المساعد الشخصي الرقمي

مشاهدة النسخة كاملة : استفسار يا صقارة مكشــــات


عاشق القماري1
01/03/2013, 08:12 PM
:) السلام عليكم ورحمة الله وبركاته
بس بغيت اطرح موضوع وهو طريقة تعليم الطير الركادة علا تكاية السيارة وهو مفررع ؟؟؟

ارجو من الاخوة يعلمون شلون وهل فيه طريقة معينه مافيها خطورة علا ريشه
حزم الفيضه
02/03/2013, 07:25 AM
مرحبى عاشق الطريقه سهله الحين اخر الوقت يعني لويتكسر ريش الطير ماعندك مشكله اربط الطير على التكيه وخذ برقعه وغده وعشه على التكيه وخله دايم في السياره وحول تخليه يمسي في الاموتر لين يركد وسلامتك
لبيه يمنادي
02/03/2013, 10:42 AM
مرحبا وهلا بيك اخوي الغالي .... امر تعليم الطير الركاده علي التكيه بسيط ..... المهم ان يكون عندك طولت البال والصبر ... لان الطير في بداية الامر يكون كثير المخافق والحركة .... ويفضل ان يكون في اخر الموسم .. عشان الريش والخوف من الكسر ..

سأتكلم في بعض النقاط حسب خبرتي المتواضعه .... وان شأ الله بقية الاخوان مايقصرون ......

في البدايه اخوي لازم اتركد الطير علي ايدك وادهله زين سواء في المجالس او اثناء جلوسك مع الربع ...

الخطوات ::

اولا : تآكد من ان التكيه مزوده بمربط لربط الطير ... وفيه تكيات في محلات بيع عدة الطيور مخصصه تركب بين الكراسي اللي قدام ...


ثانيا : بعد ماتعشي طيرك وتخلص وانت بعدك في المدعى واتعين من الله خير واتصلي المغرب ... حط طيرك علي التكيه وامش شوي شوي وخذ البرقع عنه لفترات متقطعه .. ويفضل ان تكون لحالك لتقلييل الحركة في السيارة ...... اذا حسيت ان الطير متملل برقعه .. واذا خذت شوي شل البرقع عنه .. لين توصل البيت .. واذا قدرت تلف فيه في المدينه يكون افضل عشان يتطمن ويهدا مع حركة الناس والسيارات ....


ثالثا : علف الطير علي التكيه شوي شوي ولا تشبعه من اول مره ..... ولو يكون في ايدك جناح حمامه تنسر منه الطير اذا شفته متملل عشان تضل عينه عندك ويدور الاكل يكون افضل .

رابعا : اذا تطمنت من هدو الطير وركاته علي التكيه وهو شبعان ... تبدا تغير البرنامج ... يعني تنسره نسير قليل في المدعى وتخلي العشاء لي وصلت البيت .. طبعا تروح البيت ويكون الطير مفرع علي التكيه ... واذا وصلت البيت تعشي الطير ..

وهاكذا تكون قد وصلت للهطف المنشود ...


ارجو ان اكون قد افتك ولو بالقليل ....

تحيااااتي لك

مع الوقت والتكرار بيهداء الطير وبيتعود علي التكيه ......
×
ابرق الحرار
02/03/2013, 03:55 PM
كلام صحيح 100%
عاشق القماري1
02/03/2013, 05:43 PM
الله يعافيكم يا اخوان وما تقصرون اخوي حزم الفيضة > ولبيه يا منادي < عز الله اسم علا مسمى تشرفنا بالمرور اخي ابرق الحرار