غرزت انا والعائلة ..

[bzlol]

كنت طالع في رحلة بريه ماهي بعيدة عن المدينة لكنها ارض مملوكة وكبيرة جدا ولها طريق وحيد بين الجبال انا الوحيد اللي طحت عليه المهم اللي ابي اقوله ان المنطقة ذي نادر جدا احد يجيها ..
وبعد الفله وسعة الصدر كان فيه طعوس صغيره منتشرة في المكان قلت في نفسي يا ولد خلني اجرب الموتر في الغراز (فورتشنر دبل تماتيك) قلت خلني اغرز به وهو راقي النفود الصغير يعني الموتر طالع وكانت الشغله كلها غير موفقه ابدا لاسباب منها ما
1-ما معي احد الا المدام ما تقدر تسوي شي
2- الموتر ماني خبير فيه خاصة في الغراز
3- اختيار اصعب شي في الغراز وهو الموتر طالع
4- الموتر تماتيك واربعة سرندل يعني العزم لك عليه
5- الوقت كارثي قبل مغيب الشمس تقريبا بثلث ساعه :eek:
المهم رقيت النفود ووقفت في النص لاني لو بتلت ماشي بيرقى الطعس بالراحه لكن قلت خلني اوقف اختبر الموتر وقفت وحطيت الدبل في LL ودعست خفيف ورج الموتر رجة قوية وفجاه تجمد مكانه لا يمشي لا ورى ولا قدام ونزلت واشوف الكفرة الخلفية يسار تلعب في الهوا تدور بوش وبدا الشغل التقليدي قدم وخر احفر حط حصا تحت الكفر ما نفع ابدا الكفرة تدور مكانها والموتر خلاص تعلق والوقت كان يداهمني :eek: قلت يا ولد خلني افكر كيف افك تعليقة الكفرة نسيت اقول لكم اني حفرت عن جميع الكفرات الا الكفرة اللي ورى المقابلة على اليمين كانت ماهي مغرز ابدا وهذا اللي خلاني استبعدها من الحفر نهائيا المهم نزلت راسي تحت السيارة وطالعت الكفرات اللي ورى وفجاه عرفت وين السبب لو حفرت عن الكفرة اللي ورى يمين الموتر راح يستعيد توازنه وتنزل الكفرات على مستوى واحد وفعلا كان التفكير سليم وصحيح مئة في المئة حفرت حفر بسيط عن الكفرة اللي ورى يمين لين حسيتها بتنزل وركبت الموتر ورويست بكل سهولة طلع الموتر مباشرة وكانه ماهو مغرز كانه على اسفلت :confused:

الموضوع ماهو سواليف اتمناها فائدة للجميع ولاخذ الحيطة والحذر خص نص لا صار معك عائلة وشكرا لكم

[فارس الديار1]

الحمد لله على السلامة

[جزر العرب]

الحمدلله على السلامه

ياكثر اللي يسوون مثلك

قد حصلت عايله مغرزه في نفود ماحولهم احد
الرجال المغرز ماكود يشوف موتر ويشرلي واجيه
واسحبه ويقول تو شاري الجيب ولا اعرفله حتى الدبل
وكان الوقت مع غروب الشمس

[ابو فارس12]

نصائح لكل شخص يبي يطلع بالعائلة :

1 اطلع في مكان قريب من مدينتك.
2 يكون المحل فيه ارسال للجوال.
3 حاول ترجع للديرة قبل غروب الشمس بوقت كاف (( اذا انتم سيارة وحدة)).
4 يكون حولك عوائل في نفس المكان.
5 لاتغامر ابدا كالتطعيس والسرعة الزائدة وقطع الاودية والشعاب.
6 اذا رأيت حولك أي حادث- لاقدر الله-لاتتجمهر انت وعائلتك في المكان
7 يكون معاك شي للدفاع عن النفس

تحياتي

[يكفيني نظرة]

الحمدلله على السلامه ..
التغريز العادي وليس التعليقه علاجة تنسم الهواء وان شاء الله تمشي السيارة ولكن تحاول تطليعها بهدوء.

