المساعد الشخصي الرقمي

مشاهدة النسخة كاملة : دعسة الهايلوكس تتأخر


أب رحي
28/02/2013, 11:46 AM
السلام عليكم ورحمة الله وبركاته


اعضاء وزوار المنتدى الاكثر من رائع أسعد الله أوقاتكم...

ياأخوان كما هو موضح بالإعلان عند صاحبي هايلوكس موديل2010 قير عايدي
مشكلته بدعسة البنزين يوم يسوق السياره ويدعس دعسة البنزين يدعس بس ردة الفعل متأخره
يعني وقت دعسته على دعسة البنزين مو متناسق مع عداد الضغط يعني فيه تأخير
يعني مايرتفع عداد الضعط مع دعسة البنزين...

مع إن سيارتي هايلوكس 2009 بس الحمدلله مافيه هذا التأخير...
مع العلم إن المكينة 2700 لكل السيارتين...

لذلك ياأخوان اللي عنده خلفيه عن الموضوع او صادف وسار معه نفس الشي يفيدني ماعليكم امر.
أبو سليمان...
28/02/2013, 12:12 PM
وعليكم السلام ورحمة الله وبركاته

أخي أضمن لك ان المشكلة من فلتر الهوا غيره وبيضبط معك ان شاء الله

وعليك بالاصلي وقيمته 100 ريال
رفيع المقام
28/02/2013, 12:29 PM
وعليكم السلام ورحمة الله وبركاته


وأسعد الله أوقاتكم بكل خير .

بالنسبه للمشكله خل خويك ينظف الثروتل بدي ببخاخ كربوريتر وبيضبط معه بإذن الله .
أب رحي
28/02/2013, 12:34 PM
وعليكم السلام ورحمة الله وبركاته

أخي أضمن لك ان المشكلة من فلتر الهوا غيره وبيضبط معك ان شاء الله

وعليك بالاصلي وقيمته 100 ريال

يعطيك العافيه يالغالي على ردك السريع...
سارت معك المشكله من قبل؟
أب رحي
28/02/2013, 12:36 PM
وعليكم السلام ورحمة الله وبركاته


وأسعد الله أوقاتكم بكل خير .

بالنسبه للمشكله خل خويك ينظف الثروتل بدي ببخاخ كربوريتر وبيضبط معه بإذن الله .

يعطيك العافيه يالغالي على ردك السريع...
تقدر تفيدني بصور لو سمحت صور للشي اللي ذكرت أسمه.
ابونبيل
28/02/2013, 12:48 PM
تاخير الاستجابه غالباً سببه فلتر الهواء او فلته البنزين
أب رحي
28/02/2013, 01:03 PM
تاخير الاستجابه غالباً سببه فلتر الهواء او فلته البنزين
يعطيك العافيه يا أخوي على مشاركتك...
وبإذن الله سوف يتم التأكد من فلتر الهواء في القريب العاجل...
عندك توقعات آخرى؟
الحيسوني-
28/02/2013, 01:21 PM
لحضتها بكذا هايلكس عندنا يورالي انها اكثر ما تتأخر والسيارة بالفاضي واضح التأخير لأكن والله مادري وش السبب
أب رحي
28/02/2013, 01:23 PM
لحضتها بكذا هايلكس عندنا يورالي انها اكثر ما تتأخر والسيارة بالفاضي واضح التأخير لأكن والله مادري وش السبب

أشكرك يالغالي على مشاركتك في الموضوع...
انا شفت ردود الأخوان شوفها انت بعد وإن شاء الله تستفيد منها...
رفيع المقام
28/02/2013, 01:33 PM
يعطيك العافيه يالغالي على ردك السريع...
تقدر تفيدني بصور لو سمحت صور للشي اللي ذكرت أسمه.

أخي العزيز
الثروتل بدي او الخانق اذا كان مليان كربون يسبب تأخير في الدعسه


شف هالرابط

http://www.youtube.com/watch?v=EXQrJOCO8zw&feature=youtube_gdata_player
أب رحي
28/02/2013, 01:48 PM
أخي العزيز
الثروتل بدي او الخانق اذا كان مليان كربون يسبب تأخير في الدعسه


شف هالرابط

http://www.youtube.com/watch?v=EXQrJOCO8zw&feature=youtube_gdata_player

أشكرك يالغالي على مجهودك...
بيض الله وجهك.
مركز حراره
28/02/2013, 02:12 PM
هاذي مشكلت الدعسه الكهرب نظف اللاهات حقت الدعسه ممكن تتحسن
أب رحي
28/02/2013, 02:21 PM
هاذي مشكلت الدعسه الكهرب نظف اللاهات حقت الدعسه ممكن تتحسن

