المساعد الشخصي الرقمي

مشاهدة النسخة كاملة : عندي مشكلة .. حرارة السيارة ونيت !!!


3zyiz
27/02/2013, 07:39 PM
السلام عليكم

يا اخوان انا شريت نيسان نافارا 2008 من فترة ، ماشي 102 الف كيلو فقط ... وماشالله السيارة عزم ودلع بالخط وبالفزة وحتى في البر مع انه بدون دبل لكن يشق الرمل شق ما يوقفه شي

المصيبة يمشي معي يوم او يومين زي العسل وفجأة الا والحرارة واصلة فووووق تقريبا توصل H او قبل
اطفي السيارة وانتضر ربع ساعة تبرد واشغل واعبي موية وبسم الله ماشالله تقعد لها يوم او يومين مثل اول ومرات تكمل اسبوع وش حليلها

اتفاجأ طبعا من ارتفاع الحرارة ماشوف الا الدخنة من الكبوت اذا ارتفعت الحرارة وطشرت الموية

وش مشكلتها في هالحالة ؟؟؟

1- نظفت الاديتر
2- غيرت غطاء الاديتر
3- غيرت اوتوماتيك المروحة مرتين كل مرة 550 ريال ( قيمة هرفي ) :mad:
4- بلف حرارة أصلي بـ 110 ريال قيمته

طيب وش المشكلة ؟؟

رحت لكذا كهربائي وكلهم عيبو اوتوماتيك المروحة يقلون خفيف مرة .. لما يحط يده على التوماتيك والسيارة شغاله يقدر يوقف المروحة وهي تدور
واضطريت اغيره من الوكالة هالمرة
ونفس الشي

هل معقول السبب توماتيك المروحة ؟
والا فيه بلا ثاني ماعرفه ؟؟

ارجوا المساعدة والله جاني اكتئاب من الورش وكلامهم الفاضي
najd star
27/02/2013, 07:48 PM
أخوي غير بلف الحرارة أكيد هو السبب
3zyiz
27/02/2013, 07:50 PM
ماكان فيه بلف وركبت له بلف اصلي بـ 110 ريال
sgl2002
27/02/2013, 08:16 PM
شكل مشكلة الحرارة فيها من اول والا ليش راعيها الاول شايل البلف
sgl2002
27/02/2013, 08:17 PM
طيب اختبر طرمبة الماء
ls1.5700
27/02/2013, 08:23 PM
احتمال الراس فيه مشكله
شيك عليه عند مهندس فاهم
اوفك غطاء المحرك وناظر فيه مويه او رغوه بيضاء
اذا فيه مويه او رغوه فـ المشكله منه
وبالتوفيق بأذن الله
3zyiz
27/02/2013, 08:29 PM
والله ياخي احس راعيها الاول لعب علي بصارحة !! لكن الشكوى على الله ماعاد فيه مصداقية
ماقول الا حسبي الله ونعم الوكيل .. صفقني بسعر سيارة نظيفة
الله المستعان


الاخ ls1.5700
فيه يماني بحارتنا ميكانيكي وكهربائي بوقت واحد ماشالله عليه
مريت عليه واستفسرت منه قال لي اذا المكينة تفور فعندك راس المكينة
والله ياخوي وجع لي قلبي
راااس مكينة مرتن وحده !
شي يقهر
ولا ادري بكم يكلف لكن من اسمه يوجع القلب

عاد بحثت في النت قبل ساعه ولقيت في اليوتيوب ناس يتكلمون عن ورشة الغامدي بالنسيم
بمر عليهم الحين واشوف وش الدبرة
وربك يكتب الي فيه الخير

ما ورانا الا التعب الله يعين

المشكلة ان هالونيت قير عادي والركب عندي ماعادت تتحمل القير العادي والتعشيق .. وقلت ببدل بقير اوتوماتيك او ابيعه واشتري اوتوماتيك ولكن حصل الي حصل واكلتها علقة
افضل شي الواحد يشتري وكالة ويفتك من هالنصابين بالسوق السودا
قسم بالله سوق خمور وحشيش موب سوق مسلمين

بمر على الرجال واوافيكم بالاخبار ان شالله تعالى
فتك08
27/02/2013, 10:35 PM
من كلامك يتبين بأن عندك نقص ماء...و بإذن الله لايكون من الراس...و أتمنى ذلك...

إفحص دورة نظام التبريد كاملة تأكد من جميع الليات لايكون فيه تهريب و لوخفيف

لأن دايما التهاريب ماتبين إلا بعد ماتطفي السيارة بدقائق و هي حارة بعد مشوار...