[صفحة تربوية]

قطعت النفود الكبير من الجوف لحائل قبل الطريق السريع
على سيارة جيب شاصي 86 ذلك الوقت

وكأني ماشي على اسفلت

عراك وصراع شديد مع الرمال طيلة يوم كامل

ووصلنا ولله الحمد

النفود تبي عرف طرق واختيار اماكن للصعود والنزول

مو مراقى بزارين وتطعيس

[GMC 111]

نصائح لكل شخص يبي يطلع بالعائلة :

1 اطلع في مكان قريب من مدينتك.
2 يكون المحل فيه ارسال للجوال.
3 حاول ترجع للديرة قبل غروب الشمس بوقت كاف (( اذا انتم سيارة وحدة)).
4 يكون حولك عوائل في نفس المكان.
5 لاتغامر ابدا كالتطعيس والسرعة الزائدة وقطع الاودية والشعاب.
6 اذا رأيت حولك أي حادث- لاقدر الله-لاتتجمهر انت وعائلتك في المكان
7 يكون معاك شي للدفاع عن النفس

تحياتي

كلام سليم :good2:

[قرم التميمي]

حمد الله على السلامه وعدة على خير سهالات

[shmaali]

حمدلله على السلامه

وسالفتك ماهي تغريز هذا التراكشن الملعون شبك معك
هو الي يسوي كذا وأحسن حل انك تطفيه إذا له زر عندك او تشيل فيوزه اذا طلعت للبر

[ابوخالد2004]

[QUOTE=صفحة تربوية;9242975]قطعت النفود الكبير من الجوف لحائل قبل الطريق السريع
على سيارة جيب شاصي 86 ذلك الوقت

وكأني ماشي على اسفلت

عراك وصراع شديد مع الرمال طيلة يوم كامل

ووصلنا ولله الحمد

النفود تبي عرف طرق واختيار اماكن للصعود والنزول

مو مراقى بزارين وتطعيس [/QUO

الله يهديك كنك قسيت على الرجال

[الزامل الاول]

الحمد لله على السلامه

[الهرفي]

الحمد لله على السلامه

ولا تكررها

[عيد ثاني]

الحمد لله على سلامتك وسلامة العائله ..

[NissaN 1990]

ماقصرو الأخوان كفو ووفو بس عندي اضافه بسيطه وهي انك تشتري لك ماطور هواء قوي وومتاز وعيار هواء للكفرات اصلي وحاول انك تنسم الكفر على 15 حتى لو أنت عند الزفلت اريح لمكينة موترك وبديه وداخليته ماتتفكك ويعطي اداء ممتاز حتى لو السياره بدون دبل وعزمها ميت
ونصيحه حاول تكثر من الطلعات لحالك عشان تتعود على السياره وسواقتها بالبر وتصير محترف و إن شاء الله ماتشوف مكروه

[فتى الرفيعه]

الحمد لله على السلامه
وين موقعك هذا

[راعي المطافيل]

الي يكون معه عائله دائماااااااااااااا يجب عليه الا يتهور ويغاااااااااااااااااامررررررررررررر مهما كان

[صقر الكرادشة]

الحمدلله على السلامة وبصراحة مغامرة فيها نوع من التهور للاسباب الي ذكرتها

[بن الزايد]

اسلام شيء انك اذا وقف الحال ما فيه بيدك شيء واليل سرى
انك تكسر الشكمان لين يطلع صوت قوي يفزع الناس اذا احدا حولك
يفزعلك وتنبهم انك في محنه ما تقدر تطلع منها

[Abu Sadeem]

الحمدالله على السلامه ،
والواحد ينتبه من التهور، اتوقع المدام اغسلة شراعك غسل ههههههههههههههههههههههههههههه

[أبوعبدالعزيز11]

الحمدلله على السلامة

[East]

الحمد لله على السلامه

لاتغامر وانا اخوك اذا صار معك عائلة

[أبودغيم]