أشكرك على المشاركه يالطيب....
بس يالطيب ممكن تقولي وشهي اللاهات....
لأني ماعندي خبره بهذي الاشياء.
قاهر البدن
28/02/2013, 02:29 PM
الدعسه كهرباء لاتستغربها
أب رحي
28/02/2013, 02:40 PM
الدعسه كهرباء لاتستغربها

يعني ياأخوي قاهر تقصد إن الخلل من الدعسه نفسها؟؟
طيب في مواتر الشباب هايلوكسات وموديلات اقدم وموديلات أجدد بس مافيهم هذا الشي....
يعني أضن الخلل مو من الدعسه الكهرباء أضن فيه خلل ولازم يتصلح....
وإن شاء الله يفيدونا أهل الخبره.
أبو سليمان...
01/03/2013, 01:33 PM
أخي المشكلة قد حصلت معي وجننتني نظفت الثروتل و سويت كلش بالأخير طلع من الفلتر الهوا
ls1.5700
01/03/2013, 07:55 PM
اخوي اسمع كلام الاخوان كلهم يقولون نظف الثروتل والفلتر
ماتحتاج منك مجهود او خساير
انا اشرح لك الثروتل او اللي يقولون عليه بعض الشباب الهاه
شوف وانا اخوك
الهاه هي اللي راكب فيها خرطوش هوى يبدا فيها وينتهي في الشوته اللي فيها الفلتر
انت فكها من ناحية الهاه فيها قفيز فكه بسكروب
وطلع الخرطوش اللي راكب فيها
وانتبه وانتبه لاتفك اي شي قبل ماتفك اصبع البطاريه السالب فقط فقط
وبعدين فك على راحتك
طريقة تنظيف الهاه
اشتر بخاخ مكتوب عليه اسي ديلكو تحصله عند محلات البنشر قيمته 15 ريال
المهم بخ على الهاه ونظفها بخرقه او فاين حتى تلق لق
تنظيف الفلتر فكه ووديه للبنشري وانفخه بمسدس الهوى حتي يطلع الغبار اللي فيه
وبكذا انتهيت من الشغل واصبر حتى تنشف وبعدها ركب الخرطوش وشده مضبوط
وركب الصبع
وشغل ولا تخاف ترى يبي يرتفع معك عداد الضغط يكون معلق شوي
بس ماعليك منه يرجع طبيعي بعد يوم او اقل
-------------------------
بقولك شي خارج موضوع التنظيف
انا اذكر اكثر السيارات الحديثه اللي تجي الدعسه كهربائيه كلها نفس الشي
تتخر شوي ماهي مثل اللي تجي واير ابنص يعني الهاه عايديه ماهي كهربائيه
تاكد قبل تفك اي شي
وبالتوفيق
أب رحي
03/03/2013, 09:06 AM
أخي المشكلة قد حصلت معي وجننتني نظفت الثروتل و سويت كلش بالأخير طلع من الفلتر الهوا

يعطيك العافيه يالغالي على مرروك...
يعني الحين نروح ننضف الثروتل ونبدل الكلتش؟ او نغير ميزانيته؟
وبخصوص فلتر الهوا رحنا وتأكدنا منه نضيف وجديد مافيه اي عيب.
أب رحي
03/03/2013, 09:12 AM
اخوي اسمع كلام الاخوان كلهم يقولون نظف الثروتل والفلتر
ماتحتاج منك مجهود او خساير
انا اشرح لك الثروتل او اللي يقولون عليه بعض الشباب الهاه
شوف وانا اخوك
الهاه هي اللي راكب فيها خرطوش هوى يبدا فيها وينتهي في الشوته اللي فيها الفلتر
انت فكها من ناحية الهاه فيها قفيز فكه بسكروب
وطلع الخرطوش اللي راكب فيها
وانتبه وانتبه لاتفك اي شي قبل ماتفك اصبع البطاريه السالب فقط فقط
وبعدين فك على راحتك
طريقة تنظيف الهاه
اشتر بخاخ مكتوب عليه اسي ديلكو تحصله عند محلات البنشر قيمته 15 ريال
المهم بخ على الهاه ونظفها بخرقه او فاين حتى تلق لق
تنظيف الفلتر فكه ووديه للبنشري وانفخه بمسدس الهوى حتي يطلع الغبار اللي فيه
وبكذا انتهيت من الشغل واصبر حتى تنشف وبعدها ركب الخرطوش وشده مضبوط
وركب الصبع
وشغل ولا تخاف ترى يبي يرتفع معك عداد الضغط يكون معلق شوي
بس ماعليك منه يرجع طبيعي بعد يوم او اقل
-------------------------
بقولك شي خارج موضوع التنظيف
انا اذكر اكثر السيارات الحديثه اللي تجي الدعسه كهربائيه كلها نفس الشي
تتخر شوي ماهي مثل اللي تجي واير ابنص يعني الهاه عايديه ماهي كهربائيه
تاكد قبل تفك اي شي
وبالتوفيق