بعد أي مشوار بعد ماتطفي السيارة بربع ساعة إفتح الكبوت و شيك لايكون فيه لو

تندية و لاتقول القفزان مشدودة بل تهرب أحيان و تحتاج لسلكون إذا كانت الليات متوسعة

أحيانا يبدأ التهريب لكن لايصل للأرض...لماذا؟؟لأنه ينزل على أجزاء حارة من السيارة

كغطاء القزوز و يتبخر بحيث لايصل للأرض و يصعب إكتشاف ذلك....

تأكد من كوع البلف لايكون التهريب من عنده لأن بعض الأكواع لها وجيه و الغالب

سيلكون فقط...تأكد من الغطاء إنه أصلي....
3zyiz
27/02/2013, 11:57 PM
الله يسهلها

توني وصلت من الورشة وجلست السيارة شغاله عند الورشة لمدة ساعة ونصف ومشواري الى هناك استغرق ساعة ونصف تقريبا ما بين وقفة اشارات وزحمة الطريق من الروضة الى صناعية النسيم
يعني تقريبا نقول شغالة 3 ساعات ونصف ساعة مشواري للبيت
ولا فيها ولا شي
الموية تمام كاملة
مالاحضت تهريبات او شي
بكرة ان شالله تعالى راح اخذها مشوار للمزاحمية واشيك عليها هناك بعد الوصول
مع ان السواق يقول ارتفعت عليه الحرارة امس بطريق المزاحمية 3 مرات !!! استغربت والله من كلامة
لكن بكرة بكدها واتأكد بعد المشوار وش السالفة

مشكورين ياشباب على مشاركاتكم
ياخي الواحد ما يحس انه بلحاله كذا :) يسلم راسكم نفر نفر
لا حرمت منكم ان شالله

وبكره بعد راح اوافيكم بالمستجدات لين اصلح هالمشكلة المهم انها تنكشف العلة

بسالكم !
الشكمان له دخل في الموضوع ؟ يعني القزوز مثلا او الدبات الامامية يكون فيها سدد ؟؟؟ تتوقعون ؟؟؟

هذي بعد بشيك عليها باذن الله لاني شاك فيها .. بس شكي بسبب الدعسة احسها مكتومة نوعا ما
فتك08
28/02/2013, 12:13 AM
بالنسبة لسؤالك عن الشكمان...

يوجد دبة البيئة بها رصاص و إذا تشبع ببقايا العادم مع مرور الوقت يكتم السيارة

و ترتفع حرارتها....لكن إرتفاع الحرارة يكون ثابت و مستمر و يزيد مع تقدم الوقت

لكن موترك حرارته ترتفع فجأة بعد ماياخذ له كم يوم طبيعي...و بعد الإرتفاع تزود

موية....شيك على نظام التبريد كامل و بدقة...
الكشات وافى
28/02/2013, 01:04 AM
واضح أنها راس مكينه ...!!

ان طلع كذا ترى الأمر بسيط يالغالى ... ومايحتاج الا فك الراس ومسحه وتركيب كازكيت جديد

وموفق ياارب بس بشرنا بااخر المستجدات
مواطن مدني
28/02/2013, 03:59 AM
وعليكم السلام ..
اذا الراس فيه شي يبين مع السرعة لامشيت 120 تقريبا ترتفع الحرارة ودامك تمشي عادي في المدينة ماترتفع واجد
لكن دام غيرت الحاجات المهمة اللي ذكرتها بشرط انها اصلية كلها باقي عليك تبدل الليات او تشدها بقفيز اللي تشد عليه بسكروب تشتريه من المحلات

واحتمال يكون السبب واحد من الامور اللي بدلتها لكن تأثبر الحرارة سببت مشكلة جديدة في الراس
ونفس ماقالوا الاخوان امره بسيط ومايحتاج الا فك الراس ومسحه وتركيب كازكيت جديد وسلامتك ..
مركز حراره
28/02/2013, 02:18 PM
عندك تهريب ماء من وين مأدري لا بد من فحص اطغطه بلهؤ
الحيسوني-
01/03/2013, 06:52 PM
حدد متى ترتفع الحرارة يعني اذا أسرعة او اذا وقفة او ابطيت تمشي على السيارة او اذا شغلة المكيف
الحيران421
02/03/2013, 02:21 AM
اخوي انا كان عندي نفس المشكلة كانت السيارة فجأة تحتر واذا شيكة علي موية الأديتر لقيتة ناقص مع العلم اني مااشوف فية موية تهرب لكن بعد الفحص والتدقيق صار فية تبخير في الأديتر وغيرتة وزبط
الرجل الذي كو
17/11/2015, 01:59 AM
كنت اتمنى لو تابعت عندي نفس المشكلة والله مية في المية في النافارا