المساعد الشخصي الرقمي

مشاهدة النسخة كاملة : خيمة القاضي أو الصباحية


درب الاحزان
10/09/2006, 12:16 PM
السلام عليكم

لو سمحتم شباب
أنا بغيت أشتري خيمة 5*7 و أبي شغل عدل ومحتار بين خيمة القاضي أو الصباحية
فيا ليت تذكرون وين الافضل مع ايجابيات وسلبيات كل وحدة مع ذكر الاسعار جزاكم الله خير
ولا تتأخرون علي بالرد وشكرا
ALHAWY1
10/09/2006, 01:05 PM
وعليكم السلام
يا اخي خيمة القاضي ما عندي فكره عنها اما الصباحيه اذا كنت تقصد خيام الصباح المشهوره عندنا نالكويت فهذه الخيام بصراحه لايعلي عليها سواء في مبناها وتحملها للهواء والامطار ودفئها في البرد الشديد ولكن عيبها الوحيد انها ثقيلة الوزن اما عن الاسعار راح اسأل عنها واعطيك خبر الليله انشاء الله واذا كنت ترغب في السؤال عن مقاسات اخري بلغني والساعه المباركه
مع شكري للجميع
ضاري خان
10/09/2006, 04:36 PM
وعليك السلام ورحمه الله وبركاته

اخوي درب الاحزان اي مقارنه بين خيام الصباحيه الكويتيه والخيام الموجوده عندنا بالسعوديه
تصب في مصلحه الخيام الصباحيه ماعدا الاسعار والوزن
( مقارنه الخيام الصباحيه وخيام القاضي = مقارنه خيام القاضي بالخيام الباكستانيه )
كما ذكر اخي الهاوي بعض المميزات واذكر اخرى
عدم تغير ريحه الخيمه بعد الامطار لا تتعفن اوتقطن
سهوله تركيبها المقاسات وحبال الربط
لاتتاثر بالسنين ( مخيمين بخيمتين ام عمودين واحده صباحيه عمرها 15 سنه والثانيه قاضي عمرها سنتين كل من شافها قال الصباحيه اجد )
اخوي الهاوي عندي استفسار
الخيام الصباحيه القديمه ( قبل الغزو ) كانت اخف وزن بكثير من الحاليه مع احتفاضها بالمميزات المذكوره
1- هل فيه امكانيه ايجاد خيمه منها
2- سمعت بوجود خيام الصباحيه واخرى خيام شركه الصباح هل هي نفسها او يوجد مصنعين
وتقبلو تحياتي
الدهماني
10/09/2006, 04:50 PM
بالنسبة للخيام الصباحية فهي كما أعتقد المقصود بها خياب الصباح وقديما يقولون عنها خيام صباحية إلى أن قامت شركة أخرى بإسم الصباحية
والأصلية اللي عليها العلم هي خيام الصباح وهي غالية لكن خذ خيمة دفا ونصبة صح وثابته وكد ومد وما تعرف الخرير
ALHAWY1
10/09/2006, 05:33 PM
اخوي ضاري خان
الخيام المعروفه هي خيام الصباح وهي تصنع في الكويت وبدرجة اتقان عاليه جدا اما الخيام الصباحيه فهي شركه تستورد خيامها من باكستان وهي تختلف عن الخيام التي نتحدث عنها
اما عن الخيام القديمه فسوف اسال عنها الشركه وكذلك عن الاسعار مثل ما وعدت اخوي درب الاحزان
مع شكري للجميع
مهاجر11
10/09/2006, 05:46 PM
والله انا جربت خيام القاضي ولا احسن منها
ALHAWY1
10/09/2006, 07:17 PM
السلام عليكم
اخي درب الاحزان اسعار الخيام كالتالي
6×4=235دينار 6×5=260دينار 7×4.5=275دينار 8×5=310 دينار كلها عمودين
3×3=125 دينار 4×4=175 دينار 5×5=210دينار 5.5×5.5=250دينار 6×6=285دينار كلها عمود واحد
خيام الشراع كالتالي
5×3=185دينار 6×4=230دينار 8×4=275دينار 9×5=330دينار
اخي ضاري خان
لايوجد لديهم الخيام القديمه اللي سألت عنها لكن عندهم امكانية تفصيل طلبات خاصه
وهذا هو رقم هاتفهم 009654736234 او009654745449
مع شكري للجميع
ضاري خان
11/09/2006, 08:40 AM
السلام عليكم ورحمه الله وبركانه

اخوي الدهماني شكراً لك على التوضيح تشابه الاسماء يسبب التماس عند المستهلك


اخوي الهاوي الله يبيض وجهك ومشكور ولا قصرت على المعلومات القيمه والاسعار
صحيح الزين غالي واتمنى يفتحون فروع عندنا او مسوقين للخيام ونفتك من المشوار
اتذكر ان عليها جمارك بالحدود وهي منتج خليجي !! ومن شرى ذيك الايام خيمه فكها وعفسها
علشان يقول مستعمله ويفكونه من الجمرك ( واحد ما يغشش ) خبرك غاليه وبعد تتجمرك