مشكور يالغالي على مجهودك وأشكرك على المعلومات الحلوه....
الثروتل للحين ماسوينا فيه شي بس الفلتر رحنا وتأكدنا منه نضيف مافيه اي وسخ
وتراه جديد موب قديم....
بس الحين بنشوف الثروتل وبيني وبينك الرجال حيران ينضفه بنفسه ولا يوديه لورشه او بنشري.
أب رحي
10/03/2013, 08:25 AM
السلام عليكم ورحمة الله وبركاته


أبشركم ياأخوان ودينا السياره ورشه وكشف عليها المسؤول هناك....
وقال هذا شي عادي في الموديلين 2008 و 2009....
وأشكر كل من مر وعلق على الموضوع....
وأتمنى إذا في أحد عنده إضافه او زياده على الكلام اللي قاله المسؤول يضيفها....
جزاكم الله خير.
أب رحي
14/04/2013, 09:38 AM
السلام عليكم ورحمة الله وبركاته


أبشركم ياأخوان ودينا السياره ورشه وكشف عليها المسؤول هناك....
وقال هذا شي عادي في الموديلين 2008 و 2009....
وأشكر كل من مر وعلق على الموضوع....
وأتمنى إذا في أحد عنده إضافه او زياده على الكلام اللي قاله المسؤول يضيفها....
جزاكم الله خير.

أضن إن المسؤل اللي قال هذا شي عايدي مايعرف وش السالفه
او كان عنده ضغط عمل وقالي كذا عشان يمشيني بس هذا والله أعلم ....
بس اللي ابي اقوله لكم إن السالفه مصخت والله طفشنا من الموتر
كل مره نسكره ونخليه ثلاث اربع ساعات بس يبرد ونرجع نشغله
يجي التأخير اللي قلت لكم عليه في بداية الموضوع.....
وللحين والله ماحصلنا حل والشباب خويانا كل واحد يقول كلام اللي يقول الفلتر
واللي يقول شيل دبة البيئه والي يقول الشكمان مسدود وواحد يقول من الفلتر .....
مدري والله احترنا مع هالموتر....
إن كان فيه أحد سارت معه نفس المشكلة وطولت وحصل لها حل ياليت يقوله لنا لو سمحتو.
انا والطيب اخ
14/04/2013, 12:15 PM
اخي العزيز لديك حاجتين لابد تغيرها وماراح تندم واذا مانحلت مشكلتك راح تحصل فرق بالسيارة لكن باذن الله بتنحل .
اولا غير فلتر الهواء اصلي مايتجاوز 100 ريال ولا تاخذ الي عند محلات البنشر لانة ماهوب تويوتا الاصلي
ثانياً نظف الثرتول ( اللهاه ) والشرح بالتفصيل على الرابط التالي جزاة الله خير الي سوا هالعمل ممتاز وشرحة وافي ومايكلف http://www.toyota4arab.com/forum/t196187.html

كل هالشغلتين مجربة وماتكلفك تقريباً 115 ريال .
ابوخليل200
14/04/2013, 02:03 PM
السﻻم عليكم
ان شاءالله المشكله بسيطه جدا

نظف مدخل الهواء اللهات ونظف الفلتر
أب رحي
15/04/2013, 10:28 AM
اخي العزيز لديك حاجتين لابد تغيرها وماراح تندم واذا مانحلت مشكلتك راح تحصل فرق بالسيارة لكن باذن الله بتنحل .
اولا غير فلتر الهواء اصلي مايتجاوز 100 ريال ولا تاخذ الي عند محلات البنشر لانة ماهوب تويوتا الاصلي
ثانياً نظف الثرتول ( اللهاه ) والشرح بالتفصيل على الرابط التالي جزاة الله خير الي سوا هالعمل ممتاز وشرحة وافي ومايكلف http://www.toyota4arab.com/forum/t196187.html

كل هالشغلتين مجربة وماتكلفك تقريباً 115 ريال .

أشكرك يالغالي على مرورك وعلى الشرح المصور....
لأني ماكنت عارف وش هو الثروتل والحين الحمدلله عرفته بفضل من الله ثم من الأخ ابو سليمان
ومنك إنت...

يعطيك العافيه.
أب رحي
15/04/2013, 10:29 AM
السﻻم عليكم
ان شاءالله المشكله بسيطه جدا

نظف مدخل الهواء اللهات ونظف الفلتر

وعليكم السلام ورحمة الله وبركاته
مشكور على مرورك وإن شاء الله هذا اللي بيصير
واول ماأخلص من التنضيف بعطيكم خبر بالنتيجه.