي
وانا ماشي بالخط احس الموتر يروح يمين او يسار على الخفيف على الرغم من تثبيتي للطارة بشكل جيد مع ثقل خفيف في الدركسون مثل ثقله لما يكون احد الكفرات ناقص هواه.
يعني يميل لليمين او لليسار على الخفيف ويثبت عليها الا الف الدركسون علشان يرجع
يعني وانا ماسك الخط احس يوترني لازم اكون مركز ومشدود مره يمين ومره يسار
ا

الاشياء اللي سويتها
رصصت الكفرات
بدلت الكفرات اللي ورى قدام واللي قدام ورى
وزنت هواء الكفرات 35 لكل كفر
غيرت ذراع الدركسون الايسر لانه كان فيه فضاوه
سويت للسيارة ميزان يدوي

والبنقالية يتعلمون بسيارتنا
واحد منهم قال ممكن مشدود على وزنية علبة الدكسون
هذي جديده علي !!! اول مره اعرف ان العلبه حقت الدركسون لها وزنيه

المهم نبي فزعتكم وخبرتكم

كرهت الموتر بسبب هالشطحات

وااضح

27/02/2013, 05:37 PM

اعتقد فضاوه بالدوده ممكن تحتاج كبس
أو مساعد الدركسون

صياد تبوك

27/02/2013, 08:43 PM

اشكرك اخوي على الرد

طيب كيف اتاكد من ان الدوده تحتاج كبس

ls1.5700

27/02/2013, 08:59 PM

هلا اخوي صياد تبوك
سؤل هل الموتر يحذف يمين ويسار
تحس الحذفه اكثر شي تجيه من ورى الموتر
يعني يروج وهو يمشي
او الفضاوه بس بالدركسون تحس الموتر ماهو في ايدك يحذف على كيفه مثل الجيوب
القديمه او كيف
اشرح المشكله بالتفصيل الممل وان شاءالله خير

صياد تبوك

28/02/2013, 01:19 AM

الله يسعدك

ياخووي الموتر اتحكم فيه بس مشكلتي وانا ماسك الخط والطريق مستوي اتفاجا ان الموتر
راح يمين او يسار يعني مو على جهه محدده على الرغم ان الدركسون ثابت
واذا لفيت الطارة عكس الاتجاه اللي راح علي الموتر وكذلك يروح على حسب لفتي له

كل هالمشاكل مع وجود ثقل بالطاره بس مو ثقل جامد
اكتشفت الثقل من خلال ان الدركسون مايرجع لوضع النص الا انا اثبته عليه
لان كما تعلم ويعلم الجميع ان السياره لو لفيت الدكسون وانت ماسك خط يمن شوي وفكيت الدركسون
راح يرجع مباشره اول ماتفكه
بينما سيارتي وانا ماسك خط لو لفيت الدركسون يمين شوي او يسار شوي وفكيت الطاره الاحظ الدركسون مايرجع لوضع النص يبقى على لفتي له وهنا اكتشفت ان الطاره فيه ثقل

يارب اكون وضحت المشكلة بما فيه الكفاية

الخزاامي

30/05/2013, 09:14 PM

عندي نفس المشكله تمااماا
ولا ادري وش الحل

sgl2002

30/05/2013, 09:31 PM

الفضاوة من حاجتين

الدودة او الاذرعه

al3teeq

31/05/2013, 10:57 AM

كان عندي نفس مشكلتك ولكن بدون ثقل الدركسون السيارة جمس وكل مااسرعت زادت الحذفه وديته لورشة التاج في الصناعية القديمة وبعد ماركب معي الفني ( فلبيني ) وعرف المشكله رجعنا للورشة وقاموا باصلاح الدودة لانه اكتشف السبب منها. والله اعلم

كامري ابيض

31/05/2013, 02:11 PM

عقووول

01/06/2013, 03:13 AM

رح للعضيب وسو وزن وريح راسك

al3teeq

01/06/2013, 10:07 PM

مداخلة لو سمحت

اين ورشة التاج بالضبط

وانت نازل مع طريق الخرج باتجاه الشمال بيجيك كوبري غبيرة بعد ماتنزل منه تجيك اشارة ( ساهر ) خذ من عندها يمين استمر لحد ماتجيك اشارة تعدها ومع اول فتحة تجيك ديور طالع يمين لحد ماتشوف محل قطع غيار امريكي اعتقد انه بالبيد في الزاويه يفتح شرق وجنوب، لف مع الشارع اللي هو عليه يمين وبتكون متجه شمال الورشه بتجيك على اليسار بعد مسافة بسيطة. وبالتوفيق

نبراس المدينه

01/10/2013, 01:51 AM

السلام عليكم

اعرف ان الموضوع قديم
ولكن للفائدة حبيت اشارك لعل اي شخص يستفيد

كانت عندي نفس المشكله الدركسون فيه ثقل بسيط وماعاد فيه فضاوه واذا لفيت يمين ولو شعره يحذف يمين بسرعه ولمن ترجعه لليسار يروح يسار بسرعه المهم ماتقدر تتحكم تحكم كامل بالدركسون

طلعت المشكله من الدوده غيرتها من التشليح وضبطت المشكله ولكن ظهرت مشكله اخرى ان الدركسون مايلف لليمين للاخر ولكن لليسار ميه ميه
والمشكله سببها الباكستاني ماضبطت وزنة ذراع الدوده
ووديتها لليماني قال ان الباكستاني خرب ام الشغله خرب عليه الايرباق على قوله
وقال ان ازبطها بالملي بسعر 200 ريال

المفيد من كلامي
حل المشكله تغيير الدوده واشرط ع اللي بيركبها يضمن لك سلامة الايرباق والوزنه