(بالصور) ورم في ديد الناقة ... ننتظر شوركم يالطيبين

[عقيعقب]

السلام عليكم ورحمة الله وبركاته

يالطيبين عندنا ناقة شرينها قبل سنتين وفي مواخر ديدها ورم
وماعالجناها ... وهالحين صار ديدها مثل ماتشوفون بالصور

اللي عنده حل أو له خبرة ياليت يفيدنا باللي يعرف عن علاجها ،، والله لا يحرمكم الأجر .



http://i1163.photobucket.com/albums/q560/mmmmlmmmm/07f991cd4e0e0e702a78a14761920ba3_zps0f776c32.jpg


http://i1163.photobucket.com/albums/q560/mmmmlmmmm/b2e5b4740496e4aa548a43d5cc438c88_zps10486a57.jpg


http://i1163.photobucket.com/albums/q560/mmmmlmmmm/b21c7955f9fe426a0692c326d7a1f267_zpsf561a734.jpg

[نديم الغرباء]

ادهن ديسها بمويا بارد وفك الناقه وخلها تتطلق وعقلها وحط لها الشماله من الصبح لل المغرب

[عقيعقب]

تسلم على مرورك أخي نديم
والناقة من سنتين مادخلت الشبوك

وليت أحد يعرف لها علاج ،،

[منعش ابن راقد]

عطها العصار حق الديوس تحصله عند البيطري

[الوباله]

فيه دهان عند البيطري ادهنها فيه
وغسلها بماء بارد ونظفه من الحليب باليوم ثلاث مرات
واذا ما فاد خذ لها ابره من البيطري

[راع الريمة]

هذا من الحليب طال عمرك...والحوار مايرضعه....

يعني يبيلك كل شوي تحلبه

[ابوفارس 2005]

حرااام عليك جب لها طبيب بيطري يشوفها ويعطيك علاج لاتهملها الله يرحم والديك ....

[الارطل]

الرجال يقول لها سنتين وتقولون ماء بارد
العلم عند الله والشافي الله
انا اقول اذا الورم يزيد ولا ينقص ويبقى الديس وارم والناقه حايل او عشره على مر السنتين هذا ما هو من الحليب هذا ورم سرطاني ويجب استئصاله
انا عندي ناقه فيها ورم باليد مقارب لشكل هذا الورم
وكنت متصور انه خراج اكرمكم الله وبعد انفجاره كان الخارج منه دود ودم وعمدت على احظار البيطري وقال لازم استئصال هذا سرطان ولا فاد الناقه موجوده والموضوع وصل الى اني افكر اذكيها

[الذئب الرمادي]

جب لها بيطري جزاك الله خير

[ابو نيه نقيه]

هذي تحتاج علاج وتحتاج دكتور يشوفها اما ماء بارد وماشابه ماظنيت يفيد الان بلغ السيل الزبى واعتقد مافيه طريقه الا انك تستأصله والعلم عند الله ولكن هي في ذمتك مالها غير الله ثم انت لاتهملها ولابد انك تشوف لها طبيب شاطر وحاذق ماهو اي طبيب ولا ذكها وريح بالك كان الله في عونها وعونك والسلام عليكم

[عقيعقب]

الله يجزاكم خير جميعاً

سبب عدم إحضار بيطري هو بعد المسافة
وبالعادة مايطلعون ..

أضف لذلك أني أكثر أهل الحلال بالمنتدى أفهم من البياطرة اللي غالبهم مجرد بياع دواء دون خبرة

أشكركم جميعاً وسوف نبحث عن علاج عسى الله أن يكتب لها الشفاء

[ابو نيه نقيه]

خذ هذا الرابط يفيدك

http://www.mekshat.com/vb/showthread.php?t=562503

[كايد]

وش كان علفها .....!!!؟؟
دايم البرسيم يسبب الوريم .

[تربة الشمال]

خلاص ديدهاء عاب معد ينفع العلاج ولا الكوي يعني صارت عيوب لا تتعب نفسك مره اسئل مجرب

[ملاعب الطير]

الماء البارد يكون مع اول ماتلاحظ النفخ
يعني خلال ساعت فقط
والماء الدافي والملح والديتول والحلب والخ-- بعد اربعه وعشرين ساعه من النفخ
اما سنتين!!!!!!!!!!!!
الحل عمليه جراحيه>>>استأصال
مافي حل ثاني>>> ترا اذا اهملتها يصير غدد سراطانيه

انتهاء

[ملاعب الطير]

سؤال بسيط
اذا مسكت ديس الناقه؟
يكون متحجر ولا اسفنجي؟
اذا متحجر>>> عجل استاصله!!!
اذا اسفنجي وكنه لحم او شحم!!!
تراه مايظر