اولا حمدلله على سلامتك

ومرة ثانية لا تتفلسف وتجي بنص الرمال وتقول بجرب الموتر هههههههه

الله يحفظكم

[رشيد4]

اذا نزلت البر خل وضع الموتر في SANDاي رمل وتوكل علي الله عندي نيسان 2011 وغرز حوالت اني اطلع الموتر مافيه فايده وكان في وضع ONE ROADافصل مانع الانزلق مافيه فايده اخر شي حطيت SAND وطلعت السيارة افصل مانع الانزلق علي طول في البر وخل الموتر علي وضعSANDياهل النياسين SE/LE

[AHMED989]

الحمد لله على السلامة

وخذ الحيطة والحذر المرة الجاية .

[salharbi5]

الحمدلله على السلامة

اهم شي انك عرفت معلومه تفيدك في المستقبل

[بندر بن هاشم]

الحمدلله على السلامة

[ابو صالح 871]

الحمد لله على السلامه

[هاوي الارقط]

الخبرة تلعب دورها بعد توفيق الله

[اااالرااااكد]

الحمد لله على السلامه

[سـهم الجزيرة]

الحمدلله على سلامتكم
غامرت الله يهديك ومعك اهلك

والحمدلله ان الله يسرها

[ALBDRANE]

هذي فايدة ميزة الدفلك في الدفع الرباعي .لو كان عندك هالميزة ما يحتاج تنزل من سيارتك

[النهايد]

يعطيك العافيه

وشكرا لك

[ابوغزاي]

اسلام شيء انك اذا وقف الحال ما فيه بيدك شيء واليل سرى
انك تكسر الشكمان لين يطلع صوت قوي يفزع الناس اذا احدا حولك
يفزعلك وتنبهم انك في محنه ما تقدر تطلع منها

وحتى الذيب لاسمع صوت الشكمان يخاف ولاياكلك:mad::(

[حجازي20]

كان صاحب الموضوع سحب علينا وبعدين المكان اللي انت رايح له كنك بخلان فيه منت معلم عنه

[مراقب الغيوم]

الرياض - واس

عثرت الطائرات التابعة للقيادة العامة لطيران الأمن بوزارة الداخلية على جثتي مواطن خليجي وزوجته توفيا عطشاً في صحراء الربع الخالي إثر حادث انقلاب تعرضت له سيارتهما. وقال المتحدث الإعلامي للقيادة العامة لطيران الأمن بوزارة الداخلية الرائد بندر الثقيل: إنه ورد بلاغ لمركز عمليات طيران الأمن عن وجود مفقوديْن من مواطني دول مجلس التعاون الخليجي من الجنسية القطرية؛ وعلى الفور تم التحرك للبحث عنهما بواسطة الطائرات، وبعد بحث متواصل عثر على السيارة وبداخلها الزوجة وحدها وهي متوفاة، وبتوسيع مجال البحث أكثر وتكثيفه في دائرة قطرها عشرة كيلو مترات من مكان السيارة عثر على الزوج متوفى، وتم انتشال جثتيهما ونقلهما إلى مطار الأحساء الإقليمي حسب طلب ذويهما. وهذه جثته رحمه الله على الكثبان الرملية

http://s.alriyadh.com/2013/06/22/img/241086076694.jpg

[مطر وسم]

اول شي الحمدالله على سلامتكم

وثاني شي نصيحة لكل واحد اللي معه عائله لا يخاطر يطلع للبرويطاعس ويسوي نفسه حريف بمكان صاد عن الناس ترى مو كل مره تسلم الجره

الله لا يريكم مكروه

تحياتي للجميع

[مكشاتي 33]

الحمد لله ع السلامة

[أبوعقيل81]

الحمدلله على السلامة .

بصراحة كثير ودي اروح البران مع الاهل لكن ما عندي احد يجي معنا , كل الي حولي يحبون الزفلت .

واخاف اطلع لسببين الاول: معهم يصير لي موقفك هذا , الثاني موضوع الدفاع عن النفس .