اخوي المهاجر فعلن خيام القاضي افضل او من افضل الخيام الموجوده عندنا وهي ممتازه بلا شك
بس لا تقارن بخيام الصباح وش جاب كتكات لغندور (كلن يذكر ما واجه)

وتقبلو تحياتي
ALHAWY1
11/09/2006, 01:08 PM
السلام عليكم
الساعه المباركه ياخوي ضاري اما بالنسبه للجمرك فكلامك صحيح بالرغم انها منتج محلي والله شئ غريب
اما عن المشوار تراني مستعد اوفر عليك المشوار وحاضرين للطيبين
مع شكري للجميع
بن فيصل
11/09/2006, 06:32 PM
شكرا لصاحب الموضوع

الهاوي الللللللللللللللللللللللللله يكثر من امثالك والله انك رجالٍ نشمي
ضاري خان
13/09/2006, 08:46 AM
السلام عليكم ورحمه الله وبركاته

اشكرك اخوي الهاوي على المبادره الطيبه الكريمه والله يبيض وجهك ويكثر من امثالك

اخوي درب الاحزان فقدناك وتعدينا على موضوعك اتمنى تكون بصحه وسلامه

اخوي بن فيصل لي عتب عليك باستخدامك لغه الشات لكتابه اسم الجلاله

وتقبلو تحياتي
سفيان
15/09/2006, 02:15 AM
في خيام قطر يمدحونها وانا مشفتها بصراحه
الدهماني
16/09/2006, 10:07 AM
بالنسبة للجمارك
فقط شيل الغطا حقها والرباط اللي حولها سواء كان سيم أو حبل

وما تتجمرك
khalaa2u
19/09/2006, 01:17 AM
السلام عليكم
كيف حال الشباب والله المقارنه صعبه خيام القاضي بالنسبه لخيام الصباح ماتجي حتى 20 بالميه يعني مثل الهايلكس والدير بعدين الصباحيه هي نسبه لمالك المصنع وهو احد افراد الاسره الحاكمه بالكويت والمصنع اسمه الصباح بمنطقة الشويخ قريب جدا من سوق الجمعه اما الصباحيه التقليد فهي بنفس المنطقه وسماه مالكه بهااسم لان العالم قامو يسمون خيام مصنع الصباح بالصباحيه وهو حب يستغل النقطه هذي
اما بالنسبه للاسعار فالصباح اسعاره مناسبه جدا انا السنه اللي فاتت شاري 10*5 ب 7000بينما القاضي ب 10500 والجوده والله مابعد شفت مثل خيام الصباح ويشهد علي الله والوانه من داخل غايه في الروعه والاصاله فهي كانك في الخيام القديمه خاصه اللي داخل اصفر وبحيل الله صعب جدا انها تخر بل من المستحيل عكس القاضي انا خيامي12 ماشاء الله 10 من الصبح و 2 من القاضي وهديه بعد ولاانا مااشتري غير الصباح وبالنسبه للتحمل انا السنه اللي راحت ناصب ال 10*5 بطريقه اني ظارب طنب ومخلي طنب والحمد لله 3 شهور مبنيه لاخرت ولا تشققت
اسف عالاطاله
اخوكم الخالدي من الشرقيه
الرماي
27/09/2006, 03:26 AM
السلام عليكم

اشهد الله ان الشباب كفوا ووفوا في هذا الموضوع

خيام الصباح مثل ماقالوا الشباب تختلف عن خيام الصباحيه

الصباح عندنا خيمه 6×5 من قبل الغزو وهي اذا نصبتها تقول توك شاريها
بياض ونصب ودفى وتقيك بذن الله من الريح


والله لو تقط 100دينار فرق بس ترتاح
وسال اي واحد بالكويت
اذا قالك ان اخيام الصباح وليس الصباحيه في افضل منها
راح يكون الجواب لا


والسلام
khalaa2u
27/09/2006, 11:06 AM
السلام عليكم انت تقصد دبة النار و اسمها باك فير Back Fire واللي اعرفه انها تجي من برا جاهزه
المكحل/ابو
27/09/2006, 11:58 AM
ياحبيبي
عليك بخيام الصباحية اوبس
سافرة للكويت عاني على شان اجيبها من حوالي عشر سنوات
وانا حتى الاان استعملها
عساف الضاري
19/12/2006, 02:44 PM
السلام عليكم ورحمه الله وبركاته
انشهد ان الصباحيه خيمه ماتتفوت بس بس و من يخبرلي وحده جديده او نص عمر او ربع عمر كان اقول بتتعب معي يالبرد
s3ed
19/12/2006, 06:19 PM
بيض الله وجيهكم

نبغا صورة للخيمة
عساف الضاري
01/12/2008, 04:09 PM
موضوع مهم يرفع